KOKO Coffee Roasters

Open Now

Now Closed

Weekend約左狗友一齊到紗廠玩🐶🐶我地見未食過呢間，就試一試啦🐣.有狗狗既要坐出面位置，喺counter落完單會俾部機仔你，等到響就入去攞野食🧐不過呢個做法對狗主黎講就有少少唔方便，尤其當你得一個人既話🙈就要留低狗狗自己一個.至於座位，全部凳都係文青木凳，除非狗狗好細隻，否則狗狗都坐唔到凳，同埋佢地會郁來郁去嘛🙈有車仔既話就方便d，如果放狗仔落地，乖既趴喺地下當然無問題啦，但好似我果隻會行來行去既話，d木凳其實都擺得幾逼，凳腳又係交叉式既，狗狗行得唔方便😕人行都有時會kick親腳.因為唔太餓，叫左兩個甜品食：心太軟🍫、肉桂蘋果croffle🍎🥐.✨肉桂蘋果croffle✨croffle暖暖地好鬆脆，中間仲有煮過既蘋果片、忌廉同雪糕🤤🤤對呢個配搭毫無抗拒力😈唯一缺點就係細份左少少🫣✨心太軟✨心太軟熱辣辣，搞到隔離既忌廉融好快，要快手食先得，影唔切入面既效果😆朱古力味非常濃郁，不過就覺得漿口左少少😊今次個正評係俾d食物，環境就有待改進，要做到真正pet friendly唔係咁容易架！

又貴又難食叫左兩份食物 慢煮豬同卡邦尼意粉個豬都叫正路既 但卡邦尼意粉係無味既 要自己加鹽🤡佢啲鹽樽又污污糟咁兩碟野 最好食係慢煮豬個伴碟🤡仲叫左熱long black可能30蚊唔應該要求佢大杯 不過佢真係比其他鋪細杯不過大杯定細杯都好 杯野無咖啡香 又淡 唔講以為煙灰水🫠歡迎狗狗去既餐廳啫 食物似返人食得唔得🤢同場見到有個人投訴佢蘋果汁好細杯 唔知個客有冇飲過啦 眼見都唔知有冇半杯😅比人投訴完個沖咖啡既TB就玩野比一杯滿到就瀉既 不過都好過要杯少到可憐既蘋果汁

吾知道何來的甘多既好評呢？餐廳竟然可以俾啲霉霉爛爛既薯條。食品質素欠缺誠意，都係一次貨仔罷了，下次吾會再幫襯了。不過環境幾好，坐得幾舒服。餐廳地方寬躺，光線充足。完。

Hello 大家好👋🏻！今日我嚟到位於荃灣南豐紗廠嘅「KOKO Coffee Roasters」嘆杯休閒咖啡。今次同大家分享一下佢哋呢間Coffee Shop係其中一間我最愛的咖啡店。 座位有空間感， 店員友善，食物同咖啡質素穩定。 閒時係呢度點杯咖啡放空下都好療癒架😌。美食攻略：今日同志同道合嚟到KOKO, 點咗一人一杯Dirty(我至愛嘅咖啡😍）， 另外點咗個炸磨菇， 下午茶同朋友傾下計，嘆下啡都幾寫意。我鍾意佢地個Dirty, 香濃嘅Espresso加入香滑嘅牛奶， 配合得好好。 真係唔係間間咖啡店都可以整到一杯出色好飲嘅Dirty架。炸磨菇我差不多每次嚟到都會點，炸粉唔會好厚，磨菇炸完仍然保留到水份，有一個強烈嘅對比，令口感豐富，就算唔點醬都好好食。 又過咗一個休閒愉快嘅下午🥰。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝🌚🌚賣相：🌝🌝🌝🌝🌚

難得放假，約咗朋友去南豐紗廠扮下文青。入到去就見到地下有間好大嘅 cafe，有得揀鋪入面同出面嘅位，我哋就揀咗出面嘅木枱坐低。可能因為係坐出面，所以都幾嘈，再加上呢個係寵物友善商場，不時都會聽到狗吠聲，如果想搵地方靜靜地傾吓偈，可能就唔太適合。野食方面，我哋都叫咗幾樣野：炸大啡菇芝士漢堡配薯條 $148軟殻蟹牛油果青醬米形粉 $158Latte $36Dirty $42由於我哋揀咗出面嘅木枱坐，所以野食同咖啡都要變外賣盒，食完要自己清理返。如果想環保啲嘅朋友，可能要坐番鋪頭入面。

位於南豐紗廠裡，充滿文青味道，最適合去打卡！❇️日本蛋黃及香脆風乾西班牙火腿香辣煙肉蕃茄意粉🍝🌀風乾火腿很鹹，其實沒有火腿也很好吃😂 本人不懂欣賞風乾火腿的味道。❇️芝士四重奏pizza🌀芝士味香濃，啖啖芝士味，喜歡吃芝士的朋友一定要試！❇️滋味炸物分享拼盤（雞翼、雞柳、芝士粒、薯餅和番薯條）🌀好邪惡，全都是炸物，熱氣又好吸引😂 味道正常啦！❇️ 香煎挪威三文魚柳佐意式蕃茄醬🌀魚柳嫩滑，配上酸酸的蕃茄醬，特別開胃👍

星期日過百隻法鬥狗狗聚南豐紗廠樓梯影大合照，樓梯旁邊有餐廳坐位可以俾狗狗同主人一齊坐低食野，環境相當乾淨、現場過百隻寵物都仍然保持得咁乾淨不得不讚，香港人大家都好自律，不但冇寵物嘅異味，大合照樓梯旁邊嘅餐廳仲傳出好香嘅咖啡味，就係俾哩股咖啡味吸引咗我揀呢間餐廳，朋友叫咗杯咖啡，我叫咗個松露薯條加杯紅莓奶昔，薯條熱辣辣又鬆軟夠哂薯味、落左d香噴噴黑松露係上面，食左成粒鐘一路食一路睇住班狗仔行黎行去、食到凍哂都仲覺得好好味打包左返屋企食🤣

提提大家小心唔好叫錯野 因為當你唔小心叫錯嘢 落完單 一轉身行去你個位既時候 會聽到後面啲店員好大聲笑 再重複你叫錯既野 （當時好攰 心急想叫坏咖啡 唔小心叫咗抹茶咖啡 而店係冇 但係又唔係啲咩奇怪名都可以笑得咁開心 睇嚟大家笑點都幾低😉）………………………………………………………………………………..其他冇comment打咁多個點就係為咗評分☺️

自從買咗架寵物車之後我就經常帶我家比比貓貓出去影相打卡，但係發覺香港地真係好多餐廳都唔俾寵物入，今次嚟到南豐紗廠感覺好舒服，成個商場都係pet friend，我哋喺網上見到Koko Cafe係可以比寵物進入就決定來試一試呢間餐廳個空間真係幾大，佢有好大個戶外空間係比帶寵物嘅朋友仔使用，令到寵物有更大嘅活動空間走動，而且係仲有冷氣㗎正呀！夏天都可以涼着冷氣咁帶着你嘅寵物去打卡影相📸️個炭烤漢堡做得好好食，個牛肉汁配埋個洋蔥煮到好香，牛肉肉嫩多汁，好濃烈嘅牛肉香味，好食！薯條都唔錯炸得好香脆幾好幾好😋呢個組合簡直係冇得輸！白汁再配明太子醬係一個超好食嘅配搭！佢個意粉汁比較奶狀，意粉吸盡明太子醬嘅精華好入味好好食！不過略嫌價錢有啲貴，而且份量真係唔多…但係個味道係好食嘅😋撇除價錢嘅話呢我其實都幾推薦呢間餐廳！食物質素都頗高，最緊要係佢有一個戶外空間可以比有帶寵物嘅人士舒舒服服咁坐喺度嘆冷氣傾偈，成個商場都規劃得好，所以比多少少錢我都覺得係值得既！好推介大家帶埋您心愛既寵物嚟打卡

Ooo南豐紗廠狗Friendly CafeooO即興約 🐶去食嘢，荃灣地區首選當然係南豐紗廠，地方大亦歡迎毛孩既好地方！呢間Coffee Shop 有室內及門口位置，室內設計都幾打卡able, 今次同埋🐶就要坐出面。出面位置都好舒適，仲可以同其他狗狗玩😍OooooOAll Day Breakfast $138煙肉、雞肉腸、煙三文魚、牛油果、炒蛋、薯餅、迷你具果、串茄及沙律菜都幾豐富，不過坐出面所以要用外賣盒，食物一般，主要我係想同朋友搵間可以比狗狗一齊既餐廳😂OooooO明太子凱撒冷意粉配溫泉蛋及脆風乾火腿 $118夏天想食下凍野，冷意粉第一次見所以試下😋，係幾開胃，味道一般般，可能呢間真係主力Coffee😂不過想讚店員好友善，態度好好，亦有出黎同🐶玩，下次去只飲咖啡☕️！

事緣我叫咗杯蘋果汁比我個女飲.但我要求走冰，但原來走完冰只得1/3， $35杯 。 一間我經常去的餐廳居然有地方令我失望. 如果大家有去呢間吃野或飲嘢， 凍飲千祈唔好走冰. I think it is ridiculous to charge me full price for a 1/3 cup of apple juice because I asked for no ice. Very disappointed for such a high rated cafe on OpenRice. Good place to chill, I go often but not impress.

去到荃灣南豐紗廠，地下個層有間好大嘅 coffee shop, 而且仲係 pet friendly 添！ 位都幾好坐，適合三五知己傾偈聚下🥰炸薯條配黑松乳酪醬 $78 薯條係粗身款，熱辣辣算幾好；醬就係乳酪+黑松露，食落感覺有酸甜味，同平時嘅黑松露薯條有啲分別；我就覺得麻麻地，我比較鍾意食鹹鹹地嘅感覺 🤔大啡菇意粉配松露牛肝菌醬 $118 個大啡菇好味！聞落超香；意大利粉偏硬身，口感幾好，而且炒得好入味；份量就剛好。魚柳漢堡 $118竹炭漢堡幾得意🤩 裡面有生菜、蕃茄同芝士； 塊魚柳唔錯！香脆，但又唔油👍🏻👍🏻 薯條嘅份量都幾多，幾 ok! Mango smoothie $48 Lemonade $48

如你要有服務呢間餐廳就唔啱你，因點完order會比個"必必機"你，當你收到通知就要自己出去攞食品/飲品，假如你叫咗5樣嘢，你就要分5次出去攞，當你享受第一樣食品/飲品時，可能會聽到第二下通知，食食下就要停，記得戴返口罩出去攞第二樣食品/飲品啦，如此類推。。。食下飲下又行下，真係幾文青㗎！如果唔想食下又要戴返口罩，就可以慢慢等哂5樣嘢後慢慢地又文情地進食！如坐出面就會比你用外賣餐具，記得唔好攞店入面嘅鋼刀叉膠碗攞出去用啦，因為好快會有好緊張嘅員工出嚟通知你唔可以用，話會有食環署捉㗎！食物係好食，但我唔會再去囉，食到冇心情影相，食到好攰，我唔想再扮文青啦！bye bye～

#julia吃在荃灣#Julia吃cafe🏠 KOKO COFFE Roaster係荃灣比較難搵到早開門既cafe, 🤣呢間係其中一間❤️😆因為朋友相約所以較早時間去 10點去佢地已經開左門（網上提供0930😍 ！如果想朝早食1個豐富既早餐可以到此一遊，❤️＝＝本身好鐘意飲佢地既ice black但🖤 做完手術唔想傷口黑色💔就飲左mixed berries smoothie❤️呢杯smoothie 好fresh😍(圖2）第一口已經飲到香 ～莓既味道仲有一粒粒果籽飲落感覺唔到奶既成份🖤🤣但如果對奶敏感既客人 問問好啲😆 但呢款竟然會驚艷到我🤤 咖啡以外既產品🤤＝🖤焦糖洋蔥煙肉蛋漢堡w/薯條因為佢個樣太令🤤 雖然牛肉同蛋（會較易令傷口發炎） 但我都🍃食左呢個burger 好鐘意🤤 有我最鐘意既蛋 仲要係半熟😆同牛肉芝士burger一齊食好juicy漢堡肉既熟恰度好處 唔會太熟變得老身/生左食落sansan的👍呢個burger係滿足既！＝Burger 本身配薯條但我比較鐘意蕃薯條 所以我就request左轉 蕃薯條🤤蕃薯條 啖啖肉🤤 唔會淋左 😆加埋茄汁好鐘意！！呢款雖然唔係lunch menu到

那天約了朋友到荃灣吃飯，但他（又）要OT，那惟有找個地方邊看書邊等他。Happy Hour時段走進南豐紗廠不難找到下班族、帶著毛孩散步的主人和一班愛攝影的人。選了KOKO Coffee Roasters，點了1杯D.R. Flat White。輕問店員D.R. Flat White 和flat white的分別，D.R.就是在萃取時只取前段的咖啡，簡單說就是點D.R.就會得到一杯濃厚版的Flat white。果然這杯D.R. Flat white的啡味很衝擊味蕾。呷第1口時，啡味已填滿口腔，啡濃又帶輕微果酸，奶滑而順喉。小妹1口氣就KO整杯咖啡了。或許是Happy Hour的緣故吧，店內播放著重bass的Hip Hop音樂，以小妹的觀察，音量（應該）有點大，因為我看到旁邊的食客要放大喉嚨來聊天，而本身想找個地方看書和等朋友的我呢，就直接戴上耳筒，無限循環《我是難過的》。總的來說，如果小妹在KOKO Coffee附近上班，我應該會經常課金，然後在office偷懶嘆啡。