九井壽司 (Closed)

疫情近來有緩和跡象，就帶小朋友出街玩下、食飯啦。今日嚟呢間有火車送餐嘅壽司店，成間餐廳都用新幹線做主題，裝修用心之外，門口仲有圖書可以借俾小朋友睇，小朋友亦都可以每人取一份小禮物，係一間幾吸引嘅親子餐廳。食物方面，全部用iPad落單，價錢唔係特別貴，我哋晏晝嚟仲有午餐可選，我揀咗一個雜錦刺身飯定食（$78 ），有埋湯同埋沙律，刺身包括三文魚、北寄貝、油甘魚、蝦同埋八爪魚，每款兩件，全部都好新鮮，而且飯量仲好多添。另外叫咗一個日式叉燒烏冬（ $62 ），湯底正常，有兩塊大叉燒，偏肥，同時啲肉好腍，烏冬亦都好滑好好味。小朋友唔食得刺身壽司，就叫咗個吞拿魚沙律軍艦比佢哋（ $20/兩件），餡料都算足，應該都好好味。我自己就要一個鰻魚手卷（ $22 ），都OK呀。提一提，呢間餐廳點餐滿四樣之後就自動抽獎，但必須係同一部iPad落單計，所以我哋開頭分開咗落單就冇咗呢個優惠，但係小朋友要抽獎，唯有再叫多一款食物。最後叫咗個吉列牛肉薯餅（ $20 ），新鮮炸出嚟都幾香脆，餡料係薯蓉混牛肉碎，有少少沙律伴碟，幾好食。

一間風格幾似元氣壽司既日式壽司店 仲有高速線 不過種類就略嫌少左d🥺..火炙芝士軟殼蟹.都幾大舊芝士 上面有d蟹籽咁 中間有舊軟殼蟹 有陣油益味 普普通通 冇記錯係$34有3件.火炙芝士蟹棒.冇記錯就係$18 舊蟹棒好似未解凍咁😿😿😿😿😿😿.有加1收費 如果再食我會食set😹😹😹😹😹

今日嚟九龍灣 Megabox 行街 , 行到肚餓見到呢間壽司店幾有特色 , 就入咗嚟試下啦 九井壽司採用平板電腦點餐 , 新幹線列車送餐 ~ 價格親民 , 食物選擇豐富 😉😉每次落單 4 款食物有 1 次抽獎機會 ~ 不過我地抽唔中 😅😅 見到其他食客抽中 Qoo 果汁飲品  ~食店亦非常岩一家大細 , 有幾款兒童餐選擇 , 食店入口仲有氣球同 free toy 比小朋友揀 !! 👍👍特色海膽 ($30)油甘魚壽司 ($20)火炙左口魚邊壽司 ($24)赤貝壽司 ($25)吞拿魚壽司 ($22)帆立貝壽司 ($32)象拔蚌壽司 ($18)整體黎講 , 每件壽司都大大件 , 夠曬飽 ~ 特色海膽有 2 大件海膽 , 新鮮唔臭 , 幾抵食 !!  另外象拔蚌壽司都好抵 , $20 都唔洗有 2 件 😁😁燒雞翼串 ($38)有 4 隻 , 雞皮燒到好脆 ~~天婦羅炸蝦 ($32) 有 3 件炸蝦 , 蝦啱啱熟 , 略嫌炸粉厚左 d , 口感一般

好耐冇去 megabox 食 lunch。平日人山人海，今日居然泊車泊到8樓，真係少人左。好得意的壽司店，有日本都好流行的食物輸送帶。唔需要等服務員遞菜，夠效率。點菜可以用ipad，但不能放大圖片、亦無文字描述。估估下點了壽司定食。列車送到，發覺小食係炸雞，有小小油膩。壽司質素就 ok 啊。唔係咩名貴嘢，簡簡單單，幾十蚊。no compliants。跟一碗仔烏冬，夠晒飽。有個小插曲。可能心緒不寧，居然咬斷了筷子！說聲對不起。不過筷子也有點太脆弱了吧。

小朋友friendly的壽司店：）去左Megabox試左呢間高速號壽司店～好好玩呀！試左呢幾款壽司🍣：推介😍：油甘魚、劍魚腩、火焰左口魚呢三款魚都好新鮮，魚生唔算簿。火陷燒起上黎油脂感好夾～一般🙈：三文魚唔太夾：海膽魷魚🦑每次點餐後有動畫睇，好搞笑！餐廳都坐得舒服，小朋友仲有小玩具送～係壽司大集團以外的選擇～ （全單共$176）環境：★ ★ ★ ★ ☆食物：★ ★ ★ ☆ ☆服務：★ ★ ★ ☆ ☆性價比：★ ★ ★ ☆ ☆

今日同男友仔嚟九龍灣Megabox拍拖兼揾好野食 .嚮九樓呢間叫" 九井壽司 "嚮門口襟飛仔號碼等叫位😘職員服務態度仲要幾好 唔錯唔錯👍🏻好快就安排我地入去卡位.地方同座位好寬落光猛先進.嚮每枱枱上放有平版自按點選菜式. 及有條新幹線列車運輸帶.將廚房食物直接送到每枱客人身旁. 好特色好過癮 🤣💕叫咗個鹿兒島豬軟骨烏冬.豬軟骨用醬油醃制好香濃入味.烏冬爽滑🥰雜錦壽司盛好抵食.雜有蟹子卷配一碟炸脆雞同一配烏冬👍🏻另海苔魷魚天婦羅.海苔脆粉炸得好香好鬆.外脆內軟。魷魚有口感😁芝士春卷.正常發揮.不過不失。呢間餐廳價錢抵食 食物高質高科技好享受。下次都會再來食 帶埋小朋友嚟食佢哋一定好開心😍👍🏻

九井今天跟女友去megabox行宜家傢俬睇傢俬，順路去醫醫肚，突然想食壽司就見到有間-九井壽司入到去，坐位闊落舒適，餐廳給我感覺很自助，很方便很自動化，用平板電腦點餐，點餐后食物會經自動輸送帶送到面前。例牌點壽司食，點左三文魚，玉子、火炙芝士鰻魚、火炙三文魚、火炙芝士蟹棒、黑松露象拔蚌、吉列蠔、甜蝦龍蝦沙律卷，最后再叫一個日式叉燒烏冬整體食物都很鮮甜，女友都說好味，同我講下要再試多啲食物，結帳才不用300元，拍拖晚餐很化算

最近去咗 MegaBox 行街同食飯，依家好多舖頭都好早關門，所以好早就食晚飯，想食壽司所以就試咗呢間。餐廳環境好乾淨，芥末同茶包都係獨立包裝好衛生 👍🏻 落單係用電子方式既十分方便，而且個系統設計得幾好，啲食物嚟咗就會有個 ✅ 顯示方便顧客知道。壽司款式方面就中規中矩，不過有啲款式係出面都未食過，例如帆立貝龍蝦沙律卷，芝士魚餅等等。每款壽司都好肥美 🤤 手卷同軍艦啲紫菜特別脆口，即叫即整即上。👍🏻芝士魚餅 ($28) : 炸魚餅中間夾住流心既芝士超好味。😋另外餐廳門口位置，仲有啲文具、玩具同書本免費送俾小朋友 👍🏻 整體嚟講相當唔錯。

有好多人最近都會擔心出去食飯,因為始終健康對每個人都係好重要.當我好掛住食壽司時,想出街都會考慮下餐廳既衛生係咪做足.單單樓面已經feel到九井係好注重健康衛生,而且入去當然都係量體溫等,絕對係做足唔馬虎,所以食時都會相對安心.我地都叫咗唔少款式壽司,首先講下價錢上先,價錢黎講係大型商埸絕對唔貴,平均大概$20一碟左右,而比較推介係特式香蔥吞拿魚,因為佢係仲有紫菜包住嚟食,雖然細細件,但非常新鮮.而加州卷我都覺得味道唔錯,我諗主要係佢哋嘅wasabi比較出色.佢係比較”供”鼻,但我又覺得OK.可能我覺得如果唔”供”鼻唔似wasabi.所以我都幾欣賞.其次要重點推介係呢到嘅芝士年糕,同埋豆腐雪糕.芝士味濃郁,而且都幾大件,而豆腐雪糕豆腐味都同樣哋幾濃.所以都係我覺得重點要試.

最近經過九龍灣MegaBox見到8樓有間壽司想去試吓疫情下都好難忍口今次見到係火車送餐就更加吸引一入到門口check體溫 之後每枱比消毒濕紙巾同酒搓我係下午茶時間食 好抵食會有幾個set揀$42有刺身 烏冬 炸雞食份量唔算大 細細地都足夠刺身今次質素麻麻地 炸雞好熱 好好食再用埋部火車送黎真係好得意但就係比較嘈 但整體都幾有feel而我朋友叫埋壽司個set壽司都幾好食😋仲有劍魚腩都好新鮮同幾厚身真心推介食劍魚😍

一向是九井壽司的常客,在疫情下沒有帶仔仔出街的情況下終於可以慢慢影相記錄。九井壽司是仔仔稀有可以坐得耐的食店。原因是店內採用日本新科技,每枱電子下單。而下單後,食物會輸送帶形式送到客人枱前,期間亦會發出電車音效,令仔仔慢慢食都唔會悶場。午餐除了有散叫壽司亦有多款定食選擇,我想講!!價錢仲要超親民!!識食回本一定要叫三文魚海膽丼!!$88蚊有飯有湯有沙律!!仲有海膽超大講真呢隻大海膽在日式超市一盒都起碼過200蚊。仲要3大片+4片三文魚刺身海膽超級鮮甜,一入口溶果下真係覺得好幸福!!可惜的是一口食晒三片大海膽,餘下的白飯有點寂寞(笑)角切魚生丼定食$78大約有4-5款魚生,加入大量蟹籽,啖啖肉火炙鰻魚芝士壽司上枱時仲係暖笠笠~正~店內座位寛闊,岩晒一家人過黎一齊食。

正值肺炎期間 經過九井，見入面冇乜人，同埋好耐冇食過壽司，就諗住試下。叫左個極上刺身丼，個飯一黎賣相都ok嘅， 點知我一畢個飯，成條頭髮混左係入面⋯大佬， 宜家非常時期，衛生都仲得咁唔足！好難想像佢地係廚房有冇帶口罩⋯ 同店員講，佢講左句唔好意思， 話換過碗比我，但係我都唔想再比機會佢，於是我取消張單就走左了。 勸大家都唔好去，呢間仲要主打小朋友，小朋友抵抗力弱d仲易食到肚痛，各位家長要小心！ 冇影到相，不過我講嘅係事實！！

想食日本野但又去唔到日本，點算？又唔想去”元氣”的話，可以試上黎呢間”九井壽司”。價錢同”元氣”差唔多，但質素比較👍🏻餐廳主題好明顯，親子感覺都好突出。勁多卡座比一家大細一齊坐落單方面，可用枱上tablet，全部圖示，揀完圖后得一個落單掣，真係大人細路都識用。而且點餐系統好好，可以追蹤上菜進度呢😊特色香蔥吞拿魚碎，壽司放係一大片紫菜上，自己郁手包，又可以同小朋友多啲互動🤪唔錯日式芝士年糕，係我最愛嘅傳統芝士年糕，熱辣辣、又香糯又煙韌，中間嘅芝士好正呀﹗極上。金の刺身丼，刺身丼唔錯，每款刺身都有2片，而且大大片，勁厚身，仲有金箔灑係面，好矜貴😍濃芝士軟殼蟹卷，芝士味香濃，如果軟殼蟹份量再多啲就perfect啦😚火灸芝士鰻魚壽司，鰻魚肥美，正呀！醋鯖魚壽司，買少見少…..而家真係唔多壽司舖有賣，我梗係要叫返碟黎食啦🤪甜蝦壽司，雖無特別驚喜，但真的不俗👍🏻

一襟Openrice Megabox排名最頭就系呢間九井壽司, 當然要試試, 中午時段仲坐到卡位幾闊落, 食品由火車路軌送到, 最岩同小朋友黎, 朋友話要下次帶屋企小朋友黎開心一下.  定食午餐由$62-$88, 有主食, 沙律及湯, 如果用現金仲可以免加一,  有魚生飯或者其他定食 豬或雞, 我就叫左鰻魚飯($72), 朋友叫左魚生飯 ($72), 叫左一陣就由火車路軌送到, 鰻魚飯仲有蛋絲, 鰻魚都幾厚無腥味, D飯加埋鰻魚燒汁好美味. 魚生飯既魚生新鮮有三文魚, 吞拿魚, 仲有魚籽,兩款魚生都新鮮,  九龍灣黎講都唔錯.地址

呢間迴轉壽司店午市有定食，價錢都幾親民。呢度係自己用iPad落單，好方便。落咗一陣就到食物會由火車送來。我哋揀咗火炙刺身丼定食$68: 有蟹柳、三文魚、左口魚、帶子及玉子，都相當豐富。丼飯睇落好似好細碗，但其實入邊有好多飯。雜錦刺身當定食$78: 有三文魚、油甘魚、八爪魚，、牡丹蝦及北寄貝，我覺得呢個餐唔錯。呢度嘅定食包沙律麵及豉湯。另外，加$8有八爪魚好抵。仲散叫咗個牛肉薯餅，炸得好香脆。餐牌仲有好多唔同嘅卷物、壽司、熟食等等，應有盡有。