麺屋こころ

Open Now

Now Closed

前晚同朋友喺元朗發現一間新嘅日本餐廳，真係要同大家分享一下。餐廳以白色為主題，環境十分舒服，令人感到好放鬆 😌 餐廳嘅裝修簡約而高雅，光線柔和，氛圍一流，真係令人食飯時心情特別好✨一入到去就感受到店員親切嘅服務態度，佢哋每位都面帶微笑，好有禮貌，好細心，幫我哋推介菜式同幫手解答我哋嘅問題。我哋揀咗柚子鹽味捞麵🧂同咖喱炸雞捞麵🍜，麵條彈牙有咬勁，湯底鮮美，配料新鮮豐富，特別係柚子鹽味捞麵，清爽又唔會太酸，好開胃。咖喱炸雞香脆多汁，咖喱味道香濃，配埋捞麵一齊食，真係一絕！飲品方面，我試咗抹茶拿鐵同冷翠咖啡🍵抹茶拿鐵香濃帶苦，啖啖抹茶粉，好適合抹茶控☕️冷翠咖啡清涼解渴，帶少許苦味，令人耐飲總括黎講，呢間餐廳真係唔單止有好靚嘅環境同舒適嘅氣氛，仲有好貼心嘅服務同美味嘅食物。不論係同朋友傾計，定係放鬆享受個人時間，都係一個好好嘅選擇！下次再黎一定會試下其他嘅菜式，推薦比大家啦！👍

今日同朋友去yoho mall行街吹水，一早就食咗Big Breakfast搞到食下午茶嘅時間個肚先至開始叫。嚟到呢邊後朋友諗起日本想食日本餐，但呢邊好多日本餐都唔知揀邊間。啱啱好見到Kokoro 😍 正好可以回味一下東京嘅味道。叉燒撈麵 $99小麥麵配埋叉燒+紫菜+蛋黃...叉燒好厚身！辣肉碎都俾好多！估唔到一個配料都可以咁好食。叉燒有特別燒過，好香！我真係食唔厭！呢款會有一點小辣，所以食得多都一點都唔會滯明太子忌廉麵 $99唔想食辣嘅可以點呢款，朋友食唔到辣所以點咗佢最愛嘅creamy～口感好濃郁好有奶香味但食多都唔使擔心會滯而且同明太子撈埋一齊食好夾！雞皮餃子 $46另外仲點咗炸物簡直唔好食得滯！唔係食得好飽仲想點其他炸物嚟食！外皮脆卜卜～入面嘅餡料好juicy～

飲品味道可以，但係員工態度極度惡劣，缺乏飲品餐牌知識 ，問多一句都唔想答咁，一啲禮貌都冇，黑口黑面咁樣就掉低杯嘢飲，另外負責帶位嘅員工，同樣地黑口黑面就咁企喺度。

今個下晝同埋另一半同埋家人一齊去元朗嘅「麺屋こころ」試下佢哋嘅主打特色撈麵，一早就已經book 好左位！☺️ 睇到個menu，佢哋嘅拉麵同撈麵真係不得了，有好多款式豐富，包括正宗全料東京撈麵、咖哩炸雞撈麵同埋雞皮餃子。每一款都有佢獨特風味，真係令人驚喜 hehe 👶咁我今日會全力介紹下自己食左既正宗全料東京撈麵！！💜整體環境💜麺屋こころ嘅環境好舒適爽朗，擺設有種日式風情。工作人員都好友善親切，笑容滿面，服務貼心周到，令人印象深刻。絕對值得一讚。🫶🫶💜撈麵：正宗全料東京撈麵💜不得不提既首選肯定係正宗全料東京撈麵，麵條Q彈，配料豐富，佢既配料有豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉及小麥麵咁多咁多，真係淨係食配料都夠飽，最主要係個豬腩半肥瘦，夠晒香口但又唔會過油，溏心蛋又係好香既，蔥花、韭菜、竹筍平時我都唔鍾意單食，但加落個撈麵到又好香！！！同埋個生蒜真係為個撈麵生色不少，惹味勁多！！！！

明太子忌廉撈麵所有食材加埋一齊拮爆咗隻蛋之後未到十足，食到三份二嘅時候可以落黑胡椒更加味道，我覺得係令到撈麵更香，最後可以加啲醋落去增加味道，雖然店員一開始已經準備咗好少份量俾我，我落咗之後覺得成碗麵都淨係得返醋味，所以最後冇加到白飯。食完之後覺得味精好重雞皮餃子外脆內軟，比較有機喜，一咬香就好香雞油香！另外隻餃子就不過不失餐廳空間太過開放，唔係坐得太舒服，可能因為新開張，店員好似都未太ready，下次會再嚟睇下隔咗一排會唔會好返啲

嗰日同男朋友去元朗逛街，逛到肚餓，又唔知食咩，突然發現咗一間裝飾好吸引嘅餐廳，原來係麵屋こころ。之前喺社交媒體見到一直推薦，但我哋都未試過。既然啱啱肚餓，不如嚟試吓呢度嘅撈麵。店入面嘅裝飾真係好fashion，令人眼前一亮。服務員態度又友善，座位又坐得舒服，俾佢哋滿分💯。我同男朋友分別叫咗兩款唔同嘅撈麵同一樣小食。正宗全料東京撈麵🍝男朋友叫嘅呢款撈麵，滿滿嘅配料，不止有溏心蛋，仲有生蛋黃、鮮嫩豬腩、辣肉碎等其他好多好多嘅配料，混合埋一齊，睇佢食得津津有味柚子鹽味撈麵🍝而我食嘅係冷撈麵，好有新鮮感。柚子味非常清新，仲有生蛋黃、雞肉碎等其他配料混合埋一齊，整體口感好豐富，多姿多彩嘅味道。雞軟骨餃子🥟第一次食到咁特別嘅餃子，外皮酥脆，內餡軟嫩，整體感覺唔會太油膩。正啊👍🏼

琴日仔仔生日，就谂住带佢去食顿好嘅，庆祝一下，啱啱谂起仔仔之前有提过想去【麺屋こころ】试捞面，所以就带佢去啦！我哋点咗以下几道餐点⬇️叉烧捞面：仔仔点嘅呢份叉烧捞面，特别入味好食，除咗有弹性嘅叉烧片之外，仲放咗辣肉碎，所以整体嘅口感都特别正，与其他配菜更系完美嘅搭配👍我同仔仔都特别钟意😘 明太子忌廉捞面：我本身就特别钟意明太子，所以点咗呢份捞面！竟然比我发现咗秘制食法，猪腩肉沾上生蛋黄再放啲明太子，多层次嘅口感喺嘴度散开，太幸福啦😍 鸡软骨饺子：我哋仲点咗呢份小食！饺子特别香脆，里面嘅鸡肉更系鲜甜！特别适合同捞面一齐食👏 我哋两个都食得特别香，仲话下次要带爸爸一齐去探索更多唔同口味嘅捞面🤩

當日6點去試，客人不算多，但到6點半就要開始排隊。餐廳面積不算大，不過環境不錯，裝修比較新潮。🍜比較少見的撈拉麵食法，味道不錯，有兩塊叉燒，其他配料也很足。😋食完最後可以叫一個很少很少的白飯🍚圌剩餘的汁都撈埋。😋本來想試一下Highball, 可惜當日餐廳未領酒牌。🍺餐廳有其他不少種類的飲品，但當日沒有嘗試。

正宗全料東京撈麵 4/5麵質煙韌，配料份量足夠，叉燒明顯燒過，有焦香味，帶少少肥肉，非常好吃。每款都有有三種食法，三種食法都唔同味道。但整體而言，略嫌蔥蒜味道太濃。明太子忌廉撈麵 4.5/5 喜出望外，味道啱啱好，最尾加埋梨醋，很特別，值得一試。最後可以加白飯，撈埋啲醬汁！