コメダ珈琲店

Open Now

Now Closed

Komeda’s HKコメダcoffee. 日式情調，與旅居香港嘅日藉朋友食早餐，朋友話算是比較有回家的感覺。😄😄元気早餐特式：Order 飲品 送免費麵包、蛋分量足夠。如果唔夠亦可以加錢追加其他食物，有麵包、燒賣⋯ 如果顧客喜歡店內食物，可以於收銀處購買回家自己整。單次消費滿$400 可以免費得到朱古力百力枝一袋，單獨買$25。（忘記拍照）櫃檯放咗香港komeda特別版水杯出售$99 。早餐可以加購甜品，試咗「朱古力年輪蛋糕配雪糕🍦」蛋糕口感比較實淨，似乎係放耐咗，雪糕唔夠滑，但係可以接受仍然好味嘅。

天氣日日都咁熱，唔可以行好耐，最舒服就係坐係間咖啡店再食杯雪糕。今日行過黃埔船，見到Komeda's Cafe, 見佢裝修得好簡約舒服，之後同阿女入去食個下午茶。見到有個軟雪糕加麵包嘅組合，叫做抹茶牛乳冰與火，阿女嗌住話好想食，好，咁就試下呢款啦！份包都幾大個，仲切開左6件，上面係軟雪糕，一冰一火，好彩冇牙痛啫😅。抹茶牛奶雪糕香軟好味，底嘅丹麥麵包，都幾酥脆，幾好食，仲可以加埋附上嘅糖漿，甜甜地味道幾夾，阿女就緊係食唔停口啦！

主打日本主理的珈啡店，當然係女友揀架啦，佢話係日本試過好好味，香港都要幫襯下，門面裝修已經係全日式，入到裡面都係一樣，每一枱都有差電位方便你一路嘆咖啡一路工作，聽女友講佢話日本人會將呢個地方變做Work place，但係香港適唔適合就真係見人見智了，佢係靚架，坐得舒服架，不過香港人果種忙碌同把握時間，入黎之前你必須要調節好心情同預留一定時間，以下係我地既經歷*12:19分入座，大約12:25嗌好左咖啡同豬扒包，13:10先上枱，中間12:55嗌左甜品，13:30先上枱*坐左個幾鐘，附近每枱客都會經歷等得太耐要催促店員上野既聲音招牌Komeda Cafe $39咖啡豆味係有既，奶都算滑，但水準又未及日本，不過整體都係中上水平，隨咖啡附送一包花生仔又幾好味豬扒包$79上枱見佢都幾大份，女仔食哂會變飽肚，醬汁頗多，不過塊豬扒薄到冇朋友，啲粉勁多同炸到好油膩，真心唔推介呢款迷你冰與火$50當日中午時段，店員已經話冇哂正常Sｉｚｅ，坦白講呢個係好味既，不過又未去到一定要再幫襯果種感覺，雪糕夠滑同奶味濃，個底亦鬆軟入口好味

日本過江龍店，平時大排長龍，下午茶時段排咗2-3張枱就入得，就一於試試佢🙈「冰與火」係餐廳必食推介😯 有得揀正常或迷你size，我地叫咗個正常size嘅冰與火。其實冰與火係牛奶雪糕配餐廳自家製嘅丹麥麵包🤓 附加糖醬，客人可以按照個人喜好加入一齊食。餐廳標榜佢地自家製嘅丹麥麵包由64層酥皮製成🍞 個人覺得依個麵包甜點，都真係幾普通吓😂 就真係只係雪糕加麵包加糖醬🫤 餐廳送到上枱嘅時候，麵包吾香牛油味，而且吾係話特別脆、特別熱，感受吾到餐廳所謂冰與火嘅「火」😀 因為雪糕放係麵包頂部，所以中間嘅麵包吸咗溶化嘅雪糕而變腍咗🫠 牛奶雪糕吾算話好香奶味。依個雪糕麵包可以打吓卡，呃吓like嘅，但食落就真係好一般。另外仲叫咗一杯雪糕抹茶🍵 抹茶味吾太香濃，雪糕都係冰與火上升嘅雪糕，冇乜牛奶香。Order依杯野飲會附送上一小包豆菓子，係花生粒🥜 幾好食🫢 餐廳收銀有得額外比錢買。

座位很有個人空間，出餐速度也快，忘記點了什麼品類的咖啡，照燒雞三明治🥪很好吃，咖啡口味一般般…服務態度很貼心，店員聽到我講普通話，會立刻切換成普通話同我耐心溝通。會願意再去店裡嘗試其他餐品

次次去大阪都好鐘意食依間cafe, 但香港依間管理好差，明明有好多空枱又唔放人入去，星期六下午三點，4人枱都要一個鐘先叫一個號碼，等左個半鐘又連續放幾張4人枱，好浪費人地時間。服務和食物又唔係特別好，絶對唔會再食。

◤コメダ珈琲店 ᴋᴏᴍᴇᴅᴀ’s ᴄᴏғғᴇᴇ◢剛開店時 人潮滿滿 所以一直不敢去而家終於好一點了～～❥ 冰與火 $𝟼𝟻幼滑且味濃的牛乳雪糕 配上酥脆的丹麥麵包❣️好食啊！❁◕ ‿ ◕❁果然是招牌甜品👏🏻👏🏻❥ 薯仔沙律多士 $𝟼𝟻 估唔到份量都幾多 味道唔錯！❥ 忌廉芝士蛋糕 $𝟺𝟶不過不失～❥ 紅豆小町 葵 $𝟺𝟾❥ 熱歐蕾咖啡 加配價$𝟸𝟶❥ 凍歐蕾咖啡 加配價$𝟸𝟶每杯飲品配上花生一小包包花生都幾好味😋

來自日本名古屋的コメダ珈琲店今天終於有機會過來朝聖一下還好人不多可以靜靜地享受ME TIME揀選了拿破崙意粉酸酸甜甜的茄汁非常傳統的口味香脆的牛油法包以及沙律菜看似來份量好少可是吃下來也很飽哦配上Komeda 咖啡香濃的咖啡味隨咖啡送上一小包花生這邊環境寧靜平日坐在這裡一邊工作一邊喝咖啡真的很不錯假日就可能人太多不能坐久了本身還打算吃一下甜品可以太飽了下次再來吧

呢間餐廳全部都係卡位，用上紅色絨布梳化，充滿日式傳統咖啡店味道。我哋叫咗紅酒燉牛肉，焗白汁蝦仁同兩杯咖啡。紅酒燉牛肉$90紅酒燉牛肉炆得相當軟腍，食咗幾啖之後酒味慢慢滲出嚟，下面啲薯仔都炆得好腍，屬高水準之作。焗白汁蝦仁$85 呢碟比較濃味，蝦仁非常彈牙，加上芝士醬汁比較傑，有少少似mac n cheese。呢兩碟都有附送多士，可以搽啲配料上麵包食。Komeda 咖啡$39 (跟餐加$20)可以按喜好加入忌廉及糖。咖啡豆非常香，私心鍾意多忌廉，口感會更加幼滑。牛奶咖啡$40 (跟餐加$20)牛奶味相當濃，口感順滑。餐廳座位私隱度高，適合家庭或三五知己休閒輕食或食個安靜午餐。下次一定要嚟試下甜品！

-離地鐵站不算太遠 在黃埔花園第六期那個大大的船裡面一樓側門就是了 都算幾容易穩到嘎 門口就已經滿滿日劇風了 走進去一秒回到名古屋的感覺哈哈 驚艷感有的 .🍦迷你冰與火軟軟的麵包(表皮是酥脆的!)加牛乳冰淇淋澆上焦糖醬 冷熱碰撞再有甜甜的口感 熱量滿滿 口感層次真的絕了 巨好吃🍞紅豆牛油多士加厚版的烘底抹上紅豆牛油 過程挺治癒 味道中規中矩吧 配上自己點的咖啡 一切都剛剛好(正餐亦都有 无奈太饱了 只能留下次噜)-🐷📍: KOMEDA‘s coffee

推薦： 🍉🍉🍉🍉 (4/5)     味道： 🍉🍉🍉🍉 (4/5)     價錢： 🍉🍉🍉 (3/5)     打卡： 🍉🍉🍉 (3/5)     位置： 🍉🍉🍉 (3/5)     回訪： 🍉🍉🍉🍉 (4/5)    紅酒燉牛肉 $90 🍉🍉🍉🍉通常呢個價位嘅紅酒燉牛肉都係無酒味+韌到香口膠咁嘅牛肉，呢間比想像中好🍷 微微帶有酒香，牛肉都燉得好軟綿，美中不足就係牛肉份量比較少，要喺隻碟尋寶先搵到啲牛肉🙈 另外！芝士份量極多！多到好似唔洗錢咁，喺邊個方位拮落去都會有芝士😂 牽絲效果有80分😂拿破崙意粉 $78 🍉🍉🍉份量偏少，質素中上嘅一般蕃茄醬煮意粉🍝 意粉煮得好淋身，蕃茄醬好足料，做到每一條意粉都沾到蕃茄醬之餘又唔會太濕，微微帶酸幾開胃👍炸豬排方堡 $75 🍉🍉🍉🍉🍉成個方堡嘅口感好出眾，先係麵包嘅鬆脆感，麵包烤得外脆內軟，之後感受到炸豬排外層麵包糠超酥脆嘅質感，薄薄嘅豬排夾係麵包糠中間增加咬口，豬排唔會咬落覺得柴口/太韌 (如果豬排嘅肉汁再juicy啲就更加出色🤤 )配合最底嘅椰菜絲，好清爽，唔會有臭青/苦澀味，非常推薦大家試呢個方堡👍雪糕歐蕾咖啡 $55 🍉🍉🍉🍉 奶嘅比例好重

好開心終於食到真係有日本嘅咖啡廳感覺焗芝士白汁蝦仁 濃濃嘅汁 拉到好遠嘅芝士配落件脆而不硬法包到食 正焗芝士漢堡扒 夜晚6點後先有 又係芝士拉到好遠 又熱辣辣 意粉口感岩岩好 好好食紅豆牛奶 絕對係好飲 回憶味道啦 不過發生對走冰嘅疑惑 睇下張相 原來走冰嘅凍飲係會少咁多 唔緊要House coffee話有一飲完開心嘅感覺，同意，所以埋單仲買左包咖啡番去，加買咗排麵包第二日食自己烘番熱塊厚多士都好好食

呢間過江龍咖啡店啱啱開業嘅時候請唔夠廚師(經理自己講🙈)，所以長期排曬隊💩咁啱呢日放假又唔太full就入去試試😎首先嚟到嘅係KOMEDA咖啡，跟餐只需要$20，可以免費加豆奶，聞起嚟都幾香，飲落亦都冇苦澀味，中規中矩👌🏻本來想食紅酒燉牛肉，但嗰日冇曬，所以就叫咗咖喱意粉($78)，仲標明同新宿中村屋共同研發😆估唔到「因禍得福」，意粉質感好特別，有少少彈牙、好似烏冬咁，但又未至於好煙韌，我同朋友都超鍾意🥰雖然餐牌有提示醬汁偏辣，但只係香港人嘅小辣，而且唔會長留喺個口度，比起普通日式咖啡味道得確更豐富😝因為個意粉太好味，塊牛油多士相對之下就好普通😉好少可見炸豬排配味噌，通常都係啡色嗰隻豬扒醬，所以就叫咗份三文治試試($75)，可以揀切兩舊定四舊🥪本來諗住兩個人食就分成2份，點知個包幾大下，結果都係要自己再切多刀😂豬扒新鮮炸起超級熱辣辣，但食完第一啖我哋都好疑惑，點解會有咁濃嘅酒味🤔或者明古屋嘅味噌係咁，但同想像中真係好大出入🤣又或者係因為沙律醬加芥末再加味噌就出現呢浸味，其實總體嚟講唔差，麵包亦都有烘過、夠鬆軟，不過普通嗰款三文治可能更好😛最後當然唔少得甜品 - 迷你冰與火($48)🤩雪糕

適逢又係考試嘅季節 又去溫書~一如既往都係幾舒服幾好坐((可能熱潮過去,等位冇之前等咁耐,而且餐廳入面都有好多空枱))今次試咗之前未試過嘅蘋果批，真心幾好食 唔會太甜太膩🌟👍🏻不過佢呢個凍檸茶走甜，超級難飲 可能係因為日式關係? 平時喺港式茶餐廳，我都係飲凍檸茶走甜的 完全唔覺得有問題。。。另外，佢哋嘅招牌咖啡依然保持水準☕️，整體來講仍然係會再去嘅溫書好地方(不過如果普通食個飯唔係逗留好耐睇書溫書嘅話就應該唔會選擇佢)另外，今次舖頭都出現有1,2隻烏蠅同埋張枱有少少癡立立嘅問題，呢個係我12月嗰排去嘅時候冇嘅~可能天氣熱咗?

今日一心去黃埔食，用app攞咗飛，去到過咗4個，立即到收銀櫃檯補飛，因為5個號碼內可以補，有一位扎辮收銀員幫我登記返，跟隨我後面仲有一位男士都要補飛，等咗幾分鐘，個扎辮收銀員就叫咗我後面嗰位男士嘅號碼，我隨即上前提示返收銀員係我先，佢仲好不悅話嗰位男士補飛先過我，好惡話下一張就到我，我報到先，號碼又先過嗰位男士，點解要下一張先到我，佢做錯，態度差，點解仲講到係我唔啱咁呢？！講返餐飯，入到去環境係一秒去到日本咁，食物整體都算可以嘅。食咗’炸豬扒方堡’麵包好鬆軟，味道係好好，塊豬扒就薄咗d。牛奶咖啡味道正常，本來係點’紅荳小町櫻’轉豆奶，但拎到嚟話無豆奶轉咗牛奶，點解唔係問咗客人接唔接受先沖呢，有d奇怪🤔。另外點咗’Komeda迷你拼盤’,呢個好味👍🏼，價錢合理。必點’冰與火’,呢個唔洗講係日本嘅味道，正！總結係個職員令到餐飯扣哂分，一肚氣，試一次就算。