米子燒肉家

Open Now

Now Closed

今日返粉嶺娘家，抽空行吓街，發現到粉嶺中心開咗一間新嘅日式燒肉店 "米子燒肉家"，所以同屋企人試一試。未到七點，已經有人排緊隊，應該都唔錯。我哋點左$268放題套餐，可以任食任飲120分鐘。有豬、牛、雞、海鮮、蔬菜、日本飯麵、多款飲品，晚餐價錢嚟講都算超值。如果你係牛魔王，真係可以俾你食到返本。淨係牛都有10種。上等牛舌(厚切)、牛仔骨、牛腹肉、角切、肩胛牛肉眼、特上牛柳、牛板腱、鮮滑牛(壺漬)、美國牛脊肉、牛五花肉。肉質唔錯，唔會雪到硬梆梆，一浸雪藏味，不愧係Prime牛。點埋燒肉汁，味道再提升。豬肉同雞肉加埋都差唔多有10款，而且仲好鮮嫩。我最鍾意就係嗰個辣醬雞肉，肉質爽口彈牙，推薦推薦推薦。海鮮有青口，三文魚鮎，多春魚，同埋魷魚。海鮮都好新鮮，唔使怕腥味。估唔到放題嘅白飯都有四款，飯桶朋友絕對唔使驚淨係食燒肉 XD 亦有烏冬同埋麵。我自己就幾鍾意前菜嘅海蜇野菜沙律，海蜇非常爽口，而且平時出去叫都唔平。蔬菜有翠玉瓜、杏鮑菇、金菇、秋葵、菠蘿，另有芝士燒溶後變芝士漿，點金菇就一流。飲品方面，除咗一般都有嘅汽水同茶，竟然仲有啤酒任飲，唔係平嘢添喎！點嘢食好方便，同枱各自用電話scan

呢排天氣時冷時熱咁又想食燒肉但唔想出去市區咁遠，近近地屋企附近有間米子燒肉家，今晚一於同朋友試下佢地既燒肉放題擦餐勁既🌟A4日本和牛放題 ($368/位)🔥和牛類▫️日本A4熊本和牛肉眼▫️日本A4熊本和牛肩胛▫️美國SRF極黑和牛三角肉▫️澳洲M5和牛肩胛A4和牛油脂較高，輕輕一燒已經做到入口即溶既效果，澳洲M5和牛口感軟嫩，牛味濃郁🔥其他肉類▫️伊比利亞豬肉條▫️美國梅肉▫️韓式芝士雞腿肉其他肉類我就推介伊比利亞豚肉條同芝士雞腿肉，芝士真係做到拉絲，夠哂邪惡🔥海鮮類▫️魷魚▫️帆立貝▫️青口▫️多春魚海鮮都好高質，原隻帆立貝厚肉爽彈，青口鮮甜又彈牙，仲有我最愛既多春魚，正🥰🥰🔥飲品食到咁上下飲返冰凍既野就最正，放題除左有紙包飲品同罐裝汽水之外，仲有杯裝日式冷泡茶飲，透心涼😍

粉嶺都有得食燒肉放題！仲要質素okay!日本和牛，油花好靚，入口油脂豐富～靚肉點少少醬汁就好好味！仲有好多款式嘅牛肉、豚肉、雞肉同海鮮～～芝士雞髀肉，先燒熟雞肉，再沾上熱溶芝士，正！味噌甲羅燒，鮮咸蟹膏味道～有羊架燒，燒得兩邊焦香，入口啖啖肉～有啲野菜沙律，做冷盤前菜食下幾過癮，海蜇爽口酸酸地幾開胃～燒翠玉瓜，燒菠蘿十分juicy!胡麻稻庭冷烏冬，配燒肉食都唔錯，冷熱交融，新鮮配搭～飲品任飲，有茶飲，有紙包飲品！

粉嶺中心地下連續有一排食肆，今次再光顧米子燒肉家，佢主打日式燒肉放題，但如果唔想食太多，都有其他燒肉套餐同日式丼飯選擇。店舖寬敞，枱與枱空間足夠，裝修以淺色為主配襯木傢俬，環境光猛，抽氣都做得唔錯，唔會一路燒一路充滿油煙味。我哋一行三人選擇咗三款燒肉套餐，大家share就可以試到唔同國家唔同部位嘅燒肉啦。套餐有兩款重量可以選擇，已包括白飯、和風湯、泡菜或迷你沙律。餐廳提供燒肉汁、蒜蓉汁及柚子醋。一開始燒嘅時候覺得就比較黐網，但無提供油掃吓個網，建議一開始燒嘅時候就揀啲油脂含量高嘅肉嚟起爐。#澳洲燒肉盛合套餐300g $158澳洲穀飼M3牛肋條，澳洲草飼M2牛頸脊、澳洲草飼封門柳牛肉味豐富，油脂分佈平均，牛肋條肥美，牛頸脊、封門柳有嚼口，唔同部位唔同厚度，啱晒牛魔王。#美國燒肉盛盒套餐300g $138美國腹胸、美國牛五花、美國牛板腱牛味濃，腹胸、牛版腱軟嫩，尤其牛五花肉質肥美，燒好後沾醬汁惹味，連埋珍珠米一齊食，好快食晒成碗飯，呢個價錢呢個份量，性價比高。#豚三國王樣套餐300g $98伊比利亞豬、美國梅肉、皮桃腩伊比利亞豬燒晒油脂出嚟好脆口，梅肉薄身唔使燒好耐僅僅熟最好，切粒皮桃腩肥

發現粉嶺有日式燒肉店!燒肉放題店在香港非常流行，但是我都是第一次在粉嶺中心發現這間燒肉店，因為自己都居住在粉嶺附近，所以我同屋企人前來一試。我們點了$268加一的套餐，有豬、牛、雞、海鮮，飲品任飲的，價錢晚餐來算很超值。如果你是牛魔王的話，這裡非常適合你了。牛十品有齊各種牛肉類，一共有10款，有牛柳、肉眼、牛板腱、腹肉、頸脊等等，肉質很不錯的，我比較喜歡沾上醬油一拼吃，味道更加提升，整體肉質出乎意料之外的好吃。另外有一些海鮮類，例如魷魚、多春魚、青口等，味道還不錯，我比較喜歡他們提供燒菠蘿，放菠蘿，鮮甜多汁。另有芝士燒溶後變芝士漿，沾上雞肉變成拉絲芝士雞口感更特別。另有辣醬雞肉，肉質爽口彈牙非常推薦。放題更有有跟飯、麻醬烏冬、冷盤前菜，種類都比較多，海哲沙律、麻醬豆腐都是我喜歡的，蔬菜類有翠玉瓜、杏鮑菇、秋葵，是燒烤必備的野菜類。我覺得在粉嶺區有燒肉放題食已經很滿足，飯餐人均消費二百多元就有這麼多食物種類選擇，已經物超所值了。

今晚同朋友兩個人行完街，朋友話想去食個燒肉放題，咁就去試下粉嶺中心既米子燒肉家，去到門口見到佢有一個每位$368既放題套餐。呢個套餐都有好多野食，除左有牛肉之外，仲有一堆豚肉，雞肉，蔬菜，主食可以揀，而且仲可以食埋海鮮類別！先講主角牛肉類，質素都不錯，我地呢個餐跟既係四款和牛類同牛十品，和牛質素極好，絕對值回票價，另外牛舌都要一讚，厚切用料一點唔馬虎！豚肉同雞肉質素都ok, 兩個相比之下，雞肉會比較出色一D!食完三個主要肉類後，其實已經有少少飽，跟住我地再試埋羊架同埋海鮮質素，羊架大大件，調味調得唔錯，食落去都幾好味！甲羅燒比較少見同特別，啖啖蟹膏食落口可以話係超滿足！去到呢一刻我地已經完全飽哂，最後試多少少沙律野菜，中和下油膩，就結束我地豐富既一餐放題。唔記得講埋呢個價錢係包埋飲野既價錢，有自家製飲品，不過就比較淡味，如果鍾意飲甜野既朋友就可以揀返汽水同埋紙包飲品，鍾意飲酒既人士亦可以選擇啤酒。

米子燒肉家係粉嶺中心 有燒肉定食，亦都有放題想食得豐富啲就揀咗放題可以試齊唔同食物👍🏻🔸A4日本和牛放題 $398性價比唔錯 可以食到和牛日本A4熊本和牛肉眼日本A4熊本和牛肩胛美國SRF極黑和牛三角肉澳洲M5和牛肩胛牛肉雪花好靚 肉味香濃和牛級別嘅牛入口爆油 入口即化淨係食和牛已經輕鬆回本除左牛肉，仲有豚肉、雞肉、海鮮、羊架比較特別係連甲羅燒都有 帆立貝大大粒好彈牙另外都要試下雞腿肉 肉質好嫩滑又juicy 羊架唔羶 肉質鮮嫩仲有好多款食物沙律、湯類、飯、烏冬等都有齊飲品有冷泡茶、汽水、啤酒！真係超豐富～食到勁滿足

🥩肉肉放題🥩特點係價錢平民🙌🏻只係開係一個小商場，都吸引到路人既目光😙放題除左燒肉之外，仲有飯🍚前菜豆腐，海蜇🫕雞🐔豬🐷牛🐮羊🐑仼食當然唔小得了仲有海鮮🦞三文魚🦐🐟要幾生幾熟，自己話事😍牛，豬，雞的每個部分都有得揀👍仲好新鮮🤌底讚特別想讚下羊架，羊比我感覺係好羶，但竟然呢隻羊架雖然厚肉外，燒嘅過程一啲都唔羶味🫣而且油脂分布平均🤏啖啖肉！滿足感番哂黎👍仲有甲羅燒🦀雖然好多餐廳都有，但係蟹膏特別重，仲好濃味。材料豐富。燒幾分鐘就食得！飲品仼飲，普通紙包飲品外，仲有店舖有心思沖既飲品，洛神花茶，白桃烏龍，綠茶！全部一杯杯🥤#米子燒肉家#粉嶺#燒肉放題#晚餐食咩好#羊架

粉嶺一直都沒咩好食，想食燒肉，見到有呢間放題，估唔到平日都甘多人。第一次試每樣叫啲雞牛羊豬同海鮮都有點，仲點左啲前菜米子凍豆腐同海蜇野菜沙律。雞肉有好多選擇韓式芝士雞腿肉，雞翼等等，最正係有一盤芝士，將他整溶之後可以將雞肉整到拉絲效果。好正，啲雞肉好嫩滑。仲有其他雞款，例如辣味噌雞腿肉，岩鹽日本雞頸肉，辣味噌日本雞頸肉， 都調味得好好。牛有個叫牛十品，包括牛舌，牛仔骨，牛腹肉，肩胛牛肉眼，牛板腱、牛頸脊，牛五花肉等，全部牛分佈都好靚，好有牛味，我中意壺漬鮮滑牛，好新鮮。食到尼到已經有小小飽，豬方面，做到肥瘦均勻，我中意辣味豬腩片，他們仲有豚肉條，岩鹽豬腩片和美國梅肉。羊架超大件，啖啖肉海鮮有三文魚鯺，魷魚，青口，甲羅燒，多春魚同帆立貝，魷魚真係好正，好彈牙，我用甲羅燒拌落香蔥玉子飯食 一流的享受。蔬菜，我最愛食日本小甜薯加左小小牛油，好香，仲有翠肉瓜，菠蘿，雞髀菇，日本甜蕃薯，秋葵，粟米，樣樣都好足量，菠蘿燒完超級甜。飲品方面任飲，有啲自家製茶飲，有啲就係紙包飲品

唔講你可能唔知！原來粉嶺呢到都有燒肉餐廳！今日就嚟到喺粉嶺中心嘅呢一間『米子燒肉家』食燒肉！今日晚餐嗌咗佢哋嘅其中一個Set！呢個$268/人嘅set沙律、飯、烏冬、牛、豬、雞、魚、海鮮 ？菜。。。。。。樣樣俱全！特別講吓佢嘅芝士x雞肉都真係幾過癮！令我諗返起以前有一排好流行式芝士雞煲！估唔到今日可以重遇呢個邪惡芝士拉絲hahaha店舖都幾闊落！每張枱都幾大張，食物你齊晒都仲夠擺！而且飲品免費添飲，一般罐裝同盒裝嘅冇酒精飲品都齊晒！而且仲有佢哋自家製嘅茶，同埋花茶！啱晒食得健康嘅我哋！第一次食燒肉燒三文魚！估唔到又真係幾好味！仲有豬皮沙律都幾特別haha 順帶一提，佢個抽風都幾勁，食咗全晚都唔覺有煙燻到自己！

放工入粉嶺搵個老朋友食個燒肉，朋友推介試試佢，7點鐘去到，座位 已經滿得7788。叫左個268元既放題。一坐底好自動黎d前菜同埋飯，即刻有野食住。1) 牛十品即係有十種牛。岩曬d牛魔王，每款肉都唔錯，特別係prime 肩胛牛肉眼，仲有厚切牛舌、牛腹肉、牛板腱、牛肋肉、牛仔骨、角切、牛柳、鮮滑牛同 ，牛五花肉。有唔同既部位，厚度，十分專業再黎就叫埋佢個-2) 豚肉盛盒有岩鹽豬腩片，辣味豬腩片同梅肉，豬腩片，燒走d油份，十分香脆。3）雞肉盛盒雞頸肉十分特別，燒出黎有d爽口，雞腿肉，十分嫩滑跟左一兜芝士粒，燒溶咗之後，將雞肉沾上溶溶拉絲嘅芝士，好好既配搭！4) 海鮮盛盒海鮮有青口，多春魚，魷魚，三文魚鰭三文魚燒到脆皮，油香十足。魷魚新鮮又彈牙。 5）野菜盛盒野菜盛盒都有多款，好豐富杏鮑菇、翠玉瓜，菠蘿，粟米同甜薯，菠蘿燒一燒食落去好甜，款款都新鮮好食。

早聞這家燒肉店質素可靠,今日與友人相約到此一試,首先店子光猛開揚,枱與枱間隔寬敞,最重要的是儘管該晚已全院滿座,但一點油煙味也沒有,實不會食完滿身油氣。我們選了$268放題,已經有超過40款食品,粗畧估計牛有10款、豚肉有4款、雞肉連雞翼也有5款、海鮮就有三文魚鮫、青口、魷魚和多春魚,其餘還有各款沙律和野菜,主食就有各類米飯、烏冬和湯,而飲品更有各款啤酒汽水和自家冷泡茶。款式多也要質素高,友人飯後都感稱心滿意,就是最好証明。

搬左去粉嶺一段時間😊見到粉中有間韓烤，襯近排新年同老公去呢間試下，係門口見到有A5和牛烤肉放題🤩勁吸引！肉類選擇超多，超豐富。和牛類除咗大路嘅牛肩，牛腿，牛仔頭之外，連我最愛嘅牛舌都有🤩加D鹽燒牛舌，真係好juicy 👍🏻仲有牛肋條👍🏻肉質好冧好滑👍🏻A5和牛片D雪花好靚，一睇就知靚野！👍🏻果然好好食😋豚肉全部都夠肥美，厚切又醃得夠惹味🤩連雞肉，魚，海鮮類全部都有得揀，仲要大份又新鮮！連蔬菜盤都有幾款俾你揀！仲怕唔夠？😂跟餐仲有沙律，烏冬同飯！ 飲品仲無限自取🤩真係好豐富好抵食！絕對岩曬牛魔王同食肉獸🤤🤤

年初4晚，成個場full晒，好彩bk左8點等一陣入得2人有一張4人枱，坐得舒服，環境亦好乾淨揀咗個2百幾蚊既放題牛類都有好多款選揀，牛肉眼、腹肉、板健、頸脊、牛柳、牛舌、牛粒、五花等等有啲係平時燒肉放題少見落單一份，黎既份量都唔少肉質好淋，有牛味個人推介牛柳、肉眼、牛板健其餘仲有雞、豬，不過就無試過仲有啲冷盤，例如泡菜 海哲主食有飯，個人略嫌飯太多總括比起其他燒肉放題，種類比較多，而且質素都唔錯，價錢亦中規中矩

🍼 今日同朋友去開北區行山，落山已經超級餓，就喺粉嶺中心搵到呢間燒肉店大吃大喝😍 呢間燒肉店嘅環境好大，坐得好舒服，食物嘅款式都好多👍🏻🍼 牛十品牛嘅選擇有成十款咁多，厚切牛舌、牛腹肉、肩胛牛肉眼、牛板腱、牛肋肉、牛仔骨、角切、牛柳、鮮滑牛同牛五花肉，用料新鮮，每片已經預先切到薄薄哋咁，好快燒得熟，牛味香濃又夠晒juicy👍🏻🍼 豚肉盛盒豚肉都有三款，岩鹽豬腩片，辣味豬腩片同梅肉，特別要讚嘅係豬腩片，肥瘦均勻，辣味同岩鹽調味都好正🤤🍼 雞肉盛盒咁多款燒肉入面我最鍾意嘅就係雞肉！整體肉質都好滑嫩，雞腿肉有韓式芝士同辣味噌，雞頸肉有岩鹽同辣味噌，仲有岩鹽手羽，附上嘅芝士粒粒整溶咗之後，將雞肉沾上溶溶拉絲嘅芝士，真係超級好味，好味到停唔到口🤭👍🏻🍼 海鮮盛盒海鮮有青口，多春魚，三文魚鰭，蟶子同魷魚，三文鰭夠晒油脂，燒到脆脆咁樣好香口，魷魚新鮮又彈牙，非常高質！🍼 野菜盛盒野菜盛盒都好豐富，有秋葵、杏鮑菇、翠玉瓜，菠蘿，粟米同甜薯，菠蘿燒一燒食落去好甜，杏鮑菇真係每次食燒肉都必點嘅，日本小甜薯落咗少少牛油喺面，好好味🥰🍼 冷盤米子凍豆腐海蜇野菜沙律🍼 主食香蔥玉子飯櫻花蝦香花飯🍼 飲品冷泡茶汽