泰國人海南雞 (福榮街)

Open Now

Now Closed

喺深水埗本來想食泰國人海南雞，嗰陣時2:20，我問間舖頭問佢有冇下午茶，佢話2:30先開始，而家未開始唔俾得個餐牌我睇😅！我再話你俾我睇一睇個餐牌，如果啱嘅話我遲少少返嚟食，個四眼男經理堅持話而家未夠時間唔可以俾我睇😡咁嘅態度我都費事同佢爭拗，幫襯隔離嗰間算！

之前食過一次記得都OK，今日再去開附近做嘢再幫襯，結果中伏。叫咗海南雞湯金邊粉，碟雞一到賣相已經好唔掂，一般海南雞都會擺到靚靚先上枱，不過食嘢最緊要好味，點知一試之下，嘩，我都嚇一嚇，如題每一舊雞都好似擦子膠咁實淨，鞋到不得了…鋪名叫海南雞竟然連招牌菜都搞唔掂失望致極。一食到劣食心情就會超差既我，真係有d火火地，不敢暗鬧自己貪唔駛等位就入嚟…結果買單時都忍唔住同經理反映返，希望佢哋會反省下呢個問題啦。

泰國人海南雞…見佢招牌應該係食雞啦…入到去就點左個二人餐….套餐都好抵食….可自選兩個小菜….同行朋友一齊揀左海南雞飯同埋香茅豬扒飯…………套餐跟埋飯同飲品。海南雞飯雞件有點鞋….雞皮好厚…令到食落成口油….而個黃油飯就好一般….只係比白飯好小小..而香茅豬扒飯唔會太乾，味道都幾好…有juicy….而且份量都多…凍檸茶…飲品落單時已同店員order左要小小冰，但黎到依然成杯冰..茶味不足………..

上次叫我老公買海南雞飯，好彩佢搵唔到呢間（泰國人海南雞），佢去咗另外嗰間，今次我專登叫老公去呢間，因為我上網睇好似幾好食咁，點知鞋都冇朋友，勁失望，我唔會再幫襯呢間😡，叫佢走翼又有翼。燒味檔嘅$30油雞飯會好食佢好多，佢仲要貴成倍。上次果間喺同一條街都好好味。

泰國人海南雞（深水埗）記得此餐廳已開業多年，第一次食到N年前了，真的不記得大概的開業時間，那次食完之後的感覺平平無奇，之後如果冇記錯此餐店都長期積弱，分店越來越少，相隔多年再次光顧此店，看到餐牌上有很多變化，但我依然無變，都係點了一個海南雞飯套餐午餐S01:冇骨海南雞套餐先講個飯，口感真係十分難食，一個字形容，劣再講個雞，睇落分量已經好一般，睇落d雞好似ok,但食落去其實D肉都算少，至於味道方面，尚算合格，冇乜特別，唯獨真係杯泰式奶茶叫做不錯，$57喺深水埗食個咁既午餐，算留番個「美好」回憶吧😂餐廳環境企理，衛生不錯，播d泰音樂幾輕鬆，不過一粒老鼠屎就搞wo 曬，廚房傳出一陣濃煙味真係好勁，影響食慾，應該就唔會喺街傳入黎，因為佢哋有裝風閘，加上我坐位置近廚房，不過呢個都係好多餐廳廚房通病，唔係針對佢，希望該餐廳想辦法改善食物質素為首要

呢間泰國人海南雞印象中分店都算多，見過係唔同地區都有，今次經過位於福榮街既呢間，咁就入去試一試啦～佢既然用得海南雞做佢既招牌，咁就梗係要試試佢既海南雞飯啦，午餐包左野飲，比較好既係佢冷熱飲都同價，同埋奶茶真係泰式果種，感覺上好似唔錯～泰式海南雞飯（$57）首先賣相就咁睇雞既份量都算多，接近有四份之一隻雞食下，而雞肉佢亦都全部起哂骨，而食落又唔覺有碎骨，呢樣啖啖肉係幾好既，而雞肉食落的確幾滑，唯一雞肉有小小生，感覺上可以浸熟多小小啦～至於泰式海南雞飯個汁都好重要，而佢個汁都夠味，唯一略嫌辣度差小小。至於雞飯同個湯就正常野，不過不失總結以$57呢個唔算太平既價錢黎講，質素只屬正常水平，相信如果以呢個價錢既話可以搵到更多既選擇，不過整體黎講亦唔算太差👍🏻

晚上自己一個食，岩岩行過見到海南雞張圖吸引左入黎，一坐底見到食評麻麻，馬上改叫冬蔭公青檸豬肉金邊粉餐+小食炸魚餅（$18），本身好鍾意食冬蔭公，平時都周圍去試，所以超期待，點知一黎到，見到隻蛋真係呆左食落口即刻懷疑人生...蛋黃好生，隻蛋係無蛋味....即刻試下個湯底...失望，唔係食開果種，湯底淡，偏甜，唔辣，食完個粉就算，平時會連湯都清埋到試魚餅有驚喜，竟然好食過個金邊粉跟餐有野飲，我揀左最安全既檸檬茶，味道Ok，下次可以試下珍多冰

到深水埗高登買完東西後，便在附近找地方吃午餐。來到泰國人海南雞飯店，見食客不多，疫情下令人感覺好些，便進店內吃一個快餐。因較想吃一些煮熱的飯菜，今天我的選擇並不是海南雞飯，而是泰式豬手飯。這$57的碟頭飯還配了一個冬瓜雞湯，不過個人不太喜歡湯裏的雞油，幸好有冬瓜中和了油膩感。泰式豬手份量不少，除了有骨膠原豐的豬皮外，還有炆得恰到好處的豬肉。沾上附上的酸甜汁來吃，可解其膩，亦較醍胃。炆豬手的汁非常美味，用來配白飯是最好不過，所以一口接一口，不經不覺便吃下整個飯了。飯後來一杯微酸的紅花茶，真教人滿足。

好耐無食海南雞飯，就外賣試下舊店未搬時試過一次，這間新店第一次試，有次想試又未到12點未開門今日終於試到豬手好足料，肉厚多汁，豬皮入口即化好多肉，食唔晒呀嘩，海南雞超老，雞肉不滑有根，吃得出雞不新鮮可能疫情關係，生意麻麻，賣不出不太好吃泰式春卷外形不錯，材料味道還可以，但春卷皮不太酥脆唉，努力，盡快改善外賣有8折，支持外賣，走出困局

去午餐叫左海南雞飯，飯係白色無雞油，海南雞好柴，唔夠滑，碟飯仲多過雞肉。但就跟湯，跟埋野飲，但杯野飲好甜，甜到似糖醬咁。碟海南雞得一個汁俾你，收費多謝57蚊，唔會再去食，就咁多。

環境：位於深水埗，附近食市林立。門口並不顯眼。裝修跟一般餐廳無異，裝修並沒泰國特色。服務：待應勤快。食物：可能是叫套餐的關係，上菜速度奇快。熱辣辣⋯⋯加分！1. 海南雞：去骨、淨肉、肉質幼嫩、雞皮不太肥膩並爽口。例牌份量足夠二人食用。影相前已急不及待起筷，吃了好幾片😂。2. 咖喱牛腩：咖喱汁香辣恰到好處，撈飯一流，牛腩入口即溶👍🏻，薯仔炆夠得入味⋯🤤3. 冬陰功湯：香辣味道適中。配料只有菇及兩隻蝦仁，稍嫌欠缺香料。抵食 二人套餐

呢間食店都幾多分店，但係我都係第一次幫襯。買野經過又未食飯，於是走入去試吓。門口都有幾個牌講俾人知入面有咩野食。舖內都算幾光猛，卡位就冇啦，半卡位就有嘅，坐得都舒服嘅。餐牌都有好多介紹，食物同飲品嘅數量都幾多。個招牌打正海南鷄，梗係要試吓喇，於是叫左個海南鷄飯套餐。飯嚟啦，賣相就一般，如果一d鷄擺齊整d就會好睇好多。試吓d鷄先，咬落唔靱，都算滑嘅，飯都唔錯。點鷄d汁酸酸而微辣，唔錯幾開胃。冬瓜鷄湯有d泰國風味，但似乎味精重左d，另外重有汽水送添。 取價唔算貴，食品質素平均，d阿姐都幾有禮貌，如果唔係要求高，喱度都食得過嘅。

昨天去了深水埗，其實經過好多次都一直無幫襯，見到對面文記排晒隊，泰國人唔使等，咪入去試下囉！點知咁就出事了。所以大家如果係想食泰菜就最好揾番間正常餐廳食，反正價錢亦唔係平得好多，証明呢間野食水好深! 仲有就係佢好似快餐店咁，如果唔係叫餐就無跟野飲，散叫都要廿幾三十，又無主動比水你，即係迫你叫野飲，個例湯$10，好似水咁。我都費事post出來了，費事大家睇完講粗口。

超多人排隊，好想試下這間招牌海南雞飯，等左一陣，我們有位啦豬頸肉薄脆可口，有白飯有湯有飲品好滑的雞，雞味濃郁，沾滿醬汁夠好味湯好飲夠薑夠香，飲品太甜食物便宜多選擇

周圍都見到呢間泰國人海南雞，今日就決定嚟試吓佢嘅lunch。我嗌咗個海南雞湯金邊粉，金邊粉同海南雞係分開上嘅。首先個人對個金邊粉有少少失望，佢嘅湯底唔係想像中嘅清湯，而係啡啡地色嘅，而且仲越飲越口渴。另外，啲金邊粉嘅份量唔算好多，而且口感有啲硬身，唔係咁啱個人嘅口味。雖然，佢嘅海南雞嘅份量都算多，仲有一隻雞翼，但係啲雞肉有少少鞋，冇乜雞味，雞翼啲皮有啲硬，仲有少少鹹，感覺唔係好新鮮。我諗都係試過一次就夠啦。