泰國人海南雞 (福榮街)

Open Now

Now Closed

呢間唔係第一次食，喺唔同區都有分店，啲雞食落都有少少唔同，今次就係深水埗分店。海南雞飯套餐，有雞、飯、湯同飲品。首先飲個湯，同之前有啲唔同，有冬瓜嘅清甜味之外，仲有陣雞湯味，幾特別。睇返餐牌，佢寫明係「冬瓜雞湯」，不過係用雞熬定係盒裝雞湯就冇考究喇。首先試下個雞先，拎開面嗰舊一睇都幾多，有啲好滑有啲鞋鞋地，不過都唔係韌。我最鍾意就係個汁，酸酸地之餘有少少辣，配雞食開胃又好味。碗飯個色唔係好黃，但都有味，又唔油。整體嚟講都好好。跟餐有埋嘢飲～

又係lunch四出搵食嘅時間，今日去咗深水埗“黃金商場”嗰邊， 見到呢間"泰國人海南雞”, 呢間舖頭屹立於深水埗多年， 多年前也嘗試過，今日再試試先～我地叫咗個青咖哩鴨胸飯、 泰式豬手飯一齊分享食。 青咖哩有少少辣， 對於我唔係食得太辣嚟講，都可以接受， 鴨胸入味肉質嫩口， 配埋飯夠晒醒胃，不錯。豬手飯有半隻鹵水蛋 ,再送埋個蘿蔔清湯，個湯就淡而無味， 我飲咗一啖已經冇飲啦。 豬手都幾肥，同埋啲肉都有啲"鞋", 不過個醬汁的味道也都不錯，鹹淡適宜。餐飲我叫咗杯百香果蜜，朋友叫凍木橘蜜，2杯都好甜，大家飲兩啖已經放棄了。整體嚟講都係一般，喺深水埗咁多嘢食，下次都係試其他嘢。

由於其他餐廳都要等位，所以入左去試。一直都有見到佢有好多分店，但係講到食就第一次食。叫左個招牌海南雞飯，57蚊包湯同野飲。野飲叫左凍奶茶，好唔掂，好似冇落糖漿咁，叫左佢比啲糖漿我落，落完分別唔大。一開始仲以為係泰式奶茶，感到比fake了。然後雞飯係已經去左骨上，幾好唔錯，雞都滑既唔會好乾，不過就印象唔算令人好深刻。油飯嚟到個陣我以為佢比白飯我，食落係有油味同埋都比較黏口，我自己就比較中意黏黏地既油飯，不過就冇乜味。整體不過不失既連鎖店。

經過深水埗，見到有間泰國人海南雞飯，就入去試一試佢哋嘅口號係創出新界限非一般的海南雞餐廳。既然黎到海南雞專門店，當然試吓佢哋嘅鎭店之寶點左個L101 泰式海南雞配雞油香飯及冬瓜雞湯冬瓜雞湯清甜，雞肉嫩滑，再配上特製嘅醬汁，加埋雞油飯，絕配

今日黎深水步買野, 買完諗住食個晏, 時間係2點幾, 點知周圍都仲係好多人,  見到衣家唔洗點等, 自己又鐘意食海車雞就入左去.叫左個好海雞飯, $58. 有去2海南雞, 油飯, 湯, 同一杯飲品.隻雞好好食, 夠嫩滑, 皮同肉中間仲有層啫喱, 之前睇電視講, 呢D唔係油黎, 係骨膠原黎.個汁有水準, 酸酸岩岩好, 好開胃

我和朋友趕時間吃午餐，本來打算去文記車仔麵食，但太多人排隊，於是膽粗粗去了”泰國人海南雞”一入去有很多位置，心知不妙。但既然都攞左位，就乾脆一試。仲諗住叫佢個招牌菜海南雞飯應該最穩陣，點知難食到我食左唔夠一半就食唔落。雞冇雞味，應該係用最cheap cheap既雪藏雞整，調味醬汁得一款(正宗應該有3款)。餐牌上有一個飲品寫住木橘茶，問個侍應係咩黎，佢答唔知，仲要話係用”粉”溝出黎🤮🤢聽到都唔想飲。個餐跟一碗例湯，碗湯一飲勁重味精，好似公仔麵d味粉加水溝出黎，之後加多舊東瓜比你，叫做好睇d。呢間餐廳真係我食過咁多間最難食既一間，以後都唔會再幫襯🥴

海南雞做招牌菜，可惜雞是冷的，例湯 咸到一個極限， 差~冬蔭公湯，飲左一啖就不可能飲落去，好似用粉沖出黎咁， 如果我飲曬啲碗湯真係冇陰公 ~唯一可取係個豬手飯，起碼唔難食先，無下次

深水埗福榮街一帶，食肆林立，地鐵站黃金商場出口左右各一百米的範圍，論名氣街頭食店的密集度，在香港可算數一數二。這裡單是賣海南雞的泰越餐廳就有兩家，分別是 "泰潮" 和 "泰國人海南鷄"，而且就是在福榮街對面鋪，打正對台。記得十多年前，"泰國人海南雞" 初開業時，質素還可以，但一做連鎖，就勢如破竹地開分店，質量就江河日下，各分店也劣評如潮，這幾年各區分店也陸續倒閉。其實這家分店在深水埗開業十多年來，在本地香港人的論壇和網站上，可說聲名狼藉劣評如潮，人們罵聲的最多的，除了服務態度，就是它的招牌的海南雞飯。然而在名氣食肆競相林立的福榮街，竟然地崛立十多年至今，可說堅靭不拔的奇葩。平心而論，"泰潮" 的海南鷄 / 牛肉 / 冬蔭功，都更好味，也無愧連續七年位列米芝蓮車胎人（米其林必比登）榜單，但它的粉麵份量太少，吃兩碗也不夠，地方桌椅空間也更窄。反而，自己每逢節假日下午路過，如趕時間 + 吃泰式粉麵 + 坐得舒服 + 高性價比，反而多來這間 "泰國人海南雞" ，當然每次也沒吃海南雞飯只叫粉麵，如不抱期望，勉勉強強，食物和服務凑合也沒大問題（畢竟不到 HKD 40，就有一碗粉麵 + 小吃 + 飲

泰式豬頸肉飯$55本身唔係特別好泰國嘢，所以叫咗個普通啲嘅泰式飯。大概有六至七片豬頸肉送飯其實都幾正，本身有自製醬汁，再加甜酸醬就好鬼正。唔好以為佢得一碗份量咁少嘅飯，加埋碗湯其實都算飽，不過嫌佢有少少貴，呢個就見仁見智啦。

個冬蔭公完全唔係冬蔭公味叫左個二人餐得隻海南雞係叫做ok.咖哩 小食都唔掂個油飯一patpat咁sorry 真係唔會再有下次早知過對面食文記好後悔。。。。。。。。。。

去到泰國人海南雞餐廳當然叫個招牌菜，但是來的居然是一碗未煮熟的油飯！很失望⋯於是通知了店員及換了一碗白飯。👀其他客人在我之後也點了海南雞飯，同樣地，他們也中招了。問題是：為何店員明知油飯是生的，也不斷地繼續接單，而不是通知客人有關問題呢？這樣做生意真的沒有基本原則呵！

星期六放假，一個人大約中午時間去深水埗黃金商場買電腦產品，買完時間十二點幾，一於食埋個午餐先返屋企，離開商場就去隔離福榮街，估唔到好多間餐廳門口已經有人排隊，搵到間泰國餐廳仍然有位，唔駛諗立即入去坐。午餐選擇都幾多，好多款我都想食，不過最後都係揀左招牌菜”海南雞飯”，成個餐包括一碗雞油飯，一碟已經去骨的雞，同埋有個湯，雞油飯食到少少油香，但覺得唔足夠，而雞肉就整得好嫩滑，去左骨食嘅時間啖啖肉，同埋有個泰式酸辣醬，雞肉點埋個醬食落特別開胃醒晨，而個湯係冬瓜湯，飲埋個湯就啱啱飽晒，成個餐＄57，仲有埋杯飲品，都算抵食，下次可以再試下其他泰式粉麵

我每次都只點豬脾飯或海南雞飯，豬脾飯肉好入味，而且夠腍，另一個海南雞飯都好值得推介，飯係雞油飯，食落去好香，雞都好滑，兩者價錢都係各5x蚊，價錢中等，間唔中會幫襯下