泰國人海南雞 (Closed)

都冇大家講得咁差姐個人覺得個湯好好飲D飯小小硬, 但我覺得幾有口感野飲都算OK啦, 不過唔知點解冇凍濘茶個雞飯點果D醬都幾好食, 我次次都食哂成個飯但個MENU真係冇咩野好揀次次去都係叫飯盒, 40蚊個飯其實都算有D貴, 可以低翻D就最好喇, 因為茶餐廳先30蚊個飯, 要人加十蚊去食佢個雞飯真係要諗諗

第一次同sammilala去，佢寫咗都諗住唔洗寫 上個月兩支公幫襯多次，今次落筆喇。呢次食咗個海南雞飯+綠咖哩雞飯，海南雞都一樣滑之不過一樣得五舊仔，碗飯唔知有冇我屋企個飯碗既3/4 tim，唔係雞油飯的話黎多個都唔飽﹔綠咖哩仲失望，唔知會會俾錯咗我地呢，又唔香又唔似綠咖哩味又細碟，我地都食過好多地方既綠咖哩咪當我地唔識食丫，老公要嗌多個白飯，第二個飯食到一半D餸又冇晒。四十蚊個飯都食得飽人至得架。做野亞姐一大班服務態度都親切，不過醒既應該未請到，事關亞姐寫兩個飯都要返轉到問多次，唔問多次都唔知佢又寫錯單

見冇啦啦開左咁多間就去試下。食品: 點了海南雞半隻，虾餅，雞油飯。其實冇咩咁特別，同apm food count差不多(可能apm的還要好味)飯沒有雞味食白飯好過，雞不太差都滑滑的，虾餅一般。但很討厭佢地隻碟，好平...好易了左d飯/餸出去。環境: 同下面食評一樣，table好細，好迫。服務: 阿姐們都好好人，但不太似做飲食的...有d家庭feel...幾好。

果日我同老公睇完醫生, 見佢全港九都開左咁多分店就去試一試, 點知....好失望!地方好細, D枱櫈好迫, 我地兩個人叫左一個海南雞餐$38, 一個綠咖哩雞餐$36, 份量少, 賣相差, 食物唔新鮮, 味道同正宗既差成條街, 完全係受騙!海南雞飯得4"片"好薄既雞, 根本冇肉, 只得雞皮同雞骨, 油飯又硬兼有香味, 碗湯成碗味精, 食完都唔知食左乜! 綠咖哩亦完全唔掂, 同我之前食過既綠咖哩差天共地, 一D咖哩香味都冇, 完全冇香辣味, 其求整D青綠色既汁就話係綠咖哩, 食左兩啖已經唔想食.我地叫左一杯凍奶茶, 一杯凍咖啡, 好難飲, 總之食完之後覺得完全唔值呢種價錢! 大X樂同大X活D海南雞飯都好食過佢多多聲! 我同老公都覺得唔會再有下次, 齊齊罷食"泰國人海南雞"!

前排同兩位友人因帶寵物去大圍睇醫生關係，所以喺大圍食飯，大家見有間泰國人海南雞，見佢近來開咗咁多分店，於是去試一試，三人一同都係食海南雞，首先要講吓環境，張檯超超超....細，我諗佢唔suggest食客叫多過一樣野食囉，一張超細圓檯，坐兩人，每人放左一碟飯都已經容納唔到其他食物勒！當碟飯嚟到，一睇就知求其，草草比你幾件雞，油飯，一碗湯，一杯野飲，盛惠$38蚊，價錢唔係大眾化，但食物質素就超差，雞真係冇雞味，飯不過不失，湯飲完後，大家勁口渴「真係落重料」，兩位朋友飲咖啡，異口同聲話飲唔到咖啡味，好彩我係飲汽水jet！食過一次之後，冇下次喇！

員工: 樓面員工根本唔係做飲食的, 完全唔掂, 服務有熱誠但無能力.食物: 雞肉粗, 漿汁唔夠, 飯有硬塊似焦, 可能煮好放得太耐, 飯唔太熱, 餐牌少選擇. 裝修: 典型搵錢格, 張桌好細, 電視只播廣告無睇頭但餐廳收人地錢吧.連鎖經營: ??員工毫無訓練??食物無標準, 如漿汁多少??總結: 貪新鮮, 不過無第二次

尋日行過天后見倒間野諗住試, 不過俾對面間泰國野吸引左... 好啦, 今日專程搭的士去大圍果間食...唔得到爆!!!!兩個人食左三樣野:1. 海南雞飯a) 個飯有色無香味, 仲要硬硬地b) d 雞又細又奀, 唔知佢好食在邊, d 汁更加唔掂2. 冬蔭功湯金邊粉a) 湯底淡而無味, 辣又唔夠香茅又唔夠b) 放埋d 無味既金邊粉落去== 無味之中既無味3. 生菜包a) d 生菜濕到倒得出水b) d 豬肉唔夠乾身我以後都唔會相信"鬍胃衝", 唔好信易拉架, 影幅相就當係推介...

個名都已經夠怪...海南雞有名你叫都知係海南島出品.又有咩理由關泰國人事.我地叫左一個生蝦,海南雞飯,冬陰公同個green curry.生蝦都幾唔錯,但價錢有d over-priced又超細隻.佢個主打泰國海南雞應該改名做"泰國海南雞皮"或者泰國海南雞骨"....皮厚肉又鞋.D飯油淋淋..冬陰公超唔正宗!!碗湯一個字....酸!無蝦都算喇!邊有人用秀真菇架??草菇而家好貴咩?個green curry 就唔錯.我個frd點左杯泰式奶茶...正宗泰式奶茶應該係橙橙地用泰國茶葉沖奶油加牛奶之類...佢景然俾左杯港式奶茶我地就算....!!呢間店分明掛羊頭賣狗肉!!價錢又唔合理...咁ge店都可以係香港立足!!?香港人!你地點叫自己個地方做美食之都呀?

今晚朋友係大圍剪完髮約埋一齊食飯, 選左lee間新開的舖頭試下試, 朋友本身好like 海南雞飯, 我就麻麻..但係食過都唔差, 我地一行6人叫左以下食物:1. 海南雞飯2. 海南雞金邊粉3. 泰式鳳爪4. 招牌炒金邊(個名好似係咁)5. 串燒牛6. 串燒豬7. 黃咖哩雞8. 青木瓜沙律仲有3包飲品, 飲品沖調麻麻, 個亞姐又好攪鬼, 點攪鬼去過就知haha.總括都唔錯下次會試佢湯金邊粉or其他。