韓舍 (Closed)

前日男同事生日，所以我地預定左位去食放題為佢慶祝生日。同事們book左韓舍，見網上刀有不少好評，所以我急不及待前往呢！位置方面，是位置創興，十分方便又易搵。搭完lift, 門口已經好寬敞。中間已見到入面有豐富既美食。場內環境比較大油煙，但坐得好舒服呢！餐廳提供刺身是需要排隊order, 然後師傅會即切比食客，每次只有八件，食客可食完再攞。三文魚腔既我，十分滿意依度既三文魚刺身！首先厚度足夠，紋理亦不錯！味道帶魚油味，入口即溶！無得輸啊！燒物方面，最討好我的是雞腎和雞翼！雞腎size剛好，燒後十分爽口，當中難免帶少少根，但整體而言，十分有口感啊！另外，雞翼共有兩款辣和不辣，方便大人和小朋友食用。雞翼燒後非常香口，而且肉汁慢慢滲出添！雞肉嫩滑，真的不錯啊！燒雞皮不是周圍有得食，燒既時候滲出不少油份，但食用時同樣地香口又脆卜卜，相信中意食雞皮既朋友不會介意有油份呢！自製章魚燒的確又有得玩又有得食，可以考考耐性！當中既材料可隨個人喜好增加呢！甜品方面，餐廳提供大量不同款式既甜品，除左雪糕，仲有不少糕點和多味奶凍！本人最愛的是大菜糕和牛奶奶凍！大菜糕夠甜，而且嗅落又香，自己食左吾少件。至於奶凍，

一入門口 裝修ok 畀人一種好好食嘅感覺 一坐低 冷氣唔係咁夠 之前食過所以在嚟但今次再嚟 可以話難食過漢陽苑 四百幾蚊呢啲價錢 真係食到喜來稀肉 野食種類好少 連最基本紅腸同香腸都冇 牛肉冇味豬扒冇味 可以講一句係唔好味

放題達人朋友又有好介紹， 打工仔可以準時放工都會諗下放工後小聚 晚飯放鬆一下。 今晚來到旺角創興廣場"韓舍"。 上網看見食評似乎幾有特色。 店內有很多六人大卡位， 自助吧檯韓式燒烤食物，甜品，等各種小食， 可以用陣容鼎盛來形容。 走勻全場要花點時間。先看看diy的counter。 每個counter都有提示牌給製作指引。 很多食客都好奇地體驗， 偶然都有些混亂工作人員未能及時清理。 但體驗中的食客滿載樂趣， 好不熱鬧。我先來體驗一下自製章魚小丸子。小丸子機絕對夠熱，不需要花太多時間燒， 加上木魚絲紫菜碎和燒汁個樣似模似樣。 墨魚粒彈牙， 小丸子外脆內軟。 除此以外還有韓式炒年糕都可以自製。 較少見的炒雪糕也有供應。 但盡見各人手忙腳亂都炒不到，還是不敢試。 此外還有棉花糖機。 加糖然後再自行捲捲捲， 進度很慢還是只好拍照。店內亦有壽司，刺身吧檯， 三文魚，章紅魚，貝類刺身都是任取。 唔算太肥美但亦新鮮。冷盤方面凍蝦青口源源不絕供應。甜品吧陣容不能忽視。各式蛋糕，奶凍，啫喱小巧精緻。 這款火龍果椰奶相當特別。 焦糖燉蛋，蛋撻質素唔錯可以一試。熱葷也有很多選擇， 薑醋豬腳， 荔枝香酥骨。

早前試過韓舍的晚市放題，今日食肉心起，決定一試午市。128一位，任飲任食黎講不貴。仍然是隔住牛油紙燒，少點痴底，相比起晚市，少了點伴菜。但仍保留了晚市的自助餐式燒烤，提供多種熱食，如蟹粥、西檸雞、卡邦尼通心粉等。肉食乾淨企理，必食咖哩雞肉，濃濃咖哩香氣，異常入味，非常出色。另外魷魚亦是必食之選，一個人食左四五塊，爽口彈牙，帶點鮮味，腸仔亦有數種選擇，不錯。食燒肉也不忘食炸饅頭，啖啖煉奶，甜品/填肚兩相宜。

之前見朋友及FB的海鮮鍋短片上載得咁開心，賣相又OK，滿以為差極有個譜，點知...沒有最差，只有更差！白蜆同蜆仔好似係無咩點洗過浸過，食到成口都係沙！D蝦係梅嘅唔新鮮！宣傳有龍蝦鮑魚同蟹等識得郁，到黎時蟹不見了！除了龍蝦和鮑魚新鮮外，其餘味道一般，名過於實，係出面的剌身，甜品及韓式熟食稍為好些。咁啱去果日汽水機壞了，斟酸梅汁飲時味道超甜，要用凍水狂溝淡才飲到真的只可以說:違反商品說明條例呀！！！！！

約左朋友食放題，大家之前都食過韓舍覺得好正，今次又要再幫襯喇，上次係食韓燒，今次我地見到有海鮮鍋覺得好吸引就決定試一試我地有四個人，海鮮鍋好大個，入面有多款海鮮，有兩隻大龍蝦，象拔蚌、扇貝、生蠔、蜆、鮑魚、海蝦，鍋入面仲有好多菜同粟米，淨係食個鍋都好滿足除左海鮮鍋我地仲拎左其它熟食，好多種類冷烏冬係自己落材料自己撈，味道都唔錯我地斟左一壺清酒飲，酒味唔算太濃章魚小丸子機，自己落材料好好玩叮叮cupcake，放入微波爐一叮就搞掂雪糕都有多款口味DIY韓式炒年糕棉花糖機自製棉花糖連爆谷機都有，真係好多元化呀

朋友相約飯聚，梗係唔少得要食放題啦，之前已經試過韓舍覺得唔錯，而且又坐得舒服，最啱一班朋友大策一餐黎到一坐低見到有個海鮮鍋$328一位，有海鮮食又有放題似乎唔錯，大家就決定一齊食呢個餐海鮮鍋材料好新鮮，一擺低個鍋既時候d龍蝦仲識郁架！除左龍蝦仲有其他海鮮，有鮑魚、扇貝、生蠔、蜆、象拔蚌，淨係食個鍋都已經夠豐富龍蝦肉彈牙，啖啖肉炸物有多款選擇，總有一款啱食另外有好多中西式既熟食，有酒店自助餐質素刺身每次可以選擇兩款凍盤有青口同蝦，真係好似去左酒店buffet咁除左自助食物仲有DIY類，炒雪糕，cupcake，棉花糖，好玩好食飲品唔止汽水機，仲有熱飲，花茶、清酒甜品有好多款味道都唔錯，甜品控絕對唔可以錯過

自從去過d比較闊落嘅放題之后，好怕去d坐到迫迫夾夾嘅放題，返唔到轉頭鳥.....所以去旺角食放題，即時諗起韓舍，環境闊落又唔會黑黑沉沉。已經唔係第一次幫襯韓舍，今次上到去見到有新野喎，個韓式宮廷海鮮鍋好鬼吸晴喎，於是唔玩韓燒，轉食海鮮鍋。其實.... 最吸引我係隻龍蝦！入到場，見到有幾枱食客，四個人，果個海鮮盤大到嚇一跳！從未見過d海鮮盤咁巨型！好想偷拍，但自己怕羞仔一名.... 怕被人丙。湯底分韓式微辣湯底同豬骨，我唔食得辣，所以點豬骨湯底。海鮮盤上枱，隻龍蝦重識旭架，一定新鮮啦！海鮮鍋重有聖子，扇貝，花甲，蚵仔，新鮮蝦，鮑魚，生𧐢.... 等等，每款食材都好新鮮，所以個湯底好鮮甜。自己覺得鮑魚係一種好難處理嘅海鮮，一唔新鮮就好易煮得韌，但今次食鮑魚一d都唔韌喎，所以一定新鮮，讚！其實我掛住吹水，將D海鮮都煮耐咗，但全部海鮮食落都唔韌，相信同新鮮有關係。雖然點海鮮鍋，但場內嘅自助餐都可以任囉，熱食，魚生，甜品，飲品選擇都好多，係我見過最多食品提供嘅放題，而且味道唔差，其中一款迷你沙翁，好鬼好味！最後要讚一讚佢地D服務，侍應耐唔耐黎睇吓個鍋，見到隻龍蝦煮熟，會主動幫我地囉去切開，相信今

今日行開旺角見到有間燒肉好似高級，午市都只係百零蚊一個人仲有任食。就想去睇吓，上到去一睇門面都幾企理。午市燒烤放題都係118$. 抵到爛！一到去第一件事即刻行個圈先！水吧有酸梅湯有果汁五款汽水仲有咖啡！當然茶，水都有！除咗水果之外佢仲有烏冬吧同埋沙律包。啱晒驚太熱氣既朋友！烏冬食落彈牙，條條分明，算好新鮮!!!講完冷盤就講下啲熱盤。佢嘅熟食實在有太多款，佢長期都唔知點樣影得晒。有鳳爪，有菠蘿雞鎚，有芝士薯容，有意粉，有蓮藕炆排骨。。。。可以話照顧到所有不同需要嘅人！燒既肉類就唔算話好多，但貴精不貴多！一般燒烤放題有既佢都有。有雞扒、牛扒、豬扒、雞翼、牛枊粒等等講下個爐，佢個爐依家付有個超強力吸油煙機，所以燒既時候點燒都唔會成面油！又唔洗驚燒完成身味！個鍋仲有層牛油紙，燒既時候絕對唔痴底。十分抵讚！好之後就講下燒完之後覺得有咩最好食。佢既雞翼調味夠香，又夠大隻！雞肉就好夠滑，燒完都仲有好多肉汁。牛枊粒都好唔錯，燒完都唔會好un有排趙，食落彈牙有牛味。蔬菜類都算多同算新鮮，特別南瓜特別好食。仲有大大塊尤魚，雖然冇影到相，但足足有手掌咁大塊。好鮮好好食！甜品方面有好多種雪糕之外，仲有爆谷，自

吹吹吹, 韓風繼續吹.... 今次吹東南偏東風, 吹了我去旺角揾食了! 呵呵,頭髮亂了...好友和我都喜歡食物多選擇的, 如果2個人去酒家、 Cafe, 都只可點2個餸菜, 所以決定去放縱一下....吃＂放題＂一出𨋢就有人向你鞠躬, 非常有禮!收費價錢, 清清楚楚! 不限燒烤時間,就是看你入座時間 我們愛慢慢吃,慢慢傾,不用禽禽青走了 嘩嘩嘩嘩嘩 ↠ 以為去了5星酒店呢， 好多顏色悦目的甜品。。。冷盤。。。Pop corn, 真係估你吾到, 竟然有棉花糖和章魚小魚子 是自己動手做, 小朋友來就不怕吃到悶,有細藝! 吃了兩大塊羊扒和很大堆牛肉粒, 因為貨如輪轉, 新鮮就不在話下, 羊的騷味是有, 但不過份, 超值超正!噢, 乜甘多熱葷.... 真係要慢慢食, 消化了...再去吃其他了 ....呢款重口味的 "重慶麻棘豬腸魚", 夠哂入味,豬腸肥厚, 魚塊很大件兼彈牙 好多另類選擇喔!最後一擊 女人有另一個胃的, 向小甜品進玫.... 真係超超超飽, 食埋呢餐, 明天要減肥了 好似每次都係甘講.... 咪理了! 下次來吃埋這 "韓式宮廷海鮮鍋"先減, 見到好多人吃呀!

小妹認為辛苦反工賺錢志在食餐好既，今晚小妹同一班好朋友聚餐，當然要搵間坐得舒服又好食既餐廳啦！小妹就選擇咗位於創興9樓既韓舍，有多國菜酒店式自助餐配上韓式燒烤放題。多款菜式可選擇，一定可以滿足哂我地每個人既口味，所以最岩大伙兒嚟聚餐。餐廳安排咗一張好寬敞的卡位，每張枱都設有抽煙機，在燒烤爐上更有一張類似牛油紙，令食物燒烤時唔會咁易燒焦。果然細心。餐廳大堂除了擺放甜品，壽司外，還有很多喺自助餐見到的食物，例如自助煎腸粉，自制章魚丸，爆谷機，炒雪糕，棉花糖。十分新奇有趣，令食客更有新鮮感，不只是普通韓燒那麼乏味。飯後必要抽點時間自制甜品，令晚餐更有樂趣，抵讚！韓燒前先到熟食區攞啲前菜，有韓式紫菜飯，泡菜，中式湯，更有中式小菜，例如有咕嚕肉，沙嗲牛肉，栗米更等。還有煎炸食物，蟹肉蟹殻，炸麥樂雞，炸餃子，炒烏冬等。。。。小妹最愛的係豬腳薑，韓燒竟然有豬腳薑，味道非常入味，小妹一食已食咗兩碗，好味到停唔到口！只是熟食已經可以吃飽飽。主角韓燒方面，食物選擇都非常多，只是雞翼已有幾種味道，而豬牛羊雞都非常齊全，蔬菜選擇亦很多。小妹最愛是香辣雞翼及燒菠蘿，非常滋味。飲品方面選擇還可以，有清酒，汽水，花

放完大假後，個人的精力還未回覆翻，總是懶洋洋似的，一點勁兒都沒有，何況要恢復心情上班去！真是有點那個呢！提起食，個人的心情特別起勁的，家人見到我這副樣子，就提議再盡情開心又食個滿足。大仔提出，要食勻中西日韓美食，這才是個大滿足。入到門口，眼睛都琳琅滿目的精緻蛋糕甜點所吸引了，未食已甜入心了。沙律是我的至愛，有數款的生果、沙律菜，車厘茄，樣樣都新鮮鮮甜。三文魚肥瘦均勻，油脂豐富，入口即溶，螺肉及海蜇夠爽口。凍蝦大大隻，肥美又彈牙爽口，鮮味十足。韓燒的食物種類都好多，除左肉類、還有蔬果類，兩者一齊燒，是不錯的選擇。豬扒肉質嫩滑，只需燒一陣剛好熟，有點焦香，仲更加一流，多肉汁又美味。

話說最近小女子忙住開新鋪，要走圍走去入貨買傢私咁，好睇男友有時間都會陪我上山下海見佢咁好仔手，今日下午就陪佢去食下又抵又好味既好西啦韓舍從來都係我最愛之一，熟食好傢食buffett咁多既選擇，燒肉都有一定既質素醬料方面其實我至愛都係用海鹽今日食至抵午市，所以相對黎講款式一定唔會夠晚市多，但應有即有壽司都新鮮同fill得好密燒肉同晚市我覺得分別不大，反正我都係只會燒牛同雞翼至愛食佢呢個牛，超滑同超入味最好係用牛油紙，唔使成日換盤同埋唔會太多黑色個啲焦食下午我覺得都ok,不過下次都係食番晚市多啲選擇開心啲嘛

話說呢個鍋年頭推出 到今個月終於約齊腳去挑戰一下!由於一早book左位嘅關係, 基本上上到去已經可以即刻入座~檯上已經準備好2個gas爐 而重頭戲亦都隨之而上果然呢個宮廷海鮮鍋非常吸睛~大家既手機都已經準備好哂~職員見我地影得7788 就加湯(可以擇豬骨/泡菜湯, 今次我地就揀左豬骨)然後冚蓋~~冚蓋之後隻龍蝦依然非常生猛! 差D 推開個蓋~~大概10分鐘左右就可以開動~~~主要海鮮有扇貝, 鮑魚, 貴妃蚌, 龍蝦, 基圍蝦, 白貝~旁邊都有D 粟米蘿白秋葵之類既蔬菜海鮮都算新鮮 但唯獨湯底好似未能夠帶出海鮮既鮮味初頭幾款海鮮我都無加醬料 諗住可以原汁原味 但最後都係覺得太Dry...要加豉油~而呢個鍋食完D 海鮮係無得再打邊爐 我覺得如果可以提供少少打邊爐配料例如肥牛/魚片/菜之類會更加滿足!另外出面仲有D魚生, 熟食同埋甜品可以任食~不過熟食黎講大部分都唔夠熱, 甜品都唔太吸引友人更指出面任食嘅野黎講最好食係雪糕....最後埋單每人計$360 的話...應該可以有更好既選擇!

家人很喜歡食日式料理，出外食飯，總有一半都是食日本菜，有時，都覺得有點悶啊！但家人的喜愛，我又點可以抗拒呢！幸好，今次出外食飯，我提議，不如去食放題，這裡有不同款式的食物，又有日式，中西日韓都有，好適合個人的喜愛。我同朋友都來過這裡食過，就是愛它多款式。門前，就擺放了不同味道、款式的甜品糕點，好吸睛，好似酒店的自助餐一樣，未食，已甜入心。日式小食前菜、沙律，魚生刺身，都擺放在吧檯上，自己動手，隨意份量。還有是意大利薄餅、豬腳薑都有，可以說是包羅萬有，琳琅滿目。蟹粥，煲得夠稠，香濃米香、鮮甜又多蟹肉、又有蟹籽，鮮上鮮甜，美味無窮。燒烤的食物款式多，還有蔬菜、生果菠蘿，增添色彩又健康，肉質食物，調味適宜，豬扒肉質嫩滑，菠蘿鮮甜，好開胃。