高麗軒韓國餐廳

Open Now

Now Closed

好耐冇寫食評，係開飯訂位，其實以前都幫襯過，午餐點咗牛和雞，味道都唔錯，前菜多選擇嘅，最差就係甜品，係啫喱但唔凍價錢都可以，招呼就一般啦。話係開飯訂位，都冇人理會，真係唔知訂位有什麼用，正體評分75分。

北角高性價比抵食韓燒高麗軒韓國餐廳📍北角和富道20-36號明暉大廈1樓➰今日同同事行到去北角Lunch，依間高麗軒都幫襯過夜晚韓燒放題，今日就試下佢Lunch。✥午市燒烤餐 💲72 ⭐️4/5⭐️可以揀豬牛羊雞魚等唔同肉類一款，自己燒或者餐廳代燒。套餐仲包含前菜﹑飯﹑湯﹑飲品及甜品.我地就揀左牛舌同豬頸肉套餐自己燒，侍應隨即拎左幾碟前菜比我地食住先，種類都豐富，特別鐘意韓式白飯魚仔，咬落有口感，甜甜地好易入口。.牛舌一碟6件，都幾厚切，猛火兩邊各燒一陣即可上碟，牛舌入口爽嫉有口感，牛舌控表示滿意。.另外豬頸肉份量非常豐富，而且醃料足夠，燒完之後入口非常惹味，亦好推薦。➿➿➿

中午得閒冇嘢做， 又肚餓， 就諗到食放題， 韓式放題有大量嘅肉類選擇， 又有海鮮， 最特別嘅係有人參雞湯 ，海帶湯 ，仲有我最鍾意嘅泡菜， 閨蜜最鍾意嘅酸瓜， 同埋海鮮煎餅。 葷素搭配， 健康美味。 我哋坐低就掃碼狂點 ，第一round已經點咗16碟肉同海鮮，豬肉 牛肉同羊肉都非常新鮮好味， 海鮮就點咗 秋刀魚， 青魚， 虎蝦， 青衣柳， 全部都好好味， 放題可以食個半小時， 對於我哋咁大食嘅人嚟講， 係有少少趕， 我哋又點咗麵豉醬生菜， 用嚟包烤肉同埋海鮮都非常正 ，配搭一流 。小食方面， 我哋淨係揀咗泡菜數碟 酸青瓜數碟， 人參雞湯兩碗， 海帶湯一碗， 仲有海鮮煎薄餅， 煎得金黃 ，外脆內軟， 手勢真係一流 。所以如果可以食耐啲 ，我哋仲可以嗌多一個食。 放題呢樣嘢， 真係啲為食人嘅福祉， 而且凍飲隨意 ，飲熱茶都得， 任君選擇。 呢度服務周到 ，食完啲碗碗碟碟會馬上消失 ，保證你食得舒舒服服 ，所以可以n call完又n call。💪💪😘😘

係食之前睇餐牌睇落去食物的種類唔係好多，但係我地兩個人，揀左自己最中意食，每樣半份都唔洗。有得揀半份係好抵讚👍🏼👍🏼，等我地可以食多幾樣唔同款。食物係一早已經醃製好，燒完的味道岩岩好，當中最推薦的係牛仔骨和牛肉，兩個燒完都好嫩口😋😋唯獨魷魚🦑係無咩味道其他熟食都有試左，蛋包蝦（提醒大家到左就要盡快食，放耐左就無咁好食）、泡菜煎餅（好夠食，不過可以唔洗咁厚粉）、年糕（值得一試）、仲有鯖魚（好鬆脆，即使食到好飽都仲食左半條）另外，大家都可以叫半份生菜🥬，用黎包住肉一齊食，感覺好清新又無咁油膩😉

話說中學時期同同學食lunch，手頭鬆動嘅時候就會食炮台山嘅韓燒，$50左右就有一碟肉、勁多前菜、湯、白飯、啫喱同菊花茶，叫幾款肉一齊share一齊燒，食得好開心😆😆呢日有機會再次嚟到懷緬一下，套餐份量一樣多，而家都只係$72，，加埋回憶嘅味道，性價比好高👍🏻👍🏻午市燒烤餐－牛肉、羊肉每一碟肉份量都算多，而且size都大，燒到少少焦香之後食到啖啖肉😗😗雖然唔係咩高級靚牛肉羊肉不過都食到好滿足。最緊要係有勁多韓式配菜，最鐘意就係燒肉配爽口嘅泡菜一齊食。嚟呢度食韓燒嘅signature其實係餐後嘅羅拔臣啫喱！大人見到都會好開心🤩🤩🤩韓國雜錦飯－豬Classic嘅雜錦飯同樣大堆頭，而且色彩繽紛，仲有煎得香脆嘅煎蛋。其他飯類同韓燒一樣都有湯、配菜、飲品同啫喱，好豐富😛人均消費：$80推介指數（10分為滿分）：7.5分

很久沒吃漢燒了，好友提議去放題，因中午有85折，於是兩個人就開始放肆。😘😘用掃碼點菜，每輪可點十樣食物。第一輪點曬海鮮肉類，秋風掃落葉式地食左牛肉🐮，牛舌，羊肉🐐，豬腩肉🐷，青口，去頭虎蝦🦐，鯖魚🐟，秋刀魚🐠。跟著又點了各式小食，青瓜🥒，大豆芽，泡菜，韓式魚🐠仔，雜錦蔬菜🍆。食韓菜自然少不了人參雞🐔湯。店員服務非常周到，不停為我們調較火🔥力，提醒飲品任飲，我們戰鬥力超強，店員不停為我們收拾台面，令我們食得舒服又暢快。😘😘各式海鮮肉類蔬菜都好新鮮，我們發現新食法，用生菜包麵豉醬 ，泡菜， 加魚仔 ，超好食。

是次堂食牛肋骨湯套餐配菜正發揮飲品是指定凍菊花茶甜品是啫喱主食牛肋骨湯一般水準下類跟一般例湯加少量牛肋肉加蛋花煮熟不能稱之為牛肋湯服務一般，冷氣不太涼，風機聲刺耳78蚊位同區不乏其他選擇套餐的話不推介此餐廳

千其唔好去！平心而論野食味道幾好，但重點係佢唔會上俾你！母親都唔安排人手，得一個人serve好多枱。野食用QR code order，上完一round之後就無再上。問個侍應，好好禮貌既，但佢都無辦法，好無奈。之後係每要一碟野就要同個侍應講，佢入去拎。個QR code廢既，要一樣樣野食催。你好快食完一兩碟肉之後就會無野食，無野燒，坐係度等！隔離幾枱都係，因為真係得一個人serve大概10枱，同埋廚房唔出野既，要佢入去逐碟拎！已經好耐無去過咁垃圾既餐廳，唔係d野唔好食，而係無野食。。。唔上野食俾你。。。中意食法國餐既可以去

有一段時間在北角上班，這裏基本上是午餐飯堂，價錢親民質素又高，機緣巧合，事隔兩年再來這裏吃晚飯。本來是打算品嚐單點韓式料理，點知原來晚市放題性價比極高！我這個業餘食家，當然要為大家做隻白老鼠平日晚市放題$278 1.5小時，已包括各大肉類，海鮮個韓式熱食。另外加$68升級至六種premium料理- prime 雪花牛,A3雪花牛,帆立貝和帶子,紅炆牛肋骨,羊架兩種雪花牛肉- prime 同A3都好值回票價! 漂亮的雪花紋理和平衡的油脂分佈，肉質軟腍。prime 以韓式醃料調味，不乏肉味之餘還帶出絲絲甜味。韓式熱食- 從未試過去吃到飽會提供這麼高質的熟食！列出三個最最最值得推介的！▪️紅炆牛肋骨，軟腍入味的牛肋骨肉配以豐富入味的蔬菜，真係要甜一碗飯！▪️韓式炒粉絲，必點料理，粉絲吃起來Q彈有韌度，加入豐富蔬菜材料，啖啖都非常有口感，明知要留肚，都點了兩份🤩▪️辣炒豬五花 -超級適合作為下酒菜，調味醬料辣中帶鹹甜，非常開胃！整體吃起來口感柔軟有咬勁，又不過於油膩，配碗白飯或者以生菜包着吃一流！海鮮種類- 先說追加的帆立貝和扇貝，全部超巨形，帆立貝杯有半個手掌心size! 味道鮮甜又新鮮! 魷魚鮮

🍴尖沙咀人氣韓燒+料理放題【高麗軒韓國料理】最近行過北角見到開咗分店，韓燒控嘅仔仔即刻話要入去開餐食韓燒🍽 🍴充滿著地道韓風裝修，令我有彷如置身韓國嘅感覺。午市選擇有好多，最吸引一定係親民價任食韓燒，成人午餐價只係2百零蚊位，想食豐富啲高質啲仲可以加多$68升級至🥩任食加拿大Prime 雪花牛、🥩 3A雪花牛、帆立貝、澳洲新鮮帶子、法式羊架及紅炆牛肋骨。 🍴Order食物好方便，以手機掃QR落單就可以，送餐時間好快亦無漏單情況出現。 🔹️任燒食物包括：雞翼、5款牛肉、5款豬肉、海鮮……🔹️韓式地道熟食包括:牛肉炒雜菜、海鮮煎蔥餅、韓式炒年糕、蛋包蝦、韓式炒粉絲……🔹️湯類：人參雞湯、豆腐辣湯及泡菜湯。韓式風味～大大碗人參雞湯，湯中有成隻雞脾，非常足料香濃。🔹️飯類：石鍋飯及泡菜炒飯。 🔹️免費甜品食完咸野食杯冰凍啫喱甜品，完美！ ◽◽◽🔸️◽◽◽🔸️◽◽◽

大概因為看多了韓國電視劇，所以一直想去吃韓國菜，之前去過某家尖沙嘴的韓國菜館，極其失望，貴夾唔抵！這個晚上，跟友人在北角旅館Staycation 中，好想去吃韓國燒烤 ，無意中在網上看到這家。看看食評都不錯，及後發覺真如所言般好吃與好招呼。我們叫的食物，非常好味道也多選擇。最好吃是虎頭蝦，還有特級牛頸肉，還有海鮮煎餅，炒年糕。招呼一流的意思是見到我很努力在用筷子分切牛肉，他們的工作人員見狀即遞上剪刀……$278一個人，絕對值得！

今個聖誕節天氣又凍，食韓國燒烤最適合， 環境舒適，通風又好。升級💰6️⃣8️⃣仲有仲好多加，加拿大prime雪花牛😋， 加拿大雪花3A牛， 澳洲新鮮帶子👍，法式羊架😋😋 紅炆牛肋骨……超級多嘢食， 食物都好新鮮😋

尖沙咀人氣韓燒加料理放題高麗軒韓國料理喺北角新店開張喇～今次就嚟新店試吓啦！餐廳環境真係令人好似去咗韓國咁，而家加$68/位仲可以升級食更好嘅野，包括任食加拿大Prime 雪花牛、3A雪花牛、帆立貝、澳洲新鮮帶子、法式羊架同紅炆牛肋骨，睇完下面介紹就知道呢筆錢係值得加㗎😆✨以下為大家重點推介10款❤️❤️❤❤❤美味指數嘅必試嘅食物🤤✨✍🏻 / 前菜：韓式魚仔甜甜哋～好似下酒菜，又有啲似零食，食落一啲都唔腥，可以一啖接一啖咁食！✍🏻 / 升級牛肉：3A雪花牛✍🏻 / 升級牛肉：Prime雪花牛呢2款牛肉都超好味～所以真係一定要加HK$68升級！可惜我分唔到邊款打邊款，如果有張細紙仔寫一寫就易分啲。因為其中一款雪花牛嘅油花分佈均勻，而且真係好似雪花咁。而雪花牛脂肪含量較高，所以食落口感爽滑嬌嫩！但另一款嘅雪花牛都唔輸蝕，肉質燒完都仲係軟腍👍🏻✨✍🏻 / 升級海鮮：帆立貝帆立貝好新鮮，燒熟咗有啲似零食嘅size。建議用個帆立貝殻蓋住另一隻帆立貝燒，咁會快熟啲添☺️💕✍🏻 / 海鮮：鮮魷魚係醃過嘅鮮魷魚，醃得好夠味！✍🏻 / 海鮮：海虎蝦見朋友食曬6隻，咁應該都好好味，可惜我怕敏感唔敢試。✍🏻 /

事緣望到佢餐牌話7點半前埋單228又話食1.5小時咁我就準時6點正入左去啦店員亦都同我哋講7點半前走就228我哋亦都講咗係要呢個餐先講野食 除咗第一round嚟得快之後嗌親起碼都要等15-20分鐘嘢食質素普通 小食好食過d牛食食下 發現時間係7:40分我即刻嗌埋單 因為我係諗住228 咁早去食都純粹係只係因為想食特價時段但店員話唔可以 因為過左時之後又講話其實餐廳冇特別大嘅時間限制你可以食幾耐都得你咁樣講 點講都得啦最後埋單正價 268+68 再加一2個人食左732，呢個價錢真係同質素反比如果係732跟本唔會諗食依間最唔滿意係佢哋話過左5分鐘10分鐘 其實都可以俾優惠你 我叫埋單時間係 7:40但你suppose 人食1.5小時 又6點開門 整個7點半前離坐嘅優惠，完全冇叫過人埋單，但係遲咗少少又同我講話已經過咗時間，要俾返正價，好呃人囉

上網見好評一堆堆，諗住都唔假，其實價錢黎講唔包野飲$228，1930前離座都唔係平，但見禁多人讚就去試下。佢1800開就立即狗衝左去，一坐落時個店員話228一個。而佢有得加68升級，咁d人個個都話好值，一定要加，咁我地就加左。全間鋪初頭都係得我地，而野食第一轉的確係上得幾快，跟住個幾轉就開始要死吹爛吹。慶幸d人態度唔算太差，但講真，食物質素同種類真係麻麻，選擇唔多，而且肉質素就算升級都普通，絕對唔值228。個重頭戲就係我地準備埋單時，個個人話因為我地遲左15分鐘，所以收正價268..我地o灑嘴，佢話遲左就遲左，冇辦法咁冇計啦，就再問佢，我地依家咁食到幾點？佢居然話，其實我地冇咩時間觀念，冇限制ge…個下慶過火屎..攞景定點？最後2個人埋單739。唔係講咩，個下個心有d似中左騙局咁…