KR Cafe

Open Now

Now Closed

好鍾意望天，睇住啲雲飄來飄去已經好治癒，腦海會出現這句歌詞：「看天空裡浮雲悠遊，羨煞了我的不自由。」在陰天的時候，想看看天空，可以選擇這家KR Cafe，早前經過時看見有雲朵裝飾，身為大雲 aka 藝聲粉絲的自己，終於去到了。餐飲、美食外，現場還有一個角落放了陶瓷、玻璃器皿，動物造型帶來可愛的感覺，與Cafe的感覺很搭。▪️ Cloud $52（套餐只需補差價）一看就知道超級打卡，底部飲品的藍色，加上面頭的奶泡，有富士山的感覺，同時又像藍天白雲。選擇藍檸檬口味，Soda口感清爽，奶泡細滑帶奶香，雙重口感。◽ 脆脆吐司條配鳳梨手工果醬 $68吐司條好香脆，果醬係手工製，鳳梨好突出，一條一條蘸果醬好快食完，如果吐司條可以再熱啲就更好啦！總括來說，Cafe環境都舒服，若果逛逛尖沙咀的時候想找個地方休息，是個不錯的選擇。

係堂飲呀，因為真係無再試過叫嘢食😂去親都買外賣，買到連老公都好自覺，經開就去買一杯帶比我飲☺️次次都買外賣，今日因為要等車，於是坐低叫咗一杯堂飲，不過都係用外賣杯（怕車到，要帶走）平時有外賣杯蓋都唔覺，原來咖啡倒喺面會漲得咁勁😆😆（知會漲，但真係無留意過個幅度😅）我覺得佢咁漲好雲朵呀，都幾乎合主題🤣🤣同埋發現佢原來有烏冬食嘅，唔知係咪因為韓星應援先有定係點，比大家參考下呢度嘅staff 都好nice，相信佢哋絕對唔認得我，因為我次次走飲管佢哋都confirm 再confirm🤣所以佢哋嘅親切絕對唔係因為係熟客仔（自問未熟到佢哋會認得😂）如果大家經開附近搵嘢飲，又啱飲咖啡，絕對推薦去呢一間要坐就要睇彩數啦🥲因為都好多妹妹仔打卡，上次去連外藉姐姐都有2個坐位黎講普普通通，日式風格咁啦，打發下時間都ok

食完飯就去搵甜品食啦！好在搵左一陣就睇中呢間「KR cafe」，其實都係睇中佢店內裝潢設計夠簡約舒服，加上相片個富士山飲品好吸引，已經立刻決定幫襯下啦😊坐低左就覺得有靈靜的感覺，隔音做得好好，搵日入嚟坐低飲杯野，睇睇書都好啊😌層層疊配雲尼拿雪糕 $68我哋先食咗雪糕，再食麵包條，麵包條焗得好香脆，所以食到一半就會令到口有啲乾，建議點呢個甜品既話，唔好咁快飲晒杯飲品，又或者你可以叫多杯飲品都得既。藍菠蘿氣泡鮮奶 $52先食咗面果層泡泡，感覺其實似食空氣，因為無乜味又係泡泡咁。食一半到，其他留返同飲品拌勻，拌之前試吓藍菠蘿既味先，會濃味啲，拌勻後味會淡啲，但兩個感覺都好味架。白桃氣泡咖啡 $52飲落似啤酒，如果你唔飲得酒，呢個係唔錯嘅選擇。自家巴斯克芝士蛋糕(梅酒味) $48食尖尖位既蛋糕位置的梅酒味好濃，跟住食到外邊就會芝士味濃，口感似食雪糕咁，又好杰好濃郁，個蛋糕都好足料喎。

呢間嘢第一次幫襯係因為附近無乜咖啡舖，點知佢杯咖啡梳打勁香，飲完上咗癮，念念不忘，經過開就要買一杯。佢嘅咖啡真係唔錯，大推！食過多士&Pizza，呢個就普通貨色，甚至有啲失望（因為唔平），唔係好肚餓都唔會食或者可以唔使嘥錢，喺外面買其他嘢食，呢到淨係買杯飲品都得今次買呢杯係Double Shot，反而無咁好飲，破壞咗個Balance要飲就飲1 shot 嘅熱情果梳打，亦都試過轉其他味，反而無咁夾。呢一杯係最夾、最好飲、最推薦！

位於尖沙咀的KR cafe，以藍色及木系作為主調，更有白雲形狀的吊燈，感覺十分舒服。於平日下午1時多到店，沒有甚麼人，內裡播著日文歌。··熱榛子鮮奶咖啡（$52）店員十分細心，問我會否想要濃一點的咖啡味，可以提供double shot👍🏻咖啡牛奶味香，又不會太甜榛子味，同時會有淡淡咖啡的甘香。上面的拉花是一團白雲呢🥰··雙重芝士雲蛋吐司（$58）蛋白嫩滑，蛋黃流心，蛋味濃郁，吐司不會烤得太硬，外皮脆而不刮口😻反而芝士味就不算突出。整店只得一個員工，所以假如你是時間緊迫就建議下次較多時間時再來😚假如你有一個悠閑下午，那就值得一去👍🏻

☁️Kr Cafe☁️ 《尖沙咀》咁岩經過金巴利道發現呢間小鋪 見裝修幾靚好多雲朵 又冇咩人 就入去試下 冇叫野食因為見到d相都覺得有d hea 好似屋企自己都整到咁.. 冇咩吸引 所以就叫左杯野飲坐下算🗻原味氣泡鮮奶🥛（$52）造型好靚！果香味梳打 面頭係打左嘅奶泡唔可以講係好飲 又未算難飲 都係志在叫黎打下卡 性價比極低總結黎講唔會再黎 雖然裝修靚但冇吸引嘅野食 同埋影相嘅話都幾難影晒d雲 因為鋪頭空間好細🥴希望可以再改善下menu 喇！

-梳打咖啡 $52巨鋒提子鮮奶泡 $52芝士雲蛋吐司 $58煙三文魚吐司 $52自家小簿餅 $58 梳打咖啡不錯配搭，底層是要了熱情果味，之後梳打水再自行輕輕倒入特濃咖啡，好好飲感覺像是飲啤酒但沒有我個人不愛啤酒的麥味感店內只有一位員工，叫咗三樣要焗的吐司要耐心等候，平均每次隔8-10分鐘先上一個吐司。

這間白雲cafe，地方少少，但設計得幾舒服、清新，星期日的下午四點幾，唔係好多人，但之後開始都full，叫了杯打卡必點的cloud氣泡鮮奶菠蘿味及層層叠多士加雪糕，氣泡鮮奶外型似富士山，中間有啲透明，最低果層係湖水綠色，幾夢幻幾靚，但唔知係我這杯整到失敗咗定點，這杯飲品外型好快變，變到上面啲白色好多，綠色部份得返好少，所以影相一定要快，至於味道我自己覺得麻麻，另外個層層叠多士，造型設計得幾用心，放得幾靚，多士好脆，脆到可能有啲部位比較硬，建議要加雪糕一齊食，口感會豐富啲同埋冇咁dry.

尖沙咀開左間KR CAFE，以藍天白雲為主題，一睇第一個感覺就係「落雨又有乜好怕？」藍色牆配幾盞白雲燈，環境好療癒，比人一種好放鬆既感覺，好適合壓力大既香港人。咖啡係採用台灣烘焙阿拉比卡新鮮咖啡豆，最受歡迎既一定係$52氣泡鮮奶同氣泡咖啡！氣泡咖啡有白桃（蜜桃）同熱情果兩種，仲有$48自選三種手工果醬吐司都係好受歡迎！除左手工果醬，吐司既選擇有層層疊、煙三文魚，唔鐘意吐司可以叫$58單骨炸雞翼......

同朋友行完街.經過呢間cafe. 叫做KR cafe諗住入去坐低唞吓........裏面嘅裝修好有韓國Cafe嘅感覺....天花板仲有 白雲既吊燈..好可愛我哋叫左杯白桃梳打 同埋榛子咖啡...初頭都冇乜期望..但飲完之後發覺 幾好飲..好有驚喜同埋店裏面有好多影相打卡位..啱晒最鍾意自拍嘅我哋...重點係.....我同我朋友都覺得裏面嘅店員有啲似朴寶劍哈哈 😄大家可以去睇下 似唔似😂下次再去尖沙咀行街，一定會再過嚟飲嘢

😊尋日同朋友經開尖沙咀，去左呢間新開舖試吓，本身自己吾飲咖啡，諗左陣飲咩？！店員非常有善，介紹荔枝特飲，但本身唔飲凍野，再堆介綠茶，之後就揀咗綠茶，入口個下唔同出邊啲抹茶味甘簡單，直情係飲到抹茶嘅粉，好正😍！吐司一上已經細心甘分開哂d果醬，吾使自己落手👍👍下次會再去😊

☁️發現尖沙咀新開既一間cafe店舖面積唔太大 大約有4-5張枱其實第一次買嘢飲係佢地岩岩試業開張第一次買左杯白桃soda 外賣佢地好主動推介我下次可以試下佢地d 咖啡 話咩台灣烘焙(我就對咖啡唔係有太大了解 好膚淺咁講 我覺得好飲就得㗎啦 ）之後第二次就試左杯dirty 果然係同出面啲咖啡豆有啲唔同 好飲得黎帶有堅果香氣第三次就坐底睇下書飲下佢地杯打卡飲品-cloud☁️成杯野飲好襯間舖可能我平日去 唔算太多人 得我同另一枱可以靜靜地坐下休息下我覺得佢地可以增添一啲正餐係enjoy佢地啲飲品之餘 又可以食飽啲又一間屬於真正香港人的cafe💛

New Cafe✨良心小店💛藍天白雲之小店💙自帶好天氣😆喜歡四顆可愛的雲朵☁️及雲朵飲品🤩有咖啡及輕食多士🍞配多款果醬下次都要再去試吓個多士先😍店主好好人 大家快啲去支持❕我夜左去 如果上午去有陽光更靚

路過見到新開張KR CAFE 決定要支持一下小店 香港人要一齊加油💪🏻💪🏻💪🏻💪🏻💪🏻💪🏻💪🏻💪🏻💪🏻因為唔太肚餓 Order 左層層疊配一杯焦糖咖啡吐司 🍞口感好香口 配面上灑上朱古力醬 🍫🍫唔會過甜😋😋😋☕️☕️☕️咖啡焦糖好香濃 expresso 量不多 好岩啲唔飲得太濃咖啡既人 店員很友善同有禮貌 下次會帶朋感覺黎再幫襯 再試其他飲品同小食合理價錢 本身比較喜歡幫襯小店集團式經營果啲態度太惡劣了

唔鐘意飲太甜嘅人可以試一試呢間cafe，味道啱啱好，呢杯chocolate唔太甜可以feel到口腔留有朱古力嘅甘香味，對於唔鐘意飲太甜嘅人來講絕對值得過嚟試試！