權發海鮮酒家 (Closed)

一行人叫左碟春卷, 點知食到一半, 發現原來雞肉係生既!!但係發現既時候, 已經有幾個人食左落肚.....之後我地好聲好氣咁同個女員工講番聲, 但佢竟然大翻我地轉頭, 吼翻我地, 話幫唔到, 仲好惡咁問我地想點, 好似我地先係有問題個個。如果大家想試下生雞肉春卷, 就黎試下啦!!

由于地缘因素，很少去柴湾活动。我只是在 社交平台看到他们的广告，知道有火锅自助餐，不收加一的价钱才168元，就约了朋友一起去试试。自助火锅材料需自己去取，生和熟的东西分开放在不同的地方，客人可根据自己的需要取。鲜肉只有三款：肥牛、羊片和猪肉片基本上供应是足够的，补给也很快，不会出现等候的情况。至于其他配料和素菜，尤其是蔬菜类，也是供应充足。说是可吃两个半小时，但由于客人不多，够钟也不会催埋单。顺带一带，他们有任吃鲜虾，如果喜欢又能吃的，可以多吃一点。虽然服务只是一般，但考虑到价钱和吃的东西，基本上是可以接受的。

如果要選近日最奇葩的一間餐廳，這一家必定當選。環境非常肮髒，服務非常差勁，而且食物質素又垃圾。這家餐廳絕對是我回香港吃過最差的一家。先說環境非常古舊，應該開了不少年頭。這裏是吃自助火鍋，158火鍋海鮮飲品任吃。但我居然看到拿醬油的地方有小曱甴出現，可知衛生程度有幾差勁。食物質素也一般都是便宜貨品。熟食的种類也算多。海鮮免費的提供生蠔凍蝦青口龍躉片和花膠。其實提供的海鮮還可以，這價錢不能要求太多。但服務實在超級差勁。餐牌寫上晚上8點半后158一個人。但得知我是一個人後，卻說要加收30元。我問他那裏顯示一人吃火鍋要加收30元他又說不出來。我跟他說如果他們要收30我會去消委會投訴他們。除非他能提供白紙黑字的證明一個人吃火鍋要加收30。最後當然他沒辦法收我額外錢。但卻懷恨在心什麼都不提供。所有筷子湯殼紙巾完全不提供給我。這種垃圾服務以後不會再來絕對差評。

呢排接近新年，就同屋企人食餐團年飯，因為有老人家就近近地搵間酒樓食呢間酒樓都幾多選擇，孖寶套餐都幾抵食🍴 過左830仲有宵夜特價小菜，幾抵食🍴今次就叫左個孖寶套餐加一個宵夜特價小菜芝士焗龍蝦，龍蝦好新鮮食落好爽口，啖啖肉而芝士係意外地香濃同creamy，而且個汁好多，拌埋伊麵一流佢仲要用錫紙焗，可以一路食都keep住個溫度 而條魚好新鮮，雖然好厚身但都蒸得岩岩好，食落魚肉好滑身同香魚味 宵夜特價小菜就叫魚湯肥蜆浸大白菜個湯底都幾清，而且蜆都大大隻，食落好肥美同冇沙，好岩老人家食總括黎講：食物質素唔錯，價錢合理，只係服務就差左少少，都算抵食

有無撹錯，噤大間酒樓，全曰連晚市都要比現金。即係唔駛幫襯你擺酒：(食物好油，必定要叫小油小鹽，有時食物亦唔新鮮，要看天氣揀食物。服務就是無服務，成晚只見老闆滿場飛，人手不足很嚴重。

今日老細請食飯，中午嚟到發現差不多坐滿哂人。我同同事叫咗點心同小食，點心質數都算ok, 反而我哋比較期待啲小食。小食叫咗椒鹽脆炸豆腐，紅燒乳鴿，椒鹽白鱔，椒鹽魷魚，燒腩仔。(唔熱氣唔叫🤣)乳鴿，椒鹽白鱔，椒鹽魷魚賣相同質數都麻麻，所以冇影到相，但驚喜位係椒鹽脆炸豆腐，首先熱辣辣已經贏咗一半，咬落口外脆內軟，粉漿厚薄恰到好處，加埋啲蒜粒同椒鹽真心推介。燒腩仔都好脆口，唔多肥肉，食落啱啱好。另外老細仲叫咗燒味拼盤，生炒糯米飯，大大碟超抵食，味道都幾唔錯。可以唔洗自己埋單，食得格外開心，哈哈!

之前都經常幫襯呢度嘅打邊爐， 但係發覺質素越嚟越差， 每況愈下。 每一次黎完都係失望。 雖然呢度有好多嘢食嘅選擇。 不過味道比起以前差咗好多， 食材亦開始越嚟越唔新鮮， 希望可以做返以前嘅水準。

下午茶時間，近近地去附近覓食，忽然很想吃點心，便到權發飲茶，叫了4款點心，但等了很久才到，侍應设幾個人，没人加水，食物質素一般，但環境很嘈雜，雖然價錢平，下次也未必再來，寧願找間環境清静一些的酒家

早前去酒樓食過飯做節，點知真係激氣都飽了😥😥明明佢地搞錯單，但就話返係我地既問題，服務就唔想多說了食物質素都不錯，而且份量都算多糯米飯煮得有咬口，仲有蟹肉的鮮甜味同蒜香味不過蟹較細隻，蟹肉唔多同冇乜膏白鱔幾肥美😋，蒸得岩岩好，豉汁味幾重且香，但豉油略嫌過重，掩蓋左魚的鮮香味炸乳鴿炸得幾香脆，而且肉質嫩口，不過就比較油膩總括黎講: 食物質素不錯，不過服務令我實在唔會再黎😥😥🍳🍴味道: 7/10👩👨服務: 1/10🏠💺環境: 6/10💰💸抵食: 6/10總消費: $440 (3人)餐牌👇👇8點半仲會有宵夜特價

之前食過2次都正常的，但剛剛星期六去食，叫左原隻波士頓龍蝦，完全無肉。粟米班塊，真係一塊塊連魚皮嘅魚，無炸過，粟米汁完全無味。椒鹽鮮尤，係炸嘅，但又係完全無味。總結，廚房D調味料用曬，或煮個爐頭師父無左味覺。其實一入到去見到任食火鍋都知道唔對路。廚房肯定同之前唔同，基本野都可以煮到咁難食，學師都煮得好過佢。樓面無人理，落單個阿姐魂離肉身，點一個餸要重覆兩三次。上菜阿姐西囗西面，上錯野，同佢講，仲話返我地轉頭。重點係：去前問佢可否代雪蛋糕，佢話可以，點知最後拎個蛋糕出黎，D忌廉溶曬，食落口係室溫溫度，肯肯肯定無放入雪柜，就咁放埋一邊。一包到尾，黑名單，永不錄用

本來想打邊爐，但係見到食材唔係好新鮮，於是叫餸。呢間酒樓食物既味道尚算唔錯，過得去，唔算貴唔算平，服務態度都ok.一家人叫左七餸一湯，消費九百幾蚊，最仲意冬瓜鍾。

今晚又去左權發食飯，今次唔係食宵夜而係晚餐～7pm 到，酒樓都已經幾多人。揀左個有電視既位坐，又係叫左蒜蓉粉絲蒸蟶子皇，但晚飯時段貴好多，要$30/隻生炆斑頭腩煲醬汁好味，腩位多肉，但魚味不濃，可能炸過既關係原湯大蜆浸白菜有點失望....d蜆好細粒，湯底好淡蒙古烤羊架 （2件）個人覺得太「lon」，唔太好食雞旦焗魚腸完全唔掂🙈以前係中菜館食過，係得雞旦同魚腸呢碟有好多义燒，魚腸卻很少，中間又撈左麵粉（少雞旦），加埋好怪、唔滑及唔好食！

柴灣新開左間戲院，見fb 係咁宣傳，戲飛$68，今晚就黎睇套卡通片。睇完有d口痕，係隔離有間酒樓，見佢宵夜時段好似幾抵咁，就食個夜宵先番家～宵夜餐牌，有套餐、小菜、小食因為睇戲前都食左d野，唔係好餓，所以冇叫炒粉麵飯，叫左孖寶A （海蜇拍青瓜 + 豉椒炒肥蜆）係涼拌風味，少少酸辣味，青瓜好爽脆本來仲擔心d 蜆會死/多沙/瘦但估唔到幾好食！又熱又夠獲氣，明顯係即炒，d蜆都幾肥美，冇乜沙連埋個小食先$79，都好抵跟住仲叫左2隻蒜蓉粉絲蒸蟶子皇蟶子好新鮮，蒸既時間剛好，蟶子肉不會好硬or 似橡皮最後叫多左樣小食 - 麻辣鴨舌呢款小食係熱盤，鴨舌好多脂肪，但略嫌鴨舌麻辣味不足，可以唔夠時間入味～今晚都好多枱食客，有d係食任食火鍋。聽店員講呢間酒樓都係做街坊生意多，住附近既可以去試下～而我下次就想試下蠔仔肉鬆泡飯😋

晚市火煱。雖然人頭不用150元。見好耐無黎於是幫襯一吓 但水準極差 牛肉豬肉羊肉 只是一片片肉冰片 食落口完全無味 一碟四片也不能落肚。其他食物超差。看倒衞生亦差 只有魚片可進口 熱食嘅食物賣相見倒也飽了 最谷氣 泠氣唔夠 叫亞姐可否較大一點 佢話打邊爐梗係熱㗎喇老板在塲走來走去 唯獨佢無留意客人問題 難以再有返頭客在柴灣區酒樓係有得做的 加上大熱天時 不用買同煑同洗 正合我上班一族收工舒服一吓但換來咁既地方今次欠奉相片 因為真係無力同無心影 埋單後葱葱去隔離天橋囗食碗魚旦粉

柴灣區都有幾間好食既茶樓揀，晚市我通常都食權發。街坊人情味濃，服務質素都幾好。蝦乾浸時蔬 唔算太咸, 濕濕地幾好送飯。海鮮粉絲煲 份量多，有魚片蝦乾同菜。片皮鴨 唔單止皮，仲有好厚既肉...... 還可以吧...... 皮肉中間仲有好多油流出來，索一索先放入包入面就好D。加青瓜同甜醬係我最喜歡既步驟！沙律骨 同外面食到既沙律骨有少少不同。酸酸甜甜。龍蝦伊麵，加底，龍蝦就一般，尚算新鮮。芝士味一般。