權記粉麵茶餐廳

Open Now

Now Closed

牛雜的鹵水五香料足味, 燘煮得夠火喉及入味，牛肚諗中帶爽、腸不太肥膩, 其他內臟處理得頗算乾淨, 沒有異味, 整體賣相感覺尚可,  而麵條都彈牙夠爽，湯底的味道夠濃夠熱, 但稍嫌略帶咸。

星期六同朋友去了旺角, 食晏時候諗住去附近的餐廳, 點知俾那惡劣環境嚇退了, 朋友突然話不如去食麵, 咁就行左過嚟呢間茶餐廳呀.12點幾都好多人, 我們坐卡位, 見有牛三寶, 諗住叫呢個, 但朋友提議不如每人叫一個牛孖寶, 撈埋一齊咪變左牛三寶囉, 仲可以每人慳了三元. 我叫牛腩拼牛肚, 朋友就食牛腩拼牛筋, 同樣跟米粉. 另外, 我叫左杯凍檸樂添.好快到, 碗麵好大碗, 蔥另外用匙羹上. 夠細心. 牛腩我沒有叫肥的, 不過都肥肥地啦, 好淋身, 好好味呀, 牛肚都爽口, 朋友俾左D牛筋我, 都好爽口呀, 好味道. 個湯都好入味, 好香, 唔算好濃. 凍檸樂分開上的, 一罐可樂, 然後成杯凍及幾片檸檬, 夠晒凍呀.

聽朋友介紹話呢間牛腩好食，真係名不虛傳喎，牛腩很濃味，啖啖肉又夠林，吾太肥吾太瘦，麵質又彈牙，果然好好味，係我食過之中最好味o既牛腩，以後食牛腩都會黎呢到，下次可以試牛腩飯呢

呢間權記粉麵食物質素幾好環境一般,茶記隔局吾好有期望,食物上得快我點左炸蝦丸,同腩什河炸蝦餃出面好鬆脆,入面熱辣辣得黎充滿蝦同豬肉,點沙律醬好正腩什河,湯底牛味好入味,河粉若粗身D更好,牛腩同牛什都醃得好正,好爽口入味,推介而且份量都算OK多,十分滿意若果話邊樣一定要試,我會同大家講係牛腩

牛腩，很多人的至愛食品之一，但好吃的愈黎愈少啦。推介呢間不起眼的茶餐廳先。 呢間牛腩係食過數一數二的，一個招牌牛腩盛為 50元加凍飲，價錢任何時間都一樣的。不便宜啦，但真的好吃。牛腩之外仲有很多蘿蔔，滿滿的，女生會吃唔晒，牛腩蘿蔔都好入味。牛腩是有點肥，咁先香口，怕肥的話可只肉的部分。 奶茶水準也好，有茶味不太澀不太甜。當然叫得茶餐廳，環境好一般，哈哈

看完電影後便四周逛逛四點還吃不了晚餐所以點了些不會很飽的食物.叫了個牛三寶河河粉一到.估唔到咁大碗,三寶的份量都幾多裡頭有牛腩、牛肚、牛筋,這個牛三寶超好吃的牛腩肉汁豐富,一入口是濃濃的牛肉香,牛筋都滷得很軟嫩可口牛肚是金錢肚也是脆有咬勁,配合鹵水汁的香濃,鹹中帶甜湯底都好好,香濃既牛腩汁很鮮甜不油膩,河粉切得幼, 好滑呢間小店比我既感覺真係幾好食! 下次經過都可以再食~

上網睇食評話d牛腩好味，就去試下，叫個牛腩粉，賣相 ...嚇死人,亂放幾件肥到死既牛腩，肥膏與肉既黃金比例，8：2 ,失望，還收$26，不知所謂，超味精湯底，喊到呢..... 見到隔離有人叫咖哩牛腩飯，一睇 ，好彩無叫 ，咖哩汁似水，牛腩幾舊，要$3x,試過就算，無下次

我的评价标准（5分最高）：模式 》 茶餐廳环境/装修 》 3环境/感觉 》 1味道 》 4对比同行特色 》 1服务 》 2.5性价比 》 4.5简评： 最高手的牛腩，原來在這裏愛吃牛腩，九記令我駡娘，新仙非常不穩定，最近有食壇高手說權記有料到。。。諷刺是，就在我家附近，我時常經過看到那一堆一堆的牛腩，都覺得有料到，但就沒有去試試。。。這裏牛腩才$25一碗，跟30多40多的市場價格嚴重脫節，然而，這個是感覺有料到的一部分。。。叫了簡單的招牌牛腩+河粉，牛腩分量合理，而且肥瘦兼備，其他名牌店又韧又嗤牙的瘦肉，這裏又軟又綿，那幾塊肥瘦夾雜的，天，牛味脂肪味源源不絕，我終於吃到夢中的牛腩了！下次試試更招牌的牛三寶，如果試三次都水準穩定得話，這裏可以封王了。顶尖的高手，一般都不是武林盟主。****************************今天第二次光顾，叫了招牌牛腩饭，要柠蜜，$42，二次评价如下：1）牛腩分量非常足，到了吃不完的地步2）仍然很软，但是小鞋，不过，你几十块的餐有这样的水平，重想点先？3）瘦中有肥，仍然很有牛味水准稳定，暂时封王，时常来吃！

一直幫襯權記很久了，第一次食已覺牛腩好味，最難得是咁耐質素都可保持，突然想寫個食評，皆因今日碗牛腩太靚，而且仲差啲舖滿個碗，雖然有少少肥肉，還是食得超滿足，加埋奶茶，就是我的午餐至愛。

一直在旺角住了咁多年都唔知道金魚街有一間餐廳有咁好味的牛腩河.有網上搵食時無意中找到.點了一碗牛腩河, 一碗牛雜河. 每碗$24, 價錢合理.本人不太喜歡牛雜, 牛肚係夠淋,但覺得偏鹹.下次不會再食牛雜..牛腩真的超正!! 好林, 肥瘦很適中,又有牛味. 不會像某些食市全是瘦肉.連友人也大讚好...正得再食..份量也很足的.我見也有好多客人點牛腩飯..牛腩飯有白籮白..同埋都好大碟,下次可以一試. .

鄰近金魚街的一次無意消夜, 差唔多包場( 其實是晏咗嘅晚餐! ) 造做新發現 "牛三寶"= 牛腩+牛肚+牛筋, 入味亦夠"淋身", 配搭粗麵吸收精華, 食唔停; 炸醬麵就醬汁偏甜, 肉地較"鞋口",湯頭亦是重口味繼而外帶了雲吞: 大粒充滿新鮮蝦肉外, 豬肉嘅比例算多,爽口紫菜墨丸河 : 微香又無沙嘅紫菜配合彈牙墨丸同幼滑河粉, 最佳拍檔奶茶檸茶膽濃厚; 整體來說以同區計價品質尚算合理

今天約定了女友在旺角逛街和午餐，但是在下見尚有時間，加上今天還未喝一杯咖啡，於是到附近尋找一下，哪裡可以嘆一杯咖啡。在下都找到好幾間茶仔，可是又不想吃得太多，於是找到了這間食粉麵的店舖，一於試吓這裡的粉麵。在下實在有一段時間沒有去潮州粉麵店吃粉麵，今天可以來到這間權記，可以滿足一吓在下吃粉麵的情懷，縱使今天約定女朋友午膳，也要嚐試一碗熱騰騰的粉麵和冰凍的咖啡。甫進入餐廳，與一般粉麵店的裝修無異，但是麵檔與水吧卻連成一體，左邊是麵檔，右邊是水吧。而在下坐的卡座，位於收銀櫃檯的那邊呢！而坐在在下對面的，是兩位老人家，正在談論店舖的食物。在下坐定後，在想想要吃的是甚麼，於是便揀選了魚蛋河和凍咖啡。然而看著對面的老人家吃的是牛腩米和牛腩河，難道這店舖的招牌菜就是牛腩？如果這裡的牛腩真的好吃的話,在下都會再來一次,親試這裡的牛腩，不過在下已經叫了魚蛋河便算了吧，而在下也等了十分鐘才有河粉吃呢！魚蛋河終於來到，河粉把魚蛋和魚片遮蓋了，要把魚蛋和魚片翻起來。魚蛋與魚片呈現白色，看起來也相當吸引的，加上葱花點綴，看來不只是白色。開始吃了，魚蛋和魚片都很彈牙和爽口，也有其魚味，而河粉也很滑溜。可能是因為

下午茶時間，未食晏但唔想咁飽，潮式粉麵岩哂。見食評幾好，一於試下。粉麵$23起，熱飲+$6。叫左牛腩河，好快有得食。唔細碗，粉量同牛腩都唔少。牛腩唔係全瘦，有連住少少肥同根，好鬆軟，入味，湯底好味，牛腩汁加埋葱係一流配搭。河粉雖然唔係十分滑，但熟度剛好，加埋湯汁，好野味。見幾枱人都叫牛腩飯$38，賣相好，又有蘿蔔，應該好好食，下次可以試。

3月20日同朋友又嚟旺角覆診,因為皮膚敏感所以唔食得牛,就叫左一個蕃茄豬扒米線跟熱檸水,朋友就叫肥腩米,蕃茄湯底的蕃茄唔係溶晒的,係食到一件件蕃茄的,唔會好酸,幾好味,豬扒係另上的,但係好硬,好難咬,都有豬扒味的,唔似人地其它地方會係d粉整到好淋但冇晒豬扒味道.整體係好味的.朋友的肥腩米唔夠肥,佢話依家越嚟越唔肥啦,其實配河粉係入味d既,但係米粉就冇咁肥呀.朋友話另一間的肥腩依家已超越呢間啦,下次如果好想食肥腩可以去果間呀!!

自從在旺角發掘了這家招牌食潮式牛什粉麵的茶餐廳，這裡已經變成我的旺角區飯堂，幾乎每星期都會朝聖一次，更漸取代了我到中環九記的意欲，因為地點方便，價錢抵食又大碗，叫一碗單拼牛腩粉麵+一杯熱飲都係$29.....而且牛腩差不多有7件，都大大件，最重要的是牛腩鹵得超入味又腍，想起都想現在立即去吃多次。如果想吃不同部位的牛什，餐牌更有牛三寶(牛腩、牛肚等)、牛四寶選擇，而且價錢都唔貴，如果叫河粉，我覺得整碗粉的份量還很多，男士都會吃得飽。另外，他們的雲吞都很好吃，雲吞的鮮蝦很足，和豬肉、麻油混和的比例剛剛好，有以前吃的那種足料雲吞的味道，總之都係好好味啦！十足推介的餐廳！