權記雲吞麵

Open Now

Now Closed

平日都係喺附近南X叫開外買，今日有時間，周圍貢，就試下呢間一街之隔的麵店。出面睇餐牌，已經比價錢震驚咗，估唔到$28就可以食到個兩餸麵。點餐就行入去店中間向店小二落單，經過見到好多人都叫咗雲吞，所以估計雲吞係招牌啦。因為挨近兩點，等咗幾分鐘就拎到。原來用透明膠碗裝，睇下去幾靚仔，份量好多。本人拎到返公司都係過左十分鐘先食，估唔到保溫好勁，仲係熱辣辣。雖然食物就同普通麵句冇乜分別，不過本人就欣賞佢勝在價錢親民，包裝幾好，同埋店小員服務幾好，一定會再試！

十年前就認識咗呢間粉麵店 十年前1x蚊一碗 伊家2x蚊一碗 不變嘅係 十年前定十年後都係抵食之選 仲要權記都係喺港島沿線開舖🙊以呢個價錢食到碗粉麵仲要係身處於港島 果然係糧尾恩物 廢話講完入正題🤣今次嗌咗雙拼 雲吞拼鯪魚球麵 無記錯嘅話單拼同雙拼都係一樣價錢 雲吞同鯪魚球感覺係最多人叫(好似) 十年前我都係嗌呢兩款🤣雲吞同鯪魚球都唔會因為定價平而縮細份量 都算正常大細 蝦都唔會霉 幾彈牙 肉同蝦嘅比例平均 Lunchtime時間都坐滿灑人

今日lunch唔想食咁飽. 所以就搵下公司附近有無d食雲吞麵的店. 居然有. 重要平到我笑.牛肉撈麵, 同事話以為會好細碗點知一黎到一大個湯碗. 份量真係嚇一嚇.  似落左兩個麵餅.可能我一直諗住牛肉好似牛腩個 d. 點知黎到發現真係一舊舊的牛肉.同事話味道唔差, 但有少少痴牙. 自制墨丸貢丸米. 呢度的雙併$26 就算三併都係$36 真係見到個價錢由心笑左出黎. 好耐都無試過食咁抵的lunch墨丸可能係自家制. 所以只有兩粒. 味道ok 咸甜適中. 重有d彈牙. 貢丸就有三粒. 不過不失. 碗米粉亦無因為價錢而得兩三啖. 絕對飽肚, 怪不得食完出門口一條長龍. 望到對面食自家制雲吞, 都幾大粒下, 下次有機會一定要試下, 

灣仔「權記雲吞麵」位置唔顯眼，但因為性價比高而吸引咗好多人去幫襯。午市時間真係擠滿咗好多人，買外賣嘅人都唔少呢。三拼都只係HKD34一碗，麵、河、米粉同價，喺區內算係抵食㗎啦。我呢碗特級牛丸、招牌雲吞、自製墨丸三拼一啲都唔細腕，牛丸雲吞墨丸全部都大大粒，好足料，丸類又夠晒彈呀喎。單拼雙拼同價，我就一定會揀雙拼啦🤣🤣飲品只有豆漿或玻璃樽/罐裝「可口可樂」系列供應。即係話冇奶茶咖啡檸茶之類飲品㗎🤣

經過權記雲吞麵見未食過所以入去試下 ～估唔到又幾好食而且價錢非常抵絕對係慳錢之選雖然餐廳叫雲吞麵店但最引起我的興趣並唔係佢嘅雲吞，而係佢嘅手打鯪魚球麵 🍜手打鯪魚球麵本身好鍾意食鯪魚球見佢係手打，好似好吸引所以就嗌咗嚟試下鯪魚球麵奉上嘅時候熱騰騰 😍鯪魚球好有鯪魚味口感幾彈牙，唔係一舊粉，口感似潮式魚蛋麵既口感爽口有嚼勁湯嘅味道都不錯，味道適中，同鯪魚球及麵嘅味道好夾另外仲配咗菜，感覺更健康可以再 encore ～

之前我們在灣仔區工作，途經這間權記雲吞麵店，便決定入去食碗麵充充電😋我們點了~雲吞麵~魚蛋米~腐乳通菜😋雲吞麵幾大碗，一共有五粒雲吞，雲吞都幾大粒，內裏餡料蝦及豬肉都很新鮮，幼麵冇鹼水味，好爽口😋魚蛋麵一樣幾大碗，魚蛋有兩粒及魚皮角有三粒，都很爽口彈牙，米粉唔會碎濕濕😋腐乳通菜略為少，但係都很好味😋店舖都幾光潔明亮，店員服務友善，煮麵速度都好快。我們食完覺得很滿足，待下次有機會一定要再食😋

單拼雙拼都係$22，絕對係慳錢之選！外賣唔分湯+$1 辣椒油免費😆今日外賣鯪魚球雲吞麵鯪魚球少少彈牙唔係一舊粉👍👍食落有鯪魚味有口感似潮式魚蛋招牌雲吞係正😆屋企打邊爐有時都會買佢皮薄餡靚蝦爽肉滑味道啱啱好又大粒👍👍麵底冇乜特別 個湯就淡啲滴幾滴辣椒油落去即刻香晒淨係幾滴唔會好辣唔食辣嘅人應該ok

喺灣仔返工咁多年，每次lunch都見到呢間面家長期有人排隊，有一日同事極力推介之下就一齊去咗食$22 有4粒雲吞，河粉份量都好多。見到好多男士都會叫兩碗做午餐我自己覺得女仔食一碗都已經好足夠辣椒油味道正常，唔算好辣雲吞餡料都尚算豐富，都會有一粒蝦係入面，亦算彈牙。呢個價錢來講都冇乜嘢好挑剔，不過餐廳環境都幾擠迫，一定要同人搭枱。而且餐具都唔係好乾淨，堂食同埋外賣都好多人排隊，所以建議大家都係外賣食會好啲👍🏻

今天乘搭交通工具免費，所以藉此機會由新界乘地鐵去灣仔一趟。權記舖頭外有很多人排隊，抱着好奇心態不防一試。order 雲吞河，有四粒大大粒雲吞，雲吞饀有大大隻蝦爽口弹牙，有大地鱼湯底再配上多葱熱騰騰按上抬面👍👍

每次Lunch hour路過都見到不少人在排隊，今次特意來試，看一看門口的價錢牌，價錢很相宜，怪不得經常客滿。單拼或雙拼都是$22，現在已經很少見。排隊等位，大約5分鐘左右就可以入座，比我預期中快！麵店內光光猛猛，感覺都算良好，入座、落單至送餐不需2分鐘，效率很高！雲吞墨丸麵 - 兩粒雲吞、三粒店家自製墨丸，先試雲吞，夠足料，蝦肉夠爽；墨丸就很一般，見到有少量墨魚小粒粒，粉質比例較多雲吞麵 - 一碗有四粒雲吞，麵質彈牙

尤記得以前讀書嘅時候，成日都來權記食雲吞麵，嗰陣覺得佢又平又好食，重點係唔使點等位。時至今日，已經好多人識佢。成日嚟到都要排隊同等位😭😭 但佢嘅雲吞真係好抵食，大大粒雲吞麵係$21。除咗雲吞之外我都推介錂魚😏又係勁大粒，雙拼都只係加幾蚊。真心好抵食

呢間傳統麵店喺香港已經屹立多年，由佢$12碗淨雲吞食到而家$26, 但水準多年依然不變一碗淨雲吞有5粒，每粒都有1.5隻蝦，肉反而只佔很少，蝦肉爽彈，湯底雖然係味精湯，但偶爾一次半次亦不錯女仔lunch食一碗已經好飽，即使漲價到$26，仍然覺得超值

灣仔區內好抵食嘅傳統小店，去到無論堂食或者外賣都大排長龍～佢賣點當然係價錢極度親民，兩餸麵都只係賣21蚊！唔好以為$21就會食唔飽，佢份量啱啱好而個餸亦都好足料。 最鍾意都係食佢哋嘅雲吞，大大粒亦都有鮮蝦。魚蛋亦都好彈牙、魚皮餃亦都分量十足！下次去食應該會加番一碟菜，因為我留意到只係需要加$10～門面店內亦都裝修新淨，佢仲大大隻字寫住21蚊。只係可惜店內職員因為極有效率反而感覺不太良好，但價錢咁實惠所以大家都會再返去幫襯～

食得呢間都係想平、快、簡單，但嚟過兩次堂食漏單試過嗌個兩餸麵，冇加嘢飲或者其他嘢，同枱食客遲過我入座個個都有嘢食，於是追單，但就叫我等陣等多大約5分鐘，再追單就推俾其他姐姐，無啦啦同我重新落單，係咪漏單兼卸膊俾人哋??? 又再等過，好肚餓啊！呢個價係好平，所以唔期望有咩好服務好態度，但落到單唔漏單是最最最基本吧??? 真係想平快易係咁二食個粉麵，唔建議堂食分量係偏細，但嗌多一兩樣嘢可能有大機會漏單，或者要等成3、4個字我自己就唔會再食喇，無謂貼錢買難受啦

正值中午12點放飯，呢間麵館總是大排長龍😦，快快手測完體溫，自己有位就自行入座。店面不大， 有多張4 人圓桌，環境乾淨，光線充足，起碼枱面唔會癡粒粒😉雲吞墨丸河（HKD 21):河粉份量十足，女士一定食得飽，河粉滑嫩焾身，雲吞大大粒，一粒雲吞入面有鮮蝦肉兩舊，夠曬爽彈。墨丸沒有墨魚🦑，但勝左手打，食落彈牙，不過不失。湯底帶粗面鹼水味，較為清淡。加埋自家製辣椒🌶️油，味道整體不俗。總結：糧尾之選21 蚊一碗雙拼河粉