熊築地 (Closed)

家人習慣夜晚十點才開飯。六半放工的我下班後通常會找點小食醫一醫個肚先返屋企,今天天氣很熱，想吃light一點，便去了熊築地買手卷。今晚時間還早，不用排太耐隊。之前這裡是要排長龍的啊~這裡手卷選擇很多，風儉由人。最後點了一客油甘魚，和一客八爪魚手卷。廚房出貨很快，等五分鐘左右便起貨。將價就貨，當然不能夠跟高級料理的刺身相比☝🏻️。但倒是比得上迴轉壽司連鎖店的質素，我夠膽講一句，甚至比迴轉壽司店還要好食~😛值得一讚是，手卷端上時，紫菜還是脆的。這間小店充滿誠意，值得推介。但如果妳是很介意站在街上進食的淑女，這個地方不適合閣下了。

個個人來都係食海膽手卷，無理由吾試～叫左一個馬糞海膽手卷（$45）一個蟹膏蟹籽蟹柳（$25）海膽味道ok,新鮮既但吾算太驚喜，不過以45蚊有半板海膽cp值算幾高。最驚喜係蟹膏，好新鮮同蟹味好濃，下次來會叫蟹膏手卷

行經這小店，見有人龍，睇下有乜好嘢食。原來是海膽手卷！立刻買嚟試試，嘩，海膽都算多，紫菜是脆的，交足功課！海膽係北海道馬冀海膽，味道算甜，無腥味，無乜海水味，而米飯則是金象混櫻城米，唔係曰本米。以街邊小店的價錢來說，這品質比連鎖壽司店好少少，平民值錢算是超值，可以一試！

本想試佢啲生蠔, 但一定要至買少5隻以上. 因想試生蝦及其他手卷, 自己一個怕食吾晒, 所以打算和後面的客人夾份買(佢本身已經買超過5隻), 而且是外賣店.點知個店員出來話話吾好甘啦, 有cctv 睇住, 我就話人地本身已經超過5隻, 而且我有買其他野. 佢就解釋如果要夾份, 又要俾多份餐具, 啲0蒙同醬料share又吾衛生, 我就同佢講我不需要那些野...但佢仍然堅持. 我心想現在居然還有人用cctv這超,真是...難道間舖裝左偷聽器?我同別的客人講什麼都知?我亦觀察過部cctv只是拍到收銀嗰邊.本想就咁算, 就見週圍冇咩好食, 就照食, 點知...就領野手卷見圖描述沒有芥末? 只有芥末豉油...領野...原來是港式築地生蝦見圖有圖有真相?真相在實物中$100食左啲咩? 咪就是垃圾食物, 同不知所謂的店員態度Lo 

每次經過告士打道都看到這間熊築地大排長龍，之前三點三下午茶時間我決定試一試他們的手卷。下午時分人龍不算太長，排隊時可以一邊看餐牌一邊等，等了大約5-10分鐘才到我下單，下單後又等了快10分鐘才等到一個手卷。雖然說非常支持小店食肆，但我覺得熊築地的人手明顯不足，大部分客人跟我一樣起碼等了10-15 分鐘，的確令人有點失望。另外一個特色就是他們衹有外賣，小店外面有兩張高臺，可供客人立食，但我覺得位置有點供不應求啊。還是講一下他們壽司的質素吧...我點了一個海膽三文魚手卷($25)，相宜的價錢不難猜到爲什麽長期都大排長龍，三文魚及海膽分量其實頗多，而且算新鮮，不過海膽味道普通($25的價位的話這質素不爲過)，但紫菜可能放久了有點變軟，飯的分量不多，但三文魚及海膽算是足料，整體還好，但聽友人說這陣子經過已經沒有三文魚海膽了，長期暫停供應...其實食物質素算尚可，但人手安排及出菜速度真的有待改進...

係附近食完車仔面, 其中一個朋友心思思...想去呢間食手卷, 所以一行人就行過去...4個人食完飯再叫多4個手卷!!!!海膽三文魚手卷海膽分量真係好多, 鍾意食海膽既人見到應該會好開心...但唔知我地係咪太夜, 海膽就唔係非常新鮮,但呢個價錢有咁多海膽都算係咁!龍蝦沙律手卷貝柱手卷龍蝦沙律既味道就幾好, 但冇乜特別...貝柱手卷就真係麻麻地, 佢應該係撈左沙律醬, 可惜味道同貝柱唔係好夾, 而且仲搶晒貝柱本身既味道, 食唔佢本身個味...龍蝦膏手卷價錢幾OK, 味道不過不失...

平時經過都見好多人排隊... POST出嚟啲宣傳相又好吸引咁...今晚見無人排隊... 所以就試吓...自己好鍾意食海膽... 所以就試吓個馬糞海膽手卷...實物同相片比對... 足唔足半板呢?!?! 都應該足掛...海膽唔可以話超級鮮甜... 同連鎖嗰啲壽司店差唔多喇...海膽舖滿咗手卷既面... 如果可以做到飯入面有海膽就更好...跟住又叫咗個蟹籽蟹膏手卷...UM... 比較失望既係啲蟹膏比相像中少...實物都無圖片咁澎湃...至於味道方面... 蟹籽新鮮既... 卜卜脆...蟹膏唔鯹... 好濃好有蟹味...最後仲嚟多個泰式生蝦...理個明顯哋就比較削喇...啲蝦好一般... 食起嚟無起膠既感覺.. 又唔係好爽口...配得個泰式醬.. 都無蒜頭辣椒...除咗手卷之外, 都有生蠔同飲品賣...生蠔既價錢都唔係特別便宜... 突然之間好想食既話試吓都無妨既...不過試過今次之後... 我諗短期內都唔會有再幫襯既機會LU...

幾次經過都見有人龍，心諗立食仲要細舖仔，質素一定麻麻所以一直無試；直頭前幾日夜晚晚經過又肚餓，所以決定give a try啦一行到入去就見到我最愛既海膽！唔知咩事豪叫左個加拿大海膽+三文魚子手卷。海膽非常厚身同新鮮，加埋脆卜卜的紫菜，老實說以一家企街小店，質素已令我喜出望外！加埋梅酒企住食，真係一餐豐富既宵夜！同場見佢仲有賣生蠔，都有唔少人order, 下次會再黎試試其他手卷。質素未算天花龍鳳，但以心急肚餓想食好d,呢度黎講質素已經out of my expectation! 下次經過會再黎！

夠啦！香港廣大傳媒，求下你地對自己既專業有返少少要求得唔得？之前個個爭相報導，仲大排長龍，我心諗，係真唔係。今日一試，知道係終極扯貓尾，真係好差吖。 呢件野要43蚊，賣相咁樣我以為自己食緊旺角日本放題比起九龍那位出名的競爭對手根本無得比，說好的海膽山呢？紫菜脆既，我視基本，飯呢，暖既，海膽不是特別鮮甜，芥末豉油也很咸。唉，為咩呢⋯⋯

Hokkaido Uni ($45)The uni was very generous in size for only $45. The creamy and soft uni was fresh with a natural sea water flavour, sitting on top of some fragrant Japanese pearl rice and wrapped around with a sheet of crispy seaweed. I have unfolded it and you may see how uni they have put in! The amount of rice and uni was perfect for me. The sourness and sweetness from the rice was perfectly balaced. And of course wasabi and Japanese soya sauce were also provided for you. Thai Prawn Sashimi

Uni and Salmon Roll🍣🇨🇦$48; 6.5/10🍴This does not taste as good as it looks😟終於試左呢間之前要排成粒鐘先食到嘅手卷🤗好彩之前無排姐🙈整體質素普普通通，而且價錢都頗貴，唔多抵食🍙三文魚份量少，得一片🐟海膽三文魚都唔算特別新鮮鮮甜，不過海膽比三文魚好食🍥🍣失望嘅係即使個手卷係即叫即製，都係淋嘅🙈

千呼萬喚始出文，寫負評比寫正評有時會更有意義。身邊有不少朋友毅然寫下第一篇食評，都是始於一次不愉快的用餐體驗（而我看到樓下的劣評有一半都是如此，是湊巧吧？）。有人會質疑那些是不是競爭者聘來的打手，不過有時負評是真實的。這家賣刺身、手卷、生蠔、生蝦的小店，早於十二月登場，經飲食媒體報導後，風頭一時無兩，媒體報導帶來長長的人龍，功不可沒。繼葵芳那家新手卷店後，我又中了箭，做了一隻被好奇心殺死的貓。當時是一月中，依稀記得只有一至兩篇負評，不以為然；事至我有空執筆之日，已是七負評，看得我傻了眼。只是湊巧在一個週六的接近下午一時經過，想起這正是網絡上瘋傳的海膽手卷店。就在博多別天神旁邊，如果不是在世貿做完瑜伽再選擇走向近海的一邊，正常是不會覓食到此。低頭查看Openrice 資料，營業時間為「星期一至日: 12:30-02:00」，過了十二時半，應該開店了吧，但閘門只是半拉上，一副未預備好的樣子。我探頭一問在內打點的人，對方說「開13:45呀你一陣再返過黎啦」。返回世貿再逛一會兒，邊逛邊留意時間，大概13:45動身回去。才開店8分鐘，已有十多人在排隊了。看到傳媒報導要排上兩小時，選一開門或未開門

向來對外賣壽司店冇大興趣，可能總覺得質素麻麻。呢間熊築地自開張以來，以勁量兼抵食海膽手卷作招徠，日日排長龍（有人話排3個鐘），搞到我都心癢癢想試。見到咁多人話要等一個鐘以上，都有少少驚，點知當日星期六下午七點去到，只得小貓三幾隻，lucky～因為仲飽，所以雖然有好多種手卷，我都係重點出擊食海膽好喇。海膽手卷主要有兩種，一種係北海道馬冀海膽，另一種係加拿大海膽，大部分人（包括我）都會食前者架喇（$45）。佢話用足半板海膽整，目測所見，手卷size並唔大（細過元氣），上面的海膽雖然鋪得滿滿，但唔覺得有半板咁多。不過咁，海膽片片分明，唔係一pat pat，由顏色睇黎都幾新鮮。海膽係幾鮮甜，可惜兩啖已經食晒，唔多夠喉，紫菜唔夠脆，食起黎要扯唔方便，飯就一般啦。以元氣食兩件都要三十幾蚊黎講，呢度的已經合格喇。心多多的話，仲可以同其他食材來個雙拼架，包括三文魚籽、帶子、吞拿魚等等，大約貴十幾蚊。值得去指數：

今晩經過見到冇人排隊。仲以為好好彩。點知原來係中伏之選。想落order，收銀果個完全零反應。我重覆咗幾次佢先至有反應。我order咗一件海膽手卷。可能冇乜人幫襯。我錢都未放好，佢就塞咗件手卷俾我。無錯，係塞，我完全冇諗過佢會咁樣塞俾我，因為我見人地有發泡膠碟裝住。佢見我驚訝個樣，當然又係零反應啦。件手卷亦冇乜驚喜。冇乜味。唯一可以讚嘅，只係得塊紫菜，仲係脆嘅。但係唔值。性價比極低。應該唔會再幫襯。

本身我唔打開食評，但呢間野激到我係度打第一篇初時見到間舖好多人，以為OK啦，原來啲人係等佢整果個手卷，員工做野速度奇慢我買完等成半粒鐘先至有得食果一件三文魚腩手卷，唔係特別好味，啲壽司飯好似啱啱煲咁暖ge，魚腩普普通通，叫做入得口，但完全唔值，千奇咪去上伏