冠華粥麵

Open Now

Now Closed

噚日（12-1-2025 Sun）晏晝打掃前食個晏，天氣凍，又要食熱嘢喇，老公話去大快活，唔去啦，不如呢間。嚟到淨返一張枱，但係有風扇吹到，咁我都冇辦法，照落order先，跟住見到有客人走就轉枱。我哋叫咗：3. $22.00 十粒嘅燒賣其實明知呢喥嘅燒賣與別不用，但都食吓啦，人手包嘅形狀有圓有扁，呢個依然係軟糯煙韌。1. $38.00嘅雲吞麵好耐冇食雲吞，一碗有5粒，見到雲吞皮薄，豬肉同蝦嘅口感正常；都就冇淥過龍，仍有啲彈牙。2. $50.00嘅紫菜四寶河唔太留意有邊四寶，見到有魚片，魚皮餃，魚蛋同墨魚丸，我食一啲紫菜，正常冇問題。之後老公食啦，突然同我講呢隻好食，好彈。我問咩嚟？魚蛋？佢答唔係，咁我食吓，係墨魚丸，係幾爽彈嘅。服務：落完單，亞姐話丸要耐啲，因為即叫即淥。上次食評係2024年4月12日刊登嘅呢篇：https://www.openrice.com/zh/hongkong/review/%E6%92%9E%E6%89%8B%E7%A5%9E-e5406209

📍冠華粥麵喺荃灣石圍角有間主打食牛雜粉麵嘅小店🍜開業咁多年，除咗賣粉麵之外，佢哋嘅手工魚肉燒賣亦都係亮點之一，同樣都好出名㗎🌟食嗰陣仲睇到兩個姐姐喺度包燒賣，真係好有心呀🫶🏻🐟手工魚肉燒賣 $22/10pcs每粒燒賣都勁大粒，非常飽滿，食咗五粒都已經好飽😅魚肉食落煙靭彈牙，而且有陣香濃嘅蒜香味，口感同味道同平時嗰d好唔同，幾特別~𣎴過個人認為雖然係好食，但又未至於好食到好似網上嘅評語咁誇張🤔✨整體嚟講，可以一試😚但老實講入面環境比較__ __😐𣎴過勝在好有人情味，d姐姐都好nice，會同你講下嘢🫰🏻而且入面仲有隻貓貓🐱佢會跳上張凳坐喺度陪你食，啱晒愛貓之人呀💓評分(最高5粒⭐️，✨為0.5）❣️味道：⭐️⭐️⭐️❣️環境：⭐️✨❣️服務：⭐️⭐️⭐️⭐️❣️賣相：⭐️⭐️⭐️❣️CP值：⭐️⭐️⭐️⭐️📍荃灣石圍角村石芳樓地下7號舖🩷❤️🧡💛💚🩵💙💜🩷❤️🧡💛💚🩵💙

今（12-4-2024）晚老公去完教會返嚟，大家都肚餓要食啲嘢，佢喺喥買咗牛筋腩河，鮮奶布甸同芒果西米露。返到嚟佢就即食牛筋腩河，食到一半我都食啲，味道唔錯，但河粉太腍，牛筋腩都好夠腍同夠味。老公話其實呢間水準係唔穩定，要撞手神。4分之後我食鮮奶布甸，唔太大杯，味道唔濃亦唔太甜，口感係滑嘅。4分而芒果西米露呢？舀到滿滿，有好多西米，口感彈牙，味道亦唔濃同唔甜，芒果有少少酸但可接受。2.8分價錢:Total$102.002.67分上次食評係2023年11月23日刊登嘅呢篇:https://www.openrice.com/zh/hongkong/review/%E6%AF%8D%E5%BF%98%E6%88%91-e5148663

諗住冠華有賣手工燒賣$20/10粒，抱有期望，但卻同自己心中所想有一段距離。心目中手製燒賣係油潤彈牙煙靭，有魚香豬油香；但可惜呢度燒賣不彈牙，肉質散，無彈性，無靭度，粉粉地，口感奇怪，蒜味蓋過魚味，還好辣油算不錯，但最終這口味真係唔太適合我。可能出名嘅真係粉麵而唔係燒賣，又或者係手工同手打嘅分別...？

上網成日見到冠華燒賣，又話世一又盛，慕名山長水遠揸車去試係屋邨入面一個攤檔仔，主要賣潮式牛腩牛雜麵。入面比較殘舊污糟，但有可愛貓貓店員搭救，經常喺你腳邊行來行去巡視業務。講翻食物方面，喺面口就索到好大朕燒賣味，家人提議試埋牛腩麵吧，所以入去試埋。但讓人失望！睇圖以為會係好煙韌因為見到透透地明，但食落食舊粉！係好有蒜味，有少少肥豬肉味，但魚肉味欠奉！(但人地無話係魚肉燒賣)點完辣椒油先叫勉強食得晒，好彩無嗌到廿粒試埋個牛腩牛雜米粉，都ok，但無話wow一聲。米粉係透明的滑既，牛腩牛雜都ok，軟捻適中，算係大碗。但未食過就唔好浪費時間特登去食了，唔好吹到世一燒賣咁誇張！

有日好想食燒賣，咁啱喺社交平台見到呢一間，手工燒賣呢個字！就決定要山長水遠都要去拜訪下粒燒賣🫡係大窩口地鐵行過去都要十五分鐘左右，都比較偏僻係屋村下面，而且附近都無咩野行🫣係一間舊式做街坊生的既粥麵鋪，今次目標明確！$20@10粒燒賣係鋪頭門口有三大個蒸籠，直接係門口叫姐姐就得啦～每一粒燒賣都大過乒乓波，想食辣可以加辣油🌶️食落同預期中出入激勁極大😅 ☞預期👉🏻係好有魚肉味，帶小小煙靭彈牙☞現實👉🏻好淋啤啤，好爛好散，幾乎食唔出係魚肉味，仲有浸怪怪地既蒜味，抱歉只可以話係成世食過最放唔入口既燒賣😵‍💫😵‍💫希望佢係蒸得太耐？失準？先會係咁

12-11-2023 (Sun)晏晝,同老公食晏至打掃,我都肚餓喇,唔去荃灣,就喺呢喥食,食邊間?大快活?大爺燒鵝?老公話去廣發,係喎,唔記得呢啲舊店,但其實我覺得廣發唔好食,於是食呢間啦.我哋坐低後,見到menu有潮州雞粥,我就想食,但話冇粥,於是我要雲吞米啦,老公要四寶河,我再加個油菜同熱檸茶.冇耐熱檸茶到嚟,因為我之前睇返以前嘅2013年11月24日嘅食評https://www.openrice.com/zh/hongkong/review/%E5%86%87%E8%AC%9B%E5%BE%97%E5%92%81%E5%A5%BD-e2332745,飲過凍檸茶唔錯,所以叫返.飲吓先,茶味又係澀,係咪𠲖 o家所有茶膽都係咁?我唔飲喇,俾老公飲.之後雲吞米同油菜到嚟, 油菜我哋喺生菜同娃娃菜揀,就要咗娃娃菜.雲吞米有5粒雲吞,落咗金蒜增香, 雲吞皮薄,餡料口感正常又唔會太鹹,米粉就偏腍,不過啱我.味道: 3分娃娃菜呢?點解會用紙兜裝?都要洗碗啦,碟就唔洗?而份量唔係多,食落係清甜,唔錯.味道: 5分最後老公嘅四寶河,有紫菜,魚片,魚蛋,豬肉丸同魚皮餃,我見魚皮餃有兩隻,於是同老公交換

米粉好味，爽身唔會淋bap bap. 手功魚肉燒賣好正👍，睇住師夫親手包燒賣，真材實料。手功魚肉燒賣依家响香港真係好難得，不是那些大量機製生產的急凍貨。店舖雖不是裝修新淨，但那份懷舊香港感覺的街坊小店更有風味，值得我專程搭車再去。額外驚喜： 有隻可愛靚貓貓陪我食，非常開心🐱😍，貓貓很醒目，見客人叫佢個名會望住你，仲識俾手手，好得意。店附近有城門谷公園，食飽後可行吓公園，再可行去三楝屋博物館，優閒半天遊，happy。

曾經睇過一篇報導講關於燒賣，《冠華》係必食店前5名，不過知道響山上面就打消念頭，就係咁啱得咁蹺去城門谷運動場，既然响附近，行幾分鐘去食個lunch啦。🥢燒賣10粒 ⭐️⭐️期望越大失望越大，對燒賣要求好簡單，魚肉味要香濃，呢度嘅燒賣雖然口感唔錯，但無乜魚肉味，最奇怪係勁蒜味，可能我唔食辣，食唔到大家推介嘅辣椒油，所以食到燒賣嘅原味。🥢牛什米+凍檸茶 ⭐️⭐️⭐️⭐️🥢牛什伊+凍奶茶 ⭐️⭐️⭐️⭐️至於牛什，我就覺得幾唔錯，夠腍夠入味，最重點係食到花椒八角味，牛什份量都唔少，最正係大腸，唔會成件肥腸。飲品呢，就一般般，茶味唔夠濃，呢個價錢算ok啦。二人共消費：$119

香港手工燒賣買少見少、無慮保育產品。荃灣冠華粥麵是其中一間手工燒賣功能組別表表者筲箕灣呂仔記比較有咬口、可惜搬鋪後每訪越下，欠缺豬油香、越來越多麵粉、魚味比以前少了不少。屯門老豬豬油夠、可惜口感偏淋、冠華未必是最好的，但比例絕對最平均、加上豉油辣椒油全自製，誠意可嘉至於價錢、呂仔記毫無疑問是燒賣界的愛馬仕、屯門老豬則香奈兒，反觀冠華$20 10 粒、真正良心價、加上人情味極之濃厚，隨時額外送你兩三粒由於石圍角邨進行大翻身，所有小店無奈結業、希望各位能夠一傳十，十傳百多多支持本土小店、引用無間道韓琛一句金句「我覺得他們家的燒賣、挺值得的」「笑」

係荃灣區打滾多年，一直都唔知有呢間手工燒賣。直到燒賣關注組同一啲YouTube介紹先知呢間街坊小店。呢一代人食飯追求既，已經唔止係環境食物，仲要加埋特色情懷，呢樣對冠華就應該係強項。根據知情朋友介紹，點咗碗牛雜河加一份20蚊既手工燒賣。牛雜入味，但牛肚較韌，其他一般，河粉太淋，沾滿牛腩湯汁卻有化學作用，變得惹味。主角手工燒賣，粒粒形狀不一正好係手工一粒粒造既證明。燒賣size有如一個乒乓波大小，咬落去較粉有啲實，質感十足。有魚味，調味亦夠，加上豉油同辣油，味道OK。雖然無網上講到咁神，辣椒油亦唔係特別出色。但每一粒燒賣都系獨特既，亦算好食，誠意足以超越坊間一啲以主打濃味汁料，但忽略燒賣本身既店鋪。另外由於係街坊店，人情味真系濃啲，入去會見到街坊食麵同老闆吹水，如果我無睇錯，甚至熟客會幫手落單收錢。燒賣阿姨拎燒賣嚟既時候會一直叫你小心熱，但要趁熱食先好食，感覺同出麵一啲排長龍但出名西面既所謂名店完全唔同。據聞呢間店可能會光榮結業，到時香港又少一間特色小店。未食過既趁而家仲有就不妨去感受一下。

是日專程黎個荃灣屋邨遊～聽聞呢間隱世粉麵小食店，即將裝修搬遷，吸引坊間不少食客紛湧而至🤭前往交通：荃灣千色匯地下81M小巴總站📍（麥當勞站落車，可以順便兜埋去探下全港剩低最後的麥當勞叔叔🤣）探咗陣路，終於搵到呢間小店，大部分食客都係附近的居民。要有心理準備，鋪頭環境比較地踎，冇乜冷氣亦需要搭枱。燒賣 $20廿蚊十粒，冇相傳咁好食，第一啖充斥住魚肉味，咬多兩啖就冇晒，質地好粉😶唔需要特登上黎食，不過全人手製係值得欣賞嘅❗️牛雜麵 $36偏細碗，味道正常，驚喜位係有牛腸😜

如果喜歡懷舊老店，路經附近，就值得過來品嚐 - 店家手工製作，即蒸燒賣的美味，加上小量辣油，個人覺得，比大埔老虎X及東大街名店更好味，入門見到阿姊即包雲吞，立即 order 牛腩雲吞双併麵，加上蒜油香芹，估計系潮式家庭生意，屋村嚟講已屬中上水平，還有貓咪女店長坐陣，最後因為商場做大裝修，唔知道未來這老店，能否繼續下去，留低令人懐念兒時的味道，當然包括街坊人情味

哩間小店位於地方唔太就腳嘅地方，平時去荃灣都應該唔會上到去哩個位行街。但為左去食佢地嘅燒賣專登過去一趟都係值得的由於我去買個日突然間落雨落到倒水咁，所以我都係買些未蒸嘅燒賣返屋企慢慢享受算🫠以我記得係$20/10粒，仲要係人手自己包嘅燒賣簡直買少見少，所以好想寫下食評支持下老闆娘好好知我買返屋企食，另外比左袋豉油同辣油我，同埋叮囑我燒賣放冰櫃可以存放耐啲，但豉油最多就放3日，因豉油佢地有自己調製過，唔放得太耐味道👅方面唔駛講一定好食，同平時街邊篤嘅燒賣好唔同，你會食到佢係真材實料唔會只係得舊粉而且大大粒，以咀仔咁細嘅我嚟講，1粒可分3啖食超好食gogogo評分（5👍🏻最高）味道👅👍🏻👍🏻👍🏻👍🏻人情味😋👍🏻👍🏻👍🏻👍🏻👍🏻

🥢荃灣石圍角 裝修在即隱世老字號大粒手工魚肉燒賣🥢要數到我哋心目中最鍾意食嘅燒賣一定係呢一間位於荃灣石圍角牛雜粉麵檔的燒賣，呢間店舖開業咗好多年，主要係店入邊食牛雜粉面，而最出名嘅係佢哋每日即刻包嘅手工燒賣🥢因為呢度嘅石圍角商場全個商場都會圍封重整裝修，今日膽粗粗上去，睇吓佢哋而家仲喺唔喺度，好彩仲有營業，問過店員幾時要裝修佢哋都話未知雖然全部附近都已經為晒版得返佢哋，佢哋需要收咗通知信之後先知道幾時會裝修，未知會唔會再重開，根據以往咁多間重整嘅商場之後會大幅加租好大，可能都未必會再重開，所以要每次過去都要懷着最後一次嘅心情去食🥢手工魚肉燒賣 $20 /10 粒燒賣係店員姨姨每一日手工包嘅每粒都好似乒乓波咁大粒，圓波波咁樣好飽滿，今次就買咗20粒，因為粒粒都好飽滿，魚肉係呈少少透明狀態咬落好有彈性，最正係佢哋嘅豉油加自家製辣油，佢哋嘅辣又會係非常之辣，但係同時都非常之惹味，係燒賣的靈魂🥢今日買完之後唔捨得食，要係咁影相同拍片，店員阿姨仲喺度講話點解我唔即刻食掛住影相啲嘢凍晒，但絕對係想我快啲食，唔好攤凍晒真係好可愛，呢啲就係屋村入邊嘅人情味，真心希望佢哋可以繼續留喺石圍角，因為我仲想以