功夫點心 (Closed)

新蒲崗行街，見店內坐滿八成食客。點左鮑螺片絲雞粥，雞肉很滑，粥底很綿，如果去雞皮煮就更好因太油。北菇棉花雞肉滑但冬菇就麻麻。蝦餃🦐和燒賣都大大粒，真不錯。腐皮卷炸得香脆。炸鳳美蝦也很好吃👍。鮮蝦菜苗餃只有一蝦，太多菜感覺食緊菜。

都有一段時間冇去食功夫點心，最掛住就係佢個蝦餃！晚上7點幾去到，唔洗等位。酥皮焗叉燒包最快泥到竟然係酥皮焗叉燒包，已經心知不妙，個包係唔熱的，酥皮已經淋哂，真係唔知放左幾耐？！南北杏木瓜燉白肺燉湯好清甜，一點油膩都冇，湯渣又多，飲完都唔覺口渴，所以應該冇加味精抵讚。韭黃原隻鮮蝦腸每條腸粉都有2隻大蝦，略嫌腸粉皮厚左d。豬骨湯紫菜墨魚滑估唔到墨魚滑份量都幾多，好似食極都食唔完咁，菜同紫菜都索哂個豬骨湯，健康得泥又唔會淡戊戊咁。黃金流沙包熱辣辣，真係流哂沙，男朋友食完表示好滿足！功夫蝦餃皇我最愛ge蝦餃！！！皮夠薄，裡面啖啖爽甜蝦肉！！！鮮雞湯小籠包食到我懷疑係米得鼎泰豐ge小籠包先好味！？呢個小籠包先睇個樣都已經唔吸引，裡面係冇乜湯，餡肉又冇乜特別，小籠包皮又厚，真係一粒星都唔想俾！濃湯魚肚鮮竹卷係素菜鮮竹卷，感覺比較健康，個魚肚最正，入口爽彈。瑤柱海皇灌湯餃呢個灌湯餃又未至於唔好味，但同平時係茶樓食果個味唔同，不過不失啦。2個人不知不覺叫左9樣點心，吃到好飽飽！

首先環境絕對係趕客行為，因為所有冷氣都開到超級大❄️大到簡直連🌬頭髮會吹起囉⋯⋯熱辣辣嘅點心放低1分鐘即刻凍哂☃️好明顯唔想啲食客坐得耐☕️叫佢敎細啲啲侍應話冷氣🈚️得較低㗎😑你當我低能嘅咩⋯唔該好心佢哋就環保啲啦♻️但佢哋自己就著晒中袖衫嚟開工😒你哋梗係唔凍架！食物價錢可以接受，但係質素就很差囉簡直同相片完全差天共地😡嗰個招牌鳳凰煎糯米雞完全唔掂🙅🏻‍♀️入邊🉐️很少餡料得D醬汁而D汁仲要薄切切又細件喎⋯⋯酥皮焗叉燒包⋯⋯嗰層酥皮完全一夾就即粉碎叉燒包薄到紙一樣又細細個!總之就係一個字形容曬食物質素「渣」👹

等個棉花雞真係等到燥,但係一食落口真係咩火都冇哂,好好食!!!我喺附近返工,通常預早20分鐘打去order,慢慢行落去攞,咁就唔覺得等咁耐。佢係我食過最好食無敵綿花雞

復活節假期的最後一日。訓醒想食點心，所以同太太去咗區內呢間食評唔錯的點心店。店內食客很多，但我地被安排坐係單邊二人位。我地總共叫咗 5 樣點心：1. 黑椒金錢肚 ($24)- 有白蘿蔔o係底，味道夠濃，但牛肚有點硬 2. 原汁蜜味叉燒包 ($19) - 夠熱，夠味，內有少量肥豬肉 　3. 鮮蝦野菌春卷 ($21) - 蝦味普通，野菌不多，但油份太多! (春卷舖底的白色牛油紙已變為透明。我再用紙巾幫春卷吸油，但食落仲係好油膩) 4. 農埸蛋牛肉飯 ($26) - 蛋煎得過熟，牛肉味道一般 5. 鮮蝦菜苗餃 ($24) - 太太食咗一粒，話味道偏淡。所以我問侍應拎咗辣椒油我夾起一隻菜苗餃，先點辣椒油，再咬一半。Oh my god! 我竟然見到一條頭髮! 我先將半粒有頭髮的菜苗餃放係自己碗里，再映相，方便寫食評。然後叫一個男侍應過來，同佢講菜苗餃有頭髮，叫佢取消呢款點心。再叫多一樣點心，鮮竹卷。男侍應將最後一粒菜苗餃拎走後，好快就有另一個女侍應走過來，話同我換碟，將我o既碗碟，連同果半粒有頭髮o既菜苗餃收走咗。但我坐多2 分鐘，感覺點心有頭髮，非常噁心。所以決定取消鮮竹卷。另一位店員(全埸得

因在家附近，一般晚市幫襯，店員服務熱心座位適中，唔會太迫，算是坐得舒適最啱人少又想食點心，價錢算抵食，食物選擇不算太多，勝在食品上枱熱辣辣非繁忙時間仲抵食，有特價每次會食嘅點心係：蝦餃、燒賣、叉燒包/ 流心包、鮑汁鳳爪、湯個人認為可以一試係：煎蘿蔔糕：煎得唔夠香蒸蘿蔔糕：味道可以，個人不喜歡口感鮮蝦腸粉：蝦大大隻，腸粉有點厚自己試過就算係：鹹水角：皮比較油膩棉花雞：個人不喜歡下次會試吓米線同蒸飯只收現金，茶位$5

點心店係香港宜家十分流行☕️☕️🥟🥟係鑽石山睇完戲🎭🎭就近近地過新蒲崗搵下食😋😋😛😛咁去開既朋友都知 新蒲崗好多地舖好多野食🍔🍟🥪🥙🥗🥘🍝🍜🍲🍛🍣🍱🍤🍙🍢🍰🍻見時間尚早 飲下茶☕️☕️好似平時飲茶咁 一坐低揀左茶 就剔野食咁😋😋叫左小籠包呀流沙包呀果d🥠🥠仲叫左個燉湯 都幾足料 海底椰豬展👍🏽👍🏽小籠包都多湯薄皮!!唔錯😋但最吸引既都係流沙包😍😍流沙包就一個個咁叫 一籠一個最少叫兩個 $10大大個 入面超流沙👍🏽👍🏽蛋黃味都好重👍🏽👍🏽超推薦👍🏽👍🏽

呢間食過2次，都試過大部分嘢，今次同大家分享邊啲伏，邊啲無咁伏啦，蝦餃，燒賣佢㗎王牌嘢實無事，唔會衰得去邊，鮮蝦菜苗餃都唔錯，棉花雞入得下口，因為呢樣有啲求其，舊棉花有啲乾身，奶黃包好大個，但唔好食如果出面開好食㗎流沙奶黃包就無謂試呢間啦會失望，排骨，鳳爪，陳川粉，勿試。排骨用得太多梳打粉，浸爛晒啲肉入口即溶，鳳爪無味，好似假㗎，陳川粉，我以為食緊凍啲同一舊舊㗎河粉，唔好問我咩味因為無味，蒸飯太濕，一般，煎糯米雞，睇落好特別，食落好後悔，感覺就係啊媽買咗隻糯米雞，你第二日煎返熱黎食咁，呢間嘢有個最吸引之處就係有時段優惠8折，所以先去食

食咗2次,喜歡:1. 叉燒包,  5粒星鐘意佢細細個, 餡料又濃又甜, 不會太乾2. 燒賣, 5粒星豬肉彈牙唔太肥, 冇雪味、冇膻味如果冬菇多少少就更好3 - 蟹粉魚翅餃， 4粒星蟹粉最怕腥，但這點心只覺濃郁第2次食時，太多肉筋，不然想給5星的4- 黃金蝦卷，4粒星有驚喜！脆皮有兩層，是春捲皮包餡料，外層再包米網，炸出來金黃熱脆餡料是煙肉，蝦和秋葵，再點沙律醬炸物有點油膩，但很花心思5- 瑤柱鮮蝦菜苗餃，4粒星賣相很漂亮！吃不出有沒有瑤柱，但喜歡豆苗拌了薑汁。喜歡薑汁味還可以：- 蝦餃， 3粒星有筍有肥肉，蝦肉爽可惜沒什麼味道 - 牛肉球， 3粒星不錯，有肉汁，不會太閑-. 沙爹鳳爪，3粒星真的有點沙爹味，不是只得個名個人比較喜歡平時食的豉汁鳳爪但喜歡這家的，煮得夠軟糯不會再點：- 蘿蔔糕，2粒星味道還可以，咬到蘿蔔絲，但糕身太稀太軟，一夾就爛而且很得意，另上甜醬 - 棉花雞，1粒星味道太淡- 灌湯餃嘗了一小口湯，覺得味道有點怪。不習慣這湯的味道友人說湯和餃都難吃難吃：-牛肉腸！腸粉有點鐵銹味，軟爛牛肉餡太重陳皮味，而且比較實，和軟爛腸粉一齊食，簡直災難！沒想到醬油也很難吃，好鹹

這是一間比較新的點心店, 其他地方也有分店, 但這裏是新開的 ,先讚一吓這店的茶,我飲的是香片,未渴時,在揀點心紙期間…會有陣陣清香,現在很多酒樓也沒有茶香了! 而我點了幾款點心試吃,牛腸,叉燒包都可以,而那個海皇冠湯餃也是值得一試的,這裏蝦餃是逐粒計而下單的,吃多少點多少,但不論是餡料還是皮有點遜色,而最差是陳村粉鳳爪排骨,陳村粉不是爽滑的,而是 像粗河粉蒸爛咗, 入口一pat不好吃, 排骨也落了太多粉,面頭有一層糊漿感覺…

同一時間播著大聲的柔和音樂，廚房裡又播放著極大聲的快版老土廣東歌。難頂到暈，毫無管理的一間餐廳。究竟是不是收銀員跟廚房員工作對，大家用音樂來鬥氣呢？抑或他們純粹自己享受音樂，完全不理會食客的感受？

對於連鎖經營點心店說實在沒抱太大期望 但對於經常夜食又不想每晚mcdonald來說 開得夜又不是快餐總是有advantage的平常總是光顧旁邊的翠華久而久之已不太想再吃見以前的海南雞人已結業變了功夫點心店面其實很整潔 坐位也不算迫點心紙點菜 侍應也很有禮點心每盅兩件起 非常適合宵夜份量夜晚也吃得到蝦餃實在太幸福了蝦餃的餡不錯 但皮不夠薄咬口不夠清爽也少不了燒賣味道不錯的牛肉球 馬拉糕 小籠包基本上一般酒樓的都能吃到也有盅飯及燉湯蝦腸來講一般。價錢是有點小貴 不過晚飯/宵夜多了一個好選擇還是推薦的

新蒲崗一連開咗兩間點心舖， 於是今日去試下， 十一點半之前離席有85折， 要茶位面加一， 叫咗普洱茶，有茶色但無茶香味， 不過收5蚊一位，佢哋咩質素大家心照啦😂😂講番啲食物鮮種類都有幾多選擇味道方便， 我哋嗰日叫咗， 小籠包，馬拉糕，豬潤魚片粥， 同埋麻醬陳村粉，四樣 除咗馬拉糕同小籠包做得出色啲之外其餘兩樣都😑😑小籠包夠皮比一般酒樓都做得比較薄同埋多汁， 可能佢係即包即蒸嘅關係所以可以做得比較薄， 一咬就已經流曬啲汁出嚟 ， 不過小籠包有兩種一種就係按籠計，而另一種貴啲㗎呢就係按隻計16蚊一隻（ 兩隻起底）， 咁抵唔抵食就見仁見智啦😂馬拉糕方便畀其他酒樓做得鬆軟同埋有馬拉糕嘅甜香味， 但係份量方面就好似畀其他酒樓細咗d啦 食完兩樣好嘢總會有啲伏嘢嘅， 伏一：豬潤魚片粥， 嗰啲粥一拎埋呢已經唔係好熱(可能而家係冬天同埋間舖嘅冷氣位大），所以唔似即叫即做，係似搵咗一大煲煲一煲然後分出嚟咁樣， 仲有個粥底好稀，稀到好似飲豆漿一樣😅 至於啲豬膶完全唔彈牙爽口， 好明顯唔記得穩生粉撈過， 至於啲魚片都冇腥味，不過搵勻曬成碗粥都係得四片魚片兩片豬膶咁大把，收人26蚊， 抵唔抵就見仁見智啦伏二：麻

此店開左一段時間，是次第一次來試，本店出品整體來講，不是十分突出，服務一般，味道都係比較大路，唯一我讚的係蝦餃及燒賣可以逐粒叫（兩粒起），吾洗一次過四粒甘叫，燒賣D肉好瘦，如果可加入少許肥肉會更佳，反而最差我覺得係小籠包，皮厚汁少，蝦餃如果可以整到多D汁會好D，其他就真係好普通不特別介紹。服務方面，整體來講我覺得去茶樓個D服務員會好過此店個D，一來只顧執野，二來出餐好亂，吾知係咪D服務員未習慣這店的運作所以亂

見到開左間新點心，媽咪又鐘意飲茶，咁就去左呢度食晚餐，我入去搵位先，坐底左無人開茶俾你…啲侍應就掛住執枱😰食物方面: 我地叫左棉花雞、叉燒腸、木瓜燉豬肺湯同肉片粥。棉花雞都幾好食，d雞好滑同入味。最正係豬肺湯！好甜同無味精~反而最難食係叉燒腸，我同我媽咪真係食到差d嘔，d腸粉有膠味，好難頂陣味！！未食過咁難食既叉燒腸🤮 以後去呢度都唔會叫最好笑係last order既時候，一分鐘前問人last order仲加唔加野，一分鐘後人地岩岩寫完點心紙，個侍應就話: 下 無啦，已經截左單！無得再叫，我地O哂嘴🤷🏻‍♀️，然後有枱客話以後都唔黎。希望真係可以改善下啦！