功夫點心 (Closed)

喺2021年12月31日夜晚大概八點半去飲茶， 飲飲下居然見到隻老鼠喺地下跳上張枱度走嚟走去 最驚係啲侍應冇反應無理會， 嚇到我即刻諗住食曬啲嘢快啲走， 點知另外又有幾隻老鼠喺後面個枱度爬嚟爬去， 老鼠多到不得了， 同個侍應講佢笑笑口話夜晚先會咁😱😱😓， 完全唔可以接受。

服務態度極差，啲腸粉預先整好係度，完全凍冰冰送上檯，要求更換一碟新嘅，熱嘅腸粉，又係度話係豉油問題，又俾晦氣說話客人聽，搞到好似我要呃佢份腸粉食咁，肉腸粉都算，問題係鮮蝦腸連個蝦都係凍嘅。服務員處理問題嘅態度同語氣都拎人十分唔舒服，以後都唔會再黎！

所有餐具很油 自己洗左很多次 攞埋自己既濕紙巾抹左先安心啲 食緊果陣仲有兩隻蚊飛黎飛去 水有陣味 結果唯有飲自己帶既水 上錯菜態度仲要好差 強烈建議未黎過既千萬不要中伏 除左不用等位其他一無是處 不過差到咁唔洗等位都好正常喇

我和外國友人二人同行，服務態度好差，基本上係樣樣都要提先比，牛肉無喼汁，蘿蔔糕無醬。蘿蔔糕超級難食，食物大部份都係偏淡味，牛肉球係幾好食，其他都真係好一般，叫做不過不失。但係食到一半，男員工突然間過嚟叫我食快啲，話趕住清枱。我8:45啲點心先來齊，9:15催我走，問完先知原來9:30佢哋要清場，咁入座嘅時候應該要提醒客人，我都唔係想阻住人哋收工，去到9:25 ，已經熄冷氣同埋所有員工坐喺度望住你，一路大聲打喊露，感覺勁唔好受。只可以講價錢唔係貴，但咁嘅質素唔摺都係奇蹟。食到中途張梳化有小曱甴都算，番到屋企我同朋友二人都又屙又嘔，唉。真係貼錢買難受。好少寫食評，就算食物味道或者性價比低都好，我都唔會點樣寫，但真係食壞人先要講。

兩個人晚飯時間去食飯，當時只有兩三枱客。座低後叫左乳鴿，蒸飯，炖湯＆馬拉糕。上菜時黎左d冇叫既點心，我地同樓面姐姐講冇叫咁多野，佢話係我地係點心紙寫左，仲話落單既時候問左我地係咪要。因為張點心紙本來有d係畫左X，我地落單時只係以為果d係冇得叫，點知佢當埋係我地order。我地同佢講只係要圈左幾樣其他唔係我要既。佢就串我地話“你冇飲過茶架咩，畫左就係”，仲教訓我地係出面都係咁，係咁用教訓既語氣話係我地既問題。屈我地叫我地唔要既野，仲要大大聲串我地，態度非常惡劣勁冇禮貌，做錯野唔認仲要屈個客。

假期想去飲茶,就去了功夫㸃心,當天都差不多3時都要等位,好快就安排了坐位。点心纸都是精心設計,幾有趣。坐下就点了好幾款点心,蝦餃,燒賣,腸粉,义燒包,春卷,鹹水角,牛肉,䰷竹卷等等味道都很不錯****

上個禮拜入元朗探朋友，朋友帶我去飲茶，店鋪叫：功夫點心。當時覺得超好食， 嘢食好足料於是星期一帶咗鍾意飲茶嘅父母去最近嘅舖頭，新蒲崗嗰邊試下。星期一到五有下午優惠所以我地去食tea～功夫蝦餃皇 （$9/粒）餃子皮好煙韌，裏面有三隻原隻肥美嘅蝦， 食落好鮮甜，鍾意食蝦餃嘅朋友一定唔好錯過呢一款蟹子香菇燒賣皇（$9/粒）因為即叫即製，每碟點心上台都係熱辣辣， 出曬煙，搞到影相有d矇查查啲燒賣好大粒，味道都好濃沃，裏面仲有兩粒新鮮蝦肉。 平時對燒賣都冇特別喜好嘅我都覺得好好食，正呀鮮龍蝦湯小籠包（$26/碟）最鍾意食呢一碟，number one 推薦。小籠包上台時啲皮冇爛度， 拎起來啲皮半透明咁，睇到裏面啲裝住啲湯食落d皮又唔覺得好厚。 裏面啲湯同肉好鮮甜好好食。超正超正！！！土魷肉餅飯 （$26/碗）肉質鮮甜， 飯粒覺得偏硬，但加上肉汁加埋甜豉油，都不錯。 加上有85折，20蚊左右就有一碗飯餸，都算平靚正鳳凰煎糯米雞（$24/個）外觀睇落幾吸引，但係食落去冇乜特別，而且雞肉又唔多。不會再食...

肺炎疫情之後，已經好耐冇去酒樓，因為太多人而且好似唔太衛生。同埋家人朋友都唔太想去，怕會感染所以搞到好耐都冇食過點心了。最近同DD講開，佢就話知道有D食點心既店，所以一個下午我地2個就去左呢間食~!!好開心~有點心食~!!!店面都好企理，而且D位幾大幾舒服。我地2個人都有得坐個大卡位，真係比酒樓好太多了。點心價錢都OK，太約$15-20左右一款，平過酒家~~點心都好靚~我地食左牛肚、菜苗鮮蝦餃、仲有腸粉及上湯時菜~~~~~呢幾樣賣相同味道都好好值得再食，好好味又令人安心的點心餐~!!!

咁難得先可以放寬做多幾餐食肆， 就做好啲啦香港人， 為咗做多幾單生意 ， 都唔明佢哋諗乜 ，係都叫啲客走去搭枱， 大佬啊，三唔識七㗎 ，係咪想再爆過疫情， 在辣緊限聚令，連生意冇得做工冇得返先安息呀😓

一入到去，諗住俾人量體溫la, 個收銀話唔使是但坐la, 員工掛住吹水都唔嚟量體溫，餐具未洗前笠笠地, 做食嘅俾d誠意好唔好⁉️唔好懶懶閒至得ga，太瀨尿牛丸囉，其他分店唔係咁ga

外面天氣32度，餐廳裡面30度，冷氣極微弱，只得風，左右枱都投訴。天氣熱千萬不要去。食物尚何，但環境熱到無食慾， 想點多啲嘢食都冇心機食。服務態度唔得。衛生環境一般。價錢一般。

疫情影響都好怕好多人，如果想一盅兩件，點心店人流就比起茶樓少好多人同同事五個人去食lunch, 我做先頭部隊去攞位落單先點心到嘅速度非常之快，姐姐們都好好人，比蓋同我蓋住啲點心先，佢地仲話唔好咁快叫呀，點心熱先好食我都知道，但打工仔得一粒鐘lunch time, 真係光陰好寶貴架蝦餃、燒賣、流沙包可以逐粒叫，最少叫兩粒雖然$9粒係有少少貴，但可以逐粒叫好有彈性，始終唔係人人鍾意食同一款點心！同埋我地五個人嘅組合，好多點心都會唔夠分蝦餃燒賣真係真材實料，啲蝦夠唒爽口彈牙每次嚟都必食蝦餃燒賣流沙包真係拳頭咁大個紅油抄手都幾好食，啲抄手似自己包唔似攞貨嗰啲，味道唔太辣，仲加埋我至愛嘅木耳蝦腸又係每次必食，腸粉起滑，蝦又大粒又爽口，$27貴少少都有道理同埋會一食再食小籠包就無咩特別，皮都薄嘅，但肉汁唔夠多，湯唔夠鮮咸水角炸得好靚仔，個個脹卜卜，夠唒脆身鮮蝦菜苗餃好大隻，有蝦嘅點心都可以放心食，啲蝦永遠都夠爽口新鮮魚肚雙丸粥好足料，有兩粒肉丸兩粒鯪魚丸，個粥超級熱辣辣，唔似茶樓嗰啲一拎出嚟䁔䁔地唔夠熱牛肚米線，份量幾大碗，$30算抵食鮮竹卷就無乜特別，木耳同紅蘿蔔餡鳳爪排骨腸粉煲$34，貴少少，

由地鐵站走過來，起碼要15分鐘，地點亦不好找，期望可以吃到好味點心。坐下後看到點心紙，其實選擇亦不算太多，但總找到我愛吃的，點了鮮蝦腐皮卷，蝦餃，雞蛋煎糯米雞，炸墨魚餅。蝦餃 - 大隻，爽口，材料豐富 ，實在無得彈鮮蝦腐皮卷 - 卷內充滿了蝦和其他蔬菜，外皮炸得通透鬆脆墨魚餅 - 另一炸物，墨魚和栗米的比例剛好，又脆又彈牙雞蛋煎糯米雞 - 這款點心在其他地方不常見, 糯米雞沾了雞蛋，煎得很香，吃起來亦沒有蒸那麼黏口埋單九十三個大洋，亦算抵食

今日星期日同阿媽去屋企附近搵野食，原本想去陳師父食點心，點知太多人，轉左去附近既功夫點心，阿媽話見旺角果間成日好多人排隊可能好好味，所以想試，ok，咁就試下。2人去要等3張台先到，咁就等啦，等左10分鐘左右，埋位，點左6樣點心。1.蝦餃，係好味既都好新鮮，質素唔差！2.牛肉腸粉，質素一樣唔錯！新鮮！呢兩樣點心等左10分鐘度，食左2樣野仲有4樣未黎，阿姐走黎執隔離張空台，佢地一路執一路講，佢地都食得差不多啦！就埋單啦，我心諗唔係講我地呀可？佢真係走黎問我地係咪到齊喇d野，埋單喇可？嘩，我即刻講緊係未，岩岩先坐低，你地岩岩黎左2樣野咋喎，咁快吹我地埋單？洗唔洗趕到咁？阿姐冇出聲走開左。上埋第3、4、5樣點心。3.燒賣，新鮮，質素幾好！4.黑椒金錢肚，新鮮好味5.流沙奶黃包，質素好高，流沙超好味，又大隻！上緊第5樣時阿姐又發功，叫我地轉後面張台，我地話唔係呀嘛？轉咩鬼野台呀？食得好地地轉黎轉去，咁鬼麻煩，阿姐拎左隔離張空台去後面，唔搞我地，轉搞後面果兩個阿伯同阿婆，要人地拎住拐杖過第二張台！原來係做4人台生意，想做多台生意都唔洗係咁趕人走又轉黎轉去，擺明趕客。食完5樣點心，第6樣點心已等左半

蝦餃外皮薄透而且滑，又唔容易爛，最緊要係內餡入面有滿滿彈牙嘅蝦，每隻蝦餃均有兩三粒蝦在裡面，爽口彈牙，愛蝦人仕必食。黑椒幾辣吓，金錢肚軟熟易咬口，仲有羅白，入晒味！生煎包有蟹黃味，皮脆肉香，讚！特別要讚既係呢度既待應好有禮貌，主動收野、斟茶，有人客黎會叫歡迎。裝修舒適，地方整潔，食得放心!