功夫點心

Open Now

Now Closed

今日去完拜山,指定動作就係去飲茶啦記得附近有間點心舖,之前食過晚市套餐又平又好食,所以今日再去回味吓由於今日係星期日,所以全部野都係正價,不過我地叫左5個點心,都係佰幾蚊,都算平阿~功夫蝦餃皇$9/每隻皮薄餡多,好食~金珠脆皮鹹水角 $25新鮮炸起,上枱時熱辣辣好好食~鳳凰糯米雞 $27既係煎糯米雞,又係新鮮熱辣,仲有少少微辣~酥皮焗叉燒飽 $25其實既係菠蘿叉燒飽,上枱時都係熱既,個菠蘿皮都好脆其實.......仲有個點心架,不過因為太肚餓,食完先念起唔記得影相就係~翡翠厚切叉燒腸 $29個腸粉好滑好煙韌,好好食

星期日一個人食茶，飲下壽眉。最好味都已經比我叫晒。鳳凰煎糯米雞，外面脆卜卜。黑椒牛肚，夠辣。焗叉燒餐包，外脆內軟。大大個奶王包，勁多流心奶王。今日特別多人同嘈，飲茶就係咁啦

{飲茶點心 - 位位$80}一班同事去飲茶從來食嘅唔只係味道，而係果份氣氛同埋同伴嘅溫暖，要多多珍惜呢啲機會😊喺呢區工作左幾年，從來都無行入呢間功夫點心，一直覺得連鎖嘢都只會係一般般，點知食落有啲驚喜wo! 炸物來得好香脆，炸雲吞同春卷真係唔好喺戲院食😂蒸點每一樣都好唔錯！我個人覺得鳳爪嘅味道一般般，香煎糯米雞有特色值得推介！成間舖頭質素平均啦！但係叫到成枱都係嘢$80/人頭相當合理！美味程度：😋😋😋環境指數：🎇🎇🎇番食機會：🦍🦍🦍📍 #功夫點心 (筲箕灣)筲箕灣筲箕灣道347-349號地舖

前幾日去買外賣，等咗好耐就問下啲呀姐有未，全班人完全當你透明，不聞不問，我提高聲線再問一次，佢哋先至望响我，但可以完全粒聲唔出，值到我要求收銀員退錢，佢先至叫人盡快處理。我填咗網上投訴表格，呢間嘢就繼續貫徹不聞不問嘅作風。

買外買的不愉快經驗，因為疫情嚴峻，星期日打算買外賣，網上睇到筲箕灣有功夫點心分店，於是打算一試，點知後悔莫及。總括，外賣等了约一個半鐘，分配食物程序混亂及不衛生，部分員工服務還可以，起碼有基本禮貌，但有些員工，特別係個經理及收銀。收銀直情差到極點！建議大家不要光顧，不用花錢受氣！😤😤😤

今天與家人相約一起吃點心，選擇了這一間功夫點心店，餐廳大而且10分衛生，點餐紙上有不同的食物，雖然選擇比不上其他大酒樓，但是亦都有很多東西吃。今次叫了10樣點心，聽說點心即叫即蒸，等了一會兒，熱騰騰的點心上枱了，我最推介煎糯米雞，在其他地方吃不到的喔。

服務差，無禮貌！下單/收錢姐姐掛住傾計，無視我想落單。不知所謂！我相信如果附近有其他食點心的地方的話，我一定一定不會再去而且食物味道也是一般，可以接受。我不會介紹給朋友去！

最近抗疫，多數市民都會take away home, 我一樣間中買返屋企食，出去餐廳空蕩蕩，感覺真係唔多好。今日星期日瞓到下晝晏一晏，我男朋友瘦瘦豬話想食功夫點心，佢話春卷好好食，佢講完口水流出嚟咁，好啦好啦，我就同佢落樓下功夫點心，買外賣上嚟瘦瘦豬狂叫左3牒《鮮蝦野菌春卷》，HKD 21/3條，佢話真係no. 1，我即刻先食睇下有咩特別先。返到屋企應該10分鐘左右，皮仍然好脆，皮薄入面啖啖蝦肉，唔同出面果D多蘿蔔絲，無搵笨。《香煎蘿蔔糕》HKD 19 呢個無咩特別，大大舊，不過伙記唔記得被甜醬囉《北菇綿花雞》散修修，個賣相麻麻地，雞肉質素及味道不錯，其他酒樓有腐竹包住，此項可叫可不叫。《功夫蝦餃》HKD 9隻 和《蟹籽香菇燒賣皇》HKD 9隻（2隻起計）。蝦餃，燒賣，鮮蝦大大粒，個樣圓咕碌咁，正如果按出面酒樓4件計，為HKD 36一籠特點，不過功夫點心SIZE大一點，食物質素亦不錯，價錢略貴可接受。下午茶時段可以買返屋企嘆Tea, 總括來說點心以啖啖蝦蝦蝦取勝，其他點心有待下次發掘。

今日是假期就同媽媽去飲茶我地去左功夫點了入到去原來2:30後有8折我們點了蝦腸 好大分好好食好滑蝦餃 都可以炸腐皮卷 一般炸得不太平均魚類炸兩 好食好脆雞粥 有咩肉！粥好油！

今日第一次嚟呢度食午餐，我俾緊錢既時候，我大緊肚既老婆行緊出嚟，個侍應托住一個擺滿辣椒油既托盤，個頭完全拎轉晒同收銀一路傾偈一路向前行。我老婆已經停咗一邊係度大嗌叫佢小心，但佢完全無聽到繼續向前行。結果撞到我老婆，成盤辣椒油淋落我老婆身度。我即刻同佢地理論，個收銀話洗衫只需要俾返張單佢就可以claim返洗衫錢。跟住我地問咗三間洗衣店，洗衫連去漬（要洗條裙同legging）要成＄３００以上，而且三間都話應該去唔晒啲漬。於是打返去餐廳confirm，個經理就改話只係最多賠＄１５０洗衫錢，仲要清唔晒都唔賠返條裙同legging既錢。喂大佬！啲辣椒油係出咗名難洗，就咁去漬都要＄３００，仲要應該去唔晒啲漬，咁分明唔負責啫！仲有，辣椒油已經係不幸中既大幸，如果係滾水仲得了？！同埋我老婆大緊肚，有乜事佢點賠得起！之前睇其他食評已經知服務質素差，但實際試完後完全係不知所謂。各位帶老人家同小朋友既就自己小心啲啦！

前排呢度装修無開，現在重開，今日同朋友嚟飲特價早茶。早茶八点到十一点半，茶錢四蚊位，有八折。平時呢度唔少老友記嚟飲茶，但今日見到疏疏落落，人數唔多。有個白頭髮嘅服務員嚟開茶，笑容欠奉，問多一句竟然唔睬人，重行開。我哋見另外張桌空，唔想搭枱，就對黑衫亞姐講可否轉抬，佢又喺一副晚娘臉孔，粗声粗氣答我，嬲到我終於忍唔住罵佢，要寫信投訴佢，她即時換咗個樣，語氣都變好，相信佢哋因為對住班公公婆婆蝦佢哋唔識嘢，有恃無恐先至慣咗咁惡，典型欺善怕惡。講番呢度点心，確係唔錯同抵食。首先，嚟嘅燉湯，夠火喉，清甜潤肺跟著的蝦餃同菜苗餃都好好食，特別個菜苗餃劲多菜滑雞不過不失呢處点心的確唔错同抵食，但服務態度就要認真整頓，不過咁，經過我表達不满後，個黑色衫嘅部長態度都有改善，希望下次嚟見到有祥和新景象啦

今日同老公一早落街食早餐，行經功夫點心又想食下點心做早餐，但星期日既早上真係好多人，等左大約20分鐘左右先可以入座，下次我會選擇外賣拎返塊食不過呢到既點心真係唔錯，有傳統點心亦有創新既點心，我個人就好鐘意食呢個「煎糯米飯」約手掌咁大個左右，食一個都差唔多飽，呢個糯米飯煎得金金黃黃十分香口，裡面有臘腸、碎肉既糯米雞餡，十分惹味，食完我都打包左個返去傳統點心有蝦餃燒賣酒樓有既呢到都有，食物好食，但服務就真係一般般啦！

今早十点幾去咗筲箕灣嘅功夫点心飲茶，呢度早茶有八折。之前來過，呢度点心可以，但員工質素同服務態度就好差。我見入來咁耐都無人執枱，於是走去櫃面請人來開茶，隔咗差不多十分鐘，先至有個帶鄉音嘅亞姐粗声粗氣來問:「飲咩茶吖？」我請佢先執枱，她好晦氣咁話:「得啦，我會啦 ！」然後又行開，五分鐘後她先過來抹抬，開茶寫單。我嗱嗱臨叫兩隻蝦餃同一個蛋煎糯米雞，重有甜品煎堆仔。煎得好靚，面和底都煎到金黃色餡少少肉，幾油膩落少樣單，同店員講，但佢無跟單整體來講，呢度點心唔錯，價錢大眾化，無加一，幾抵食，但招呼欠奉，服務態度唔掂，學劉天王話齋，今時今日咁嘅服務係唔得，希望下次來有改善啦！

幾星期前於筲箕灣分店打算入座，踏進店內完全沒有人理會，自己搵位都唔緊要，舉極手都無人理，當見唔到…不禁諗諗究竟呢間鋪係咪全自助，直至有位粗鄉音嘅短髪女職員行過，明白服務性行業長期缺乏人手，因此本人只輕輕同佢講：唔該，未開茶；之後該女子以一個凶惡嘅眼神及語氣向我講：咁！飲乜茶呀？之後面帶不悅而去… 已光顧數次，本身覺得價錢合理，食物算不錯，但今次經歷令我及朋友都接受唔到，以消費者角度，要求店員開茶是否有問題呢？另外，大部分餐具有污跡，店舖整潔度不足，絕對影響食慾...有向功夫集團客戶服務部丶市場部及人事部反映過，可惜半句回覆都無收過，雖則顧客不是絕對啱，但位居於區內出名服務差的食店之一，亦留意到此店於不同平台的負評，並非無原因吧。

今日到筲箕灣跟長輩去享用下午茶。 長輩喜愛飲茶, 便跟她去到一間她經常光顧的茶居。 這裏座位數目算多, 或是下午茶關係, 目測多是上了年紀的顧客。餐牌設計有如武俠片中的秘笈，頗有趣, 可能是為了突出店舖的名稱 --- 「功夫點心」。 瑤柱海皇灌湯餃 : 一只大大的灌湯餃在沙鍋中送上。 灌湯餃内有肉碎和蝦, 湯內有少許齋魚翅丶竹笙和魷魚段, 味道一般而已, 湯底味略淡。 瑤柱鮮蝦菜苗餃 : 蒸餃飽滿, 蝦肉算新鮮, 菜苗嫩口無渣, 味道適中, 不錯。 金瓜豉蒜蒸排骨 : 蒸排骨有肉, 不太肥, 排骨鋪在南瓜片上蒸, 南瓜蒸得過久變得稀爛。 鳯凰煎糯米雞 : 煎糯米雞加上了少許蛋汁在上面, 味道不過不失, 但油份多了點。註 : 服務業人手不足, 這裏亦不例外。 如要職員服務, 就要等候一下。 不設加一服務費。 早茶和下午茶有八折優惠。 帳單顯示銀碼已是折扣後的價錢。