功夫點心

Open Now

Now Closed

好耐無食過牛離炸大腸，本來早左收工想食廟街牛雜但係無開，唯有搵下附近有咩好食，於是去食個點心填下肚順便做埋晚餐。用左好多木同水墨畫做設計，雖然係新開既地方但有模擬番古代中式既設計，原來早茶同下午茶都有優惠更加抵，連個點心紙都整到成本功夫秘笈一樣。一見到就揀左既《酥皮焗叉燒包》($20)，居然係呢個要焗起既最快上枱，拎起唔算太熱，咬落面頭無脆脆地既口感，入面叉燒餡幾多。到我至愛食既《功夫蝦餃皇》($9隻)，反而蝦餃有啲驚喜，皮都幾薄身，一舊入面都有幾隻蝦唔梅身，蝦膠都幾彈牙爽口。飲茶點可以少左腸粉架，《翡翠叉燒腸》($24)皮身有少少厚，而且唔均勻同好易痴埋一齊，叉燒餡亦都唔算十分多。最後有《蟹子香菇燒賣皇》($9隻)，拎出黎真係堅熱辣辣，入面釀左香菇幾香口，肉夠彈牙同蟹子食更有口感。店名：功夫點心地址：油麻地砵蘭街10-16號宜發大廈地下B&C舖餐牌:

今晚落堂後去左附近的“功夫點心”開餐, 又可食飯又有點心食, 正點左: 先來碟上湯浸菜, 再來流沙包2個, 排骨蒸飯, 咸水角。食物水準好👍流沙包, 正咸水角油較多, 但都可接受👍另外杯茶好準, 因為夜晚, 所以點左普洱茶, 飲了幾壺, 茶仍有餘韻。服務員的招待也不錯。

肚空空，打起鼓來，又到午飯時刻，在油麻地食店太多，女朋友患的是選擇恐懼症，但她表示不想吃得太肥膩，又不想吃得太辣，最後發現功夫點心，它是一間小店，座位比較迫，香港是寸金尺土，也可理解。第一道來的點心是燒賣，足料的肥豬肉，一口咬下去，啖啖肉，好滋味！第二道是金錢肚，醬汁完全滲入金錢肚，好味但只有4塊，有點不夠喉！第三道是懷舊馬拉糕，之前經驗最怕太甜，落太多黑糖，相反，呢度馬拉糕甜度適中，又有蛋香味，yummy !第四道是爆汁炸花之丸，驚喜之中，一入口馬上爆汁，如火山爆發，充滿玩味！最後一道是鮑汁鲜蝦荷葉飯，一打開，已有至少4隻3cm長細蝦，也噴出少少荷葉味，吃過飯便有氣力走更遠的路！整體而言，食物水平已達中級，可以再來，有創新有傳統點心，可謂共冶一爐！

老公其實都食得好麻煩特別係點心唔可以蒸太耐 又唔可以整得太少所以火候要啱啱好早排過年之後老公仲同成班兄弟打完牌之後就去咗油麻地搵嘢食上次佢哋食過四x煲仔飯食到發晒脾氣所以佢哋對食真係好有要求雞扎同暗春蛋燒賣熱到不得了雞有雞味 燒賣有燒賣味奶皇包兩個人我覺得都over左小小叉燒腸粉中規中矩唔會一夾上嚟就成件散晒蒸肉餅飯飲茶更加唔少得蝦餃小籠包馬拉糕所有野都係岩岩蒸起最後仲要加多個湯不得了完美的一個晚餐下次再食過

經過連鎖點心店，心癢癢想吃些傳統點心！重買推介蝦餃王，當然要試試味道如何！蝦餃夠大隻，但皮較厚而且不夠煙韌，內裏蝦肉爽口，有鮮味頗彈牙。蜆芥鯪魚球，鯪魚球細細粒，外邊被脆米包圍，香口且口感十足。魚肉冇腥味，吃到有陳皮。蜆芥有原粒蜆肉，蘸鯪魚球同吃，咸香十足，蠻合襯。南北杏西洋菜燉白肺，西洋菜燉湯夠火喉，清甜滋潤，女生最愛！這款湯水有清熱潤肺，紓緩氣咳、化痰作用。西洋菜出晒味，燉湯內有蜜棗，令整盅燉甜甜的，好味～

很久沒有吃點心，難得經過油麻地附近有點心店一於入內吃個中式午餐。這種分別有普洱、白牡丹、鐵觀音及香片，四種葉茶供選擇。選了平時小見的白牡丹，茶味帶點苦澀...一般般～流沙包當然要襯熱食～撕開包皮裡頭的餡料緩緩流出， 奶黃色澤鮮明，賣相吸引！流沙包外皮柔韌鬆軟，奶黃味濃，如加多一點鹹蛋黃味道更佳。平時吃的糯米雞是以荷葉包著再蒸，這裡的一反傳統改用香煎糯米雞！糯米四邊煎得香脆，咀嚼時黏牙且有雞肉香味，略嫌太過油膩，還是喜歡有荷葉清香的傳統糯米雞多一點~

之前在工展會上食過一次，感覺很好食，但今次去過功夫點心食堂食，睇黎那次認真係我肚餓，回憶把食物美化了。一進門也沒覺什麼異樣，坐下就立即叫茶，可能沒太多人，菜很快上。我們也很快點食，這時店內人雖多，不過也是大多已經在食用的人。我們肚子已餓到打鼓，很快寫了單，想拿比店員。這是已經有好幾枱人走了，他們全叫我們等會去𢴇野，其他客人也是同樣狀況。我覺得等是必須也非常正常，耐心等了一會。12:00進店，12:15有人來拿單。那位店內姨姨接過單，(準備開機下單?)結果機都未開，把單放下又去𢴇野。我初時以為佢忙，過一會就電腦下單。結果又過15分鐘原封不動地放係枱面，有一位客人也如上狀況。遲過我們20分鐘進場的客已經在食了。我們枱上只有兩套餐具一壺茶，結世色不對去追單，那位阿姨連句道歉話都冇講就扔比其他同事做。哈～哈～入了店成30分鐘終於出單了，還要再三叮囑也下錯單添，真強。食物再過15分鐘終於到了，這時人已經餓死了。食物不算是好食，只能說一般。蝦餃食不出鮮味，只食出腥味。燒賣明顯蒸過籠了，即蒸可以蒸到又白又淋，倒是佩服。叉燒包認真餡料真是牛呀～可以整到好咸又甜...一個字<怪>。小籠包

唔想家人辛苦，呢幾日都係出去搵嘢食。家人麻麻地西餐，都係繼續搵中菜食。好耐無飲菜，又係做冬前夕，無謂係酒樓逼，就揀咗呢間食。價錢唔算貴，選擇都算多。環境都可以，不過木椅家人就坐得麻麻地舒服。晚餐時間都係一，兩人頭黎食嘅多。我地5個叫咗一枱餸胡椒湯生菜墨魚滑($26)，胡椒味太勁，唔係好食到個墨魚滑，質感麻麻。陳醋蟹粉鮮肉餃($28)，有啲似紅油抄手，不過唔辣嘅。醋味唔重，不過肉就麻麻，唔特別有味。蝦餃皇($45元5隻)，蝦大隻，味道都ok嘅。懷舊馬拉糕($19)，味道唔算甜，質感不錯，同酒樓有得揮。鳳凰煎糯米雞($24)，幾油下，佢煎得尚可，雞唔算多，肉還好。梅菜肉餅飯($25)，味道一般，正常。瑤柱海皇灌湯餃($28)，皮厚咗小小，湯頭還好，不過皮內無湯，係另一種味，肉可能大咗啲，有啲位硬咗小小，可能煮得耐咗啲。酥皮香麻蘿蔔餅($24)，呢個值得叫嘅，個皮好味，趁熱食，放耐咗有小小油膱味，蘿蔔絲還好。我地另外叫南北杏木瓜燉白肺同埋茶樹菇沙蔘燉土雞（各$46），味道還好，叫做有啖湯水入肚暖下胃，有湯渣。整體還好，偏油，係夠平，每人$80元，茶大家都覺得ok。

功夫點心在幾年前在天后開第一間鋪頭已經開始幫襯到今時今日佢已經開咗好多分店已經成為功夫集團 ，不過反而當日在天后開第一間嘅店已經執咗，今日嚟油麻地砵蘭街功夫點心，六點半左右不用等位坐低先叫一壺香片 點心叫了一個荷葉飯，鮮蝦長春捲，燒賣兩粒，荷葉飯好大個餡料亦都充足，長春捲已經冇以前咁長這裏配沙律醬一齊食，這裏的蝦餃燒賣可以 依自己食量分開叫兩粒起計。現在由於集團式經營所有點心應該係中央廚房製造運送去分店，希望佢可以繼續保持佢嘅水準

兩次都係叫排骨飯加兩粒燒賣，第一次兩粒燒賣失蹤，到公司才發現。好，係我錯，以為張收據啱，就無打開黎check，點知咁都錯得，忍手唔投訴。第二次再叫，當場check，燒賣變蝦餃，我只係想食下燒賣姐有無咁難牙？😡Btw，d員工同d耶食無咩耶既但可唔可以唔好落錯單！

在油麻地除了茶檔及大飲食集團，沒太多選擇，如想飲茶品茗又唔想去茶樓可考慮去"功夫"。去過油麻地功夫才知原來香港已有成10間分店。简單講，功夫點心店座位比較迫，茶味也不特出。強項係蒸的點心，蝦餃同燒賣都不錯，蝦餃的蝦較碎但都足料，皮也很薄，我更愛功夫的燒賣，幾乎沒有吃到肥猪肉，而且大大粒，每款九元一粒(兩粒起)。山竹牛肉有香香陣皮味，牛肉味濃，很怕那些大量使用鲮魚肉的所謂牛肉球，功夫的牛肉不會令人失望。更值一提嘅係木瓜南北杏猪肺湯，無落味精msg,很甜是因為落了蜜祖同小乾元貝及瘦肉。全部油炸點心，可以唔駛叫。隔油做得唔好，十分之多多餘油脂，腸粉不夠滑有待改善。另外，值得一吃的是肉餅或滑雞蒸飯， 25元不太多但十分滋味!我囝囝的至愛!

平時早餐食得多西式，今日來個中式一盅兩件，原來都可以好抵食！因為早茶和下午茶都有八折！有四款茶可以選。每款點心即叫即製，所以上菜時都是熱騰騰啊！另外，每款點心價錢也不同，來看看我點了什麼吧！首先登場的是泰式涼瓜牛肉餅。$20有三塊半個手掌大，配有泰式醬料，好香口好好味。跟住有金珠脆皮鹹水角。$17。好漲，外形十足小型雞蛋，好脆口，熱騰騰食一流！功夫蝦餃皇。每隻$9，至少叫兩隻。晶瑩剔透，好足料，隻蝦好大隻，真的是皮薄餡靚！飲茶食蝦燒賣蝦餃應該是例牌吧。這個蟹子香菇燒賣皇都是每隻$9，至少叫兩隻。足料又大粒，相信看相都看得出！古法潮州粉果。$17三隻。我從不知道粉果可以是辣的！新奇又好味，辣醬都可以省掉！而且也是皮薄餡多啊！金甲粟米花姿餅。$20。半個手掌大。好香口彈牙，粒粒粟米好有口感。一個字，正！豉汁煎釀茄子。$18。同街邊的煎釀三寶比較，這個茄子沒有出面的"淋"。真係流沙的黃金淘沙包！$8一個，至少兩個起。好香，好軟，好濃蛋黃味。推介！見到有蔥花炸兩腸，貪得意叫來試。$23。普普通通，感覺唔夠脆口。以上價錢未計8折。

We had a bad experience in Kung Fu Dim Sum as 2 of us ordered the same pork short rib with rice (排骨飯), 1 of them had less meat than the other and are the same price . I mean the difference was very noticeable, worst thing is that we mentioned it to the staff and they decided to go with the approach that it was supposed to be that way and not in their control or fault as opposed to actually trying to fix the problem Very dissatisfied with such appalling service, yes it's not a fine dining restau

記得先排第一次幫襯呢間食肆時見到有好多長者嚮門口派隊，好奇心驅使下就上網了解，意外發現此食肆多年前已開始免費派飯俾長者，難得有此良心企業嚮鬧市出現，梗係要再Encore啦搭正八點一開門，基本上大部份座位已經坐滿，所以會出現搭檯情況，座位與座位之間比較狹窄，不過意外發現閒日上午及下午茶時段會有八折優惠，咁著數梗係叫多D點心醫下個肚啦鮮蝦腐皮卷：餡料以韮黃及鮮蝦為主，腐皮煎得非常香脆可口，配唿汁食簡直一流酥皮香麻蘿蔔餅：此餅新鮮炸起，咬落好香芝麻味及非常香脆，配蘿蔔絲好香，不過始終是油炸食物，所以都有少少油膩黑胡椒柱侯金錢肚：金錢肚煮得好腍及好香，醬汁惹味，正荷香臘味糯米飯：糯米飯質感軟硬恰到好處，味道唔錯北菇棉花雞：芋頭蒸到好香好腍，吸左棉花雞D湯汁精華，味道唔錯瑤柱海皇灌湯餃：見到湯底有魷魚乾碎及蜆仔，所以味道鮮甜，灌湯餃餡料塞到脹滿，好有咬感醬皇土魷柏葉：醬汁超香濃惹味，魷魚牛柏葉大大件，蘿蔔吸收晒醬汁，感覺好似食緊咖哩三寶咁，非常爽口濃湯魚肚鮮竹卷：最清淡的一道點心，鮮竹卷餡料有菇及肉，味道唔錯其實以呢個地段及食物質素，仲要有八折優惠，真係非常抵食，仲要呢間食肆係良心企業，希望其他

今日同公司同事出去功夫點心食午餐，員工態度超差，叫極都沒人應，食物又出錯，最叫人起火的係，同侍應講D野未到，侍應大大聲話等到就等，等吾都就走，一D禮貌都没，下次吾會再光顧這間功夫點心