Video
Opening Hours
Today
12:00 - 21:00
Mon - Sun
12:00 - 21:00
Public Holiday
12:00 - 21:00
Public Holiday Eve
12:00 - 21:00
Above information is for reference only. Please check details with the restaurant.
一向都好鍾意飲手搖飲，呢排天氣凍凍地，外賣叫左杯熱飲，叫咗冬瓜茶，呢杯冬瓜茶冇得揀甜味，但係都唔太甜，溫度啱啱好唔太熱，啱啱入到口嚟緊都會試吓熱飲為主，因為冬天就到啦
continue reading
本身住得唔近祥華果邊，但聽都係住粉嶺既fd講呢間功夫茶好好飲 ⋯所以收工搭到去粉嶺站都專登行入去祥華買黎飲 ～去到見到原來出左新既愛玉系列飲品，有百香愛玉多多、愛玉檸檬鐵觀音同愛玉檸檬綠茶。見檸檬同鐵觀音呢個配搭幾得意，所以就決定揀愛玉檸檬鐵觀音，店員果然同fd所講一樣，係十分有禮貌 👍 會好清晰地介紹有咩甜度同冰度揀，值得一讚 😊估唔到檸檬同鐵觀音既味係好夾，感覺好清新得黎檸檬味又唔會完全蓋過左茶味，再加上愛玉口感滑溜得黎又甜度適中，成杯飲品好岩夏天飲 🤩另外仲買左杯伯爵珍珠奶茶比屋企人飲，佢話好飲過原本最近屋企果間，話珍珠好彈牙同黑糖好入味 😜之後黎開呢邊都一定會再幫襯 👍
continue reading
平時飲野唔係揀珍珠奶茶就水果茶王，呢日突然想轉下口味，點左伯爵咖啡凍奶茶試一試。點解我會揀呢杯飲品呢？因為我每次去買野飲都咁岩聽到有其他客落單買呢杯，我就一直好好奇到底伯爵茶底整出黎係咩味道呢，所以的起心肝飲一次。要讚一讚呢度店員好貼心，落單問我駛唔駛少蜜少冰，我揀左半蜜就即刻比錢。點知出左單我先醒起自己忘了叫走冰，馬上同店員講返，佢地即刻幫我處理，而且態度很友善無嫌我煩。講返飲品先，佢地杯奶茶做得好好飲，奶茶好有茶味，同埋好順喉，甜度剛好，不會飲到起晒痰。咖啡凍口感似蒟蒻，幾有咬口，同埋份量好足，啖啖都吸到咖啡凍，好抵飲。作為一個珍奶控，試過晒北區既功夫茶，覺得祥華店比其他分店好飲，每次買珍珠奶茶，拎起手都摸到暖暖的、很新鮮煮出黎的感覺，好彈牙好有黑糖味，拍得住係台灣飲既珍珠奶茶！呢個水準值得我每星期keep住幫襯！
continue reading
早兩日同屋企人係屋企想飲野，平時好少外賣叫野飲，咁岩睇外賣平台見到祥華呢間開左無耐既功夫茶竟然做優惠，買滿$80有9折，於是叫左3杯飲品，估唔到驚喜地好飲。我地分別叫左芝士奶蓋抹茶 (少冰微蜜)、輕飲水果茶王 (少冰微蜜) 同埋 柚香晶球綠茶 (少冰半蜜)。芝士奶蓋抹茶既芝士奶蓋口感幾香同滑，甜得黎帶少少鹹，鹹甜比例適中，而且奶蓋份量都幾多，下面既抹茶茶味都算濃，夾埋芝士奶蓋一齊飲好match。至於水果茶王超足料，有一片西柚、幾片蘋果、橙同埋羅勒子，真係好飲得黎又感覺幾健康！柚香晶球綠茶既西柚味出奇地好真，仲有少少果肉，感覺好fresh，唔似有d品牌既水果茶係好假既濃縮果汁味，配搭埋幾甘香既綠茶味同埋份量幾足、咬落爽口既晶球，超適合炎炎夏日飲。仲有要讚一讚店員好細心咁痴張膠紙係奶蓋茶既蓋上面，令到就算外賣員好遠送到杯飲品黎都唔怕運送途中好易整瀉杯飲品同屋企人都好滿意今次既外賣飲品，必定趁住仲有折扣時叫多幾次，真心推薦比都係住係粉嶺既朋友 👍
continue reading
透過袋鼠叫野飲，叫三杯可以漏兩枝飲管，袋鼠又無得留信息比店家，又聯絡唔到店家，可以小心d嗎，珍珠奶茶呢d無飲管飲唔到囉。。。但味道比其他店都好，所以都叫左好多次
continue reading