手作功夫茶 (美孚新邨)

Open Now

Now Closed

隔離ET執咗，咁就改試吓呢間「手作功夫茶」。凍38奶霸（$29）少蜜（70%）少冰（70%）招牌厚奶茶，除咗珍珠，仲有蒟蒟同仙草。珍珠Q彈、蒟蒟爽口、仙草滑溜，三樣嘢佔咗整杯四成。奶茶茶味合格，有茶香，亦都滑。凍3Q奶茶（$29）少蜜（70%）少冰（70%）同樣係招牌厚奶茶，除咗珍珠，仲有紅豆同仙草。紅豆是正常size，少少起沙。

今日下午係外賣app買手作功夫茶，點咗1杯柚香晶球綠茶，同1杯特濃黑糖波覊鮮奶。柚香晶球綠茶(微蜜, 少冰) $38鮮果水果茶嘅健康之選，裡面有寒天晶球，味道好飲。特濃黑糖波霸鮮奶 $41黑糖波霸系列飲品只限中杯容量，唔可以選擇甜度，但黑糖味好濃，配鮮奶好夾，仲有珍珠好煙韌，好好飲。

雖然開咗唔係好耐，但買過幾次都頂唔順要留個評價，希望改善下。如果唔係單靠茶底好飲都唔會留得住客。1. 時不時落錯單，要半甜又落漏2. 可以用下午三點就話唔接單，但舖頭有3個店員3. 店員永遠2，3個，總有1個係吹水中，製作飲品速度慢，隔離x茶得1個人都快過佢4. 個店員係收銀機前一路吹水一路搵手整個嘴唇，然後唔知有冇洗手就去拎杯蓋同飲品，好唔衞生…

網上落單要熱飲，到攞嗰陣變咗凍飲，個店員話幫我勺走啲冰整返熱畀我，有冇搞錯呀?整個杯熱嘅好貴咩? 咁慳家? 個店員仲話，放心啦份量一樣㗎 ，真叻， 而家係你整錯呀 ，整個一杯好難咩?仲難過你勺走啲冰整返熱啦。

因工作關係放工已經夜晚22:45，經過見到有間茶店仲未收，感恩可以解下茶癮，問下收未（因有好多鋪未夠鐘就已經唔接單）兩個可愛的妹妹店員仲好精靈活潑地招呼，介紹有咩好飲，由疲累的心靈點起一點窩心的暖意！仲好有心提醒weekend先會收23:00，十分有禮而歡笑迎人。講返杯茶：茶底味濃而不澀，珍珠煙靭而甜度適中，奶味濃郁而不搶茶味，bravo! 搞到我幾乎日日都要。香港而家仲有啲咁有熱誠嘅店員好難得，加油！

叫了 芝士朱古力可可加咖啡凍，最後發現漏了芝士！需要改善！（10月24日，訂單919）作為消費者有責任檢查後取貨，所以最後也是整杯飲完。想反映一下即使是新開的店舖不太熟手雖情有可原，但就正正是新開張，更需要多加注意！希望下次可以改善～