手作功夫茶 (旺角中心第一座)

Open Now

Now Closed

【香港高cp值手搖店——功夫茶🧋】唔知大家最愛既手搖飲品鋪頭係邊間呢🙈功夫茶‼實在可以列為三大我最喜愛香港手搖店之一🥰大杯之餘價錢上比其他手搖店平！味道上亦都好飲🌟私心推薦兩杯我最鍾意既嘢飲（每次去都只係飲那兩杯Lol😉）【百香QQ】$27唔知有冇人同我一樣好鍾意食百香果籽！呢杯飲品仲有珍珠、椰果、蒟蒻呢啲配料～再加綠茶底 飲完即刻覺得滿足曬🤩酸酸甜甜咁我好鍾意❤️btw 建議大家揀返微糖/走糖🍬因為配料已經好甜了～🤧【38奶霸】$29奶茶底好順滑 又重奶味！配料方面會有珍珠、蒟蒻同仙草～🤩一次過滿足曬你對奶茶既想像😎口感非常豐富！珍珠煙煙韌韌 仙草滑溜 蒟蒻又好爽🥰滿足感💯呢杯我叫微糖就啱啱好 我唸飲慣左全糖既螞蟻人應該都會覺得正常發揮 唔會太甜的！🐜所以大家如果想試可以叫返平時飲既甜度就ok😆😋：9/10性價比：9/10回頭指數：10/10（私心🙈）📍功夫茶 Kung Fu Cha呢間既分店真係有好多間…遍佈港島九龍新界🇭🇰大家可以去openrice睇吓自己屋企附近有冇分店哦٩(˃̶͈̀௰˂̶͈́)و#甜品 #甜品控 #台式飲料 #台式飲品 #肥仔水 #手搖 #手搖飲料#百香果 #珍珠 #蒟蒻

我前幾日買左杯珍珠鐵觀音奶茶之前都有買過 要少甜 對於我黎講有小小苦所以今次買就要左全糖 我買完行路去油麻地飲左一下 發現超級苦就行返去問 （唔好意思啊 尼個珍珠鐵觀音奶茶你地係咪無放糖啊 因為好苦 味道唔同左）個女店員向著後面同其他同事講 （味道唔同左 唔會啊）收銀問沖個個有無放糖 佢話有 之後3個店員同我講 （因為少左冰 茶就多左所以你覺得苦） 但我上次嗌少冰少甜都無咁苦 搞到好似係我錯咁😞 跟著一直好尷尬 好似無打算解決 一直幫其他客人收錢 等佢地得閒我就同返佢地講 我上次少糖都無今次全糖咁苦 雖然後來都有沖過杯比我 係有放糖嘅 但成個過程 好浪費時間 同比我感覺佢地無打算解決問題希望下次再買唔會再咁啦🙏🏻

-呢間茶飲店其實周圍都有分店，我都成日都幫襯，今次點咗黑糖波霸鮮奶，佢整體嘅配方都幾適合我口味，平時亦都會點奶蓋茶飲。鮮奶方面口感都算滑，但係可以奶味再重少少，所以我會點少冰，費事溝淡咗奶味。黑糖珍珠使用嘅黑糖甜度啱啱好，不過今日有啲失手，啲珍珠整得太腍，今日應該煮耐咗，平時都幾Q彈有口感。-

天氣開始時凍時熱，一熱起上嚟條街好似蒸爐咁，呢啲時候好難忍口，出親去都想買番杯手搖哈哈。珍奶都稍嫌有啲滯唔夠爽，炎夏配果茶就最正，尤其是酸酸甜甜既口味，所以一嚟到見到有檸檬愛玉就揀咗佢lu~茶底有烏龍同綠茶揀，想飲清啲今次揀咗綠茶。作為功夫茶既常客，知道配料通常浸過糖水，所以記得叫無糖呀，反而個甜度會啱啱好。檸檬好清新，愛玉又夠滑溜，配搭起嚟真係好消暑！清爽得嚟甜甜地仲好開胃添，推介係焗促既天氣飲呀。功夫茶走既係價錢相宜選擇多既路線，抵飲又多新款好推介大家去呀。

嗌咗杯百香QQ，走甜少冰。見到張單個員工落錯，即刻同佢講返係走甜，唔係少甜。個員工話冇問題，未沖可以改。見佢哋又傾偈又多客，咁我攞嘢飲嘅時候就再問多佢一次，係咪走咗甜架喇，個員工話係，走咗㗎啦。 返到屋企一飲，頂，甜到 (平時飲開走甜 知道冇可能咁甜)。好嬲，冇走甜咪冇走甜。想即刻打電話過去同佢講返，又唔見有電話。以後都唔想買呢間！！

一直有飲開功夫茶,好鍾意佢哋的柚香晶球綠茶、黑糖波霸鮮奶同宇治抹茶拿鐵😋, 每次見到都会買杯飲下。前天經過旺角, 見到手作功夫茶新店進駐旺角中心,這對我真是個好消息, 因我很多時路經旺角, 這真是太好了! 地區方便而且又好飲, 果日當然即時買返杯柚香晶球綠茶。店員服務態度好好,而且製作好有條理同迅速, 我很滿意☺️。之前我每次見到都只會買至愛的柚香晶球綠茶, 黑糖波霸鮮奶同宇治抹茶拿鐵, 現打算會試下佢地的其他不同飲品。