手作功夫茶 (鱟地坊)

Open Now

Now Closed

叫了一杯薑汁純鮮奶熱飲,用這種設計,插飲管飲下去,立即燙到,真失敗.....第一次見熱飲是這樣的,而且是這麼熱,要等多久才能喝,不會再光顧........而且完全不好喝

28 9 2023 17:50已電話落單，到店後已付款及加了膠袋錢，一直叫員工幫忙入袋讓我取走，叫了兩次但員工一直不理會我，這態度讓人好生氣。直至大聲跟他們理論才願意幫我入袋。

服務態度極差 簡直垃圾中的垃圾，整错嘢饮唔俾顾客换，好心請返啲正常人做嘢，今時今日呢個服務態度簡直不得了 垃圾都俾面你啲態度，以后永远都唔会再饮啲垃圾嘢不得了…..

前幾天夜晚經過都話冇晒珍珠，所以今日開鋪就嚟買，結果舖內職員話仲未有珍珠，一句冇哂就唔賣，冇介紹其他飲品，好似唔想做我生意，平日傍晚都可以話賣晒珍珠，但開舖就冇哂。仲有成日經過見到有兩個男人企喺舖頭前面食煙，買嘢飲成日聞到煙味。

落單好快就做好38奶霸，份量足，味道一流，舉弱夠好咬口，珍珠味道濃，店長介紹既招牌之一，少糖少冰，甜度適中。柚香晶球綠茶，份量足，酸酸甜甜，十分推薦，店長推薦，晶球彈牙爽口，全糖少冰一流👍🏾👍🏾👍🏾👍🏾。祝男店長同女店長甜甜蜜蜜，新年快樂。

有個Tb收銀，我伸手接佢找錢，佢就咁放係櫃枱到，跟住佢叫我自己攞翻張單，我一開始聽唔到，我問佢講咩，佢大大聲喝翻我叫我攞單，痴線，以線見到佢都唔會再幫襯………..

每次幫襯都黑口黑面，見到人企系收銀前唔會主動問要咩，有次比散銀佢同事收錢，佢同事數緊錢嘅時候，佢當住我面同個同事講:你下次話唔收散銀，你地賣廿幾蚊都唔收散銀？落單之後等好耐之餘整好又唔叫號碼要你企系度等。

兩次幫襯都係(同一個)短髮女仔落單，態度好差。——————————————————————————————下次唔會再幫襯。

乾燥的天氣最好飲杯潤口的飲品，今天用手機app點選了「手作功夫茶」的蜂蜜檸檬蘆薈，少冰，入口啖啖的蘆薈果肉，蜂蜜的甜混和了檸檬的酸，不會過酸，較茶x的來得清爽好味。

即場叫一杯百香QQ, 落單時說要等15分鐘，好15分鐘可以接受我等，但結果竟然最後30分鐘才做好，如果你一早話要咁耐我就唔會買，一係你有大單做緊就話唔接單住，30分鐘沖杯野係咩事，最緊要係唔事先講明要咁耐。呢間幫襯過幾次每次都有唔同問題，例如配料轉左無事先通知、openrice外賣自取選擇左指定時間，但早一個鐘做左出黎竟然仲夠膽死俾客人、少冰依然半杯冰，成班職員嘻嘻哈哈態度散漫，明顯比其他分店質素差，永不會再幫襯，等執罷啦。

早幾日同老婆出咗去荃灣行街，見到間手作功夫茶都幾多人排隊就去咗試下，順便買晚餐返屋企！對於選擇困難症嘅我🤣值得一讚店員好耐心咁樣根據我嘅口味同我推薦，最後我地揀咗水果茶王同埋黑糖波霸鮮奶。水果茶王茶底好好飲，好有驚喜，仲飲到好豐富既水果味，飲晒之後食埋啲水果其實都幾正🤣我老婆就揀咗黑糖波霸鮮奶，佢話鮮奶味好重，同埋黑糖味同鮮奶好夾！最正嘅係黑糖波霸口感好好，好Q彈😋吾會好似我地之前去其他茶飲店買嗰啲好似未煮熟咁樣👍總結:雖然我哋好少去荃灣行街，不過下次一定會再幫襯同埋試其他😋

經過這條後巷仔滿心歡喜因為全都是食物飲品見這間飲品店不需要排隊，眼見只有兩個員工在製作飲品，所以我在收銀旁企了足足6分鐘也沒有打擾他們，直到有外賣員來取飲品，才有員工走過來收銀旁，但也沒有主動問我要什麼，我就趁這個時候立即說出我要鐵觀音奶茶，之後又等了大概16分鐘才有，所以我足足等了差不多22分鐘，我留意到這間分店的員工動作十分慢，而且沒有主動問你要什麼，沒有說多謝，連一些基本的禮貌也沒有，而且全程黑面，不知道是否要忙於製作外賣的關係，飲品的味道十分奇怪，而且完全沒有茶香可以用劣來形容沒有下次。

係等外賣期間見到有間手作茶叫功夫，個名幾有趣咁😎睇下有咩飲品先，款式都幾多下，但我個人比較中意飲水果茶，一於就試下好唔好飲啦😙😙輕飲水果茶王話明水果茶點少得水果，但佢地水果茶得橙一種水果，同圖片唔一樣，只係比平時茶飲店多左奇亞籽😅而且味道都幾淡下，所以唔值得一試😖

上次幫襯過手作功夫茶的特濃黑糖波霸鮮奶，已經覺得好好味😋，同我飲開既🐯堂絕對有得fight，今次行過再想試吓其他產品，揀了38奶霸，因為一杯有齊珍珠、蒟蒻及仙草，可以試到不同配料，啱晒我呢啲咁貪心又有選擇困難症嘅人😆，手作功夫茶的奶茶底很啱我口味，吾會話飲到奶味之餘又搶走了茶味，茶味及奶味平衡得很好，黑糖珍珠煙靭有咬口，配合埋蒟蒻及仙草，所以38奶霸的口感非常豐富，以這個價錢來說，性價比高，值得推介👍👍👍

很少行過鱟地坊，發現開了一間手作功夫茶，之前在天水圍飲過一次，覺得佢地煮啲珍珠都幾好食，特登買返杯特濃波霸鮮奶試試，味道冇變，依然咁正，員工態度亦唔錯，會主動介紹，或者試業關係，冇太多飲品選擇，希望快啲出返正常menu ，可以多啲野揀，一定會再來幫襯