手作功夫茶 (兆禧苑商場)

Open Now

Now Closed

已經不是第一次出錯貨。明明落單是選擇熱飲，去到攞貨竟然是凍飲。向職員反映，他們第一時間就話，係我自己落凍飲。之後我向他們出示落單紀錄，他們知道是自己出錯，不但沒有道歉，態度還有些差。

呢杯水果茶王入面有新鮮水果， 有西柚、蘋果、橙，仲有啲奇亞籽🙌杯嘢飲落去都好清新，夏天消暑一流！對比店內其他嘢飲呢杯係比較貴$35，下次應該會飲返普通珍珠奶茶🥲😜

真係從來未飲過咁差嘅珍珠奶茶，飲咗一啖成杯都要掉，建議大家唔好浪費金錢同一套氣去，咖啡凍奶茶冇咖啡凍，茶底古怪，建議大家行遠少少，幫我開蝴蝶邨飲清玉好過，希望呢啲咁垃圾嘅奶茶店唔好再開咁多間，p.s 本人從來冇寫過食評，今次都忍唔住真係要發言

茶味濃咗d，但还可以接受(建議多落奶中和返)38奶霸首选推介又平又多料又香，男店務員有小小靚仔🧒(雖然好似有d細😝)，又細心✌，見熱野飲还送一個小纸套比我😘下次再來幫襯希望撞到小店員🐺

一直幫襯此店,覺得飲品質素冇問題,但今天我上網特登訂了3杯飲品,準備推薦給朋友,到達店舖取飲品時見店員放低3抔飲品及飲管,等了一刻冇見店員將飲品入袋,當時我已又背包又手袋又拎其他小店食品,直至我問店員有袋嗎?一名男店員說要收5毫子,我當時頓感店員冇諗過客人感受,已拎住甘多野現又要特登去摷袋拎0.5元,加上政府徵收膠袋稅,膠袋盛載冰凍或冷凍食品以把凝結的水氣與其他貨品分開，毋須收費''最後我决定用手拎起3杯飲品,記得當時此店連紙巾也冇再提供!回到家成件衫濕哂·因我用前胸貼住飲品,但不幸也丟了2杯在地,剩1杯·經過此次不偷快事件,我覺得此店不體諒客人,冇同理心,為了收5毫子膠袋錢,而冇了待客之道·

幫襯左一段時間，以往舊伙記係到既時候，好好服務，會主動幫你（自備購物袋）入袋。宜家換左班底之後愈來愈唔得。經Foodpanda order 左自取，熱朱古力可可2杯，時間一到去攞時，只比左1杯，以為伙記仲沖緊，等左一陣，我忍唔住講聲「仲有1杯咼」。伙記先睇到原來張單係2杯，跟住先比返杯我，就咁放左係枱面上，冇講咩野就行開左同其他同事吹水，飲筒都冇比，要自己搵。如果唔介意受氣、漏單、自助，歡迎幫襯，唔係就飲其他啦。比過好幾次機會呢間，但情況愈來愈唔得，今次終於忍唔到先寫評論，絕對無下次。

之前新開張時已經試過2次，都係飲水果茶，都係叫微蜜，一樣都係甜到嘔，又冇茶味，諗住咁耐冇叫，又見其他平台食評都幾好諗住比多次機會，點知一樣都係甜到冇命，想像唔到正常甜會係點

見啱啱新開張試吓，一嚟就中伏！叫咗杯鐵觀音珍珠奶茶(微糖+少冰)，一心諗住返到屋企慢慢嘆，點知一飲就發現冰就冇少過，但珍珠就唔見咗！真心嬲！我想講佢哋係新，但成間舖4個人整幾杯嘢飲都可以攪到一鍋粥咁，我真心比唔倒正評！