手作功夫茶 (富泰商場)

Open Now

Now Closed

我一年都唔飲一次這些茶飲店，今日太熱就放縱一次。今天4時左右到，當時一個客都冇，叫左仙草凍奶茶(冇講少甜或走甜)。收銀員收完錢入後面製作室內，兩分鐘左右，收銀員攞杯野出黎(收銀員去製作？！聽到裡面另外有人)。攞完就離開，一面行一面飲了一咦，沒甜味，可能未攪匀吧。攪了幾下再飲，沒甜味。上左巴士，可能仙草的甜會溶出來吧，攪了幾下再飲一啖，沒甜味。今天我破例飲這些唔健康的飲品，估唔到佢地竟然為我健康著想唔落糖。。。俾28蚊飲杯淡奶水，冇下次！

嘩 平時飲手作功夫茶都要出到屯市或者紅橋 今鋪終於係富泰有返間啦 唔使再搭車去咁遠我一直都係功夫茶粉嚟嘅 即係唔係話賣花讚花香 手作功夫茶一直都有水準 價格又親民 不過唯一缺點就係其他店就相對啲茶味冇咁足味 但係富泰呢間就真係無得頂 茶味勁足 其他飲品都好正 甜度任君選擇基本嘢啦 有少、半、微、走糖比你揀 鍾意甜啲又得 鍾意淡啲亦都冇問題仲有就係佢有好多料可以揀，晶球 布丁 咖啡凍 芝士奶蓋等等可以加 啲料都比得多嘅除咗經典珍珠奶茶，仲有果茶系列、芝士奶蓋系列、朱古力、抹茶等等，你鍾意嘅口味基本上都可以揀到。啲服務態度幾好 員工都幾健談 我間唔中都去買杯野吹下水最重要係佢開到10點 基本上收工後都嚟買都趕得切 真係我呢啲返工仔嘅福音呢啲係我平時嗌開嘅 珍珠奶茶 朱古力可可 冬瓜輕檸檬都係我首推

近期見到奶茶關注組 都多人講好多間奶茶店茶冇茶味啊好淡啊！今日黎到富泰試飲下e間d茶。兩個人買左一杯3Q奶茶。 一杯水果茶。3q好多料， 食到飽 奶有奶味茶有茶味（香濃）食飽飯唔建議飲e杯😅水果茶 d生果都足料 當飯後果 茶味都係夠濃表現不錯 冇失望嘅 仲會有下次 希望到時仲keep到e個水準。因為時間一長水準會下滑好多間都係咁。另外店員有禮貌前一句多謝 後一句thank you。e樣都要keep住😁都係嗰句啦 。茶有茶味最重要。

珍珠奶茶試過唔少！當中既珍珠係精髓之一，唔係間間都放得入口！試過咁多間手作功夫茶，富泰呢間分店既珍珠算係幾唔錯既一間！夠彈夠味！未入舖頭都聞到香！👍🏽👍🏽加埋佢奶茶底配搭啱啱好！都飲得出有茶香味👍🏽推薦鐵觀音奶茶底，茶味好出好甘香，好香醇！！😙😙我仲會特登走甜，個人覺得黑糖珍珠加茶甜度啱啱好😎😎不過有時夜小小去買珍珠會賣晒🥲要提早去買。口感夠彈夠晒香味！柚香晶珠都正，一定叫多冰夠凍又解渴😋😋家下買慣左，d店員都知我要麥！例牌鐵觀音珍珠奶茶走甜！

住左係到咁多年叫左領X商場加奶茶鋪小食鋪,,今年終於等到一間奶茶鋪開係富泰,呢間野本身就飲開又好飲.依家唔洗特登走去紅橋買黎飲.不過可能新開無耐,全個富泰人都去買黎飲搞到people mountain people sea...雖然等候時間耐咗小小...但沖出黎杯野飲又無失水準呢下抵讚...我買咗杯益力多綠茶同一杯芝士奶蓋MANGO都唔錯!呢間野暫時試業中所以唔係咩都有得買,,只能夠等多排先有得飲我最愛的拿鐵同埋愛玉系列.(最後建議大家嗌小甜)