手作功夫茶 (富東廣場)

Open Now

Now Closed

一日嘅好心情被完美破壞….第一次來購買，抱住嘗新嘅心情點左杯奶鹽抹茶「半糖少冰」，杯設計感同手感都唔錯，點知飲落第一啖，即刻想噴出來，甜到趴街，好似糖水唔洗錢咁🥴🥴🥴再望望label，的確係「半糖少冰」，本住以為撈唔允俾多次機會，再來多啖，傷害乘2😵😵😵真係再飲唔落去…趁佢人少少，真係無客做曬野情況下，禮貌地問一句，可唔可以換一杯，因為真係太甜飲唔落，點知女店員直接一句「我地做左係唔會換㗎！」「但係真係好甜，甜到飲唔落喔？可唔可以換一杯？」「如果上面真係寫半糖就一定係半糖，我地做左係唔會換㗎！」嘩😳第一次覺得，「做左唔會換」五字箴言，真係難聽過粗口🤬成杯9成倒曬….無下次，應該咁講，係一次都厭多難怪咁多人北上，真係飲喜茶。霸王別姬。星爸爸好過，起碼唔啱可以再換過

夏天天氣好熱, 我成日都要幫襯下飲品店估唔到今次去到屯門區新商場NOVO WALK 發現咗呢間手作功夫茶佢嘅水果茶一向都幾好飲次次都指定叫番杯飲下, 值得推介是水果茶入邊真係有新鮮水果,入邊仲有粒粒羅勒子好有口感, 水果茶茶味幾青香, 當飲品飲完又可以食埋入面新鮮香甜生果, 夏天真係好適合, 即可以消暑又可以解渴飲品又大杯, 可以慢慢享用, 重有好多款式, 看上去都好吸引, 下次真係要試埋其他款式飲品!

🔅小食 🧋台式飲品 🥡只限外賣 🚹1-2人 🐻🐻‍❄️#甜食控 🐻‍❄️#新奇控🈴——————延續🐻🐻‍❄️嘅「掃街」主題午餐，就嚟呢間飲品店叫左2杯飲品，配街市其他舖嘅小食：1️⃣ 38奶霸（少冰微蜜）🧋$292️⃣ 芝士奶蓋綠茶（熱）$3038奶霸配料比較特別，有珍珠、蒟蒻、仙草，係會飽肚嘅飲品🤣珍珠煙韌，其他配料同奶茶底都夾👍🏽芝士奶蓋味道帶咸香同微奶香，唔錯但同其他飲品店差唔多，唔突出。結論：不過不失，新奇控可一試38奶霸👍🏽

外賣速遞嘅開機時間好奇怪 長期都叫唔到開2-4跟住要6點先可以再叫反..即係你每日得4個鐘可以叫外賣Lunch time /放學時間/ 放工時間都唔洗諗呢個真心不友善—-茶其實係好飲嘅叫咗一杯微糖珍珠奶茶四杯無糖無冰嘅青茶+鐵觀音珍珠奶茶變左全糖……..一飲就想放棄平時買都無咁甜既本身杯茶都口偏甜 因為本身珍珠已經有黑糖包住 珍珠係彈牙&好食既茶味就無乜…另外嗰四杯完全冇走冰 得其中兩杯有走甜希望下次可以睇清楚啲單先沖畢竟已經係非繁忙時間先有得叫

奶茶味比較淡，38奶霸有珍珠、蒟蒻、仙草，蒟蒻同珍珠都已經偏甜，叫左少冰微甜都係有d甜，唔鍾意甜野d同學仔建議走甜，褒珍珠真係好難褒，呢間珍珠偏硬適中，唔夠糯，可能之前成日都會係大陸飲好飲d奶茶又便，所以翻到香港都覺得飲唔到好好飲嘅奶茶，好少。

估唔到喺東涌酒店隔離都飲到好飲嘅珍珠奶茶🧋因為同朋友分開房隔離 美食平台外賣 remarks寫好房號 店員好細心 逐一將房號姓名寫低喺杯上面 又分開袋 方便酒店職員拎上房👍🏼奶蓋超好飲😌

用袋鼠一次過叫左5間酒店房嘅order, 店員好有心機咁分開袋裝好，同label得好清楚。飲品跟足order做，味道好，好快就準備好，一定會介紹多d 人order。

當時有3位職員係鋪頭，連埋我在內，5分鐘內有3個客人總共6杯飲品等左十幾分鐘3個人都未沖好2杯飲品，呢啲咁嘅鋪頭你飲埋我嗰份！同區雖然係無乜選擇，但都唔洗嚟呢間受氣

黎到下午茶時間，肥貓同事介紹飲手作功夫茶🍵既王牌-🧋38奶霸，仲建議落order時講無蜜。未飲過又充滿好奇心既我當然要買一杯黎試啦🤭🧋38奶霸（少冰無蜜）- 茶底係鐵觀音奶茶，奶茶香滑，入面仲有黑糖珍珠，蒟蒻同埋仙草Q凍，所有野夾埋一齊飲每一啖都有咬口，咬落去煙煙韌韌，口感豐富，仲覺得有少少邪惡😈。而order無蜜係因為甜度問題，本身黑糖珍珠就自帶甜味，所以如果怕甜又想飲🧋既朋友order無蜜就最適合不過啦✌🏻

我成日都幫襯呢間，呢間嘅水果茶幾好飲，值得推介👍水果茶入邊真係有新鮮水果，入邊仲有啲粒粒羅勒子，有口感，水果茶啲茶味幾青香，有時啲茶飲晒之後，順便食埋啲生果，消暑又解渴😋

每次放工返屋企必定經過富東商場，間中都會順便買杯珍珠奶茶飲，珍珠軟硬適中，黑糖好入味，另外佢哋啲青茶都幾好飲，味道幾清香，有時會加奶蓋飲，味道很濃郁，口味啱晒我

一開業嘅時候買翡翠檸檬綠茶 個店員話唔可以少冰 不嬲係沙冰狀態嘅，去到後尾我每星期keep住至少買一杯。到有次完全係檸檬水咁款 ，同個女店員講佢又話’係咁控制唔到’唔換比我，我心諗 龍門任你哋擺 你哋玩哂啦,鐘意就沙冰唔鐘意就沖水😅我都算啦 橫掂都幫襯左咁多次，去到最近買嘅三次，我每一次都同佢講啲冰唔好咁碎，每次都講三次以上 都仲係沖啲水俾我。到底係想點姐，真係好差嘅體驗囉態度又唔係特別好 仲要每次都30幾蚊咁。講真唔會再幫襯囉完全冇反省又冇檢討，一堆人成日圍住傾偈，服務又唔好態度又唔好。買杯30幾蚊嘅嘢仲要俾你無視。以後都唔會再幫襯囉😅😅😅😅😅

呢間係最好飲嘅，38奶霸份量足😋，珍珠軟硬適中幾好食👍，我叫開正常甜度，我覺得唔會太甜，另外芝士奶蓋都幾好味道，夠晒芝士味，正😋令外員工幾好人，有次唔記得叫少甜，佢哋都馬上幫我更正返👍

連續3天購買12杯飲品，第一次購買可能人少所以很快取走飲品，第二天購買都係等一陣間，第三天購買，我非常生氣，因為等了很久及職員態度非常之差，因為我商舖等他們做，我買12杯，在我後面有幾人，初時我都明白體諒他們，2至3杯應該比其他客人，但我足足看見他們做了十幾杯，我問他們為什麼重未有，職員態度非常差的答，我們每有柯打，會隔一杯的做，我問他不是排號碼順序跟的嗎？如果是這樣買得多的人未要等很久，我看見剛剛有客人買咗6杯重快過我取，我在此等你們做起碼十幾杯先給予我，你們服務態度非常之差，我不會再購買。高瘦職員重話公司規矩每有柯打都係每做一杯隔一杯做喎，真的不想做生意。

最近幾次買，d珍珠已經冇哂味，根本係普通水煮。我去出面其他分店都冇呢個問題，係咪d店員偷懶唔落糖煮？可唔可以檢討下？態度差都算，我唔介意，至少比返d連鎖店水準ok?