公和荳品廠 (Closed)

每天為弄晚飯而煩惱又傷神,路經深水埗豆腐廠專門店分店,被香噴噴的煎釀豆腐吸引着。好的,就要十件!無錯就是給我十件,豆腐面已舖滿魚滑,喜歡原味的已可直接用來餸飯,重口味的可加附送的辣椒醬,營養豐富,價廉物美。

食左一餐食唔飽勁多味精既湯麵午餐好想飲番杯飲品順便食一點少食去左公和豆品廠叫左熱清漿但唔夠熱暖暖地又唔夠豆既香濃味煎釀豆腐夠滑但味道一般啦煎釀豆卜無乜味仲係油左少少添

豆品店來來去去都係咁既名，但係唔係間間都好味...要求高既，le間就唔岩要求囉~豆漿叫無糖都仲係甜甜地，仲要無咩豆味，似係用粉開既...orz豆腐較實身，少豆味，太多豉油係面...個腸粉反而ok，無蒸得太耐而搞到一舊粉團咁~入去豆品店，豆品唔得既，不如去其他地方食...

今日係我大佬既birthday 我同brother就約左佢去公和hi tea個天又黑又大雨 仲要拎住個遮係條街度走 感覺真係幾難受嫁但大佬birthday點都撐住=]而因為我既大頭蝦 原先係去公和既老舖 但唔識路去左呢度<( _ _ )>我地一入到去 一個人都冇 我地最後叫左凍豆花x3 蘿蔔糕x1炸豆卜x1total:$48我覺得豆花唔夠凍 other都ok好味=]

"公和"個名都幾響下,以為d食物都有咁上下水準一次巧合經過,見到lunch都有飯提供,就入去試下,叫左個腩肉飯,d腩肉硬到冇說話好講,而d飯都唔知係唔係落得太多水,好糊;坐響我對面ge一對學生一路食一路彈可能佢地ge豆品出名,整飯唔在行,咁就要左一杯熱豆漿,杯豆漿上枱係暖的,雖然係要自己落糖,但就冇跟埋攪棍俾人!!好失望ge一餐呀>.<

再去公和食早餐, 可惜加價後質素反而下降了而且服務無以前咁好, 細細間舖雖然店員好多, 但舉手點菜時係好耐都無人走過來應, 不是太多野做兼顧不到, 而是店員之間有太多話題要傾 豬潤腸 ($13) --即叫即拉, 故要等十多分鐘, 不過上桌時只是微暖, 不夠熱--腸粉皮無以前咁薄咁滑--豬潤好碎, 好稔, 不爽, 不太新鮮--最恐佈係豬潤有些未熟透, 咬開呈粉紅色! 豬潤唔熟食落肚會生蟲的, 大家都吐晒出來唔敢再食 炒麵 ($7)--普通, 勝在多芽菜 蒸蘿蔔糕--見menu有"煎"蘿蔔糕, 店員話無"煎", 只有蒸--其實不能叫"糕", 只是好多粗長條蘿蔔絲撈少少粘米粉, 再加大量的水, 故每一啖都係食緊好濕的蘿蔔絲--店員又是專於傾偈, 連豉油都唔記得落 熱豆花 ($8)--依然咁正! 滑滑的豆花帶少少豆香

每逢星期五都係天地堂.為左可以遠離人山人海,物價又較高既金鍾,同學建議食豆腐. 我本身都'好'豆腐,仲要聽到話好似蔡生介紹過,貪食既我絕對舉腳贊成!我要左:熱豆花(8蚊)微暖,甚至有完全唔熱既感覺.不過係今日既天氣黎講我可以接受,如果天氣凍D去食.可能個感覺會差D. 豆花整得非常滑溜,又不失其豆香.煎釀豆腐(14蚊)一樣,豆腐非常滑溜,揸筷子再好既同學都夾唔起. 要爬落個碗,之後再爬落個口.上面塊魚肉就普普通通. 個豆腐如果唔係有d豉油,就比較淡口..其他同學叫左個豆腐蛋麵.(近似係咁既名掛) 個'老'豆腐非常入味.同我order果個煎釀豆腐相對下,略感'老'豆腐稍勝一籌.成個lunch都係22蚊.比金鍾平得多. 唯獨樓面既auntie 好冇記性..要吹左幾次,豆花同個麵先識黎...不過有機會,都一定會再黎幫襯

行開去北河街那邊,都知道有間公和荳品,天氣都熱熱地,所以都食番碗豆腐花先~~~個碗沒有寫上公和兩字,單睇外表已經好滑第一口已經同另一間有對比喇(深水埗北河街)夠凍又夠滑,好似完全沒有石膏粉既存在,一口豆花就由喉嚨滑下去豆漿一樣夠凍,一口已經飲左9成...........雖然味道好,但係"笑臉"點解會差咁遠呢???我估可能係唔就腳,附近不及那邊繁榮熱鬧!!又或者貴兩蚊豆腐花$8豆漿$6

每次都食豆腐花及蝦米腸,今次試下碗仔翅$12顏色較深,且好甜,好杰,與食慣的碗仔翅不同,另一種風味吧不過好多料,有好多冬菇及粉絲,故食一碗都好飽今天食的蝦米腸$12,雖然即叫即做,但上桌時只是微暖,不夠熱豆漿$5依舊夠豆味

於街市對面這間公和比較乾淨,價錢又不貴每次都食豆腐花及蝦米腸豆腐花好滑,豆味好濃腸粉即叫即做,熱辣辣,好滑,蝦米也夠多

BF 話這邊也有一間公和, 叫我以後不要去北河街118 號那間, 他說那間實在太dirty, 佢話見到枱面和地面污漬, 同牆上邊的蟻路就想作嘔! 咁大件事?? 佢現在才同我講, 已經要佢陪我食過3 次, 唔怪得佢次次食半碗豆花已經唔想食, 我都覺得那間很dirty, 雖則D 野好食! 但想起那間環境真係好唔衛生, 可以用恐怖形容, 以後都係唔去.今天第一次光顧這間, 環境衛生比118 號那間好很多, 但凍豆花是暖的?? 但也很有豆味很滑, 釀豆卜的魚肉爽口得黎沒有香味, 的確比118 號的遜色, Service 兩間一樣麻麻地, 但BF 也講得很有道理, 食物好吃但衛生更重要, 以後還是光顧此間算了!

早前試過這裡的食物，感覺幾好，今次就試試其它食物如何，我們叫了豆漿、豆腐花、腸粉、煎釀豆腐和煎釀豆卜。豆漿、豆腐花和腸粉，之前已寫過，就不多寫了。煎釀豆腐- 魚肉死實實，完全沒有魚香味，豆腐也因煎得太久、偏硬，實在幾失望。煎釀豆卜- 一樣的魚肉，可以有幾好；豆卜比較好一點，沒有因煎過火而變得難食，但因魚肉太差，平均已拉低了唔少分數。看來這裡最出色的只有幾樣食物，其它的都不用點試了。部份食物幾好，部份又幾差，平均計都算OK的，但下次就只會食好的那幾種算了。

早前聽朋友說，這裡的腸粉好好食，但心想公和不是食豆腐花的嗎？乜有腸粉食的嗎？真係唔知喎。昨日放工後，便來一試，我叫了凍豆腐花、凍豆漿和腸粉。凍豆腐花- 豆腐花很滑口，豆味也很香，但唔知點解，糖水都是落得這樣多的。凍豆漿- 這個甜度就很合我口味了，唔會太甜，豆味香濃，很正。腸粉- 即叫即拉，拉得也很薄身，煙煙韌韌，質數幾好；可惜醬油只是好一般，如改用豬油就更加正了。原來這裡還有很多其它的食物可以選擇，下次再來試試其它食物先。