黑木堂

Open Now

Now Closed

🇭🇰黑木堂·呢間我地好耐之前食過一次架啦 記得佢都唔錯既 所以就再黎左😎😎·醬燒廣島蠔(4隻)$68 l 香草羊架(2件)$78佢呢度既燒野真係做得幾出色 佢隻蠔超級大隻 而且肉質好好🦪面頭既明太子醬惹味得黎唔會太漏 成個combo超好😌之後佢個羊架都做得唔錯 燒到岩岩好而且唔會話太騷😎·加拿大翡翠螺(4隻)$40 l 原隻活赤貝$42 l 珍寶赤蝦(4隻)$88佢個翡翠螺同埋活赤貝都新鮮既 個珍寶赤蝦抵食就抵食啦 但係始終一分錢一分貨 所以我男朋友話都係活一鮮正D🤣🤣·燒左口魚邊壽司$18 l 貝三貫$52 l 珍寶帆立貝壽司$58 l 鰻魚壽司$24 l 油甘魚壽司$18 l 蟹棒壽司$12之後其實呢度D丼抵食D既 但係因為我地個日想食壽司 所以我地最後都係嗌左壽司😂😂不過呢度既壽司就一般D啦 唔知係咪因為佢舊飯太大舊 搞到佢個魚味好淡🙊最出色係佢個燒左口魚邊 呢個個魚油真係燒到好好味 其他就一般般啦 比較麻麻係佢個鰻魚同蟹棒 佢個鰻魚好多細骨 而且調味太重手🤭🤭📍大角咀鐵樹街28號富多來商場一期地舖

星期六中午，一個人到大角咀附近，想清清閑閑食個午餐，諗起久違了、裝橫懷舊、好有日本居酒屋風味嘅小店 —— 黑木堂。沿銀樹街一路走，很易就認出此居酒屋。餐廳面積不算很大，大約有十多長桌，主要以木製家俱為主。星期六嘅午市不算多人，店員熱情款待客人，氣氛好舒服。午餐選擇多，價錢合理。店員推介lunch special 上嘅松葉蟹肉 蟹膏丼，店員指著餐牌說這跟晚餐食材一樣，但午餐價錢便宜很多。每一客下午市套餐都會跟有沙律和三文魚湯 ， 沙津中規中矩，三文魚湯幾鮮甜。松葉蟹肉蟹膏丼 好好味 蟹肉蟹膏份量充足又新鮮。已經多次幫襯此店，不僅欣賞餐廳裝潢設計，更欣賞它依舊維持到食物水準，如果喺西九龍想揾間有heart 嘅日本居酒屋小店，黑木堂係個好選擇。

夜左出街食，亂咁行，就經過見到呢間黑木堂，睇到門口既餐牌幾吸引，就果斷入去食晚飯～叫左鰻魚丼、魚生海膽丼、魚生刺身同墨魚仔！..鰻魚丼有分細同大size，朋友比較肚餓🤣所以叫左大size～哇一來到，真係勁大碗！鰻魚燒得好靚！好juicy！醬汁都好好食！不過由於友人本身口味係食開淡味既野，所以對佢來講就咸左少少，但我就鍾意食既😋..魚生海膽丼，顏色睇落唔鮮艷，但味道幾新鮮，不過如果材料雪再凍d就正啦！海膽唔腥，幾好！倒豉油落魚生，再撈飯食，好味！..魚生刺身，係優惠價加配！唔知係咪心理作用，通常另叫刺身，果碟刺身總係會好味過丼飯既刺身🤪 呢個魚生刺身，係三文魚腩，感覺肥美d，好新鮮，好好味！..墨魚仔，叫左先知係生😂 一見到就有種係韓國食仲郁緊既八爪魚既感覺😂 不過呢個係切粒的，第一次咁樣食，口感幾得意！..環境好正，好多擺設，全部都係收藏品，勁有心思！會再來食過🤟🏻

舊區往往隱藏了很多性價比高的小店，黑木堂便是其中一間很值得試的日本居酒屋。多年前經朋友介紹，一試難忘，便常常回來光顧。那餐牌的選擇真的可以說是"花多眼亂"，有選擇困難症的朋友根本做不了決定呀，因為好像每樣都好吃!非常有去了日本旅行的感覺，真的可以一解鄉愁！點了海膽三文魚腩飯 + 海膽帆立貝三文魚飯，可見到真的是有很大的差別，三文魚腩真的肥美得多，海膽和帆立貝也是很新鮮，每次來都能保持水準，好店值得推介

三四年前,  經常來光顧,  除因價錢平 (熟飯特別平, 而且份量大),  味道又好,  還很有日本地道風味, 後來同區多了選擇, 便少了來,  這天公眾假期, 路經附近, 又想入內光顧, 晚上6時許, 有位, 即時一家四口入坐,  回味三四年前, 仔囡還很少時, 在這裡食飯的歡樂時光。店舖裝飾沒大變, 依然很有日本居酒屋情調,  餐牌卻變了,  印象中, 現在多了自選魚生配搭的飯, 而熟飯種類亦多了選擇, 又多了點點紅米,  酒類及汽水是買一送一。 仔的牛飯很易入口, 易咀嚼,  無咩筋。爸和囡的火灸三文魚及帆立貝, 是食出的高質鮮味。我的青魚飯(多飯), 魚和飯真係份量十足。最低食是沒加一收費。

今次嚟到黑木堂，晚市生意唔算多，唔洗等位就有得坐，坐得耐都唔趕客，好舒服 (但就10/11點閂門, 有啲早)。疫症期間有特別優惠，任何飲品買一送一，好抵，同埋晚市免加一，店員服務好nice同會同你傾幾句，襯而家抵啲就可以試多幾餐新鮮嘅魚生～燒左口魚裙邊壽司 $18/件裙邊大大粒，燒得香口，但係又未到食落入口即溶果種。(冇影到相) 生蠔 $160/3隻有鮮味，但稍嫌上菜時唔夠凍，同埋海水味唔夠。主菜梗係要食個海鮮丼飯，試咗三文魚蔥吞拿魚碎丼 同埋 三文魚海膽三文魚籽丼，足料同好新鮮，鋪滿哂唔見下底嘅飯！

偶然遇上🎏日式居酒屋小店情懷·🦪醬燒廣島蠔（$68）超好食！推薦～大隻肥美既廣島蠔加入沙律醬同芝士一齊焗❤️好滋味🤩·🍚三文魚腩.帆立貝.三文魚籽飯（$119）大食仔自選魚生飯組合🐟必點佢最愛既三文魚腩同帆立貝❣️魚生新鮮～不錯·🐟三文魚腩.蔥粒吞拿魚腩飯（$84）我自選一定簡蔥粒吞拿魚腩🤣好鍾意～但飯量較多.食完配料得番堆飯🤣🤫🤫·📍黑木堂大角咀鐵樹街28號富多來商場二期地鋪

疫情已經去到一個一發不可收拾嘅地步，雖然祖國疫情確診率減慢，但是意大利和韓國亦急速趕上，希望大家都可以自律，防止社區爆發。吊頸都總需抖氣，所以決定外出覓食支持下本地小店。今天和叉燒妹和死肥仔外出，雖然大家對午餐都各位己見，但最終都妥協來到這日本餐廳，因為都有大家喜愛的食品。門外門內裝修都滿日式的，如果說它是本地日式餐廳的話的確是有點不公平。看了餐牌選擇也很多，能滿足不同人士的口味。照舊點了叉燒妹最愛的鰻魚飯，份量適中視覺上滿不錯的。鰻魚份量還可以，味道和醬汁都很夠，也有叉燒妹最喜歡的紫菜，她非常滿意。能改善的會是鰻魚方面，餐廳選用了比較大條和厚身的白鱔，由於肉質會比黃鱔結實，所以口感方面沒有那麼淋，建議可以把白鱔煮更淋以滿足口感。但是他們也很有誠意把白鱔的骨和小刺都全部去掉，白飯方面雖然不是日式珍珠米，但是也很接近很有口感。死肥仔就點了燒汁牛肉飯，醬汁方面個人覺得沒有驚喜，牛肉方面是用上美國肥牛質素，僅次於吉x家出品。對於牛魔王的他來說，已經很滿足。另外吞拿魚腩吞拿魚蔥花吞拿魚碎飯非常新鮮，刺身溫度和鮮甜都一流，欠缺的可能就是白飯方面，不是珍珠飯和醋的份量比例有少許特別，雖然味道不是特

第一次光顧午餐，食物質素還可以，可是價錢偏高了些。環境不錯，企理整齊，當天食客不多，只有一兩台客，所以食物很快便準備好。很多日式掛畫擺設。三文魚厚切味道不錯，惜份量少了一點。蟹膏蟹肉份量多，但整體味道不太搭配，所以感覺很一般。

最近口痕，心思思想食日本野，一個星期兩次專程再到位於大角咀嘅黑木堂 — 一間有濃厚日本風味嘅小店🏮。（好瘋狂...）店內裝潢好有居酒屋嘅感覺，温暖舒適。如果想小酌一杯，黎黑木堂就最適合不過啦！🍻平時去迴轉壽司店，都會鍚住荷包黎order💸，但每次黎黑木堂，都係想食就叫。因為每道菜都非常高質，👍🏻完全係物有所值，所以即使埋單要付比平時更貴嘅價錢，依然覺得好抵食。😋黑木堂有熱茶供應，我地另外試咗呢款喺香港唔常見嘅蘋果可樂，味道好清新👍🏻。（相片out focus咗🙈）丼飯選擇多，唔岩口味嘅話仲可以嗌自選款式。1\三文魚帶子海膽丼店員話呢個係人氣丼飯🥇。果然！海膽好鮮，係香港好難食到呢種高質素嘅海膽🤤。帶子好肥美，爽脆有彈性。三文魚脂肪分布均衡，入口結實飽滿，肉質非常細膩，無渣。👍🏻2\自選款式炙燒三文魚腩、炙燒帶子丼如果唔食得生冷嘢，不妨試下炙燒丼飯。指定嘅炙燒丼飯選擇唔多，之前食過炙燒三文魚脂丼飯，滿滿嘅魚脂甘香齒頰留香。可惜白飯太濕，粘到一舊舊，口感好差。☹️今次我地自行配搭炙燒款式，雖然炙燒三文魚腩冇三文魚脂咁重油香味，但肉質口感較為豐富。白飯冇上次咁濕，口感有改善👍🏻，但如果再乾啲啲

食物味道、賣相、份量一般，侍應態度真係麻麻。叫咗個海鮮丼，半個鐘還未到，見隔離枱較遲來但海鮮丼都送到，禮貌問一聲換來一聲：嗯。食個飯都會比侍應黑面，真係食到背脊骨落。

今晚，朋友忽發雅興，表示想嘆日本料理。我上Openrice找了找，最後決定一嚐「黑木堂」這隱世小店的滋味。小店以木製傢俱為主，環境古舊，很有居酒屋風味。喝啖暖茶，細望餐牌，我們就各自點了丼飯和一些小食。貪心的我，搶先點了全店最貴的「鎮店之寶」極上黑木丼，盛惠298元。丼飯大大碗，日本珍珠米帶少少醋香，上面則放滿多款食材，包括馬糞海膽、三文魚籽、吞拿魚腩、海蝦等，份量跟飯的比例差不多是1比2，頂級豐富！嘆完298元的貴價丼，我們又點了個38元的特價三文魚刺身，平衡一下錢包！一碟五片，全部厚切，抵食！飲品方面，我們叫了綠茶可樂，24元一支！雖然頗貴，但味道特別，就當試試新口味吧！說實話，今餐的性價比頗低，我唯有安慰自己當是支持小店吧！

今次第二次食，因為上次食魚生飯都，係熟食等耐小小，侍應無招呼客人，今次真的失望，侍應又冇禮貌，食物又等得比上一次耐，加上食物質素已經完全不一樣，真心難食，可能已經轉左師傅，連上次我好評的魚生飯都已經不同，先講飯，酸凍，難食，三文魚腥，帶子可以，海膽腥臭，真心份量小左，賣相差左，熟食 鹽燒鯖魚超多鹽加上條魚中間係凍，雞扒飯超多醬汁加上有D生，連之前辛辣開胃的醬汁都已經不同唯一無變的是，都係等得耐，沒有人招呼，唉，真心諗吾到點解事別半年都沒有可以相差這樣遠，失望真心一定冇下一次

侍應極度冇禮貌！7:30 order直到8:45食物都未到齊見住有幾枱遲過我地到，但人地已經食完再加上隔離枱應該係之前黎過個侍應每次經過佢地枱都話（我記得你，放心我同左老闆講，食物好快到blah blah blah)之後再眼見佢地過左10分鐘都冇食物已到齊！但我地仲係等緊！半個鐘先黎鯖魚，之後等半個鐘再吹佢先黎第二樣，加水都加左4個字。。。。。。之後見等得太耐就取消個玉子，點知個呀姐話，好快架炸加熱炸嘛！之後我就話唔洗喇埋單啦！之後佢串串共話 啊取消囉唔緊要架！再加勁大力收枱面上面既碗碟！其實禁巴閉不如你淨係做熟客算啦！食物方面就真係冇乜特別，我唔明點解會禁多好評？！附近好多都好過佢！如果唔係住附近又未食過呢間，我都唔會黎！絕對唔會有下次！差！差！差

我已經有一段時間無食過黑木堂，心血來潮想食。我點了午巿餐餐E-吞拿魚、三文魚腩、油甘魚丼（98元）。魚生都幾鮮，而且大大塊。珍珠米，我至愛😍，好味。碗湯應該是魚湯，不錯。沙律味道正常。