Kuru Kuru自家製手作意粉 (Closed)

行過幾次見到都想試下呢間手工意粉架喇，今日就入去試左！店鋪成三角型，位置不多，比較窄，但設計得比較好係在中間偷埋位做左個三角型圍枱，也方便一個人的食客如我！Menu選擇都算多，價錢有中等中上，可加錢轉套餐。我叫左個西蘭花茄子意粉，轉左套餐有湯或沙律+飲品，我就要左湯，湯係粟米湯，有粟米味既但好’結‘，有d似打左hin咁，野飲叫左熱柚子，係出面普通餐廳果d一樣，個意粉買相ok, 但比較特別係用碗裝唔係用碟，份量對女士來講是ok的，意粉算煙韌既，茄子得切半既4條，西蘭花應該係將一舊切開幾少棵咁，再加上大概兩粒切開既車里茄...感覺好似要好節省，最後比錢有得儲印仔既，儲滿就可當$30用。總括都ok 既，但唔算突出！如果想增加營業額就要再落些功夫了！

兩個字，劣食。入到去覺得有好多意粉選擇，通常叫得專門店應該唔會太差。所以好有信心咁行咗入嚟食嘢。叫完嘢食好快送過嚟，一來就是蘑菇湯，一看，磨菇湯明顯是溝出來的，飲落去冇味，金寶湯好食得多。叫左個明太子意粉，一來到是一攤水的，食落口明太子明顯不新鮮，有腥味......食左兩啖食唔到落去了，本身我好鍾意食意大利粉的。原本諗住意粉專門店，應該會好好食，冇諗過比自己煮的更差，俾個門面呃咗。一定不會再吃。伏。

今次同姊妹們向愉景新城行街，過左隔離8咪半揾食，黎到呢間以手工意粉聞名嘅KuruKuru，餐廳位置唔算多，由於我地比午餐時間早到，所以唔需要等位就可以入座，侍應見我地有小朋友同行，細心安排梳化座位，還奉上小朋友用嘅餐具，餐牌上選擇都好多，仲有星期一至五嘅特價精選，套餐可以選Combo（+$8）或Deluxe（+$12），分別係沙律/餐湯+飲品 和 沙律+餐湯+飲品，我地都係揀左Deluxe Set，沙律味道清淡，汁醬唔多，有蕃茄仔打開胃口，磨菇忌廉湯忌廉湯味道正常，唔會太膩，咖喱忌廉湯意粉（$48）咖喱湯唔算好濃，配合彈牙嘅意粉，再加上幾片豚肉，少許蔬菜，都幾啱我口味本菇明太子意粉（$60）明太子唔會好鹹，味道香濃，加上本菇紫菜，配菜唔多但意粉份量足夠，唔錯唔錯，菠菜三文魚忌廉意粉（$69）健康嘅意粉，味道亦都好健康清清淡淡，如果喜歡濃味嘅可能唔太啱口味，自家製冰茶冰茶味道淡，唔會好甜，再加入鮮甜嘅橙，清清地都唔錯，總括黎講呢間餐廳都唔錯，可以再encore。

冇估到d意粉係咁失敗🤮話哂都以意粉為主題間餐廳已經冇乜人 但係都要等成25分鐘先有野食🤦🏼‍♀️中哂伏.硯肉同d蝦都唔臭既 但係講唔上新鮮蕃茄汁都夠酸 但係成件事好罐頭feel🥫.我同男朋友一見到佢真身就知係伏🤦🏼‍♀️點解呀？因為d汁多到好似忌廉湯咁而且望落好稀 菠菜都擺得好hea除咗麵條合格夠煙韌 同埋三文魚唔臭之外我諗唔到佢好係邊😖.從來冇見過稠到咁既湯 好似啫喱咁扭一扭個碟好似d布甸震緊咁既感覺飲落冇乜味 但係又會咁稠架喎🤷🏼‍♀️你明啦

去完IKEA食雪糕🍦 見到呢間意粉店員見到我地望望下👀就介紹係日本🇯🇵過江龍每日新鮮整意粉😍 講到咁就去試試佢-又係期間限定👻萬聖節限定濃厚萬聖南瓜湯意粉 $66好香滑🎃真係可以當湯飲意粉好有蛋香同al dente😋-蟹棒蕃茄忌廉意粉 $66有打卡一流 扮哂蟹既蟹殻🦀 霸氣十足但入面咩都無🤣忌廉中和蕃茄既酸但較濃味-加左set $22有湯、沙律🥗同飲品🍍菠蘿茶 要加多$3有好多菠蘿🤔 好fresh但太多冰😫 之後淡到水咁

本來想去宜家傢私食飯順便買嘢，途經呢度，見到呢度裝修得咁靚，價錢唔貴，於是決改食意粉。鋪面用咗好多假嘅綠色植物佈置，牆上嘅畫好靚，感覺好舒服，好彩入黎較早唔駛排隊，坐低冇耐已經有人排隊了。標榜日本自家制意粉，就試下有幾特別揀咗菠菜三文魚忌廉意粉、蜆肉蝦仁蕃茄意粉，加$18轉set餐，多個湯同飲品。栗米忌廉湯，好淡，冇咩味意粉比市面一般意粉軟身同扁闊，幾特別，味道偏鹹個忌廉太稀，似水，麵吸收唔到，亦掛唔到上麵蜆肉蝦仁蕃茄意粉汁料啱啱好，每條麵都掛到蕃茄醬，不太鹹餐飲揀咗自家制冰茶，用新鮮橙造，好fresh,好好飲細心位，匙羹扁長，篤橙好方便，要一讚埋單送儲印卡，住附近嘅可以儲下印仔。食物質素有待改善，唔好浪費咁靚嘅食材同概念。

荃灣新開的大型商場裏邊發現咗一間滿有親切感服務不錯的餐廳，主打創意設計了很多不同口味的意粉，但我自己特別鍾情於明太子意粉，所以就前來光顧品嚐。Even價錢合宜，也可以根據個人口味加菜選擇其他配菜和套餐。這碟明太子意粉很多配菜有菇有火腿當然也有明太子，食落口感豐富也夾搭，下次必會再前來光顧！

坐得挺舒服的用餐環境是不錯的！這是 菠菜三文魚白汁意粉🙁🙁除了意粉旣份量是正常之外⭐️菠菜兩條⭐️三文魚 幾塊(1cm x1cm)⭐️白汁你能看到算你厲害‼️‼️‼️👏🏻👏🏻👏🏻這碟意粉沒味沒汁沒料‼️‼️‼️‼️‼️‼️‼️‼️就算這是在沙漠裏的唯一一碟意粉‼️‼️也不會有人碰的！‼️‼️‼️‼️‼️‼️‼️‼️誰會想吃沒汁的意粉啊⁉️⁉️⁉️⁉️太🤢沒🤢出🤢息🤢了🤢這🤢碟🤢意🤢粉🤢！🤢

這間專食手工意粉的餐廳係荃灣8咪半，座位不多，所以很快滿座的，還是半開放形的設計。好大的圖案在牆上面。選擇也不少的呀。全部是手作意粉來的。新menu套餐+8元有湯同飲品，粟米湯香同滑，不是好濃身，少少香草係面，是好味的呀來錯的……凍橙茶，這個其實件橙很難出到味，很難用個匙羹去把4分之1的橙的汁弄出來，不過走冰可能好d，冇咁淡蟹棒蕃茄忌廉意粉，賣相好吸引，一個蟹蓋，下面意粉同有蟹棒的，不是好漏，意粉彈牙，感覺到自己做的，蟹棒都多，味道都幾好，有d鮮味，唔錯德國香腸椰菜蒜蓉蕃茄意粉，呢個好多椰菜，腸仔都多，也是好香的，好香蕃茄味。蜆肉蝦仁蕃茄意粉，蝦是多的又爽，蜆肉都是，好鮮的，意粉彈牙好味，多蕃茄醬。整體食物是好的，但果日的仕應落錯單，又落漏單，送錯餐……這個是需要改善的！！

收工同朋友去到中染入面間手作意粉 入到去坐底落完order 叫左個明太子 菠菜三文魚意粉同炸雞 仲有一杯凍朱古力 坐左勁耐 個戴眼鏡嘅女侍應先同我講炸嘅野冇曬 甘唔梗要啦 取消碟炸雞然後個女侍應就同同事大大聲甘倒數話last order即刻過泥同我講依加last order 都算 岀杯野飲同水都大大力放係枱面 仲吹我賣單心諗係咪甘趕收工牙？d意粉份量又少 又唔好食 甘嘅野食同服務態度收加一？垃圾以後都唔會再去食 伏到喊 不知所謂.

Heard story from a friend that this place is founded by Japanese and was very curious to try it out!We were not super hungry so we didn’t order the set to come with soup or salad. However we ordered mint lemon soda, Eggplant with Ragu sauce to share as side dish, Mint lemon soda was sweetened, think they took the idea from Japanese soft drinks, I am sure kids will love it. Eggplants arrived before the pastas and was surprisingly big portion for a side dish! Eggplant was soft and sweet, ragu was

行過見價錢ok 就試下其實佢落錯餐俾我，不過唔緊要既，我都食就無叫佢換。個意粉個樣真心頹，好似係屋企都煮到咁。但係又真係好好味，好彈牙，軟硬適中。而家諗起都想再食。個菠蘿特飲就靚，但係飲落無咩菠蘿味。個friend 叫左凍果茶，成件事係一樣，但佢果茶入面係橙，我覺得佢果杯抵飲啲，因為菠蘿呢杯貴啲。呢個炸雞小食再次真心頹，好似買外賣自己倒返落隻碟咁。味道一般，下次一定唔會再叫。整體黎講，其實只係個意粉本身好食（配菜都無特別）。

是日一嚐荃灣八咪半內開的🍝—Kuru Kuru網上的食評唔算好高評價 沒期望下反而覺得幾好啵~/溫泉玉子卡邦尼 $57 (每日限定)拮爆隻溫泉蛋 意大利麵沾上蛋汁Creamy好吃 扁意粉也有咬口😋/香辣茄醬意粉 $57和友人選了辣度一 帶辣度的蕃茄醬酸酸辣辣的很開胃辣肉腸較鞋口 帶點黑胡椒挺惹味的份量也比想像中吃得飽肚/+$18 餐湯+餐飲：自家製冰茶我喝了餐湯 是很淡的蕃茄湯不過就是慣了吃飯前濕濕口/烤雞拼薯角、粟米 $29烤雞炸粉很薄 不過雞肉很鞋口調味欠奉下次可以慳番啲quota🙊反而薯角幾好食價錢幾抵吃的關係 我覺得都可以得閒再幫襯啵!!

竟然俾我食到咁好味既手工意粉佢地用來自意大利既粗粒小麥粉手工意粉比一般乾製意粉更具煙靭度煮得剛剛好麵條好彈牙，好好味啊價錢十分大眾化 $50-70就有咁好食既意粉意粉控一定要試！❤️無收廣告費真係又平又好味令人感動要介紹😭下午茶餐輕量版真係唔夠喉不過有粟米有薯角有野飲 好抵食啊！一定要再黎食大大碟滿足我哩個澱粉質怪獸唔好再話食carb會肥每餐要攝取足夠既碳水化合物而全麥意粉係升糖指數較低既選擇係荃灣一定要去試下！

荃灣一向有好多餐廳選擇各式各樣嘅美食都有今次就嚟咗呢一間試下自家製意粉餐廳環境細細間，裝修都幾舒服餐廳只係賣自家製意粉 同埋幾款簡單小食雖然看似簡單 但係味道都幾好呀我點左蒜蓉蕃茄煙肉西蘭花意粉朋友選擇咗 煙肉本菇意粉兩個意粉口感都唔錯 不過蕃茄味就比較濃郁，而且蒜蓉好香另一個就比較清淡啲所有意粉都可以加錢轉做套餐 加18蚊就有餐湯同飲品加22蚊就多個沙律添小食試咗炸茄子😁普普通通不過不失， 叫做煎釀三寶差唔多囉， 只不過呢隻茄子冇釀魚肉咁解😂另外仲加咗一客炸雞 感覺似係烤雞多啲整體感覺都唔錯 如果去開荃灣都不妨再試下