Kuru Kuru自家製手作意粉 (Closed)

近排同朋友仔經過荃灣8咪半 肚餓得滯就近搵咗間餐廳嚟食 佢主打手工意粉 🍝晚餐飯忙時間竟然拍烏蠅🤯但我哋有膽粗粗入咗去試😳晚餐時段加二十蚊就有沙律同嘢飲配💵意粉有驚喜😝整體質素尚算ok🧐不過唯一嘅係麵量比較少 就算食量唔大嘅朋友都建議可以加大👍🏻性價比🐷🐷🐷🐷🐷好食指數🐷🐷🐷🐷🐷🐽意式牛丸配牛豚肉醬 $62佢啲意粉有啲似豬豬喺台灣食到嘅牛肉麵😂粗麵扁身 佢超級彈牙超級煙韌好有口感😋但係就唔似傳統意面🤔佢個碟勁似法國餐廳入面嗰啲超級大碟咁樣 但係佢份量唔算少 食完夠飽🙆肉汁酸酸甜甜但係蕃茄味比較淡🍅 肉丸有少少筋 食落有咬口但係唔會太難咬都有啲肉汁👌 肉質比樓上IKEA 瑞典肉丸會更加緊實啲👍🐽溶岩芝士溫泉玉子卡邦尼 $82呢個面賣相好吸引🎊但係食落就比較失望😅 啲芝士好似唔使錢咁樣淋曬喺個意粉上面🤩原本以為會有好重芝士味 但係芝士味都係好淡🥲 醬有淡淡奶香👌啲麵撈埋醬都係好寡淡🥴不過因為有溫泉蛋 個麵食落就好順口😙建議配埋煙肉食就會多番啲鹹味🥓🐽自家製冰茶&沙律 $20佢嘅自家製冰茶其實就係橙味果茶🍊茶味比較淡🍵果茶入面有兩個切好嘅橙再配埋匙羹畀你好似篤檸茶感篤😌不過佢切成月牙狀咁樣

雖然係專門食意粉既店 但整體設計 風格都偏向日系 比人感覺親民啲 而且環境相當舒服 好和諧😚💓🥓煙肉本菇忌廉意粉 $62登登登登〰️擺盤比我想像中靚✨呢個價錢食到咁高質既意粉真係unexpected😙手工意粉🍝同出面食到既唔同 手工意粉相對扁身同寛少少 食落煙煙韌韌 好有口感！真係好值得一試架🔆忌廉汁都好多 好creamy😋整體真係比預期中好食👍🏻另外 侍應員工都好好 好nice 好有家既感覺😚我見餐廳除咗一啲正常既意粉外 都有好多創新意粉🍝有興趣可以不妨試吓 我見有四川麻辣風味 薑汁豚肉等等⋯

手造意粉好好食!!今日帶阿仔去荃灣打針, 推唔到bb車所以用咩帶, 之前都唸定食kuru kuru架喇, 估唔到lunch hour竟然唔使等位! 裡面只有一位店員真係佩服佢😅.🍝熔岩芝士温泉♨️玉子卡邦尼 (HKD82)黎到時雖然流心嘅溫泉蛋已經穿左🤣但整體味道真係好好味, 意粉勁彈牙!! 芝士一大pat鋪喺意粉上真心正, 要再講多次…意粉真係好好味!🥤Lunch +10蚊有埋餐湯同餐飲平到笑.忌廉湯勁多煙肉, 蘑菇n洋蔥粒夠濃好飲.🍝我fd個茄子🍆意粉都好正. 唔明點解無乜人食😅.

今晚夜咗少少食晚餐，8:30p.m.IKEA餐廳收咗工，唯有在樓下揾餐廳，之前經過「Kuru Kuru」很多次都吸引唔到我入去試，今次佢哋未收工，一於幫襯一下。服務員細心招呼，睇了餐牌，價錢大眾化，加$20/$25可以配餐湯/沙律菜/飲品，咁抵......就梗係加啦，餐湯/沙律等等是沒有驚喜的，都無謂講了，但是重點係主菜，波菜三文魚忌廉汁手工意粉，醬汁夠曬味，手工意粉真係估佢唔到，煙煙韌韌有口感，好好食👍👍👍，另一碟，茄子牛豚肉醬手工意粉，同樣非常出色👍👍👍，只是份量比較少。

❐ 韓國泡菜鍋🍲 $85評分 ▮ ▮ ▮ ▮ ▮ ▮ ▮ ▯ ▯ ▯⟰泡菜鍋配意粉配搭新穎而且整體的確不錯💥⟰鍋物熱辣辣賣相吸引🔥手工意粉少少扁身口感煙韌彈牙吾會過淋，一人份量岩岩好⟰豚肉片薄身無咩特別，其他配料仲有菠菜流心蛋泡菜同椰菜🥬加左菠菜多左份韓國風味，流心蛋同泡菜湯都幾夾，夾既程度似辛辣麵加蛋🍳⟰個湯幾有泡菜味同算惹味🌶酸加小辣，食開小辣都食到，有少少貴但呢個fusion吾錯✨未食過又鐘意韓國風既朋友仔可以一試！❐ 四川麻辣風味意粉(豚肉)🍝 $68評分 ▮ ▮ ▮ ▮ ▮ ▮ ▮ ▯ ▯ ▯⟰意粉同樣熱辣辣，明顯係即叫即炒而且聞到好香🔥⟰意粉同樣煙韌彈牙而且吾會太乾身💦⟰食落幾辣似食緊四川嘢，仲有d花生醬味有少少擔擔麵影子🌶 味道特別同幾惹味，辣辣哋愈食愈開胃！⟰份量略嫌較少可能會吾夠飽🥺但整體呢個配搭可以試下！❐脆炸單骨雞骨三件配薯角🍗 $20評分 ▮ ▮ ▮ ▮ ▮ ▮ ▯ ▯ ▯ ▯⟰堂食任何意粉可以用優惠價加呢份小食，感覺幾抵食✨⟰優惠價追加卻不馬虎‼️單骨雞翼同薯角🥔都新鮮炸起非常脆💥味道就較為普通無咩特別調味雞肉算嫩滑，但單骨雞翼岩哂懶惰的大隻仔🤫🍚推介指數☻ ☻

衝住自家製既手工意粉而來，叫左粟米菠菜本菇忌廉意粉，同埋個溫泉玉子卡邦尼意粉，分別係 $72，晚市黎講唔貴，只不過係佢個份量真係驚人，畀我既感覺只係下午茶份量，呢個粟米菠菜本菇忌廉意粉，賣相係可以，唔錯既，不過，味道就一般，忌廉味又唔重，本菇仲要帶點苦澀味，失望，意粉既煙韌度唔錯，只不過，原來自家製手工意粉只係咁。溫泉玉子好靚，好通透又滑，只不過份量真係太少，唔飽，佢芝士味欠奉，實在太淡味。雖然一個意粉呢個價格唔算貴，但係佢呢個份量同埋質素唔抵，唔怪得佢晚飯時間都咁少人食。

之前經過想試 一直未試 今日行過見唔洗排隊就入黎食非常失望 ！！可能因為本來帶住來食手工意粉ge期望黎食，expectation高左少少， 所以十分失望，如果入茶餐廳食ge話 可以評質素係ok。意粉本身係overcooked ge 意粉....完全無咬口😭蕃茄醬都好一般餸同醬一食就係分開煮.....如果無講係手工意粉, 無講係專門店 會好少少。仲有咖啡都好淡. 另一個令人更覺得失望ge點.補充返：食左辣蕃茄醬意粉。

晚食飯不嬲都難搵位咁岩約左朋友想搵間坐得舒服食完唔會俾人趕可以慢慢傾計既餐廳即刻就諗起佢!今次我地叫左茄子牛肉醬蕃茄意粉($54)熱溶芝士雞肉蕃茄意粉($75)再加左杯菠羅特飲(+$21)先想讚一讚佢D意粉質感煙韌彈牙好有咬口蕃茄醬汁都幾好味但份量真係比較細女仔可能都還好但男仔食完真係唔夠飽另外想講杯菠羅特飲真係好伏睇相以為會有粒粒菠羅點知黎到發現係咩都冇只係一杯淨係得菠羅味既茶真係好失望 大家千祈唔好中伏 T^T

黃昏到愉景新城，夜晚黎食吓意粉，意粉質感較特別，煙韌彈牙幾好味，但份量少得可憐，我就五分鐘食完，老婆七分鐘食完，醬汁味道幻想到，咁就洗咗百五蚊，去路德圍繼續食⋯⋯

茶餐大約$30幾$40蚊，好似兒童餐😂但女仔食夠晒飽❤️意粉比一般彈牙，蕃茄汁就一般。閒日下晝兩三點，人流少，啱坐低享受下安靜，又或者同朋友坐低傾下計。侍應都好有禮貌

因為趕時間又好肚餓諗住揀間西餐食意粉穩陣我地叫左個溶岩芝士溫泉玉子卡邦尼意粉+意式肉丸配牛豚肉醬意粉🍝野食上枱快 面條軟硬度適中但意粉冇咩味😰芝士味唔夠重肉醬意粉緊緊合格略嫌卡邦尼意粉價錢同食物質素不相符屋企煮仲好咪過佢😓下次唔會再去試佢意粉冇希希 冇失望

行行下街肚餓，就揀左呢間手製意粉食。舖面細細，不過望落感覺舒服，坐位分左3個section. 一邊卡位，一邊係近舖外嘅單邊位，仲有店中間嘅三角形枱，適合自己一個食，亦都適合同幾個朋友黎食。中間三角形枱入面嘅空間都無浪費，放左綠色植物作為裝飾，加上天花上面嘅燈同樣裝飾，有少少係叢林嘅感覺。牆中畫左佢地自裝意粉嘅步驟，令人可以了解下自己食左咩。同朋友被安排坐單邊位，有少少嘈，不過都未到被滋擾嘅程度。不過當日舖面只有2個侍應，仲要同時應付水吧工作，所以落單都等左一段時間。蕃茄辣醬意粉，賣相唔錯，叫左2辛，有少少辣，蕃茄嘅酸味適中，平時唔太鍾意食蕃茄味意粉，擔心會太酸，不過呢個幾好食。即磨咖啡好好飲，咖啡香味濃郁溶岩芝士溫泉玉子卡邦尼大盛意粉，賣相無蕃茄辣醬意粉咁吸引，芝士太稠，同意粉難以撈匀，不過味道好好，意粉好彈牙，食得出意粉嘅形狀。

好難食叫左沙律同卡邦尼 沙律78蚊 份量極少 唔講以為前菜黎卡邦尼 勁淡味 完全未食過咁難食既卡邦尼 要成100蚊 呢隻意粉好難煮到咁難食大伏 想去中伏就試下 好呃錢 性價比好低 食到好嬲 差體驗

-🦄KURUKURU自家製手件意粉 @kuru_kuru_fresh_pasta-墨汁意粉 Hkd79Rating🌕🌕🌕🌕🌑+西蘭花$10 粟米$8 本菇$12蟹棒番茄忌廉 Hkd69Rating🌕🌕🌕🌕🌑-心血來潮突然之間好想食意粉🍝又比我發現到原來荃灣8咪半呢度有間食手工意粉既於是乎就去試下睇下好唔好食喇🤤🤤肺炎下既限眾令令到搵位方面困難左呢間餐廳本身唔大 所以位都唔多😂好好彩咁都坐到我地一行三個人 唔洗等好耐😗-落單之後相信意粉都係新鮮即製🍝👍🏻所以都等左好一段時間 我就叫左墨汁意粉🦑然後加左好多配料 配料價錢總數都已經$30不過好失望係配料既份量好少😱😱😱所以真係好唔抵 而墨汁意粉我係第一次食😇墨汁其實係冇咩味道 所以我自己加左好多鹽但食完預左個口同啲牙都會變到黑曬🤪而手工製既意粉毫無疑問係好食好多😳口感彈牙而且煙韌 比普通意粉質素較佳所以我會再一次來呢間餐廳幫襯🙈不過意粉份量比較少 建議大家加大份量會好啲😂-另外蟹棒番茄忌廉都推薦大家食 雖然番茄味唔太出所以鍾意食酸酸甜甜嘅味道既你可能會失望🙈不過就係鍾意忌廉汁既濃稠 配搭意粉到食真係絕配佢面頭既蟹蓋已經好岩打卡 雖然就冇咩蟹

我從未食過自家製嘅意粉，行過見到寫住自家製意粉，我心諗究竟同我喺超市買嘅意粉有乜唔同呢，就去食吓先知！呢間餐廳裝修好清新，俾人感覺好休閑，而餐牌入面有好多款意粉，我就揀咗意式肉丸配牛豚肉醬，而我朋友就揀咗溶岩芝士温泉玉子卡邦尼！每款意粉仲可以加$25有埋餐湯、沙律及飲品，飲品我揀咗冰茶。沙律菜都算爽脆新鮮，而家沙律醬一啲都唔吝嗇，好多醬呀，唔錯！今日嘅餐湯就係粟米湯，都算清甜。我朋友嘅溶岩芝士溫泉玉子卡邦尼嚟咗先，滿滿芝士遮蓋住入面啲意粉，我夾起嚟食咗一口，芝士味就無我想像中咁濃，但流心蛋汁加返粉，食落都幾match！我嗰個意式肉丸配牛豚肉醬都嚟埋，買相同餐牌幅相一樣，有四粒肉丸，咬落去啲肉丸唔乾之餘仲要係有肉汁，再配埋鮮茄醬，好好食！自家製意粉形狀扁而粗厚嘅口感，好有咬口！如果我呢碟可以加少少芝士味道會再出色啲 ！要讚下杯冰茶，杯茶唔會好甜，入面仲有兩舊鮮橙，當食完個意粉後，食埋橙，清清口腔味，好滿足呀！其實呢間餐廳入面仲有拉麵食，下次一定要食吓先！