貴川風味館 (Moved) New Location

星期六去左旺角買野，買完野到左午餐時間，幾個月冇食呢間不如就買返去食啦，因為見舖頭好多人等位，我十幾年都食開酸辣所以叫左個酸辣，但冇為意原來酸辣都有兩款，order時職員又冇提醒我，求其幫我決定左酸辣小鍋米線，回想返轉頭唔怪得個米線咁油，隻味又好似唔同左啦，咁應該真係湯底錯左呀，另一碗試新野金湯，但原來隻味勁似譚x呀，所以好普通唔會再食金湯，每碗最少要叫一個餸，其中一碗加埋底就剛剛好啦，可能份量少左呱，希望下次會做返好啲啦

夜晚9點幾，長期人氣爆燈大排長龍ge貴川終於少d人。🤣 不過4人都係要等位。。 服務好有效率，我地排住隊都幫我地落餐先。👍有d“世藝“，感覺唔係排左好耐。叫左招牌麻酸辣米線(少辣)，配送點了黑木耳，蘿蔔。(其實我次次食貴川都係點e個🙊，下次可以試下金湯，朋友推介的🤤)招牌夠酸夠辣，味道夠濃，又不是只有“死鹹“ge感覺。👍另外，配料好多下 😂，咬到牙“交“軟。😂😂 份量都好多，最後都食唔晒d麵。 食完都10:30，冇咩人都俾我地坐下傾下計，冇趕我地走趕收鋪ge款。👍👍好味，服務好!

上星期去完貴川，感覺一般，今日俾多次機會佢，但係就唔食返上次個酸辣小窩米線喇？今次試新野：金湯麻辣小窩米線任何湯底價錢都一樣，一樣抵食，不過配料嘅選擇略嫌少左啲⋯⋯今次加配左羅漢齋一心以為羅漢齋會吸曬湯底會好淋好入味，不過事實係⋯⋯外層好硬，四舊羅漢齋得一舊係軟身少少其餘三舊都偏硬，而且完全無吸湯嘅功能😭😭😭同我想像嘅實在差得太遠了🤦🏻‍♀️不過個湯底ok，麻辣湯好香，唔會太咸或太淡，食左幾啖之後啲麻辣感會慢慢走出黎👍🏼👍🏼👍🏼

旺角真係好多野食。但我有選擇困難症。到最後又食米缐。排名第ㄧ當然貴川風味館。因為有個好正金湯麻辣米線。每次必食。有時也忍5住ㄧ收工即冲去食。ㄧ試難忘。飲埋D湯。哈。食完5夠喉。價錢合理。譚仔以外的選擇。米線控麻辣控人士不能錯過。

一個人行過旺角，經過見到『貴川』就入左去，見咁耐無食諗住入去回味下😛下午6點幾，剛到晚飯時間，食客唔算太多，搭枱就一定架喇，不過起碼唔洗等位～今次叫左酸辣米線，跟一個6蚊嘅餸只係32蚊，其實都幾抵食我揀左金菇，另外叫左小辣、小米，再加杯凍檸茶。碗米線賣相幾好，但係小辣竟然一啲辣都無🙁同埋啲金菇，無拆散到😓成束咁上食落有啲困難😳令人有啲失望⋯⋯不過都有加分位嘅，就係小米左之後份量剛剛好，一個女仔絕對夠食，又唔會太飽另外係配料份量好夠，有好多我中意嘅芽菜😍😍今次算係不過不失，但係感覺上無以前咁好食～

而家米線舖開得越來越多, 但質素就好參差平時行過見到呢間貴川風味館都好多人等位, 應該都有返咁上下呱,今日就黎試下佢, 今日好似唔係太多人, 但都有人排緊隊同店員講左人數, 門口已經擺左餐牌, 準備入座果陣店員就叫我地預先叫左野食先入座想一提既係個店員, 落完單有時店員都會覆單, 呢位店員都有做到但係佢就好似急口令咁講出黎, 根本都唔係好聽到佢覆D咩, 但係好佩服佢既佢成個過程好順暢冇斷開, 一氣呵成以下呢碗叫左蘿蔔, 厚切豬朳同埋雞翼蘿蔔煮得好腍同入味, 都幾甜雞翼係炸既, 但係就已經係炸定, 個皮已經唔脆, 但係醃得個味道唔錯既個人最欣常既就係厚切豬朳, 真係幾厚同埋幾大塊, 連骨上, 好細心地已經剪開左同樣地都係醃得好好味, 又唔會太硬個湯底係酸辣, 味道都唔錯既另外一碗就係豬軟骨, 雞翼配紅薯粉紅薯粉煮得太耐, 淋哂發哂脹豬軟骨炆得好好, 食落去唔會係硬到咬唔開果D最後加錢配左杯香芋珍珠, 顏色好靚但冇香芋味, 過甜, 珍珠外面淋, 入面較硬, 唔推介台式飲品

.今日P小姐公司晏晝食大餐😳攪到夜晚超飽🤮無胃口唯有齋陪H先生坐🤢一個人食無得開心share😢不過有佢喺隔離已經好好😻😻.經過親呢檔門口都見到唔少人幫襯🚶🏾‍♂️🚶‍♀️🏃🏻‍♂️🏃🏻‍♀️今日終於決定入去試一試🙆🏻‍♂️🙆🏻‍♀️酸加辣呢個組合一直都係H先生不能抗拒😋開胃得黎味蕾又夠曬刺激😛點忍呀😝😝所以第一次都係試酸辣米線🤓叫左小辣 🌶走韮菜 走莞荽首先酸味唔係太出 只係微微地酸🤔酸菜醃得唔算入味 份量都唔多🤷🏻‍♂️辣味要左小辣 驚handle唔到👀不過認真唔辣🤯成個湯既味道都比較淡😩唔算特別出色🥺🥺可能始終食過好好食既酸辣返唔到轉頭🤧🤧.餸方面 叫左雞翼 娃娃菜 響鈴同豬扒豬扒味道幾掂播👍🏻好有肉汁 唔咸🤤煎香左都算惹味🌝調既味道都好合H先生口味🤘🏻雞翼就真係麻麻 落得比較多咖喱粉😞無乜自家製風味☹️.整體黎講質素一般🙁

係旺角住左咁耐，由中學開始，已經食左好多次架啦。揀得呢間野食，一定唔系貪佢服務好架啦。每次去都會揀酸辣小白菜蟹籽丸食，再加青蘋果綠茶。或者嗌多份豬耳/青瓜。平靚正，得閒食下都唔錯既。

旺角雖然成日都好多人，但佢作為中間點，成日都會同朋友約係呢度等。👍🏻👍🏻🤪雖然呢度好多野食，但我每次都行下行下都忍唔住黎食呢間米線既！👑👑必叫：🥢金湯麻辣小鍋米線 🥢豬頸肉雖然🥢金湯麻辣小鍋米線係幾重咸既，但我都一口接一口咁飲佢個湯佢辣得好好味，唔係好辣但好麻!😋雖然只係叫「小小辣」，但都係要叫杯野飲*(我好廢🙈)湯入面仲跟左d肉碎，好鮮！🤤 🥢👑豬頸肉係必叫架，因為佢食落好juicy💦，好粗一條，同埋上面有d甜甜既醬汁！好正❤️我今次叫左: 金湯 🥢豬頸肉 🥢娃娃菜 🥢雞翼雞翼普通，🥢娃娃菜略嫌有點硬，要浸多陣湯先okay🤔🤔 朋友叫左: 🥢清湯 🥢腐皮角 🥢雞翼我試左一啖清湯都係覺得偏咸😛呢次我地星期日2點幾去到，就唔洗點等位就有得入，但平時晚餐時間去就閒閒地等幾個字架，不過佢就上得好快既！😅

本人係米線控來到旺角間唔時都會食呢間貴川風味因為作佢有獨有既金邊湯底湯底上麻麻地又有少少清新味而湯是偏黃色係咁多間米線鋪得呢間先有配搭米線十分不錯另外配料我就比較鐘意雞絲會將湯底既味吸晒對未食過既你 絕對可以試試呢個湯底

尋晚同個Fd去食晚飯，但果邊附近間譚仔執咗於是就求其一間試下，見呢間都幾多人於是去試下，叫咗招牌酸辣紅薯粉，雞翼，同川味皮蛋，個招牌酸辣紅薯粉，無乜特別碗嘢就無乜配料，叫咗2餸豬大腸同牛丸，條豬好粗好大舊幾好味，牛丸都好有味，但我最期待㗎皮蛋完全唔得，無乜味，好散夾唔到要用匙羹食，呢個好差，個雞翼好好味值得推介,總括都價錢合理，招牌酸辣紅薯粉無乜特別，皮蛋失敗，雞翼，但太多人坐得有啲逼，keep住都有人排隊

我之前都有食過，當時感覺唔錯，可以再食琴晚上完堂去食野，叫左碗酸麻辣(中辣)麻同辣都唔知去左邊，淨係得返酸，酸得黎又好似有少少甜咁不過都尚算好食但紅薯粉可以多返少少

有天晚上，根本不算非常之肚餓，但是友人卻老是提起要吃東西，結果就走到旺角這間米線店，看看裏邊，竟然人流不少。坐在卡位的其中一邊，看到餐牌的選擇和外間的米線店也差不多，不知道這間米線店的麻辣會有多辣，於是先點了一個沙嗲湯，本來比較想吃素，但是有人表示這兒的腩肉大讚，因此也點了腩肉，以及娃娃菜。沙嗲湯底，味道的確比較帶有甜味，而沒有麻辣米線那種辣味，湯底偏向甜，丁點兒的辣，就好像泰式串燒沙嗲醬的那款不辣的醬汁。其實，在外邊吃娃娃菜，怎麼可以不將頂頭的「定」去掉了呢，又恐防不乾淨，除了此處之外，娃娃菜也是正正常常，算乾淨腩肉的味道也不錯，應該有醃過吓，肥瘦均勻，瘦肉的地方亦都不會太過韌😀。米線的份量，本身看來以為不太多，但是越吃越多，後來就感覺好像吃極都吃不完，結果也挺飽肚的🤦🏾‍♀️。雖然看見店內沒有人點台式飲品，但是由於看到這間米線店，難得有提供台式飲品，而且因為友人亦都點了凍檸茶，無謂重複，於是亦都點了一杯珍珠奶茶😦。凍珍珠奶茶，看來大大杯，但是面頭看來，色水已經不夠深，有時好像都好像味道一般的凍奶茶，味道又怎會好呢？而且，不知是否很久沒有人點珍珠，杯子內的珍珠都凝結成一團團，好像上一次

由讀書時期已經成日食我係好中意食面同米線既人呢間係小店形式經營成間夾埋唔夠30個位所以繁忙時間黎就預左要排隊不過條隊都去得好快因為d員工係會勁快就趕你走我呢碗係貴川經典紅薯粉 小辣 跟腩肉其實佢有好多款湯底俾人揀我見呢款要薯粉唔洗加錢所以就叫左小辣大概係譚仔既10小腩肉係瘦肉居多好入味 不過少左d酸菜厭少左d但d粉就好多 一定食得飽本身我食開呢間一向冇事但我男朋友個碗就出事了～首先講下個魚蛋先啦係一堆面粉既感覺 唔彈牙然後可能因為天氣問題個醬有少少酸味d花生都係有變到既感覺成碗都好伏不過呢碗就唔係我食我都俾問番我男朋友但其實我一向黎食既經驗我都覺得係ok架！可能前排天氣真係熱希望呢間餐廳下次可以改善番啦

同朋友在旺角行街，唔經唔覺已經夜晚，係時候食晚飯，佢介紹話哩間又平又抵食，就跟佢去試下，店內環境唔算大，坐位有d坐得好迫，湯底有5款左右，我點左沙嗲湯跟豬頸肉和豬潤，沙嗲味好淡，唔夠濃，好似清湯咁，豬潤偏硬唔爽口，豬頸肉切得好細條，冇晒口感，我朋友比左少少豬腸我，我覺得有陣怪味，佢都話食到有怪味，總括黎講我唔會再幫襯，不過店員服務幾好，唔會因為工作忙碌而答你問題答得好敷衍，我碗麵食左38蚊，旺角區黎講，價錢的確唔算貴。