群記牛肉圓豬手

Open Now

Now Closed

嗌左個大豬手粗麵 都係$40首先佢豬手嘅份量真係好多好鍾意食連骨嘅豬手因為甘先係最好食成碗野其實一啲都唔油反而好近皮位 好多骨膠原 同埋豬手好林身 好入味我見好多人都淨叫豬手黎到真係一定要嗌不過豬手賣得好快 有陣要等成個鐘先再有番

時段：-星期日下午茶位置：-聯和墟巴士總站步行約5分鐘裝墴：-傳統老店食物:-選擇左牛腩幼麵(細)牛腩軟滑，幼麵有咬口，配上特式辣椒醬，如果喜歡食辣嘅朋友一定會好鍾意。服務:-傳統老店 "呀姐" 簡單直接價錢:-埋單約$30整體:-環境可接受上菜時間適中食物質素良好，食物質素與價格比例適中服務態度正常可回頭

老公帶完我食巨型雞髀之後就話轉過彎再食豬手😱唔怪得知叫我唔好食午餐啦🤣又真係轉過彎就到呢間出名食豬手嘅地方人流同頭先嗰間簡直相映成趣仲要呢間冇冷氣又搭枱其實我唔係好想坐低🤣🤣不過見老公特登帶我去就算啦🙈一坐低侍應姐姐已經話冇豬手食我即刻有點唔高興然後佢話3:30先有豬手其實我望下個鐘，都只係要等15分鐘啫即刻order咗個細牛丸麵試吓先牛丸夠彈牙，面夠爽👍🏻然後差唔多3:30已經聽到好多人嗌豬手我哋都唔執輸算，嗱嗱聲叫咗個大豬手麵唔係講笑佢啲豬手真係煮到啱啱好豬手啲軟骨仲咬得落夠入味👍🏻肥肉嘅部份都唔會覺得好肥膩咁唔怪得知咁多人食啦間鋪頭冇冷氣都仲有咁多人不停入嚟等位🙈另外想講佢嘅辣椒醬真係好好味唔知係咪呢度嘅賣點😅

群記係一間老店， 特色， 無冷氣， 摺枱摺凳， 自己搵位， 食物款式得， 🐷豬手， 牛腩， 牛肉丸， 油菜得生菜， 仲有個炸🐮牛肉卷。最緊要就係🌶辣椒醬，好合我口味。要留意， 賣晒就無， 明天請早。大時大節， 做冬， 新年， 清明都唔開， 平時開上午十一點， 大概下午五點半左右就關門， haha... 但我就偏偏好鍾意食 , 又唔介意佢無冷氣， 坐得又迫迫夾夾咁。。。就係咁， 一食就食左十幾年了。 我每次去都會叫我自己個個例牌， 即係🍜大豬手🐷米粉走青加牛腩汁， 再另外加個大淨🐮牛肉丸， 炸牛肉卷要睇彩數先有得食。就好呢個🌶辣椒醬， 我次次都可以食到兩碟

朋友帶左我黎試呢間隱世豬手麵，一入去覺得環境有啲迫，menu 又小選擇，應該都係平平無奇啫，但一到三點，差唔多成間餐廳嘅人都叫豬手麵😂佢個麵有超多豬手，唔似其他雲吞麵檔咁得兩三舊，啲豬手好林好多骨膠原😍加埋個辣汁簡直一流🤪🤪🤪

上次光顧這裡的豬手賣完了，因此老公今天再來，看看結果是否一樣賣完，店內依然高朋滿座，不過很快找到位置，這次可以吃得到了，我和老公各人要了一碗大豬手面及米粉，這家豬手的確是不錯，肥的一點都不肥膩且爽口，難怪是招牌鎮店之寶，上次沒有豬手賣真的失色很多

每次入粉嶺聯和墟都只有一個目的，就是去「群記牛肉圓豬手」食佢個辣同牛丸，簡直變成每半年一會嘅指定動作。食店位於粉嶺聯和墟舊區，絕對稱得上「隱世小店」，無他的，每次都見到一堆人在食店外等外賣，店內又企滿等位的人。無錯，小店有性格，位是要自己搵，店員不會安排座位，而且店內裝修就維持80年代風格，亦無冷氣，但幫襯嘅人仍不絕。由於每個人都係食碗麵或者米粉，所以都算快入快出，企一陣就會搵到位。小店食物選擇不多，牛丸、豬手配麵或粉，另外炸卷都多人選擇。由於光顧前已打底，唔想太飽下，只輕輕叫了細牛丸米（$28）及細牛丸麵（$28）。一落單，店員就會送上一小碟辣，唔夠的亦可以自行添加。米粉及麵嚟講其實冇咩特別，最正係個辣醬， 同時下時興的四川麻辣不同，群記的辣很香，直接撈落粉麵或用牛丸點都好好吃；牛丸彈牙是基本，亦有濃厚的牛肉味（所以可以判斷這裡的牛丸一定有牛肉！）

.無得輸，由細食到大！以前佢唔係日日開門做生意，要係賽馬日先開，所以黎到都有機會摸門釘。而家就多數都開，不過都要講timing ，因為豬手、炸卷可能隨時都會賣曬！呢到真係充滿回憶同風味，裝修格局如一，唔好期望有冷氣，座位都預左要迫迫地，或者自己等位，但都值得！.野食真係唔洗多講，豬手👍🏻👍🏻👍🏻👍🏻真係啖啖肉🤤🤤 牛丸都係必食，細豬手米如果唔夠，真心可以叫多個淨豬手，愈食愈滋味！不過數到最重點真係要食佢個辣招醬，超正，都可以講係成個精華，唔食得辣既都忍唔住狂加！.👍🏻👍🏻👍🏻👍🏻👍🏻（5👍🏻滿分）（是日食緊既時候，突然見到洪金寶大哥都黎買外賣😂😂👍🏻👍🏻👍🏻👍🏻勁呀）.

有一段時間沒來了，這間店的豬手是我老公最喜歡食的，今天老公専誠揸車來品嚐的，但店員說豬手沽清，需等到下午三時半左右才恢復，只有牛腩及牛丸，我們不可能由下午一時半等到三點半，老公在沒有選擇情況點了一碗大牛腩麵及小碗的牛丸，而我點了小碗牛腩米粉，再加一碟油菜，沒有想到豬手賣得這麼出色，牛腩會這麼差，牛腩比不上潮州麵館的好食，而份量又少但價錢很貴要$40 碗，所謂大碗跟其他麵館份量少很多，牛丸也是，我們食完也好像沒有吃過甚麼。

每逢兩星期我就要入粉嶺圍一次做針炙，睇開開飯就搵到間好出名豬手既群記。一試之後就返唔到轉頭，愛上左佢既豬手同牛丸。豬手本得好爽，一啲都唔會林之之，好有咬口（我覺得鐘意食雞腳既人一定都鐘意食）。牛丸又係彈牙爽口，同勝利牛丸有啲似個味道，唔知係唔係同一批貨定都係自家製？係環境方便，佢係比較懷舊似八十年代裝修既麵檔咁，唔好expect有好service 同坐位。係迫下迫下咁，食開地野既人應該都唔會介意既不過留意返，好多時都賣到3點就賣晒啲豬手，要食就要早去食！

又過黎食豬手米喇😃無食一排真係會心掛掛咁大豬手米 豬手肉味好濃 唔會有蘇味手指位係好爽口嘅 好重膠質😍點少少群記特製嘅辣椒油 正呀！牛丸 牛丸彈牙重牛味老公連湯都飲埋

久聞群記大名，終於老公趁帶貓去粉嶺寵物店沖涼時順道去買咗碗豬手米返嚟。一打開外賣碗，嘩，份量好足！有成8件豬手，鋪滿成個碗，老公叫我估吓幾錢？我仲以為要成$60-70，原來只需$47連一杯豆漿，加分啦咁多件豬手喎！豬手係白烚，應該有醃過，咬落好足味，但又唔會太韌痴曬牙，比起一般豬手米，群記的確做得幾出色。米粉正常，湯底正常，最正原來係提供嘅辣椒油🌶，一加落湯底度，嘩，成碗麵即刻升LV呀！辣椒油係佢哋自家制，香到不行！即刻將呢碗「一般好」提升到「非常好，令人一試難忘」嘅質素！佢哋嘅辣椒油唔係太辣，所以一般人好似我咁怕辣嘅都冇問題。總結：豬手米性價比非常高， $47豬手米配豆漿，我同老公兩個都食到飽，記得記得記得要落佢哋自家製嘅辣椒油！

中午來到, 都好多人下,門面較舊, 環境一般, 自己等位, 搭台。叫左個豬手河同牛丸麵。豬手河: 好多舊豬手, 仲耍舊舊都勁多肉, 出面好多都係用豬腳當豬手, 佢呢度真係豬手黎, 已經切到細細舊, 好多肉, 不過都幾肥, 皮下面都好多FAT,  佢呢度食清湯GE, 好似無腩汁果D, 我覺得D 豬手都有D 酥味,。不過豬手好乾淨, 無毛。牛丸麵: 牛丸細細粒, 無咩特別。

粉嶺豬手工作關係來到粉嶺, 多謝同事們幫手霸位，奇又奇在老闆又容許甘做。必叫豬手麵，可惜麵底梘水味重，麵糊，應該叫米粉會好d。但豬手炆煮入味，分量多。同場叫了牛丸及牛腩，正常質素. 個辣椒油令今餐生色不少.

我2點45分去買淨豬手話賣晒3點半先有3點40分再去又話冇晒一定係太好食 所以10分鐘就賣晒吾知要幾時先至可以買到呢下次我唯有企定定等到3點半喇🤷🏿‍♀️🤷🏿‍♀️🤷🏿‍♀️