群記牛肉圓豬手

Open Now

Now Closed

大約10年前第1次吃群記豬手，當時連不會吃辣的我都會食它的辣椒醬，因為香多過辣，配合爽滑軟腍的豬手，絕配10年過去，群記仍然是無冷氣只得風扇…所以我嗌外賣回家，細淨豬手和牛丸米粉秘制辣椒醬：外賣附上一包包的辣椒醬，可惜的是份量已經比以前少了，但無損它的美味，既香且辣，是我最喜歡的辣椒醬細淨豬手($38)：豬手啖啖骨膠原，豬皮爽脆不油膩，豬肉炆得淋滑，配上秘制辣椒醬，有多好吃？就是多年來一直不安裝冷氣但夏天都需要排隊的程度，有時候會見到區外人專程駕車買回家細牛丸米粉($23)：除了豬手，另一樣名物就是牛丸，它的牛丸與外面不同，細細粒，咬落非常彈牙且有牛肉味，細牛丸米有6粒，大則有12粒老字號多年來屹立不倒必有其過人之處，有機會來聯和墟去試試吧

多謝朋友介紹。我去群記，只會食豬手。豬手多肉，我未在香港找到製法和呢間一樣她昨日post 相，原來大九丸米咁多粒，所以今日我去食豬手一般出爐時間是上午11點半和下午3點半。假日太多人，食唔到 今次我只去食牛丸，2點去食。疫情加限聚令令這老店有優質的客戶服務。入門前探熱，有專人帶位。枱與枱之間1.5米距離，好舒服。以往自己找位，大家一點不介意大把人企在你後面，睇住你食，大家為求快點食豬手。豬手一出，假日半小時賣晒。無冷氣，只有風扇，所以大家趕快食完是日早上仍是三號風球，所以2點豬手，仍未賣晒牛丸不是特別好味，但勁多粒，好興奮! 大碗無論是豬手，牛丸，牛腩煮是＄42，唔算貴。最重要是足料。湯底唔咸 秘製辣椒油食完再添食!來有賣牛腩，睇到份量唔少，下次才食牛丸: 我推介太興和錦麗

搬左黎上水甘耐都係食過幾次甘大把，因為有時太晏去到就咩都冇得食～～～～～所以吾好甘晏先去食啦！今次係媽媽買返黎，我都等左一陣先食～佢都吾會吾暖，都okay保到溫！食左個淨豬手同埋油炸鬼～～～～啲肉都keep到水準，啲肉吾會食到你kick哂係啲牙到！！！十分好！啲湯都係有少少鹹～～～～但係加埋個油炸鬼一齊食係好正架～～～～～～同埋佢出名既其中一樣都包括左佢既辣椒醬，佢係偏香多過辣～佢會比較似豆板醬多啲啲～～～

幾拾年老字號的食店，好彩先有得食，佢啲朱手好多時唔夠下午1點就賣哂，錯過咗要等到3點先有得食，唔想撲空，最好就12點半前去到。講番朱手的確做得好出色，又彈牙，又好味，又爽口，每碗面裏都有好多肉食嘅真朱手。我本身唔係好食得辣的，但係朱手点咗辣椒油又真係好好味，佢嘅辣椒油只係微辣，有陣陣蒜香同辣椒香味，所以唔食得辣嘅朋友都一定要試試!食朱手的同時最好就係叫埋支樽裝汔水，好有懷舊 feel雖然係好食，但係環境就痲痲，坐位好逼，冇冷氣，招呼的人非常煩忙，不停走來走去，熱天食完會身水身汗!

喺聯和墟由細住都大，必食嘅一定係群記既豬手麵同埋佢嘅牛丸因為限聚令，唯有買外賣返屋企食每人都嗌咗一碗大手米， 同share大淨丸豬手一如既往都係咁有肉地， 每次食都係豬手多到滿瀉咁， 見唔到佢個面底😝識食一定係喪點佢個辣椒油， 無論喺出面食過幾多唔同嘅辣椒油，群記嘅辣椒油都真係最香，最有味道但係細細碗嘅豬手米又點會令我哋滿足呢所以一定要嗌埋佢個牛丸牛丸細細粒，但係超級彈牙👍🏻同埋佢個湯超有味，可能味精野啦，但我都唔小心飲左2啖😝不過今日可惜嘅係冇得買佢個炸卷，有啲啲遺憾， 唯有留返下次再返嚟食

今日天氣十分熱，朋友約左去聯和墟食lunch.久聞群記豬手十分出名，我又未食過，於是就去睇下la. 去到鋪頭都吾算多人，可能時間尚早，不過因為入面冇冷氣，係咁炎熱既天氣真係一大挑戰。最後都係決定食!因為朋友都話值得一試。叫左碗大既豬手面，朋友話辣椒油都係精髓。好快就有得食啦，好多豬手呀豬手好Q彈，好多骨膠原，而且入味，個辣椒油有畫龍點睛既感覺，一定要點，面質都好彈牙。我地仲點左個炸卷，聽講都係必食之選味道還可以，無想像中咁好味，咸咸香香。由於今日天氣好熱，一路食一路流汗，真係別有一番風味

今日嚟到粉嶺聯和墟繼續搵食，今次去到一間老字號茶餐廳，可遇不可求嘅豬手牛肉，呢次排隊我係啱啱好最後一個，非常之幸運，如果你遲一步嘅話呢又要再等聽日先有得食，外賣嘅人同埋糖食極都非常之多！今次食啲乜嘢當然嗌佢最出名嘅招牌菜啦，牛肉丸同埋豬手麵今日差唔多等左15分鐘先有得入去食。啲豬手非常之彈牙同埋入味，啲豬毛又會睇得好乾淨，再配埋餐廳嘅秘製辣椒漿簡直非常之嘢未啊。跟住就叫咗分牛肉丸，係餐廳自家製手打嘅，無添加任何野既新鮮牛肉，牛肉味非常之重非常好食。不愧係牛肉豬手嘅老字號，非常好食😋。

因為工作關係黎到粉嶺當然要去埋聯和墟出名嘅豬手麵食個Lunch可能因為疫情關係，好快就可以入到去坐想叫豬手麵既時候，姐姐話要等10分鐘當然冇問題啦，叫碗細牛丸米食下先再加埋佢哋秘製嘅辣椒醬，將面升華咗之後再叫多個大碗嘅豬手米粉，簡稱大手米豬手好林，加埋又有一半肉同埋啲膠原配上佢個秘製醬簡直係一百分而且我仲出去再加多兩匙羹秘製醬

群記座落粉嶺，位置偏遠，故久未到訪；適逢假日，特諧友人至之，一嚐究竟。十一時半來到，開店不過半小時，門外已大排長龍，手心冒汗；走近看之，原來門外均是外賣，店內仍有空位，立刻進內。甫坐下，店員隨即走來落單，然而我和友人均初次到訪，毫無頭緒，唯有著店員先忙別的，等會再來。目觀四周，眾人不外乎都是吃牛丸、豬手及家鄉炸牛肉卷；再看牆上那橘色的「菜單」，僅有七款食品，以大小相分。難得到訪，便全都來一份。下單後良久，三碗粉麵先到。先喝湯，味淡，只是普通的味精水。吃粒牛丸，牛丸比一元略小，入口少爽少彈牛味一般，表現平平。豬手原隻白烚後切件，入口少鹹，皮少爽肉腍無渣，無豬膻味，是來貨新鮮的結果。牛腩重八角香，肉筋混雜，入口少鹹無渣偏香，不過不失。眼見三者表現僅屬中等，唯有寄望招牌的自製辣椒油扳回一城——用箸蘸了一些入口，蒜味重乾蔥香，少鹹不辣，是有自家製的味道，卻難言驚喜，畢竟辣椒油不辣是敗筆。麵吃了一半，家鄉炸牛肉卷才來；剛放下，廚房便傳出豬手、炸卷完售，真是萬幸。家鄉炸牛肉卷以腐皮卷著免治牛肉炸成，入口外薄少脆內少實，牛肉味重，用料十足，絕不欺場；餡中加了少許蒜頭冬菜，令口感不至於太寡，挺有心思。

懷舊老字號 豬手米 加埋樽裝忌廉 食既係一份懷舊味道 當然豬手米無令我失望 豬手林 入味 配上清湯 清甜湯底正👍👍👍👍👍除左豬手出名外 店內既辣椒油 都好出名 簡單味道 滿足午餐

真心正！！！！個日兩點幾去到，員工話三點半先有豬手～～所以建議大家想食豬手嘅要問一問先！兜左個圈返黎，預早少少呀～（因為後尾堅多人）三點四左右坐低，叫左個細丸食住先，佢啲丸好似係手打，超好味☺️☺️彈牙同埋好香！之後重點黎啦～叫左豬手加可樂枝裝～～豬手果然名不虛傳，應該煮左好耐，好香豬手味就不在話下，好中意佢啲骨夠軟！！！叫左個大嘅，兩人share食都幾滋味，加埋可樂就緊係perfect池啦！！！

相逢恨晚的豬手，為自己舌頭找到最好味啲豬手😋 軟硬適中，不是稔到骨肉分明而是皮有彈性，肉是保持質感而有味，筋有咬口，骨還吮到骨髓的味道清清得黎又够味，再配上醬料就變得野味😁這豬手會使你食得好專心，好滋味👍🏻值得再食再食！PS👇🏻豬手牛腩米卷件

從來都冇食過咁好食嘅豬手，湯底冇得輸加上食豬手必須要加枝忌廉，配合埋炸卷，簡直就係回味香港以前嘅風味，我只可以講，呢間都係10個like ，仲有碟超級辣醬， 配合得天衣無縫

呢間真係粉嶺必吃。必食嘅包括豬手、牛丸同炸卷(星期六日公眾假期食炸卷就真係睇你彩數)。豬手雖然清湯煮，不過又無豬酥味，而且又夠淋。牛丸細細粒夠彈牙，炸卷其實就係咸牛肉炸腐皮卷，腐皮夠脆，同咸牛肉又好夾，所以都真係好好食。個人建議叫碗牛丸麵再加一碗大嘅淨豬手就最理想。

朋友帶我黎食聯和墟馳名豬手豬手不會油膩，雖然係清湯，味道不會啖，咸香入味，配上辣椒油，真係好正細牛丸米牛丸普普通通，唔覺得特別出色星期六中午食客很多，炸牛肉卷已經售罄，下次唯有再早啲到