群記牛肉圓豬手

Open Now

Now Closed

🍽️用餐日期：17/05/2021🕚用餐時段：午餐時段🕐🤤等候入座時間：10分鐘朋友推介粉嶺呢間餐廳，上網又睇到群記好出名，於是決定去試下！🌞豬手粗面（大）講下佢個湯底，食落唔覺多味精，比起其他餐廳嚟講算清甜，成日食米粉河粉，今次一試呢種粗麵覺得好特別！推介！豬手食落唔會太韌太淋，食完一舊會忍唔住繼續食第二舊！🤣順帶一提，豬手配埋佢哋嘅辣醬好好味！！！🌞牛腩河粉（大）牛腩唔會太老，唔會出現咬唔開嘅情況！河粉同出面嘅餐廳差唔多，冇咩特別😋，但係呢碗牛腩河粉係好味抵食嘅！🌞牛丸（細）推介大家一定要嗌嚟試下！唔知係咪食得多其他餐廳嘅大大粒牛丸，嚟到呢度食呢啲牛丸細細嚟好得意，食落有驚喜，好彈牙！😍一定要試下！溫馨提示：*除非你超級細食，唔係嘅掛都係建議要大碗嘅麵，因為就算係大碗都唔係你想像中咁多！🍜*餐廳環境比較簡陋冇冷氣，但係設有風扇，建議怕熱嘅話夏天可以帶部風扇仔，食得舒服啲！餐廳冇冷氣都有咁多人排隊幫襯，可想而知呢間餐廳真係值得一去！

係，我認黎呢度食唔厭係牛丸米瘋狂點佢自家製的辣椒油其實食左咁多年豬手唔係時時中正又淋又膠十次有六次係正清湯豬手夠淋係無敵，一定要食佢的辣椒油，緊記係連渣一齊點夏天去食，先係真愛我唔係勇者

粉嶺聯和墟 人稱認第二無人敢認第一既豬手麵！今日又黎到粉嶺工作 即刻爬文揾啲好野食 唔好虧待自己個肚 我見網上好多人都對依間有咁上下歷史老店讚不絕口 緊係唔會錯過！一去到就無餐牌比你睇 你要靠牆上既menu叫野食 一坐底個店員已經拎埋碟辣椒油放係你面前 隨即就問你想食乜 佢見我猶疑左一陣就同我介紹左豬手 牛丸 然後聽到好多人一入黎諗都唔洗諗就叫大手米 我就跟住叫 網上又推介左家鄉炸牛 我問佢有無細碟佢話無 話一係炸牛拼菜 但就無咁抵食 所以聽佢講叫左一碟炸牛大豬手米一放底 果然名不虛傳 真係好多豬手 放滿成個碗 佢唔係舊舊都係骨 有啲係一大舊淨肉 而食豬手我都係中意連皮食 一食落去你就知點解依間舒可以係聯和墟䇄立不倒咁多年 豬手無豬毛 好乾淨 炆得好冧 咬落去會食到啲有啲膠質既感覺 而一大舊既豬手肉同樣有驚喜 咬落去中間啲位唔會好乾 唔洗驚有肉絲攝牙罅 夠哂林夠哂好味 不過米粉就偏少 兩啖就食哂 家鄉炸牛我覺得佢個賣相有啲似鮮竹卷 都係用果隻皮包住 而咬落第一下感覺好突别個牛望落去炸到好似好乾 但食落又唔係咁 同埋佢會跟個喼汁比你點 不妨一試！不過如果天氣真係好熱既話我就唔係咁建議去食

聽說粉嶺聯和墟有一間抵食人氣老字號小店 長期都要排隊 出名食牛丸和豬手 店內格局突顯了老店的歷史 而餐牌和價錢都只是用紅紙貼在牆上 具有懷舊風格 店內裝修比較簡陋 🧐座位唔算舒服 所以食飽都唔會想坐得太耐🤣可能是限聚令關係 堂食座位 都算寬敞 上餐速度快 因此翻枱速度都會較快 所以就算門口大排長龍 都吾算等太耐就有得入座😅。細豬手麵 (HK $37)豬手以上湯白烚 份量多 肉多皮煙韌 有少少似白烚鹹豬手 不過豬手皮仲有小量豬毛 我覺得呢方面雖然多加留意 以作改善🧐其實個豬手係就甘白烚 所以冇咩特別驚喜😬反而秘製辣椒油真係超級畫龍點睛🤩辣椒油係香多過辣 只要配搭豬手一齊食 必定喜出望外 超級惹味🤤 。細牛丸麵 (HK $30)牛丸冇潮州牛丸咁爽 而且真係好細粒 牛肉味不濃 欠缺肉汁 較為失望😟。整體而言 試哂2款人氣粉麵 個人認為 網上好評如潮 其實一般😅如果唔使排好耐隊 都可以朝聖一下 😏 不過呢度無論你嗌淨食定係跟粉麵 價錢都係一樣 而我本身仲想試埋名物 家鄉牛肉炸卷 但好早已經賣曬 希望下次再有機會試啦🤫。食物:6/10價錢:7/10環境:6/10。群記牛肉圓豬手粉嶺聯和墟聯昌街5

細細個媽媽帶過我黎食...覺得豬手好好味，到我大個左帶媽媽黎食，味道依然無變....個辣椒油真係愈食會愈上隱....雖然要等好耐...但等一陣可食到好東西，咩都值得🥰

今日下午去了粉嶺踏青，不知覺已二時多，未及食正點午餐，回路在車上想到這間可在此時段滿足口胃的好地方，到達時人滿等了幾分鐘才坐下，馬上落單因久未光顧不知水準得否保持。牛肉丸河，無失準，肉丸爽口彈牙，清湯豬手河豬手皮肉有咬感，爽而不韌，河粉入味，無失準，再加了一碗淨大豬手才滿足。

群記的招牌是「群記牛肉圓豬手」今天我就通通都吃了。排了一會就可入座，一個人比較容易有位。牛肉圓有好多粒，爽爽脆脆但冇乜牛肉味，只是點啲辣椒油過下癮。豬手麵就好好味，豬手又腍又滑，一邊嚼一邊有肉味，鹹鹹香香，放些辣椒油更好吃，吃一碗已經好滿足。

行完山，乘小巴到聯和墟下車，想起朋友叫我一定要試吓「群記」的豬手麵。來到舖頭已有十多人在排隊，我想這兒的食客流量應該很快所以決定等一等。我哋叫咗大細豬手麵各一，嘩好多豬手呀！平日我好少吃豬手麵，因為覺得比較肥膩而且會膠口，朋友説這兒的豬手是白滷水，好爽身，唔會感到肥膩，真的不錯，豬手煑得好夠腍，豬皮豬肉也爽身，幾好味。附上的自家製辣椒油好香，配上豬手食味一流。麵底也夠爽口而且冇鹼水味。本來想叫一碗牛肉圓但已售罄，下次再嚟試試吧。這兒還有支裝汽水供應，吃街坊麵食一定要配番支支裝汽水，已有好多年冇飲過支裝玉泉忌廉，又真係幾好飲。

今日行完流水響番到粉嶺聯和墟搵食，二話不說就去左搵出名多人排既群記豬手米食下啦。食之前排隊是常識吧！好食既野係經得起時間既考驗，次次來食都大滿足。牛丸夠彈，豬手米都係一貫咁好食。今次又貪心試埋個肉卷。慘啦，以後來一定要叫埋依碌野。超好食好重肉味外面仲脆卜卜。但叫得真係太多最後食唔哂但死都要打包走！結果拎番去叮番來食都仲係好食個下掂！究竟下次入粉嶺係行山定來食過好呢？要再諗諗⋯

作為北區嘅大坑，聯和墟有好多人氣小店，其中呢間群記牛肉圓豬手 ，出面長期排住等位嘅人，豬手每日得兩輪，極速賣晒。豬手以上湯白烚，肉多皮煙韌，湯頭有啲太咸，有少少似白烚版咸豬手。牛丸都算爽口彈牙，不過牛味無咩，唯有靠自家製辣椒油嘅咸香。坦白講無咩驚喜，排多過一個鐘嘅話就唔太值啦！⁣⁣This small noodles place in Luen Wo Hui specialized in pork knuckles and beef balls. The pork knuckles were a bit too salty though!⁣-

外賣 / Takeaway1) 豬手面  The pork knuckles were tender but not too soft and there was a generous amount of them! Soup was flavorful and the addition of chives further highlighted the favor.  This soup-based noodles comes with chilly sauce which was fairly spicy but was also delicious! Quite impressed with this!!2) 炸牛肉卷 this fried  beef roll had no juice and really it's just super dry. Just like I was eating some tasteless rock. (though my view maybe biased because I had the tasty pork noodles first

今日同住2個老人家，一個擰住拐杖，郊遊完打的來到 聯和墟食好野，的士司機介紹話尼間群記好出名豬手面，於是，下車專登同老人家去尼間野試下，去到佢話 3：30pm先有豬手食未入得去住，現在入去只係食魚蛋牛丸果d, 我們去到既時間係3：05分pm， 佢話你地去行過圈先再返來啦，我再問咁有冇得取排隊票先？佢話，吾洗，現在咁早，叫我們稍後再來就ok。2個老人家已經有點攰，但佢地都希望可以試下，於是我們就係附近行左一陣，到左3：18分pm 行到返去時已經見到外面有8，9個人排隊，我問係咪現在要擰票排隊,佢話： 現在要等好內wo, 重show俾我睇個排隊紙，重話係食豬手面既要等緊20幾個籌，我果下即嬲反問佢： 咁先頭做咩吾俾我地擰票排隊先？ 佢答： 咁先頭太早，俾吾到你wo，同埋現在內面都坐左好多人等緊食豬手面wo。 我果刻覺得佢跟本在耍我！ 態度極之 囂張 ！我地離開左店13分鐘左右，但就已經派左20幾個籌重要有不少人已可以入去坐住等難委我帶住2個老家人來到食，辛苦佢地冇得坐住等，又冇得擰票排隊，係咁冷天氣街上餓行多陣，最後我冇再講野，之後去左食傷心酸辣粉人哋態度極之好 仲話畀我哋聽要下午茶仲平啲

🇭🇰群記牛肉圓豬手·細豬手麵$37難得嚟到粉嶺 梗係要食晒佢呢一度出名嘅小店😈佢個豬手份量都真係幾多 而且都洗得幾乾淨 不過佢個豬手係就咁煮既 所以佢自己無咩味 但係點佢個辣椒油真係超級畫龍點睛🌶️佢係超級惹味 而且有少少蒜粒咁 成件事好夾🤤我直頭係想買佢個辣椒油返屋企比媽咪 可惜佢冇得賣🤣🤣·油菜$10因為我哋想之後再掃街 所以就就咁嗌左一個麵加一份油菜 我自己覺得佢個油菜比較油 而且佢啲蠔油份量真係比較多 所以有少少鹹🙊·📍粉嶺聯和墟聯昌街5號豐景樓地下

午餐時段只係等咗15分鐘位😗因為上菜速度超快。餐牌只有幾款食物：豬手，牛腩，牛牛同特色炸卷🤣所有麵都可以揀大細，不自量力嘅我揀咗大碗🤣🤣 豬手份量好多，食到超飽! 建議想試其他餸可以叫雙拼 或者 單拼細碗+一個淨餸!一定要試辣椒油🌶️ 超香，唔太辣😁😁特色炸卷係腐皮包牛肉，分量亦很多，建議2人以上先好叫🤣🤣唔係食唔晒😂 炸卷喺其他餐廳搵唔到，但食落冇咩特別🙈🙈如果你好鍾意食豬手可以特登嚟試😋 如果唔係，唔使特登入粉嶺食🙈🙈

第一次嚟，下晝1:30食飯時間，有成20幾人等位等外賣，二人堂食等咗大概15分鐘，好簡單嘅餐牌，又有咁多時間俾你諗，一坐低即刻落單，唔夠2分鐘就上枱有嘢食！麵質唔錯有口感；牛丸彈牙有肉汁但味淡，比起傳統嘅牛丸細粒好多，質素相對有級數嘅潮州牛丸有一段距離；簡單嘅豬手雖然看似冇乜特別，肉多皮脆，鹹鹹地幾好食；牛腩只係得頭頭尾尾，又韌又痴牙，有啲失望；炸卷份量夠，真材實料，牛肉味濃，不過有啲乾身，好似食緊over cooked漢堡扒，食緊嘅時候已經聽到話賣晒；一分錢一分貨，整體都OK嘅⋯⋯