廣記粥店

Open Now

Now Closed

是日繼續外賣食粥，由於今日早退，所以返到屋企附近去買粥食做午餐，附近比較好食既粥，第一時間諗起廣記。叫左碗生滾滑牛粥，粥下面有啲生既生菜，上面有蔥花，係欠缺左花生，啲牛肉好滑，粥無一粥麵咁杰，好味啲，$28/碗，病左覺得幾好食。

加班加到無胃口，返到大埔都九點幾，今夜食飯又好鬼肥，唔食又會餓到胃穿窿，所以揀咗間老字號粥店。我就最鍾意食艇仔粥，因為唔鍾意食內臟，又鍾意有啲碎牛肉，不個粥就好淡，撈勻都唔係好夠味，不過食清淡啲都好嘅唔緊要。可能個口味配合返老人家，唔係我見到都好多公公婆婆幫襯。跟住叫咗個炒麵，每次食都係凍嘅，今次招呼我嘅係個後生仔，比較有禮貌，其他啲阿姐就真係服務麻麻地。今次多咗啲椰菜，幾好唔錯，最重要就係三色醬甜醬辣醬花生醬。即刻好味左。

今天陪Honey面試，面試後，放鬆心情，竟然不想大吃大喝，想吃清淡的，所以，到廣記吃粥。已不是第一次光顧廣記，喜歡這裡的｢純淨｣，沒有新花款粥品，只有碎牛肉、艇仔、魚片……最傳統的，我喜歡！白粥，不是有味粥底。腸粉很滑。油炸鬼非常脆，新鮮炸，不油膩。(形容好｢行｣……正正就是傳統)雖然是舊式粥店，但地方乾淨，老闆和老闆娘友善，很有人情味。自1949開業，仍舊經營著，真難得！

因為流感嚟到大埔睇中醫，睇完食清啲所以揾間粥店食吓，見到搭車位對面有間粥店，於是入去試吓，外面睇門面係間老店舖，入到去地方大，人唔太多，餐牌上有粥有飯有炒麵等，都幾多元化，我雖然想食清啲，但見到有炒河，忍唔住就叫咗叉燒炒河，跟杯嘢飲都係$40，另外再叫咗碗 芋頭南瓜 排骨粥 同埋豬膶腸粉，直得一讚就係豬膶腸粉，整得相當好食，由於太心急食所以唔記得影相。而其他就一般，而炒河都幾油吓，食完都好濟吓。

相信現令都少有粥店係香港，因為租金貴而且粥又不感賣得高價加上年輕一族未必LIKE ，所以粥店變得愈來愈少。大埔人都一定會知呢間廣記粥店因為已經營多年而且粥類選擇多，仲有蒸飯同中式甜點揀，就算唔食粥都可以搵到心頭好。今次叫左艇仔粥；炒米粉同叉燒腸。個人感覺比早幾個月食粥的配料明顯少左，米粉亦然。粥的瘦肉比之前的咸點但更入味，好食左，但其他料少左好多啊米粉的質感較硬身，可能係凍左，有所影響。叉燒腸係比較厚粉漿，喜歡厚身腸粉既朋友就岩哂

這間粥店是老字號，歷史悠久，雖然門面不太起眼，進去卻是另一世界。一踏入店舖，就已經感受到濃厚嘅人情味，餐廳不斷播放懷舊金曲。場內佈置一點都不現代化，尤其是周圍的經典海報。當中有海報十分有趣，反映店主嘅幽默感。店員都是老街坊，感覺好親切。有點意外係，水吧是自助的，如果要飲冷、熱水，要自己搞掂，感覺好有街坊feel。食物方面，食物種類及味道十分簡單，沒有花巧，價錢十分親民。這間餐廳不是米之蓮食府，所以不適合追求味道高層次的食客。

本身諗住去食台灣野, 但係等好多人先至到我....所以我就行多幾步去搵嘢食見到呢間粥店好似好清靜又冇乜人咁樣, 又未試過, 去試吓啦!! 鋪頭裏邊有幾個好老練嘅姐姐, 你唔可以同佢講禮貌啦!  我叫咗個咸瘦肉皮蛋粥同埋油炸鬼, 啲粥好棉好好味～皮蛋亦都好靚～食得出冇鐵銹味另外想提一提，油炸鬼我咁好彩條油炸鬼係新鮮炸起嘅，好趣好好味!! 呢啲味道可能係鬧市未必食得到, 但係大埔仍然有呢啲小店, 希望大家支持下小店啦!!

早上約了在附近的客戶，時辰未到，前一晚又睡的不好，肚子特別空虛，腦海就想著食食食……厭棄又是茶記的豬牛雞扒早餐，乾脆來個中式的吧。叫了很多飽肚之選：有裹蒸粽、炒米粉和煎蘿蔔糕。裹蒸粽內有不少的餡，豬肉很腍很入味，是一絲絲的，粽子甜糯，淋上一些豉油極其美味。炒米粉不是很多料，卻亦乾身，有咬口。煎蘿蔔糕裡是吃到蘿蔔絲的，入口並非只有齋粉，而且煎得微焦的兩面特別香口。全部食物都是熱騰騰的，配以一杯凍豆漿，完全是絕襯。這就是小人的早晨全餐。

該店員工態度非常之差，冇笑容，冇禮貌不在講...仲識得發客人脾氣，果下勁....話說今早我到該店買早餐，我企咗喺櫃面前，冇人招待樓面個阿姐視而不見...只係廚房入面阿姐幫我做oreder,個阿姐做完之後，就咁就放咗兩個野喺度，樓面個阿姐都仲係視而不見，之後我就好大聲咁講：係咪要我自己包呀？之後樓面另外一個阿姐嚟幫我，我話：要分開包，包好後，我問幾錢？個阿姐答：下，未收錢架？收幾錢呀？我話：你都幾好笑，問返我轉頭...比完錢，走人..結果比小咗一份餐具..我又返轉頭同佢講：兩份早餐得一份餐具，另外果個用手指食呀？跟住佢就話：放咗喺同一份早餐度..我話：講咗你知，要分開擺，兩份早餐分開咗擺，餐具就擺埋一齊，咁我唔洗叫你分啦.....

今日想食得清清哋， 於是乎， 我去了食粥， 我叫了一碗魚片豬潤粥，平時自己少食內臟， 店主介紹加了豬潤， 碗粥會好味好多， 豐富起來. 既然， 平時少食， 又唔知點整， 店主又介紹得， 一定好好味！ 魚片好新鮮， 又不會過火， 魚質又甜又滑！果然加了豬潤， 味道好夾！ 我特別要求加多一點蔥花， 服務呢度好好 ！ 😍😍但是我叫了蝦米腸粉就一般，腸粉唔係好滑！ 可以不試 ！ 原來菜乾排粥好出名，清熱去暑， 傳統早餐. 可惜， 今次無試到， 既然魚片粥抵唔錯， 可以下次來試試吧！

今日比較凍，同亞媽去食下粥。一看門面就知係我亞媽個代啲童年回憶😂。装修好舊，但感覺唔係太污糟，但唔太舒服，50分。啲亞姐服務都ok，食物都好快到，70分。至愛艇仔粥$18，料足，85分。綠豆糭$18，好鞋咁，可能小小肥豬肉都無，唔好食，30分。油炸鬼$10，太硬太硬太硬，好似放左好耐，超難忍食，失敗，5分。豬膶腸粉$18，無乜料，腸粉都滑，70分。全部埋單$64，每人$32，合理既。整體50分，應該唔會再去

這一間粥店應該都係大埔已經立足左一段好長嘅時間，當你一行入粥店過一種懷舊裝修加上阿姐嗰種慢動作服務未食嘢就已經知道這裏有歷史見證，因為牆上面掛滿懷舊poster同埋一啲鏡畫，後生啲嘅都未見過我食粥獨孤一味最鍾意食艇仔粥。就咁望落去啲粥比較稀，唔夠杰。入口食落去嘅時候果然唔夠軟綿綿。好彩花生都仲夠趣口，碎牛肉就少之又少。食粥當然就係要配炒麵啦！$12 價錢係平，但係就冇味嘅加上份量唔多。好彩有我最鍾意嘅大混醬。甜醬辣醬麻醬鍾意食幾多就唧幾多炸兩真係唔得腸粉凍嘅油炸鬼淋嘅

前幾日涼涼地經過見到有粥食就入去啦 叫左碗艇仔粥加蘿蔔糕 個粥好多料 同埋啲粥淡得黎又有味 件蘿蔔糕煎到好香口同埋好鬼大舊 好正 食晒仲叫多左舊 食咁多40蚊都唔洗呢間真係食過最平

當日下著大雨，突然好想食粥食炒麵，所以就同男友去左大埔一間開左好耐既粥麵店叫外賣番家食啦！我係常客，平時做完運都會去食架！佢個炒麵咁大份都只係10蚊，佢地炒得好好味，唔似平時出面個d會落味精。食完都唔會覺得口乾。個麵好乾爽架整得，麵質都彈口！件蘿蔔糕入邊真係有蘿蔔絲架。好似我媽媽親自整個d味。好味，夠香口！仲有個蝦米腸，腸粉夠哂滑！正

凍冰冰又病病地 最好緊係去食粥 食果時已經兩點幾 所以冇咩人 叫左個生滾魚片粥加莞茜同一個牛利酥 分別係25$同10$牛利酥好大舊 剪開都有6舊 甜度岩岩好 好鬆軟 唔會話好硬 仲有啲脆tim 但係就唔夠熱 熱辣辣既莞茜魚片粥 好香莞茜味 啲粥夠曬熱 仲有個粥低好滑好綿 入面好足料 有好多塊魚片同莞茜 d魚片有少少骨 但係佢夠薄 仲完全唔腥 好好味個牛利酥點落啲粥到食 好正👍