廣記粥店

Open Now

Now Closed

又係我！我再次出現喺呢度就知道我又病啊！廣記係我每次病咗想食野嘅避風塘，成條街差唔多一式一樣嘅冰室，難得仲有間20年不變，地方帶一點污糟邋遢嘅舊式粥品店。其實我每次嚟食嘢都一成不變，平時成日銅鑼灣尖沙咀旺角大魚大肉，一病就回歸平淡，鹹魚白菜🥬見到鹹魚白菜就諗起鹹魚蒸肉餅，咁今晚轉下口味食蒸飯啦！不過今晚淨係賣剩鳳爪排骨飯，鳳爪味道還可以，排骨真係好肥，肥到差啲見唔到肉同埋蒸飯比較乾身唔夠豉油。但其實你呢度嘅主角係要食炸兩，在直接啲講係混醬，因為我好鍾意將三種醬，麻醬甜醬辣醬 撈埋一齊肥死人！但係病人就係要食重口味嘅嘢吖嘛！

屹立大埔區數十年，每天供應新鮮廣東粥粥品、炒米粉、炒麵、糕點、油器、豆漿等等，豬雜粥、芋頭粥、及第粥等都很有名氣，油器新鮮炸出來，不消一刻便告售罄。「粟米粥」最簡單的一款粥，只有白米粥跟玉米粒，清淡順口，口感綿密。「炒麵」可以加上甜醬和麻醬，再來客製化自己的味道，這個用來配搭白米粥也可以，。「煎堆」老闆剛剛炸好，立即下單叫一個來吃，先到先得，煎堆外皮香脆，要，內軟彈。服務是家庭式的，自己到前面看看有什麼喜歡的，最說給呀姨聽，就可以下單了。

最鍾意食呢度嘅鹹肉糭、蘿蔔糕、雞粥同埋菜乾豬骨粥，基本上每次來都係食呢幾樣。味道好，價錢親民。去得多連鎖大型嘅食肆，偶爾去下呢啲小店 份外感覺到嗰陣人情味。啲阿姨得閒嗰陣會同你吹下水架

雖然這裏沒有特別裝修清潔又麻麻地，仲有啲阿姐都幾凶狠，但就勝在小店就好似非物質文化遺產一樣。如果再唔幫襯下都驚會消失。絕對相信佢嘅裝飾係七80年代同埋價錢真係唔貴，我食咗碗艇仔粥 $19，細細碗啱晒病人胃口，但我對面位先生就我覺得今次食口味太清淡，質地比較水不夠綿好似冇乜味道，但仍然有我喜歡的碎牛肉艇仔粥當然要配炒麵啦！比較乾身咗啲，溫度是輕微的暖。起初諗住單身，但見到其他人瘋狂落醬汁之後我又忍唔住啦！跟住對面位先生話要食油炸鬼，我都好想食，所以只係食咗一小件，還好有部份是脆囗的。

喺大埔住都會識得呢間做咗好耐嘅廣記粥店， 呢排因為有啲事件就特別紅啦， 良心小店。 佢啲粥最平都只係十幾蚊喎， 喺2019年去邊度搵啦。 我細個成日都去之後有一排好長時間冇食，今日同家人一齊落街食， 好懷念。 原來佢唔似有粥食仲有少少炒粉麵之類， 當然都係簡單嘢好似呢一份星洲炒米粉。 呢份星洲炒米同平時茶記嗰啲個樣唔同， 但味道有幾好食。 再睇一睇個餐牌原來學生仲有優惠， 其實佢真係冇乜點賺到錢， 希望呢啲小店可以繼續堅持落去啦。

懷舊的粥店，指的並非它的裝潢，而是它真的紮根大埔多年，裝修格局本來就是老舊的店。最喜歡他們的菜乾粥是較早放菜乾一起煲，而不是貪快出貨。價錢平實，糧尾恩物😂另外店家還對自備餐具購買外賣的人友善，店內氣氛幾好。

成日都大魚大肉，間唔中食下粥，清清腸胃☺️粟米粥 ($13)粥夠綿，粟米甜，重要有超多清清地，又唔想食白粥，叫呢碗就岩晒————————————————————另外重有點，鮮滑雞粥($30)，但唔記得影相😅雞超滑，一碗都有好多件雞件預先調味，所以相對粟米粥，就比較濃味———————————————————炸兩($13)熱辣辣既腸粉，一碟有兩大條，腸粉夠滑————————————————————鮮蝦腸 ($19)同平時酒樓的蝦腸唔同，蝦是預先整熟。蝦新鮮，爽口彈牙，一碟都唔少蝦腸粉好滑

第二次來到此小店，唔係因為特別平唔係因為特別好食...只因一個情字....稱此店為小店其實我覺得此店地方一點都不小...相反店地方算大...當日有四位嬸嬸老闆及老闆娘坐鎮....點了艇仔粥及牛脷酥...$19碗粥算細碗味道正常,料唔係太多...魷魚應該唔係水魷...下次要試下菜乾排骨...$11牛脷酥大大個可惜中間甜既部分太硬..下次可能試試炸兩...上次食左炒麵$13大大碟...味道幾好...另外小店仲有抵食蒸飯$20但豆漿要$11就覺得唔抵😜整體來說我會再來...

咁啱要喺附近搭車，就同朋友黎左廣記到食個豐富既早餐。好鍾意食佢既油炸鬼/牛脷酥，今次早餐就唔食咁heavy，同朋友叫左炸河、香芋南瓜排骨粥同埋凍豆漿。由落單到上菜既時間唔耐，等既時候都見佢一直有出緊油炸鬼等等既炸野，超新鮮超想食，無奈最近有d熱氣，一於留返下次先。Menu第一頁。粥既選擇唔少。Menu第二頁。飯既選擇都ok多，而且仲有學生優惠。我叫既香芋南瓜排骨粥同埋凍豆漿。香芋南瓜排骨粥︰睇得出落左唔少南瓜，食落都香甜，有幾舊排骨，仲有舊超大既芋頭。芋頭好粉好腍，好食。朋友叫既炒河，望落令身，但係唔多油。食哂之後個底冇乜油，食落口都唔會成口油。配料都幾多，份量都好夠。店員好有禮貌，價錢公道抵食，味道唔錯，推介！

廣記都開左好多年，大埔街坊都應該會知雖然開左幾間新粥店，味道可能更勝一籌但想食粥我第一時間都會諗起廣記粥既選擇都唔少，而且油器款式/粉麵等等都好齊我通常都會叫菜乾排骨粥加一個腸粉/炒類今日兩個人食，就叫多左其他野食菜乾排骨粥睇個色水都知道好足料，一畢係滿滿既菜乾菜乾味道都好出，成碗粥都好香排骨唔算多得2-3舊，但煲到好軟淋食落唔會好柴，成碗粥唔算咸，清清地食唔錯炒米粉本身想叫炒河但無晒，炒米味道偏淡，少少油料有菜，蘿蔔絲同埋芽菜落甜醬 花生醬撈黎食個味道就出黎炸兩可能今日人多，炸兩都幾新鮮，入面既油炸鬼都仲有啲脆腸粉都幾滑，加埋油炸鬼一流可以滿足我食油炸鬼既慾望又相對無咁熱氣南乳咸煎餅因為食過牛脷酥覺得麻麻地，偏硬同偏韌今次試下咸煎餅，酥脆好多，外皮脆然後麵包位少少煙韌加埋芝麻同南乳醬係幾香幾唔錯唯一不足係南乳醬太少，好快就食晒有南乳醬既位不過點甜醬都好食既！

昨天返去探父母，早餐同阿媽食清啲，去左廣記食粥，以為天氣熱無人食，點知都唔少人，有5/6成滿。入到去選擇入啲既位，因為蒸近門口熱，叫左2碗生滾牛肉粥，1碟蝦米腸粉。粥味道ok, 加啲花生仲好食。腸粉就一般，唔太滑。合共$69，真係分分鐘貴過食西式早餐。

#廣記粥店住大埔的人應該對廣記粥店不陌生從小吃到大無論上學、放假、上班都會來這裡吃粥吃的不止是回憶還有吃的是人情味價錢說真的便宜到不能挑了！而且味道沒有變！一碗粉腸粥 $28一個煎堆$11可以吃得很飽而且粥煮得很綿很滑重點是！粉腸很多！！料多粥底棒！才$28！在哪裡找啊！？廣記的煎炸的食記是脆口的！放久也能保持那種脆脆的口感也不會有很重的油味和肥膩感如果不是吃撐了我猜我會多叫一碟！就算我不太喜歡吃粥但也會想去廣記吃粥！住大埔的朋友 快點去吃啊！

開心食到一間感覺街坊街里嘅好味粥店，裏面裝修好舊，可能令人感覺唔太衛生。但事實上我又見唔到枱櫈污糟，或者食具好濕有殘渣痴住嘅情況。粥店都幾多員工，各施其職，見到佢地一邊傾工作一邊開心笑，大家都無停手，對客人亦唔會怠慢，好禮貌好親切。香芋南瓜排骨粥 - 裡面有兩大舊好滑嘅芋頭、一小舊排骨肉，睇到粒粒煲到好熔嘅米粒同南瓜粒，粥底好滑。艇仔粥 - 粥底滑，仲見到米粒，有魷魚、肉碎、花生。油烤鬼、炸兩 - 炸器無得頂，唔會硬掘掘，無油益味，外脆內軟。腸粉好滑，配上甜豉油無得彈，證明新鮮製。咸肉糉 - 簡單就是美，肥豬肉、咸蛋黃、綠豆、糯米，黏性夠，糯米散發住肥豬肉同糯米嘅香，好味道。

好喜歡這間食店，沒有特別精彩的味道，没有好多選擇，店員 (c 奶) 没有熱情招呼，有時語氣還有點重。然而，店內洋溢着人情味，一家人的氣氛。店舖其實很平實，厨房，爐頭一目了然。好喜歡門口好简單的盆栽，就是一個家庭的特徵。可以考慮粉飾一下。記得有一次，碰到明星叫外賣

加班放工成10點鐘，個人唔係咁舒服就想食粥，夜麻麻淨係諗起呢度，入門口自己搵位，阿姐係唔會你你嘅然後等到啲阿姐得閒我就好順口咁叫咗炒麵艇仔，$32 真係良心價錢。我提醒過自己好多次唔好食炒麵，點知都係會唔記得。首先炒麵份量算係細啲，然後炒得好乾，同埋真係剩係得麵。得幾條椰菜絲，幾條紅蘿蔔絲，竟然連芽菜都無一條。艇仔反而係恆久不變，亦都唔會差得去邊，唔係生滾粥所以平啲，碎牛肉份量適中，花生又幾好味，同埋好鍾意有兩條水魷魚絲，直情係細路仔時期食到嘅感覺會繼續支持小店