廣源雞煲 (Closed)

限聚令又收緊，晚市又冇得喺餐廳食，知道小店有得做外賣小菜，即刻搵晚去試吓。最出色嘅係魚肉碗仔翅，啲料足到不得了，俾我同另一半返到屋企幾啖已經即刻K.O.左！而鍾意食辣嘅我對於麻辣燙個湯底簡直不能用文字形容（早知叫屋企人買多啲返屋企，本身諗住扮細食）另外嗰兩個小菜（椒鹽雞翼同埋豆豉鯪魚油麥菜令到返屋企都仍然好OK，果然雞煲同小菜，師傅都可以處理得游刃有餘！雖然食完，就係因為扮細食所以感覺仍然好似未夠口，下次試埋其他嘢。

味道好好，雖然我唔太吃得辣，但每次去吃小辣都好爽，而且d雞又任加，吃完之後再火鍋，真係2個鐘眨眼就過最扺係仲有小 吃任食，咁既質素，試問仲有無屋村小店有值得一提，因為舖位不大，去前記得訂枱

之前黎過呢間係任加雞件既都算抵食點知今次黎食價錢又貴左都算啦最嬲係雞件變左每人半隻雞食晒就無得再任加事先又無講明要改制都唔緊要門口貼紙無改依然寫住無限追加完全係俾人呃錢feel

大概大半年前第一次食此店，老闆娘既好客服務已經加曬印象分，加埋好好味雞煲同小食任食，雲吞雞煲，（依家出埋牛腩煲同醉雞煲tim)性價比好高既一家小店呀！每次都食而忘返（基本上一個月梗有一次不同親友既飯聚），連廚房既大師傅都好nice！！！而且呢咁多個月不斷都會有新嘅煲推出，不斷創新P.S. sorry今晚食辣雞煲& 醉雞煲（真係好香藥材味）一黎到已經幾對筷子夾到得返個底無影相，所以淨係記得影餸，有機會大家親自試下啦！

果日心血來潮突然之間想食雞煲跟住諗住試吓呢間一入到去嘅嘢飲種類好多除咗任食雞煲佢仲有好多唔同種類嘅小食可以叫即叫即炸女店員用心服務又會睇我哋要唔要加下啲雞雖然地方細但嗰日唔駛等就有位不過如果去食建議打電話訂定位咁就唔使嘥時間等小店來講都算抵食Great location for chicken pot Various foods available in hereAnd the staff are friendly and helpful

沙田廣源村都有雞煲火鍋放題？即叫即炸小食，雞煲即煮熱辣辣，飲品都好多選擇，仲有啤酒任飲，任飲任食兩個鐘，有雞煲，打邊爐，即炸小食，開胃涼拌小食，冇加一服務費，超級抵食，雞煲啲雞好滑好入味，食完雞煲仲可以轉湯底打邊爐，火鍋配料都好多選擇，外賣自取仲有九折優惠，仲有網上平台送外賣，吾想出街都可以食到雞煲

聽朋友講，有間雞煲任飲任食，系廣源村？搵左好耐前身係做（粥麵），坐低即刻有老闆娘招呼問叫小食先，食住等雞煲即煮，小食都系即炸好好食飲品都好多選擇，仲有啤酒任飲，雞煲真係好好食，叫左小辣岩晒口味，雞又好滑好入味，食完雞煲仲可以轉湯底，老闆娘就提議追加雲吞雞湯鍋，有湯飲又可以打邊爐，湯底好濃好甜，雲吞吸晒湯底好正，雞一樣好滑好鮮甜，另一個吾同既口味，難搵啲都值得一去，下次帶埋朋友再去幫襯，聽到隔離枱講專程揸車黎食，真係好西利，下次可以試吓招牌牛腩煲，今晚實在太滿足，價錢大眾化，廚師用心制作真系好難得

已經黎過食好多次，因為真係太好食🤤🤤雞煲$178任食兩個鐘，仲可以無限refill雞同小食，食完雞仲可以打邊爐老闆娘好好人好熱情會同我地傾計。如果唔想堂食都可以外賣，但個人認為堂食會抵D推薦👍🏻👍🏻

去完迪迪尼回程中，問老婆去邊樹食(清清哋) 最後係 "開飯" 搜尋， 只揀沙田>自助餐>雞煲，突然出現咗一間係屋企附近嘅店名 "廣源雞煲", 即刻回家泊車，仲要放低小女同老婆去撐枱脚開飯.一入已經問有無訂枱(唔係 fa).......!? ok睇吓點雞煲一到, 係想像中嗰隻，一食, 一間小店點會有咁嘅水準， 仲要咁嘅價錢，還有無限追, 嗰 d小食都好有水準，炸雲吞大大隻蝦，炸白芝麻球係即炸嘅煎堆小心6親個咀, 我再追加"安格斯牛小排"$40比佢啦。再講咁嘅價錢，仲有任飲，我哋嚟 d食客一定唔會輸，唔講啦繼續開飯。總之掂！ 掂！ 掂！

雞煲好味，可以追加麻辣雞。推介！有脆口炸物小食。打邊爐配料未算新鮮，但有雞煲麻辣味搭救，依然好味。老板娘似某藝人，有果句講果句👍🏼支持小店！，雖然枱係細左d, 看圖不多說。

琴晚去咗廣源邨探朋友,見到附近竟然有雞煲食,試下先!入到去環境乾淨企理,坐得都係舒服,夠冷氣又有電睇.178蚊有麻辣雞煲同埋雲吞雞煲兩款畀你任食,我就試下麻辣雞煲先!入面配料好多,雞都起碼有10舊,夠麻夠辣,食欲大增!!除左雞煲,仲有其他小食炸物,值得一讚嘅係炸嘢一d都唔求其,炸燒賣炸雲吞唔會炸到油淋淋,食落乾身脆口!最後再叫左一d火鍋配料,中規中矩.本身仲想叫多一個雲吞雞煲,但已經太飽啦,留返下次吧~~總體嚟講,雖然小店但食物有心思,多款式,食得飽飽價錢又唔貴,值得再去~~

在廣源居住多年，以前打邊爐基本上都要出外面，仲要排餐飽先有得食，其實好耐之前已經知有間雞煲開左，睇完有文章比負評，但見係正樓下咁方便，就照膽粗粗去試下。我叫左個麻辣雞煲（唔辣，半隻），味道夠，食到咁上下老闆娘仲會問洗唔洗追雞，我冇追，怕同老婆2人食唔晒，就直入打邊爐環節，叫左肥牛，丸類，菜，腸既食物，質素唔錯，肥牛亦唔會只得脂肪，飲品就唔係大路個d可樂系列，但有烏龍茶任飲，正合本人口味。食緊途中，有見到有人外面望2眼就冇入黎，應該係同我之前諗法一樣，屋村野唔方會好，加上廣源食咁多年，冇咩邊間會唔出事😱，但呢間我就會選擇會回頭食，因環境衛生唔錯，地板冇油膩既感覺，食物質素亦ok。

百幾蚊沒加一，任食雞煲火鍋配料，又有其他熟嘅小食，嘢飲種類多任飲，一個字「抵」之前試過麻辣雞煲，下次可以試吓雲吞雞煲。老闆娘好好人，不停問我地夠唔夠食，使唔使叫多個雞煲（雞煲免費添食，佢都唔怕洩底，我都唔客氣食多個雞煲）

得雞煲叫好食D，但其他材料不新鲜，想食果D又無哂，老闆娘很計較，無下次，牛肉又肥又有so味，鲩魚又梅，材料全部平價貨，好似好多選擇，其實就無選擇，飲多罐野都叫你諗清楚才好攞，驚死你飲蝕佢

好好味雞煲星期日夜晚9點三條友，行入呢間前身係食粥麵而家轉型做雞煲既鋪頭，抱住一試無妨既心態，點知真係無揀錯，好正首先，叫左麻辣雞煲（唔辣），無錯，真係可以叫麻辣雞煲而唔辣，佢係有麻味，無辣味，好香好惹味，啱哂我呢d一d都唔食得辣既人！食完仲可以refill 另一種雞煲「雲呑雞」今次唔係太肚餓，下次試！雞煲未到前可以叫d小食先雞件無限任加$158 兩個鐘任飲任食，水準高！下次唔使出九龍食喇老闆老闆娘好nice