京都一の傳 (Closed)

比舖面既和風日式🎎🎏裝修吸引左去試好貼心♥️有提供一次性發大既厚身濕紙巾職員都好留意跟進客人既需要～🎎海膽葱吞拿魚飯$358比較淡味，海膽同吞拿魚都唔太出味，吞拿魚無油香味。呢個價錢失望😕🎎燒海膽年糕$88 4件海膽正常，味道都係有點偏淡。個人覺得海膽同燒年糕唔夾，年糕因為燒過有少少焦味，食落麻麻地🎎鰻魚出汁蛋卷 $88 6件唔錯👍有蛋香味🥚熱辣辣食，咬落去有鰻魚汁流出黎🎎汁燒日本魷魚🦑$158燒汁味比較淡，魷魚大隻既，但口感唔係好新鮮彈牙🎎軟殼蟹天婦羅配辣味他他醬🦀$118無軟殼蟹既香味，而且有d細隻。個醬唔辣，味道幾好❣總括黎講，呢間舖既食物我同朋友都覺得係比較淡味。味道都普通，唔出色😛有d失望，價錢貴，但食物質素不相乎呢d價錢可以有更多選擇❗ 而且menu好多壽司都停售，選擇好少😅

之前食過依間的午餐覺得都仲算不錯，2/3百蚊就有一個定食，見到咁靚咁多野食其實真心覺得還不錯諗住同屋企人星期六好好食餐晚餐，入到去人客不算太多，環境都舒適。 但對食物方面就十分失望打開menu 絕大多數的飯類面類都貼住「暫時不提供」，一心入嚟諗住同屋企人試下和牛同煎銀鱈魚，見到價錢同lunch set一樣，但原來係單點嘅價錢，姐係同lunch set一樣價但晚餐你淨係得條魚食 當你食過lunch知咩價同有咩野食你就唔會叫得落佢晚餐嘅價錢。 唔緊要，晚餐當然係會貴啲，我接受。我地諗住叫個和牛涮涮鍋，見相有前菜又有飯，$4百幾蚊我覺得都值吖。點知再問下侍應先知$4百幾蚊都係唔跟飯，飯要另加$38屋企老人家冇啖飯唔得，咁我地見成日食飯咪加個$38烏冬。。。一嚟到我真係笑咗出聲，價錢$38嘅烏冬只有普通飯碗的一半。我地覺得你咁大間鋪又整到高高級級咁，點解要做到咁肉酸我唔係唔肯比貴啲食，但$4百幾蚊飯都冇碗都算，我加錢要個烏冬，你比得半碗飯碗嘅份量，其實真係好醜我地想叫多個魚生飯又話賣哂冇飯，我知你高級餐廳可以用海港城coupon已經係大恩大德，但做到咁真係唔會再有回頭客。 就連坐低果杯熱茶都冇

有coupon 緊係要食盡佢, 今次揀左來自日本京都的日本料理餐廳，京都一の傳Lunch set除左主食，仲附有前菜、沙律、漬物，味噌湯、甜品，賣相精緻，好豐富熊本A4和牛丼贅沢御膳油脂感爆棚, 加埋蛋黃, 入口非常順滑, 配埋紅蔥油、飯素，撈飯食好開胃隨餐竟然有埋名物西京燒銀鰤鯧, 同幾款刺身, 呢個餐真係好抵食!另一個就揀左藏味噌漬銀鱈魚定食, 雖然魚的份量不大，但油份果然好高, 又係入口即溶, 超級嫩滑因為用甜味噌整，入口甜甜地，好岩送飯，不錯~

大家終於生活如常出街購物吃飯，衆多商場中，我覺得九倉的時代廣場及海港城推出的優惠最積極，我亦不例外，反正想買，有回贈自然可以越買越開心，購物之後獲送了若干美食現金卷，這個月過海多次來覓食，未嘗不是一件賞心樂事！ 原來有家過江龍，「京都一の傳」本店在日本京都已近百年歷史的西京燒專門店，「藏味噌漬」之口味最為經典。 香港是唯一海外店，位於海洋中心四樓自成一角，裝潢別具風味，我們坐外面桌椅，感覺開揚。 藏味噌漬．銀鱈魚 $258據店方資料，西京燒醬汁來自發酵三年的澤井丸大豆二度熟成醬油，以及100％赤穂海水製成的天然鹽「赤穂の天塩」，醃漬兩晚而成。然後直接以細火慢烤製，烤至魚肉間的脂肪融化，魚塊就慢慢變成西京漬特有的麥牙焦糖色。以竹葉包著出場別樹一格，取走竹簽拆開，即見肥美鱈魚一塊，魚皮焦脆深色，魚肉沾上焦香，果然外層甘香，咬下肉質非常嫩滑，口感一流，非常美味，不失為招牌，不過份量不多！  燒海膽年糕 $88這個組合有新意，海膽甘甜新鮮，入口即化的期間與煙韌年糕混合在口中，延長了口福之樂。 鹽燒牛舌 $78厚切牛舌倍增口感，吃得份外滋味，燒功及調味恰到好處，有焦香而沒有焦燶就是最佳效果。 和

第一次光顧，入座印象已經很差，冇指示，令訂咗位嘅人同walk-in 客一齊排隊等入座已經好不知所謂⋯⋯此餐廳應該想sell 正宗京都料理，但係除咗裝修懶日式其他全部唔掂未見過正宗日式料理店只奉清水，如果要茶需另外收費，另外收費也不緊要，其實我唔介意你另外收我茶錢，但係唔該唔好當我哋揀咗茶後仲要問我哋要幾多隻杯，OMG⋯⋯是酒樓開幾多位茶嗎？！食物種類少得可憐，所有壽司停售（當時只是六點），很多食物都冇供應，最後只可叫一個差唔多枱枱都order 但係一啲都唔好食嘅和牛涮涮鍋，另加一客燒牛舌（燒到乾晒）同埋炸到食完胃痛嘅吉列豬扒同埋超市都買到嘅加熱燒鰻魚（已經冇心機影相做紀錄）⋯火煱嘅湯底冇味，野菜也不是日本貨，另外加點嘅白飯都幾肯定唔係用日本米，真心想問海港城狂推消費送飲食coupon 係咪令到有啲無良歺廳將貨就價，因為咁嘅價錢食啲咁嘅嘢一啲都唔值

係我暫時食過最難食的貴價餐廳。平時覺得難食，但人哋平，算數；平時覺得好貴，但人哋食物質素算係正常，都覺得算。但今次大大大大中伏！如果唔係有$500海港城現金券，呢餐要埋單$1309！我兩個人埋單$809食咗咩？第一樣係又熱又臭嘅海膽年糕，海膽嗰種係臭廁所嗰種，我嘔返出嚟；第二樣係池魚加刺身盛合，質素仲差過爭鮮，暖嘅、唔新鮮、口感又差；第三樣係A4和牛，未試食咁垃圾嘅和牛，有筋、咬唔斷，一碟有幾塊，只有一塊係吞得落，其他完全吞唔落，一啲都唔似和牛；第四樣已經冇期望嘅鰻魚玉子，俾佢整到突破左平日的觀感，原來鰻魚同玉子可以咁唔夾！係唔夾呀！仲鰻魚多骨到癲！我好後悔一次過叫咗呢幾樣！因為當時太肚餓蒙蔽左雙眼！大家如果真係要試，我諗應該只有日式鍋可以一試？我見其他枱都叫日式鍋⋯⋯而我就⋯⋯大中伏！返到家真係係咁反胃想嘔，但冇嘔到啲乜，因為今餐啲嘢好多都難食到入唔到口⋯⋯

有幾張海港城飲食coupon，諗住最後一日用埋佢，周圍都勁多人，誤打誤撞搵咗呢間餐廳算唔洗等太耐。1）海膽豚肉涮涮鍋$398湯底加入左海膽，有海膽的鮮甜味，愈煲愈濃！不過豚肉份量比較少2）追加A4和牛肉$248牛肉油脂分布平均，厚度適中，入口軟滑3）追加稻庭烏冬$38好入味！唯一就係份量太少了！一個小碗的份量整體味道是不錯的，如沒有coupon 就不會考慮了，性價比有點低

用海港城coupon食飯，我最鍾意嚟呢間，性價比超級高。呢間餐廳lunch hour好full，最好預早喺OpenRice book定位，非常方便。今次我哋叫咗特上海膽吞拿魚蓉飯($388)，用嘅應該係日本海膽，非常濃味，吞拿魚蓉亦都非常新鮮，價錢係偏貴咗少少，但係都算OK。至於我就叫咗特上天婦羅定食，超級豐富， Potion極大，一個成年男人食完都覺得超級飽。天婦羅包括兩隻炸蝦，超長鰻魚，蛋，茄子，南瓜，冬菇，等等，超級滿足，正價$228，用完coupon$128超級抵食，我極力推介👍🏻

食物質素可以但價錢偏貴。中午排隊等個半鐘可以食。重點係reception小姐態度極度差劣 ，非常傲慢，缺乏耐性，西面回答問題而店內部分員工態度很差，急需再培訓顧客服務！！應該唔會再光顧。

朋友有海港城100元優惠劵，所以選擇了這間餐廳午膳。侍應有示意用餐限時，入座後，便立即下單。沙律新鮮但定食的糕點，質感奇怪，恕我不懂欣賞。湯羹味道不錯，另外，蒸蛋亦嫩滑。銀雪魚定食，魚的份量不大，味道一般，不過不失。刺身茶漬定食，提供茶湯，自己亦要動手磨芝麻，傳統文化還是要自己感受一下。刺身尚算新鮮多元化，但不算是高級魚生。如果用原價品嚐，就不太值了。飯加上茶漬後，配上刺身，味道會更好一點。最後，還有小蛋糕作甜品。場內午膳時間坐滿，如果有優惠卷也可以一試。預先在開飯啦預訂座位，簡單又方便。

有些餐廳沒事兒真的未必會考慮，特別是有Coupon才會吃海港城內的餐廳。京都一の傳 - 來自日本京都，主要食輕懷石料理晚上7點多需要等位，可以留電話，待有位時會有電話通知。最終都是等了30分鐘設有內外座位，店內有一個小小的園藝景致，整體氣氛幾柔和。不過讓人失望的是餐牌上近乎一半的都沒供應，最後只能點一個涮涮鍋和小食。海膽出汁豚肉涮涮鍋 ($398) - 以鰹魚高湯加入海膽熬製的湯底比較少見，顏色橙橙的看起來很誘人。店員會先幫忙將蔬菜放進鍋內，水滾後更香更濃郁了！番薯十分甜、冬菇很厚肉、豆腐亦很滑嫩，配料看起來十分豐富也格外鮮甜。相比下肥美的豚腩片份量少，吸收湯汁後很美味，完全不用再沾醬吃。忌廉芝士天婦羅 ($68) & 燒海膽年糕 ($88) 前者的芝士好濃郁，如果空口吃第二粒已經覺得有點膩，當中還有紫蘇葉。後者的燒年糕和海膽都是我喜歡吃的，這樣子配合來吃很適合呢！外脆內軟的年糕，煙韌得來富有米香，配上海膽和紫菜，口感或味道層次都很豐富。

📍#京都一の傳 #MFJ尖沙咀 #MFJ日本菜人均消費: HKD316Bookmarked @ichinoden 咗好一段時間，咁啱嚟到海港城，梗係試吓啦！佢哋有落場時間，等到六點就可以晚市！餐牌選擇都OK，唔算好少！問題係啱啱開返晚市，好多想食嘅嘢都冇得食😭 👎🏻鰻魚出汁蛋卷🍳$88又話出汁蛋卷，汁都無一滴！個蛋卷乾爭爭又唔香，鰻魚又薄又細粒得可憐，食完都食唔到有鰻魚味，好勉強先食到2/3 😅🆗海膽蔥吞拿魚蓉飯🍱$358連埋加一，呢個海膽蔥吞拿魚蓉飯差唔多要$400！海膽係新鮮嘅，但係吞拿魚蓉完全冇味，蔥得嗰幾粒！$400真係唔期望得呢個質素🙈👎🏻天婦羅蝦烏冬🍤$128連埋加一$140碗烏冬，真係超級細碗…第一次食天婦羅會浸住喺碗烏冬入面，上枱嘅時候個天婦羅已經淋晒，唔知以為自己食緊腐皮，湯底有冇味😭今次真係非常非常之失望！雖然餐廳環境唔錯，但食物真係唔好食，而且份量又細，性價比非常低！雖然佢出名食西京燒但我無食，不過唔係主打嘅都無可能咁差吧❌#mfoodjournal #instagfood #foodstagram #hkfoodstagram #foodie #hkf

之前換左啲海港城嘅優惠券就快過期，所以就諗住試吓呢一間日本餐廳！今次喺星期日既午餐時間去食，餐廳都比較繁忙，好彩一早訂左位唔洗等！我哋揀咗日式吉列黑豚定食，加$18有指定飲品。前菜有沙律，啲菜好新鮮爽口，之後等咗一陣就上主菜，塊吉列黑豚豬扒炸得好鬆脆，肉質好厚但比較多肥膏，蒸蛋好滑，入口即溶!其他配菜的味道不過不失！食完會有餐後甜點，細細個草莓蛋糕仔，都幾好食既！如果用海港城嘅優惠券埋單都幾抵食，平咗接近半價！

今日同朋友係海港城行街，因為喺星期六冇book位，所以冇一間餐廳有位。我同朋友搵到這間日本菜有位，所以入左去。入到去一打開餐牌就知伏了，這間餐廳的價錢貴到嘔泡，我同朋友各自叫了一個涮涮鍋。這個涮涮鍋$388(未計加一)，只有少許雜菜，得果幾片魚都唔係問題。在餐牌上的圖片有白飯，但是我地問店員時店員話要額外加錢，餐牌本身圖片與事實不符，有少少誤導的成份。但是值得稱讚的是餐廳服務員有禮貌，服務良好十分滿意。廚房的食物質素、味道及出品都很好，十分滿意。只不過餐廳菜品的份量以及菜式所用的食材方面去考慮的話。現時餐廳的定價偏高，導致性價比偏低的問題。我認為這是餐廳本身定價方面的問題，與前線員工無關。

依間嘢由佢開嗰陣我已經嘗試一直冇機會趁着我又將海港城coupon就嚟試吓入到去發現其實lunch都幾貴全部摸埋都三舊水起埋單就算200都係200尾本來想試壽喜燒因為得1個鐘食飯所以就唔叫鍋啦轉左試呢個都係日本牛嘅飯份量比較少啱我細胃人士個飯其實都幾好食汁有啲似日本燒汁旁邊有啲芝麻蒜汁 非常惹味但我個人略嫌會搶咗本身牛嘅肉味依個牛都同佢好match有輕微入口會溶化不過就紙咁薄而且肉嘅份量都少唔太夠喉其他小菜不過不失比較驚訝嘅係佢遞過嚟嘅一杯水咁嘅價位估唔到係無杯茶飲吓而係有陣膠味嘅水喉水