京都食堂

Open Now

Now Closed

【西貢區】【京都食堂】同朋友去咗康城睇展覽，喺康城搵埋嘢食。點知嗰日可能適逢係放假，成個康城鬼咁多人，間間餐廳都好似爆晒咁。我哋要行到溜冰場附近，先見到呢間日本嘢有位。好啦，咁就入去啦。入到去坐低見到佢哋有下午茶套餐，就各自叫咗一個嚟食，平啲吖嘛。我食 $62 嘅「特濃蝦湯帆立貝野菜稻庭烏冬」，正正常常啦，蝦湯未去到話特濃咁嘅級別，成本嘢嘅賣相亦都好普通。不過又咁講，佢呢個價錢有埋嘢飲，我配埋「日本 Sangaria 提子梳打」，加埋溜冰場風景同埋尚算周到嘅服務，咁呢碗嘢又唔算話貴嘅。朋友食 $88 嘅「三色丼」，有蟹籽、三文魚兩切、象拔蚌三切，飲「日本Sangaria清爽橙汁」，佢話一般啦。我哋叫咗兩款追加小食，有 $24 嘅四件「日式煎餃子」同 $32 嘅三條「芝士蝦春卷」，不過不失啦。埋單 $227，就冇乜機會有下次喇。。。（地址：將軍澳康城路1號The LOHAS康城3樓319號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

自從佢轉咗手之後，第一次嚟堂食，今晚食咗個二人餐水準三大兩細，食到飽飽。最抵讚佢有得優惠價追加，追加咗個烏冬份量同一個正常烏冬咁大😌。前菜試咗個蟹籽沙律，份量足，沙律入邊有青瓜，冇出水，似係新鮮整。加州手卷有三件，正常嘢。但叫做有心思擺下盤。主菜叫咗個海鮮鐵板，如果鍾意食牛可以另加錢轉牛。個海鮮鐵板都幾足料有一大嚿銀鱈魚，半隻大蝦，兩個大帆立貝，仲有薯菜做配菜。舊魚煎得幾滑，隻蝦略嫌太乾身。但總括嚟講，價錢算性價比高 ，份量足料。

同朋友附近玩完，去左呢間餐廳員工禮貌好好，一坐底，即刻有茶飲叫左個二人餐，真係抵食😍😍300靚蚊，有扒，有丼，有壽司扒，我覺得真心高質既👍🏻👍🏻👍🏻只要起社交媒體網站讚好，又有雪糕，我嗌左紅豆味，係真係有紅豆，正😋😋😋

入餐廳order 左食物，過10分鐘有另一枱入坐。 但另一枱既食物上哂以及都食得差不多，我地份餐都未serve……其實我只係叫左個豚肉烏冬下午茶，由好餓等到唔餓了 🥲I can totally bear with less servers or less staff under severe weather conditions with typhoon T3 hoisted, but I can’t stand with seeing other tables being served and they almost gobbled up all their food, while I am still waiting hungrily for this Udon.

位於日出康城既一間日式料理，主打鐵板扒同石鍋飯，種類唔多，但環境同座位舒適。餐點大致正常水準，但鰻魚石鍋飯嘅鰻魚都好入味🤤三文魚丼飯，三文魚肉質新鮮不過啲飯就麻麻哋，好似硬地有啲未熟😂但係整體嚟講都係好味嘅。環境好寬敞闊落，服務員都好細心。不過如果多啲種類揀就會好啲😂另外而家follow或者like佢嘅社交平台，仲會送一球雪糕。所以可以值得去試吓，另外唔係住呢頭嘅揸車嚟的話仲可以有免費泊車

這間餐廳食物質素可以。有時候會買外賣。但是問題是他們會將所有的外賣放在餐廳門口的架上，而我發現那個位置剛剛對正一個非常大風的冷氣風口，那些熱騰騰的外賣好快就已經吹到凍晒。其實間餐廳嘅老闆同職員點會唔知，係佢哋跟本唔理。所以呢間又係一間普遍唔細心唔理會客人嘅食物嘅餐廳。我的鄰居一樣發現有這問題，希望佢哋會改善。另外他們的職員一般都沒有禮貌，永遠都聽不到他們會說一句多謝。就算行入去的時候，客人都好像要讓他們的職員先行。

星期五晚餐食都唔係好需要排隊～基本上係可以即刻入座！叫咗個鐵板赤雞扒食醬汁方面可以揀 日式燒汁/日式山椒燒汁（辣）因為唔食得辣，就揀咗日食燒汁塊雞扒好Juicy 同個醬汁好match好惹味熱辣辣咁食～好滿足～雖然出菜要等少少時間但係整體嚟講都好好食嘅 又唔係好貴幾抵食~~P.S. 如果真係肚餓嘅話，建議叫返丼飯/魚生/壽司嗰啲，因為當日我都好肚餓真係要等一陣先上到菜好彩上到菜都覺得等得值得始終叫得鐵板都預咗㗎啦☺️

來康城睇戲，唔想食連鎖店，揀咗果間日式餐廳，見到餐牌好吸引，就想試下牛扒。🌟鐵板紐西蘭肉眼扒 128180g的牛扒如此這般薄，要的7成上來變成幾乎全熟…日式燒汁更是敗筆，整套餐變得非常甜。同餐牌也不一樣，沒有秋葵而是粟米西蘭花，質素一下子差咗好多，128完全唔抵沒有加set，加set是28🌟生薑野菌牛肉石鍋飯 78餐牌也是好吸引，端上來超小一碗，味道尚可衛生尚可，餐廳靠近冰場，view不錯，食物cp值稍低…

康城商場好似好多餐廳，但係真係冇乜邊幾間好食…呢間京都食堂都唔例外…小朋友各自叫咗個兒童餐，係呢餐飯最正常最好食嘅！個粉紅卷甜甜地幾好食，個烏冬都正常。但係咁樣都成$78…值得一讚係本身我哋想將個大福轉做泡芙，但係最後尾都係上返大福俾我哋。同佢哋講之後佢哋另外送咗兩件泡芙俾我哋。姐姐叫咗個芝士吉列豬扒石鍋飯，熱辣辣上枱，都有飯焦。但係個吉列豬扒皮肉分離，又韌…都食晒老公叫咗個鐵板牛扒，賣相唔錯，但係味道同埋牛扒質地好一般…到我嗰個簡直係終極失望…日本餐廳…角切刺身飯應該係穩陣嘅，但係難食到食咗一半就拜拜啦…有帆立貝,但係冇三文魚…好多希靈魚同埋啲好韌嘅魚…個飯又唔好食…應該短時間之內都唔會再幫襯…仲有佢掛喺近溜冰場嗰邊啲布料，全部都發晒霉…有啲反胃

假日嘅康城，周圍都擠滿人，食肆一位難求，求其去咗間響溜冰場隔離嘅《京都食堂》，見佢門口好hard sell鐵板扒，仲以為唔差得去邊，結果係伏到一個點，質素仲差過連鎖快餐店！🍴吉列多春魚 $36⭐️好普通嘅多春魚一客只得4條，上枱夠熱辣辣，不過炸漿較厚較硬，口感唔多ok兼唔抵食。🍴鐵板紐西蘭肉眼扒 $128x2 + 芝士 $12⭐️估唔到180g嘅肉眼扒薄成咁，叫5成熟上到枱竟然變咗8、9成熟，幸好肉質唔韌，不過個燒汁實在太甜太難食，好彩仲有個芝士醬補鑊，起碼cover到個甜味，至於薯條，唔熱兼硬不知所謂。二人共消費：$335

#日式料理# #日式庭院# #餐厅推荐# #美食打卡# #料理# #吃货日常# #好吃#星期天外出食飯 知道啦，這是鐵板牛扒 西冷扒味道還可以，可是肉眼好像在吃湯渣，真的不行！店內嘅服務出奇的好！我們帶了小朋友 坐下，他就為我們準備兒童餐具 而且在飯餐中不停為我們添水埋單$400左右，星期天吃一般般吧！餐廳的位置蠻不錯的，因為可以望到溜冰場！環境⭐️⭐️⭐️⭐️味道⭐️服務⭐️⭐️⭐️

去不了京都，那就去 京都食堂 😳🫣［坐得蠻舒服，旁邊底下是溜冰場⛸️］［還有追蹤送雪糕🤭🍨💚］———🫧伊比利黑豚肉眼拼雞扒 $108 山椒汁有四川麻辣的那種麻和香😳很開胃，我薯條也是沾這個醬吃 hehe 豬和雞也蠻不錯、肉多也嫩，旁邊還有兩根蔬菜😂一點小酸菜、薯條、蒜蓉超脆包🫧芝士薯條$32 醬沒有很多🙂‍↕️🫧蟹盛石鍋飯$118看起來很開心的三重蟹蟹蟹石鍋飯，比想像中迷你，所以那些蟹家族看起來蠻多。拌著飯吃是不錯吃🦀追蹤送冰淇淋🍦！有抹茶🍵和紅豆🫘兩種口味選擇✌🏿

1. 鐵板紐西蘭肉眼扒 (180g) $128肉眼扒上枱熱辣辣滋滋聲，扒底下有6條粗既扭紋薯條，餐廳非常細心會燒汁另上，令到薯條冇俾醬汁整到腍曬，同時冇因為啲蒸氣搞到肉眼扒太熟；肉眼扒大約7成熟，好香牛味，而且比出面嘅鐵板牛扒厚身，肉質正常，完全唔韌，而燒汁同牛扒好夾，吊起到牛味，令味道更有變化。🌟評分: 7/102. 鐵板煎霜降一口牛 $68入面有洋蔥同埋啲菇吸收晒成個醬汁，啲菇係呢個小食嘅精華，非常之啱餸飯一齊食，牛肉非常之腍，呢隻腍係自然係腍唔係用鬆肉粉個隻，牛味更加濃，食落有肉汁好惹味。🌟評分: 8/103. 三色丼 - 三文魚·蟹籽·油甘魚 $138三文魚非常之厚切，而且係近魚腩既部位，所以非常肥美，味道非常鮮甜；油甘魚亦都係厚切，口感鮮嫩，完全唔腥，而且又冇筋；蟹籽份量好多，每一啖都食到蟹籽嘅爽脆，令到啲飯增加左口感。🌟評分: 8/104. 明太子海苔飯 $18上面有好大啖明太子，配上海苔飯，食落鹹鹹香香，帶少少辣嘅後勁，飯粒粒分明。 🌟評分: 7/10🎖️整體評分🎖️❤️ 味道: 7.5/10🧡 環境: 8/10💛 服務: 8/10💙 性價比: 8/10 📍京都食堂 (將軍澳)

康城新店，主打平民鐵板燒，鋪頭座落於The LOHAS，即係康城站B出口上扶手電梯，一出果層就係三樓，行到商場最尾的溜冰場隔離就係。行係遠左少少，不過勝在室內環境勁大，坐得好舒服。黎開康城玩可以試下~依家康城好多人，商場好多專賣小朋友野既鋪頭，都可以話係當地特色了。唔知係咪因為咁，所以鋪頭都好重視食物賣相，色香味俱全先吸引到細路仔，家長先肯做回頭客鐵板紐西蘭牛柳 148鐵板紐西蘭肉眼扒 128鐵板伊比利黑豚肉眼拼雞扒 108(配定食再+28)好食!佢地的鐵板唔係茶餐廳果種黑色鐵板，溫度我覺得無扒房果D鐵板咁高，咁做會安全啲，賣相都會好睇啲，影出黎色系亦夾番間鋪。牛肉嫩得黎有牛肉鮮味，本身個餐有薯條，女仔的話唔洗叫set都夠食，男仔都要加個set，有飯有湯有沙律。我自己食到最尾係差少少食唔哂個set既兩個牛餐各有千秋，有驚喜既係拼扒餐，好靚。好少先賣相咁好既雜扒鐵板。==============================蒲燒鰻魚泡菜石鍋飯 108賣相又係非常好，不過石鍋好似唔太熱，無乜飯焦。我覺得係因為要就番呢個區太多小朋友，所以控制左溫度，一陣小朋友摸到個鍋，可大可小。係貼心既安

晚餐去食，坐滿人，我地叫左個三色丼同個鐵板扒。其實佢啲嘢食係ok，價錢亦ok，但最衰鐵板類等到2046都未到。強烈建議如果真係要去，可以叫丼飯，快好多。唔知係咪有order先開始燒鐵板，定還是佢廚房極缺人，我諗佢地真係要搞搞佢，一係請多啲人，一係執吓個流程，如果唔係我諗佢執得快過山一。