久兵衛外賣壽司店 (Closed)

外賣都可以食得好好，紅磡新開咗間壽司刺身外賣店，同平時食到嘅唔同，佢有好多高質嘅魚生，啱晒鍾意食日本野嘅大家。第一眼就睇中佢海報個招牌丼飯-久兵衛丼，有好多款刺身喺上面，好似唔錯，一於就試吓啦。佢打包得好好，除咗wasabi同豉油，竟然仲有薑，最貼心係有包消毒濕紙巾同冰袋。 返到屋企仲keep到好新鮮，尤其海膽有驚喜，夠鮮甜，唔比普通壽司店差，仲有拖羅，都好肥美。其他仲有三文魚、油甘魚、赤蝦、池魚、左邊魚、北極貝、魷魚、飛魚子、蟹柳，都真係幾豐富，$150都好合理。食完真係好夠飽，唔錯。

經過黃埔見開咗間新嘅壽司外賣店，見師傅即場製作壽司刺身，款式選擇都幾多，就決定幫襯買個丼飯食吓。久兵衛丼 $150揀咗呢款鋪頭嘅招牌丼飯，入面有多款高級魚生食材，好似油脂香濃嘅拖羅同油甘魚、甘甜creamy嘅海膽、滑溜嘅左口魚邊、爽脆嘅北寄貝、鮮甜水嫩嘅帆立貝、爽彈嘅赤蝦，仲有魷魚、三文魚、深海池魚、飛魚子，非常之豐富。魚生鋪滿成個丼飯，份量十足，而且食得出都好新鮮。新開期內仲送甜品添，今日就係卷蛋。卷蛋口感鬆軟綿密，入面嘅忌廉幼滑，唔錯。。。久兵衛外賣壽司店 (紅磡)紅磡德民街36-60號5N地舖。。

黃埔站B出口對出，新開壽司外賣店，各款壽司都是即叫即做，更有抵食的午市定食，價錢親民。店內有供應多款壽司、便當、小卷、刺身、炸物及盛盒，種類繁多！今次試了抵食的三文魚盛合，新張期內還送甜品。三文魚盛合 $75三文魚 2 貫 ，三文魚腩 2 貫，燒三文魚 2 貫，辣三文魚軍艦 2 貫三文魚卷 6件三文魚愛好者必點精選！價錢相當超值！辣三文魚軍艦調味很出色，辣三文魚肉大大塊而不是切碎的，更有口感！燒三文魚壽司，油脂滿滿充滿幸福感！

自從疫情關係，好多香港人都改變左生活方式，而好多嘅餐店外賣都十分精緻，仲有好多專門做外賣嘅店舖添🥡，而壽司外賣是不少香港人至愛，仲要炎炎夏日壽司真係最好選擇😎舖頭一向出名用料新鮮，而且份量慷慨，定價相宜，壽司都是即叫即握，保證新鮮，有午市壽司定食，十多件時令壽司，非常抵食壽司🍣外賣服務共有5大類可選，如壽司、便當、小卷、壽司俑和盛盒，選擇相當多！日本板海膽配日本鮪拖羅飯 $180滿滿既拖羅加埋海膽，呢個價錢真係好合理，仲要新張期有埋甜品送，非常滿足💯

🍣久兵衛外賣壽司店🍣📍:紅磡德民街36-60號5N地舖⏰:12:00pm-10:30pm近排夜晚咁啱經過黃埔 見到呢間新開嘅外賣壽司店 好似好吸引🤣呢間外賣店嘅位置好方便 一出地鐵站就見到 於是買咗外賣壽司返屋企同男朋友share🙈價錢都幾抵食 款式選擇都好多 睇到眼花撩亂 最緊要係即叫即做好新鮮🥳拖羅盛合14件(拖羅、吞拿魚、燒拖羅、辣吞拿魚拖羅卷)呢款真係大推 味道猶如日式餐廳嘅質素 順帶一提 佢哋喺尖沙咀 #晴空 新開嘅外賣分店 拖羅滿滿嘅油脂 啖啖肉好新鮮 輕輕炙燒過可以逼出更多油份 口感一流🙈滿滿嘅吞拿魚蓉卷成拖羅卷 雙重嘅口感 真係極度豐富 加上壽司俠上邊有好多日式嘅裝飾 睇得出小店好有心思 值得大家支持✨隨餐會附送迷你蛋捲 雪凍咗做飯後甜品一流🤣海膽拖羅丼叫咗第二款同男朋友一齊share 海膽好新鮮 唔會腥 一盒飯裏面有滿滿嘅海膽同拖羅 每一啖海膽拖羅都可以覆蓋住壽司飯食 好大嘅滿足感🤣橋頭甜酸漬/日本安納芋甜薯小食都好多選擇 揀咗兩款啱自己口味嘅 番薯好香甜 食落去軟糯又厚身 唔會好粉 好快比我食晒😂橋頭酸酸甜甜 好有咬口 味道唔錯🙌🏻

見屋企附近新開左間壽司店，咁岩嚟緊阿女搞生日會，決定訂嚟試下我地人數唔多，所以少少地訂咗小朋友最鍾意食嘅炸蝦卷，仲試埋炸魚柳卷，大人就叫咗壽司20貫個炸蝦卷同炸魚卷，小朋友食到唔停得口，秒殺食哂，早知訂多啲啦味道真係同元X 個啲唔同，無論係飯定餡都新鮮好味好多，食得出係即刻整個壽司20貫簡直正到暈，完全係超乎想像，冇諗過細細間外賣壽司店會有呢種質素，味道拍得住omakase! 絕對冇誇張絕對係性價比極高食完已經諗緊邊日再買過

今日經過黃埔 見到呢間新開嘅外賣壽司店 好似幾特別於是就入咗去買外賣返屋企同屋企人食 加上屋企人都比較鍾意食壽司🙌🏻價錢方面唔算貴 有好多選擇 最緊要係即叫即做 所以要等大約10分鐘左右 壽司就保證新鮮🙈🙈我哋叫咗幾款 小食方便佢哋一早整好咗 叫咗橋頭同甜番薯 亦都有好多唔同嘅小食可以叫 個人超級推薦佢哋嘅甜番薯 好嫩之餘仲有甜甜地嘅口味之後主食方面叫咗個拖羅拼盤 裏面有炙燒大拖羅 滿滿嘅油脂感 入口即溶好好味 吞拿魚蓉飯卷都好好食 一放入口滿滿嘅吞拿魚蓉 好足料豐富😂超級推介！如果下次經過黃埔一定要再買 新開嘅壽司店真係好值得大家去支持下🙌🏻🙌🏻推薦食拖羅