L.D.K. by Ufufu Café (新城市廣場) (Closed)

食物款式同撒利亞好似，由其係鐵板漢堡扒同意粉。不過所唔係好揀得落手，大部分都好普通的意粉，無咩特別想試，可能因為唔係出名意粉？當然味道好食過撒利亞ge,青醬蝦意粉比較特出，另外一個蕃茄海鮮意粉就普普通通。蛋包飯應該都係佢出名，但無咩特別。仲嗌左個三文魚沙律，兩男兩女食，真係未必夠飽....性價比就一般啦...最後一定要叫芭菲，好似係要食ge野，都好多款式，味道就正常啦。只要無咩期望，呢間餐廳都穩穩陣陣唔會難食。

日式西餐又多一個選擇, 同幾個朋友一齊食飯, 先到先等位。原來哩間野有限時, 我真係第一次食西餐比人係咁催交台(有好多吉位)。d野食係唔錯既, 鍋燒海鮮湯烏冬: 海鮮湯味濃, 蝦同青口冇雪味好新鮮, 烏冬彈牙入味, 牛舌咖哩蛋包飯: 牛舌好腍加蛋包飯好香濃甜口咖哩咪, 忌廉汁煙肉意粉: 忌廉汁creamy煙肉都ok多, 水牛城雞翼: 脆口熱辣辣新鮮, 加醬汁包住真係一流, 另加3杯野飲, 我個杯lattle就甜得濟。食物ok但服務真係一般, 食左一陣已經叫你埋單, 跟著又話要交台...

-•ᴥ• 每次去新城市廣場都想試試但每次很多人排隊難得經過時只是數人在排隊 就walkin 排隊試試.🇯🇵 總括來說是性價比很高的西日料理 🇯🇵.🍜 白咖哩烏冬完全我的style 🍜辣度剛剛好，我覺得是必吃的.🍤 蝦比預期多同好味 🍤本身我很喜歡吃蝦，原先沒有太大期待醬料酸酸的，很開胃，我覺得是必吃.男朋友的意粉，我覺得正常，可以不試.🌰 栗子抹茶甜品值得一試 🌰大家要留肚吃甜品，我吃到很飽都覺得很好味-

今日約左2個老死出黎食飯，因為地點關係，我地揀左大家都方便嘅沙田新城市食。LDK平時一直都好多人排隊，所以我預早攞左飛唔使等咁耐😝由於舖頭有90分鐘嘅時間限制，我地坐底馬上叫野食脆炸大蝦伴蛋黃醬好好味，又唔會太鹹九州風炸雞翼，夠晒入味😚我真係好鐘意食吞拿魚蓉飯嫁😆呢個飯仲要有海膽放面添！吞拿魚同海膽都好新鮮，正👍🏻👍🏻👍🏻吉列豚肉咖哩飯，咖哩好香、唔辣，但我覺得豚肉炸得有少少過火，略微硬身鹿兒島和牛漢堡扒佐咖哩蛋包飯，一流🤤🤤和牛漢堡扒，牛肉味重，肉香多汁，咖哩唔辣但夠晒香，配蛋包飯食最夾😍😍😍好在今日我好早到，攞定飛等枱，如果唔係真係有排等。不過真係好好食，等下都值得，下次經開會再黎食😊

約咗朋友喺新城市廣場食lunch，午餐時段都好多人，有些食店都要排隊，這店都較熱鬧，我哋想食蛋包飯，等咗一陣就有位喇。主餐牌上揀一個主菜或主食加$20就可以跟餐，有沙律有湯及飲品。我們點了兩個蛋包飯，一個咖哩汁，一個肉汁，大家share食。餐湯今日係忌廉湯，味道較淡。沙律有三個選擇，雞、煙三文魚及鴨胸， 我哋叫咗鴨胸沙律，落咗醋汁，酸酸地好醒胃。日式咖哩蛋包飯，咖哩汁真係好惹味，蛋非常滑也好香，形態賣相都非常吸引。肉汁燴牛肉蛋包飯，肉汁香濃，牛肉炆得好腍好入味，越食越好味。蛋包飯嘅飯係有味飯，份量非常夠，我哋咁肚餓都食唔曬。飲品升級加$20可以揀抹茶特飲，凍抹茶紅豆拿鐵及八女抹茶拿鐵，唔需要加糖漿，香濃抹茶味，好好飲，推介！

周末午飯時間在新城市，見人不多就進去了。不太餓，只點了自家製煙三文魚蕃茄意粉，沒有甜品。肥美厚切煙三文魚上有三文魚子，下墊新鮮沙律菜。意粉靱度適中，還有雜菇一起煮製，番茄汁有番茄肉，味道濃厚。份量對普通女性來說稍大。朋友分別吃大蝦野菌忌廉汁意粉、和牛漢堡扒佐芝士焗海鮮，都覺味道偏濃。但綜合服務和其他，大致滿意。

我是重口味加和風食物的愛好者。這店完全很合我口味。這次再點了明太子烏冬，吉列豬扒咖喱蛋飯，和南蠻炸雞。炸雞配上他們用的沙拉醬，真超級好食，又炸得剛剛好，食完覺得唔夠喉。而這店的明太子菜式，他們永遠不會嗇色明太子的份量，一太Pat的落在烏冬上，加上濃濃的忌廉汁，吃得過癮。咖哩飯很香，炒蛋很嫩滑，吉豬酥脆，多汁。會再去吃。

食日本野真係好適合打卡，因為佢哋個賣相通常唔會太差。Ufufu既芭菲出哂名好食，佢開嘅Cafe食物質素都好高。午餐時段優惠，任何主菜加$20包沙律、餐湯、咖啡或紅茶或者再追加$20試佢哋嘅抹茶同特濃咖啡系列又得。沙律有三種可以選擇，試過照燒雞肉沙律同今次嘅煙鴨胸沙律都好好味。餐湯麻麻哋，比較稀。Ufufu 三色丼 （香蔥碎吞拿魚丼、柚子味帶子丼、日式燒牛肉丼）只可以講句，每樣野都好新鮮。日式燒牛肉味道豐富，三個丼都好好食。和風鵝肝梅子意粉，鵝肝嘅油香加上酸酸地嘅梅子味道，出奇地同個意粉好夾。Good! 咖啡好香濃，非常唔錯。

同朋友行開沙田新城市廣場，見到有間好吸引嘅日式餐廳🤩入到去地方幾大幾闊落，位都幾多，坐得都幾舒服，好啱一班朋友坐低一邊傾計一邊食餐日本野。👍🏻👍🏻我叫咗個牛肉壽喜燒烏冬，湯汁非常濃郁，牛肉又鮮又嫰，配上一隻流心蛋嘅蛋黃，非常好味。廚師啱啱煮起就送上嚟，趁熱食嘅壽喜燒真係冇得彈🤤🤤朋友叫咗個白芝士咖喱炸雞讚崎烏冬，個汁非常之濃郁，咖喱同芝士味配搭得啱啱好非常之夾,加上滑滑彈牙嘅讚岐烏冬，真心推薦大家試下😇😇

我比較鍾意食呢間嘅蛋包飯係用茄汁炒嘅而且入邊有唔少料包括蘑菇就咁一個普通蛋包飯冇餡嘅就要70幾蚊如果想食飽啲加埋吉列豬扒就140幾蚊其實如果做午餐係相當貴嘅而且仲要+1咁變相食個午餐都要百六 百七咁佢另外都有啲壽喜燒鍋同埋日式加西式嘅意粉同埋魚生飯等等 選擇多一班朋友去食到大家有嘢啱食但係一般都幾多人等位同埋有用餐時間限制大約係個半鐘咁就會比較趕唔適合聚會雖然環境幾好但價錢貴要等位同埋坐得唔耐咁大家可以自己衡量一下啦

一個月內光顧了兩次，食物水準非常之好，而且有大量不同款式的甜品可以選擇，不過飲品menu不太吸引，所以兩次光顧都沒有點飲品。餐單上有很多日式和西式的選擇，很適合一班人的聚會！最喜愛嘅主食牛肉壽喜燒烏冬。

放假出去沙田行街就去醫肚見呢間唔係好多人排隊就入呢間食啦!1. 鹿意島和牛漢堡扒佐咖哩蛋包飯 $148用和牛整成既漢堡扒，肉質鮮嫩，肉味重而且完全唔乾身，唔會一食就散開奄列口感都幾滑，平均整到金黃色咖哩香甜亦唔膩賣相唔錯，整體覺得非常好，一流!2. 和風博多明太子意粉 $98初時以為好好味，但味道麻麻意粉偏硬，沒有吸收湯汁的味道而湯底過多非稠身如果將明太子同意粉伴完之後一齊食就會食唔出明太子原有既味道好似食緊清湯+意粉，向左走向右走既感覺

呢晚同老婆阿仔黎呢度食晚飯,我地黎過呢度好多次, 可能有廿次以上了, 每次都會叫2杯parfait,今晚大家都太飽, 只叫了1杯, 3人一起分享.我叫呢個, 次次都叫呢個. 牛肉好多, 軟淋又入味, 拌飯非常可口. 看似好簡單的一碗牛肉飯, 但自家製係做唔到呢種美味.老婆次次都叫呢個, 但今次阿仔話想試. 佢邊食邊話好味, 我都係, 我用呢d咖喱汁來拌我的牛肉飯吃. 我嘗不到芝士, 但咖喱就非常突出了, 有點似咖喱味薯片的那種香口惹味的味道. 炸雞有2件, 大件厚肉, 我打算幫手食, 但阿仔竟然食得晒.老婆讓左碗咖喱烏冬畀阿仔, 唯有改吃這個. 佢本身喜歡明太子的鹹辣, 送飯一流, 但她不喜歡這個烏冬, 拌忌廉不好吃, 而且上面的紫蘇葉太多了, 影響晒整碗烏冬的味道. 呢度d parfait全部都好好吃, 而呢個芒果及菠蘿的配搭, 係我地最喜愛的口味, 清新水果配搭雪糕及果凍, 誰會不愛吃.

又到沙田走走吃飯啦，找到這間像人氣不錯的L.D.K.日式店，點了牛肉烏東，牛肉燴飯。牛肉烏東的牛肉是肥牛片不太肥，可以；牛肉燴飯的是牛腩，不是牛肉，我個人就不太喜歡了！味道不接受，個咖喱汁還可以接受，但相對價格不太合理，可能貴租，但食物就一般。另看見甜品不錯，下次有機會才再試甜品。

通常有朋友嚟到沙田同我一齊行街，我都會建議同佢地一齊食依間日本西餐，用app 拎飛之後邊行邊等位。每一份主食應該好多女仔會食到好飽㗎，如果你想食甜品的話，建議可能兩個女仔點一份主食，再加兩飲品同埋一甜品。依間餐廳會有限時90分鐘，但好多時候我同朋友坐咗90分鐘都冇趕我地走，haha今次我叫咗一個芝士蛋包飯！呢度嘅蛋包飯絕對唔會令我失望嘅，但加飯加埋芝士味道好夾呀！另外都叫咗紅豆丸子綠茶latte，好好飲好好味！