L.D.K. by Ufufu Café (新城市廣場) (Closed)

食日本野真係好適合打卡，因為佢哋個賣相通常唔會太差。Ufufu既芭菲出哂名好食，佢開嘅Cafe食物質素都好高。午餐時段優惠，任何主菜加$20包沙律、餐湯、咖啡或紅茶或者再追加$20試佢哋嘅抹茶同特濃咖啡系列又得。沙律有三種可以選擇，試過照燒雞肉沙律同今次嘅煙鴨胸沙律都好好味。餐湯麻麻哋，比較稀。Ufufu 三色丼 （香蔥碎吞拿魚丼、柚子味帶子丼、日式燒牛肉丼）只可以講句，每樣野都好新鮮。日式燒牛肉味道豐富，三個丼都好好食。和風鵝肝梅子意粉，鵝肝嘅油香加上酸酸地嘅梅子味道，出奇地同個意粉好夾。Good! 咖啡好香濃，非常唔錯。