La Cobi Restaurant & Tapas (Closed)

今日一個人，唔知食咩好，突然間諗到好耐冇嚟食，又驚難有位，所以決定用開飯啦book枱，咁實會一定有位啦！食咗好多次，今次唔食牛唔食魚，今次食意粉！😂個名超級長到痺，唔寫低，要講返出嚟嘅話，肯定只會記得2隻字（意粉）！🤣個意粉都唔錯喎！不過好可惜嘅係……佢地做到28號，下星期要再嚟食多次至得！😭

午餐搵食貼士：整個午餐時段都仲有位，但係唔推薦去。跟同事一行三人食午餐，同事話好耐無食呢間，咁咪再嚟囉，上幾次食都好好地，點知今次嚟大失所望。訂位：我經openrice 訂位，女侍應打嚟確認時唔識讀我個名，於是就將唔識讀嘅字用個咩字代替，我已經打個突，即時同佢講我叫咩名，佢一句道歉都無!入座：唔使等，但係安排我地坐係一個好近門口的位置。環境：唔夠冷氣，結果我地要用私家電風扇。食物：同事叫咗個魚，佢食到一半同我地講，好彩我地無食，因為係唔新鮮的，啲肉係「梅」嘅。我同另一個同事叫肉丸意粉，肉丸唔油，意粉有咬口，夠多汁，本來唔錯的，但係啲辣肉腸就失色啦!我覺得好似食緊魚干仔咁，好硬，食完好攰!餐飲我地三個都叫朱古力，記得第一次嚟食，杯朱古力有cream 係面，仲要朱古力味超濃，今次再encore 啦！嘩，水嚟，朱古力色嘅水呀！一飲落去完全唔同晒。臨出門口，同事即刻話呢間可以除名，唔使放係搵食名單!

小館位於合和中心對面既一條小巷內，雖然餐館既門面並不特別顯眼，但餐廳內既裝潢同燈光別具氣氛，最後就決定試試。我哋被安排坐2人枱，我既位置正好望住吧枱位置。由於落單時侍應表明有數款菜式因更新餐牌而不再提供，我哋決定試試侍應介紹未於餐牌出現既爐魚及餐牌上有既西班牙田園蔬菜飯。田園蔬菜飯上枱時色香味俱全，海鮮飯既濕潤度剛好，本身用以調配海鮮飯既高湯不錯，跟不同蔬菜既味道頗為配合，沒想過呢個飯跟平常食既西班牙海鮮飯各有千秋。鱸魚上枱既時候雖沒有特別既裝飾，但用心烹調既魚皮被煎得金黃且香脆，肉質鮮嫩鮮甜。我哋兩個對兩道主菜都讚不絕口。

今日約左同事試食呢間ge lunch！前一日已經睇定餐牌，知道有得加$5要凍朱已經諗定今日一定要加！我覺得佢都個set都包幾多嘢，首先係個南瓜忌廉湯加蕃茄粒多士，個湯幾creamy但塊多士有d硬,但擺盤都靚ge!跟著就係主菜，我叫左48個月黑毛豬茄蓉意粉，我一心衝住黑毛豬而黎，自從上次去完美食博覽食完就鍾意左。我個同事話唔鍾意食茄蓉，我就好鍾意食蕃茄類ge嘢，酸酸味味咁。終於到主菜，碟意粉都好大碟下，不過如果有多d餸就好啦。我個同事都係嗌左茄蓉意粉，佢就風速食晒，俾佢嚇親我另一個同事就嗌左啡茹黑松露白汁意粉，我其實都好鍾意食白汁意粉但今次都係試左黑毛豬先。最後就係甜品牛奶布甸，超好食丫！我覺得成個餐最好食係個甜品！我食晒成杯！個底碟都好靚。仲有杯餐飲加$5可以叫朱古力，都幾好飲，而且加$5都幾抵通常西餐廳轉朱古力都要加$10下次再試下灣仔區其他餐廳先～

今日肥鴿約左主人係灣仔食晏，難得主人專登由新界走到過黎，當然係要食好少少啦！呢間西班牙餐廳開係春園街附近，位置唔算太起眼，午飯時間都唔係太多人。坐低望下餐牌，主菜有好幾款選擇，百零蚊既價錢包埋前菜，甜品同餐飲，都算唔錯啦 前菜係蕃茄湯配多士同沙律。西班牙氣候的適合蕃茄生長，部分城市更有蕃茄節的習俗。然而，今日既蕃茄湯明顯比較酸，唔岩肥鴿同主人既胃口 肥鴿叫既主菜係海鱸魚，配上黑松露忌廉汁。廚師將海鱸魚既表皮煎香，和肉質細膩既魚肉形成外脆內軟既感覺，非常好味 本身見到魚扒唔算好大塊就以為會唔飽，但原來食埋隔離既配菜都已經飽左8成 雖然食完前菜同主菜都已經幾飽，但肥鴿又點會錯過付送既甜品呢！今日既甜品係panna cotta, 上面加左一層微微燒過既焦糖，令到甜度更加明顯。擺盤既餐碟食彩繽紛，充滿西班牙風情 😌 灣仔係一個繁忙商業區，午膳時間周圍都人迫迫，可以少d人靜靜地傾計既地方唔多。呢間小店位置唔算好方便，但食物質素唔錯而且坐得舒適，推介比想趁午膳時間悠閒咁食飯既朋友

灣仔是一個包羅萬有的地方，小店又特別多；當然也良莠不齊。由於有午市套餐訂座優惠，決定一試高下。這兒的價錢屬於中價，過一百元一位，但已包頭盤，主菜，甜品和飲品；以西餐價錢來說絕對合理。餐牌每星期轉換一次，不斷送上新鮮感。脆脆的多士伴鮮蕃茄粒，兩款我的至愛一同享受，不亦樂乎。沙律如果加多一點黑醋汁，更醒胃。磨菇餐湯不是人人愛好，建議轉換一點大路又受歡迎的湯品。鴨胸經過兩小時低溫慢煮，雖然已熟透但還有少少血水。肉質有口感和彈性，但醬汁有點羶味。以午餐份量來說，絕對足夠。唯一改善之處是餐刀不夠鋒利。甜品絕對值得推介，又香又滑，意想不到竟然是蛋白布甸。

午間搵食貼士1200坐底，無訂座都有位，1245左右，仲有無booking 的客人可馬上安排入坐，突發想食個正午餐首選。雖然無訂座，但係都唔使等位。雖然位置較窄，但招呼不錯，跟同事坐咗個幾接近2個鐘都無黑面。食物份量充足，同事叫牛扒，我叫豬柳。牛扒份量十足，而且肉質鬆軟，實在喜出望外!豬柳份量不少，肉質鮮嫩，實在比得上一些高級餐廳。甜品為朱古力蛋糕，不過不失。飲品凍朱古力，大大杯，加上大量忌廉，飲完實在為下午的工作提供十足正能量!

因為搵地方食嘢真係好鬼煩，於是乎打開 openrice 揾下睇下啦！見到呢間餐廳，環境同食物都好似幾好咁喎！位置又唔算好遠，所以決定book定位去試下啦！去到之後發覺餐廳環境真係唔錯！食物方面又真係幾好，店員又好好喎！睇嚟就算下次得自己一個人去食都ok喎！依家openrice 迫人寫200字先至可以評分，真的有點兒過份！又長又冗邊個會睇吖～咪玩啦！

I booked via open rice, I order a set of slow heat pork with potatoes.    The most splendid thing is the soup  is good,  I can feel it is made by them.  The pork is good, slightly over-heated.  It is still good to eat.  The exciting item is the free snack - a small cake.  it is solved in my mouth.  I add five dollar to coffee.  It is better than normal coffee.    The whole set is HK$ 135 ( with 10% off by open rice).    

Perfect and cozy place for dinner. Tasty food and good service.  Will come back for sure.  Highly recommend!

上星期五晚同兩個sisters 去了這間餐廳, 好好味，好有西班牙feel，原本諗住Happy Hour 食少少嘢，點知食埋晚飯, Roasted sucking pig 皮脆肉嫩，Iberio Ham 😋😋😋, steamed clams 好鮮甜，Grilled squid 好香口。飲咗一瓶Prosecco.這裏很cozy, 下次去要預早定枱.

Food was great, just too bad that we were there late and all the meat dishes had sold out. Would visit again to try other dishes. Though it can be challenging trying to secure seats due to limited space.

Came here for dinner on a friday night. This place was busy! We got the last table of two! Quickly ordered drinks and food because both of us hardly ate anything all day, we were both starving. Drinks came pretty quickly. We sat there talking and drinking. The 48months ham came half an hour after we ordered. We expected the food would come one after one. Ham finished. We waited and waited. Nothing came. After sitting for an hour, all we had was a plate of cold cut. Food had been coming out of th

又係灣仔覓食喇，今日晏就食西餐，灣仔西餐應有盡有，要貴嘅有，平嘅就唔多啦，意外地比我發現依間唔錯嘅西餐廳，又唔洗加一，又唔洗同人迫，早一日打去訂位留枱就可以啦。店鋪裝修唔錯，侍應哥哥禮貌好好，野食又上得好快。首先我同朋友一人簡左一個set每個set有一小件麵包配自家制蕃茄醬，粒粒蕃茄，再配上酸酸地嘅汁，好開胃。然後就可以簡一個沙律或湯，我地各款簡一樣，咩都試下，值得一提係個磨菇湯，好香濃，好想飲完再加一碗。Main我地要左香煎帶子配忌廉蟹肉意粉同黑松露雞肉燴飯。香煎帶子比較好食，帶子煎得好香，意粉汁都唔錯。但黑松露飯就無咩黑松露味，味道較淡，我就一般般啦。最後，餐飲點左杯咖啡，埋單每人$120 有找，又唔洗加一，又食得飽，如果想食甜品，就可以加$20就有一個藍莓芝士蛋糕，因為今次有d飽，就無加到喇。

今日一早Book左榙同男朋友食生日飯❤️餐廳幾靚同有氣氛，可以靜靜地傾計食飯。最抵既係Happy Hour去到9pm👍🏻👍🏻除左叫酒平小小之外，推介大家食小食😋😋好好味同夠特別，唔同出面既炸薯條雞翼魷魚圈。仲有甜品，西班牙特色既朱古力條一定要試下，好煙韌。訂榙既時候講埋邊個生日就可以寫埋壽星既名，好貼心又唔使一定食生日蛋糕🎂☺️整體食物同環境都好好，物有所值🤗餐廳愈夜愈熱鬧，好多外國人會坐係出面，好似去左蘇豪區咁有氣氛🤣