Video
Telephone
21119294
Opening Hours
Mon - Fri
10:00 - 22:00
Sat - Sun
10:00 - 20:00
Above information is for reference only. Please check details with the restaurant.
La Famille青森蘋果吉士紅茶日本柚子榛果咖啡朱古力焦糖完熟香舊價錢💲: all $54好味程度😋: 4.4/5服務🍴: 4.2/5環境🗾: 4.4/5性價比🥢: 3.6/5回頭率😚: 4.2/5-La famille蛋糕大家都唔陌生🥰 我自己都買過同朋友慶生，貪佢細細個又靚😍 今次去左尖沙咀呢間新店，一口氣叫左4個😚佢地戚風蛋糕夠鬆軟濕潤，叉落去會回彈，就算我有2個第二日食都唔乾👍🏻 夾埋入面啲cream食好match😎-今次大推的係青森蘋果吉士紅茶！個蛋糕好有茶的味道，仲有小小茶葉碎😝 上面有小小好甜的蘋果粒同忌廉，最驚喜係食到入面有紅茶醬流心‼️‼️ creamy得來紅茶味好出，好好食😋-第二款中意係日本柚子，呢款就fresh d，個蛋糕入面有小小柚子皮碎，會食得出有柚子味🤪 面頭有小小莓去中和返啲甜。但入面個餡就係忌廉，所以比較單調🧐-第三款我就中意榛果咖啡朱古力。面頭的cream有咖啡同朱古力cream2隻味，所以一入口就食晒2款味🤩仲有一粒好大的朱古力球，脆脆地但就偏甜。如果係中意甜啲又中意朱古力的呢款就啱你！😀-最尾就係焦糖完熟香舊。呢個我覺得比較一般🤯蛋糕有小小蕉味，內餡亦都係cream為主，似食緊忌廉蛋糕。佢冇香蕉蓉個啲，所以蕉味唔濃。面頭的cream係焦糖味，仲有2粒brownie咁。所以整體我最鍾意最特別的係蘋果🍎
continue reading
［La Famille -母親節限定蛋糕］香芋椰子戚風蛋糕🎂蛋糕係由大甲芋頭同椰子製成，蛋糕有好多種層次第一層：椰子忌廉第二層：大甲芋頭忌廉+椰青肉第三層：椰子忌廉+麻薯第四層：香芋及椰子戚風蛋糕呢個蛋糕食落去有驚喜！小編本人並非太喜歡香芋及椰子味的東西但係試完呢個蛋糕之後覺得幾好食！呢兩個口味都幾夾🤩La Famille 嘅戚風蛋糕出咗名係鬆軟😋果然一試係名不虛傳👍🏻小編最喜歡係椰青肉食落去好有咬口😻麻薯都係～軟糯又有微拉絲嘅效果🤤成個蛋糕唔會太甜🤪啱啱好😛性價比唔算高，呢個蛋糕一磅三百幾，我食嗰個係一磅半要五百幾蚊😳不過一分錢一分貨😂試完覺得個五百幾蚊都值得嘅 因為係好食😋
continue reading
La Famille放假行開海港城見到新開蛋糕賣相靚， 尺寸適中得嚟價錢又唔貴，仲要好多選擇喎，即刻試試啦玫瑰蛋糕最令人矚目的就是上面的桃紅色玫瑰花, 淡淡天然花香, 食落都係好鬆瑰花味嘅戚風蛋糕配上香濃嘅忌廉, 不算太甜玫瑰整得都幾似，仲係食得咖！切開蛋糕亦有驚喜，中間充滿忌廉。英國伯爵茶伯爵茶味夠哂香濃，蛋糕上以迷你的朱古力味馬卡龍同藍莓，還有伯爵茶味做裝飾，北海道自家牧場鮮忌廉，特別軟綿幼滑很夾。玫瑰紅桑莓荔枝淡淡的玫瑰香，味道清淡士多啤梨和紅桑莓，切開中間是白色的忌廉。日本白桃食落真係有淡淡嘅白桃味, 而且唔會太甜.蛋糕上滿滿白桃肉好清甜, 整個蛋糕好清新都唔膩總體蛋糕味道顏色賣相都唔同， 好似藝術品咁，真係好吸引
continue reading
La Famille大部份食材都係黎自日本，包括採用北海道Nakazawa鮮忌廉、日本麵粉等高級食材，提供天然、健康既戚風蛋糕。所以專登去買黎試下！！呢度既Chiffon Cake 最正就係有細Size，兩個人share 就啱啱好，鍾意食甜品既自己食哂一個都無罪惡感！今次我就要左一個青森蘋果吉士紅茶戚風蛋糕同埋一個日本白桃蛋糕。青森蘋果吉士紅茶蛋糕鬆軟，不但充滿了紅茶香，而且非常的濕潤。中間吉士流心，加埋一齊食好滑。日本白桃白桃果肉清甜，口感清爽，啱哂夏天享用。蛋糕香濃，雖然有好多cream但不覺膩滯，表面亦鋪滿片片日本產白桃，軟滑清甜。
continue reading
成日行海港城都會見到呢間靚靚蛋糕店，但一直都冇機會試下。今日又黎行街，心血來潮就買左幾個返屋企😋————————🔸法國玫瑰 $54蛋糕好有空氣感，食落好鬆軟，濕潤度唔錯，唔會乾👍🏻d梅酸酸甜甜咁好開胃，食既時候仲有淡淡既玫瑰味，cream又唔會太甜，好好食！！評分：🌕🌕🌕🌕🌗-🔸桂香和梨 $54梨冇白桃咁甜，食落有梨沙沙地既口感，我鍾意呀！評分：🌕🌕🌕🌕🌑-🔸日本白桃 $60拎得太粗魯，返到屋企個蛋糕塌左少少，不過完全冇影響佢嘅味道。白桃感覺好新鮮，甜甜地但唔會甜到好似罐頭個d桃咁。唔知係咪錯覺，我覺得蛋糕入面d cream都有陣桃味，好正🥰評分：🌕🌕🌕🌕🌑
continue reading