La Kaffa (Closed)

以前呢個店名係專賣台式飲品嘅，及後競爭激烈，依家佢好似轉型變成cafe,於是黎試試跟餐有嘢飲，湯同埋甜品，先係湯，都幾creamy,正常cafe水準唔駛加錢都可以要台式奶茶（無珍珠嘅）,好飲得出係台式飲品果個茶底，算係小驚喜，以唔駛加錢黎講（不過會有人略嫌甜吧？）黑松露牛柳粒燴飯，等得比想像中耐，但係比想像中香同埋腍，牛柳粒雖唔夠細，但好足料。香草煙三文魚pizza,未算好大塊，但係邊勁脆，足料，有埋蘆筍，幾fresh最後甜品係個朱古力雪糕球，正常水準，咁樣先二百頭其實都幾ok

放假去咗住係馬鞍山迎海既朋友屋企玩，之後就落咗迎海薈商場行下睇下有咩食，商場雖然唔係好大規模不過就應該足以滿足住戶嘅需要，有兩間酒樓、5 間食肆、超市、屈臣氏、阿信屋、7-11、Starbucks、Salon 等等。見到呢間西式餐廳有全日早餐食，而且價錢又唔係好貴，所以就揀咗呢一間。黃金法式吐司 ($56) : 相當豐富，有兩塊薯餅、兩隻太陽蛋、兩條法式香腸、兩件黃金多士、沙律菜、茄汁豆。薯餅熱辣辣脆卜卜，黃金多士軟熟而且選用蜜糖代替糖醬，食落更滋味。煙熏三文魚牛油果醬吐司 ($48) : 爽口沙律菜伴碟，配上炸薯角同煙三文魚蕃茄三文治。三文治用上麥包製成相對健康，不過牛油果醬味道就唔太突出。不過呢間餐廳無凍檸茶叫有啲失望，所以就叫咗凍奶茶，奶茶係台式奶茶嚟，奶味比較重同較滑，不過茶味就不及港式奶茶。

We happened to visit our friends who lives in Double Cove and discovered that there’s a mall under the complex. The mall is quite comfortable with a lot of windows and not a lot of people. Therefore we decided to sit down and have a nice tea. The environment of this restaurant is quite cozy and spacious. There were 4 of us. We ordered one all day breakfast and two pancakes Look at this jumbo size all day breakfast! There were 2 eggs Benedict with ham, 2 french toasts, 2 sausages, 2 hash browns,

下午茶時段想食啲飽肚又甜嘅嘢，窩夫係不二之選！窩夫有兩個口味，一個係朱古力香蕉；一個係草莓，今次叫咗朱古力香蕉味！你都見到佢份量非常之大，總共有四塊窩夫 、兩個雪糕球（ 一球係雲呢拿味，另一球係朱古力味） 同埋起碼有一條嘅香蕉，最重要係佢配埋嘅係蜂蜜而唔係糖漿！賣相非常之討好，以五十幾蚊嚟講係超值！其實見到佢menu仲有好多好吸引嘅all day breakfast，見到隔離枱叫咗一份，非常之吸引，下次一定要叫埋！

#中意嘅請分享請點讚🍻----------😋黃金法式吐司 $56有蜂蜜法式吐司、煎雙蛋、辣肉腸、薯餅、茄汁豆。😋燒雞扒早餐 $76有烤雞扒、煎雙蛋、辣肉腸、流心芝士腸、薯餅、蘑菇、茄汁豆。薯餅炸到金黃色好鬆，外脆內軟。辣肉腸夠粗，有小小辣。雞扒皮煎得幾脆，雞肉仍然夠多汁嫩滑。每樣食材都有小小，食完真係幾飽。😋熱奶茶 叫套餐都送一杯熱飲，值得推介嘅係熱奶茶，佢夠香夠滑，而且係用紅茶葉沖，茶底夠濃。----------🔎La Kaffa🚩馬鞍山烏溪沙路8號迎海薈2樓4號舖🚩沙田第一城中心地下G93B號店舖🚩荃灣荃華街3號悅來坊地下G29-G30A號舖

上午去了馬鞍山工作，一直到2點，才發覺已經咁晏並很肚餓，便在附近商場醫肚。見到la Kaffa，一心想食下午茶，但要3點才開始供應，睇嚟睇去，結果挑了Benedict 。這間店舖設計簡潔，以旅遊為主題，座位寬敞舒適，侍仔也很有禮貌。餐牌選擇多，隨意影2頁作參考。我選的「經典班尼迪」是以火腿托著，加上鬆餅墊底，正合吾意，有很多班尼迪是用煙肉做底，我嫌略為肥膩。Benedict 上枱已覺有水準，樣子討好。先試沙律菜，很新鮮。它用柚子沙律汁，可以平衡香腸及炸薯餅的肥膩。旁邊有粟米，可隨意加落沙律菜或蛋上。😄班尼迪也有水準，半生熟蛋加上蛋黃醬，美味！這班尼迪可有兩種食法，只食蛋加火煺或一刀切到尾，連鬆餅一齊食，我喜歡後者。辣肉腸味道亦ok，只是微辣，肉質少少彈，腸皮脆口。👍🏻👍🏻👍🏻而最impress 我的是脆薯餅，新鮮炸好，㚈脆内軟，yummy yummy! 😋😋😋 咖啡也ok, 典型的美式咖啡，濃度恰當。整體來說，這個班尼迪是水凖之作，價錢也合理。

星期日瞓醒，出得街都3pm，決定一試la kaffa嘅all day breakfast!好彩人唔多，唔駛等即刻有位。一睇menu，估唔到個價錢係咁親民，$60幾就有交易，仲包埋野飲，出面呢個價錢應該只係食到半份我order咗個流心芝士西多士set，嘩！塊西多勁大塊，第一次食流心芝士西多，原來都幾好味，配埋糖漿，又咸又甜幾過癮。值得欣賞嘅係西多熱辣辣，加分！另有兩款腸、脆薯餅、粟米同沙律，夠晒富豐只係餐廳地點偏遠咗d，但以食物質素黎講，算不俗，值得一試

上星期，和好姊妹到這間Cafe吃下午茶，這間我10分喜歡，因為價錢10分相宜，而且材料10分豐盛，選擇又多，由飯、意粉、all day breakfast 也有, 加上Cafe的環境舒適，所以我們也很喜歡來這裏談天我們這次點了西多士早晨餐，價錢只是六十至七十，加上看到圖片時，也令我們感到震撼！因為這個餐的份量真是十分豐盛，足夠我們兩位女孩一起來分享。而西多士炸得香口，薯餅、肉腸也好吃。而我最喜歡的厚多士，在這次就沒有點上了！下一次一定要再來吃這些早晨全餐！

自從發現呢間西餐廳有西多士之後無論係早餐 或 tea time 總知想食西多士既時候就必定會到la kaffa法式多士唔似出面茶餐廳咁油淋淋 蛋可以揀炒滑蛋 或太陽蛋腸也可以轉款即磨咖啡需另外加錢 奶茶就是台式的奶茶題外話 店家有隻芝心吐司 但唔太岩本人口味

𝐓𝐫𝐮𝐥𝐲 𝐄𝐧𝐠𝐥𝐢𝐬𝐡 𝐚𝐥𝐥 𝐝𝐚𝐲 𝐛𝐫𝐞𝐚𝐤𝐟𝐚𝐬𝐭馬鞍山係美食沙漠⋯ 今次我就介紹沙漠中既綠洲比大家啦位於迎海薈既La Kaffa 係一個唔錯既推介𝐚𝐥𝐥 𝐝𝐚𝐲 𝐛𝐫𝐞𝐚𝐤𝐟𝐚𝐬𝐭 款式好多選擇今次我叫左個「燒雞扒早餐」𝘊𝘩𝘪𝘤𝘬𝘦𝘯 𝘢𝘯𝘥 𝘦𝘨𝘨 $78有燒雞扒，蛋，腸、磨菇，多士，薯餅⋯ 沙律菜仲有茄汁豆 因為我叫既食物比較普通，所以就唔逐一介紹！ 不過食物質素係唔錯架⋯ 而且員工都幾有禮貌👍🏻星期六日訓醒可以黎食個all day breakfast 🍳 飲杯咖啡⋯ 而且人流唔多⋯ 食飽仲可以向雲海方向行下⋯ 散散步⋯нave a relaх нolιday!!❤️下次我要試下火腿班尼迪先～

Relaxing All Day Breakfast 🍳 星期日去馬鞍山行山，出發之前食一個豐富嘅早餐，就好就腳係烏溪沙站嘅迎海商場食間專食all day brakfast的餐廳食Bruch我哋兩個人各叫左一set 1.Classic Egg Benedict $69⭐️⭐️⭐️⭐️⭐️➡️有兩個egg benedict , 2條辣肉腸，2塊薯餅，粟米粒杯，少量沙律🥗➡️Egg Benedict弄得太好了，水煮蛋太出色，一切開就流心用muffin 做飽底，好鬆軟配搭火腿和荷蘭醬，Yummy ➡️辣肉腸好好味,每一啖都有少少辣，好過普通腸仔2.Chessy French Toast $62 ⭐️⭐️⭐️➡️有1條短的司華力腸，1條流心芝士腸，2塊薯餅，粟米粒杯➡️一大塊Toast,分量超大，就是一個男仔都只可食到一半！➡️腸仔係普通嘅司華力腸，流心芝士腸沒有流心，無特別，跟普通腸無分別➡️粟米分量可以多一點，實在太小杯餐廳環境好好,天氣又好，望出去係花園平台，好岩假日同一班朋友來hea 下食個relax 的all day breakfast

本身好鐘意食 Egg Benedict 同 All Day Breakfast, 有朋友介紹話又平又正，今日就去左試下佢，呢間環境好開揚，坐得幾舒服，好期待既 Egg Benedict 黎到，賣相好靚，特別一提呢到用既係 Ham, 唔係 Bacon, 因為出面好多都用 Bacon, 本人唔食 Bacon,所以好多地方都無試到 蛋黃流心，合格面包唔會太硬，合格火腿唔會太咸，合格香腸本身係煙燻腸，可轉司華力腸同芝士流心腸，我就要左司華力腸，好食!! 仲有沙律菜同兩塊薯餅，好飽呀整體黎講我覺得算係好好食，唯一係沙律菜既醬無乜味! 朋友叫左個 All day breakfast 都係好大份，佢話有喺英國食既感覺呢個價錢我覺得好超值!! 出面好多又貴又唔好食，下次想食我都會黎番呢間!!

週六早上來到這家以all day breakfast出名的餐廳來試它的早餐。餐廳十點開始營業，我們大概10點45分到，等了約15分鐘才有位。因為顧客多，上菜速度也較慢。先上了餐飲，奶茶是台式，但凍奶茶加冰後完全冇味，反而熱奶茶可以勉強合格。唔知點解要熱咖啡都要另外加4蚊，我估成個香港可能得佢先會咁收費。我叫咗班尼蛋早餐。薯餅炸得幾松脆👍🏻腸仔偏咸且皮有些韌，班尼蛋做得幾成功👍🏻不過下面塊包同麥叔叔的一樣質素。一個早餐的內容相當豐富，食完後直到晚餐都完全唔覺肚餓，果然係all day breakfast 😄

閒日放工去食晚飯，估唔到人影都唔多個，成間餐廳只係得4枱。待應安排咗我地坐入去角落位，但係估唔到個位係有滴水，不過我地見冇滴中張枱，自己坐開少少就算個陣做緊啤酒買一送一，我地都叫咗2枝，不過味道就唔算好特別。apple cider比較酸睇一睇menu 好快就知道呢間餐廳主打All day breakfast，決定一黎就叫個最貴既黎食！一送到上枱，真係比佢個份量嚇親真係好豐富最滿意係個egg Benedict，2隻都整到啱啱好，同埋好中意佢個醬不過火腿食落覺太多油，薯餅就乾咗d相比之下，佢個海鮮意粉就細份好多，味道正常不過不失。眼見另一個主菜份量咁少，我地決定加多個小食，青口。不過味道令人失望，食唔出有忌廉/白汁，反而得好重既酒味，重過龍，食落好似有啲苦。個人認為，All day breakfast 可以一試！

今日早上心郁郁就再揸車去左馬鞍山迎海薈食早餐。上次食咗 A5 經典班尼迪，所以今次就試左另一個 A2 黃金法式吐司 (蜂蜜法式吐司、煎雙蛋、辣肉腸、薯餅、茄汁豆) 配凍紅茶。煎雙蛋可轉炒蛋，而茄汁豆就轉了牛油粟米，落完單後好快就有得食喇。賣相比煎雙蛋破壞哂，不過無他既最重要係味道 ; 炸西多士配上唔太甜既蜂蜜醬，食落感覺好清新 ; 雙蛋雖然煎得唔係咁靚仔，但勝起係燶邊太陽蛋，正。👍🏻 👍🏻 而薯餅 Keep 住都係咁好食。凍紅茶茶色晶凝通透，係無落糖既紅茶。