小王子甜品 (Closed)

很喜歡小王子這個作品，早前去外地旅行時還特地參觀了小王子博物館。得知大角咀果頭有小王子主題的甜點店，就特地去試下裡面裝修幾fancy！不過可惜當時我哋兩個人去就冇安排到卡位坐，冇得瘋狂同啲pops 影相Menu都幾多選擇，但係入面嗰啲甜品選擇就其實同小王子冇乜關係哈哈點左個焦糖燉蛋，心心碟上菜幾得意，不過個碟係好淺嘅所以其實份量唔係好多另外唔知食咩好就叫咗個朱古力心太軟兩個甜品都冇乜特別，味道也不是特別好食。

明明啱啱食完牛角晚間放題，叫到成枱都係肉，又飲野又飯咁飽到飛起。轉個頭都係要食甜品滿足下順便吹水。朋友率先搵到呢間，望落好特別。最近戲院做美女與野獸有枝好靚嘅玫瑰花，呢間餐廳門口都有，因為係以小王子嘅故事為主題嘅餐廳。好靚呀一行4人，甫坐下即叫waffle，要時間整嘛。叫左自製士多啤梨果醬窩夫配雪糕(1個朱古力，1個曲奇)，杯仔入面係maple syrup。士多啤梨好甜，果醬都好好味。仲有竹炭黑白芝麻窩夫配芋頭雪糕，芝麻好香，整件事好夾。最後係綠茶木糠布甸，由於唔鍾意個味道所以完全無記住叫咩名。

「如果你愛著一朵盛開在浩瀚星海裡的花，那麼，當你抬頭仰望繁星時，便會感到心滿意足。」小王子的故事，講的其實就像人生的故事。每一次的迷航，每一次的相遇，每一次的停留，每一次的離別，都是我們人生中的必經時刻。-花生醬朱古力窩夫配雪糕花生醬味道剛好 岩哂鐘意花生醬既你💕窩夫外脆內軟 配雪糕 半溶一啖過食😮就是幸福😚-香蕉船底下配有芒果味啫喱 食落又幾夾👍-第一次去個陣未裝修已經俾佢全黃色既店舖 用 #小王子 做主題吸引左入去天花板有小王子星球既吊飾 不過今次再去已經係兩年幾後既事 全店以黑色為主 不過幾有格調👍 只係王子味無以前咁重😞#一生人相遇會有好多人#再重聚既機會率係幾多%#若要遇見總會遇見-

有幾日假期，朋友們當然要約出黎見下面，飲下野。由於朋友遲大到，我唯有行下等佢。行到咁上下，見到呢間小王子甜品，就入去坐住等佢。難怪叫小王子甜品，入面好多擺設佈置都係同＂小王子＂有關，就連Meun都有唔少小王子嘅圖案。地方比一般甜品店要大，坐位都寬闊、舒服。可能係假日，入面都差不多都坐爆人，大多都係一班年青人。睇睇Meun，除左食甜品、糖水之前，仲有唔少款式小食同飲品。再望望其他人order嘅小食，份量比想像中大，方便一班朋友仔開心share。本身諗好叫Apple crumble，點知太受歡迎賣哂。我唯有叫芝士蛋糕拼雪糕。芝士蛋糕口味酸感重左一啲，而且比較甜，食多幾口就會有膩感。好在有香草味雪糕中和，可以減低膩感。下次再黎，一定要試試Apple crumble！

食完先寫食評,冇圖sorry今次叫左個榴槤奶凍配雲呢嗱雪榚首先講下個賣相,黃色柑桔味糖漿配紅色士多啤梨糖漿,加適量既星形同聖誕樹形糖,形成有少少童話feel既感覺然後講下個奶凍,榴槤味好重,仲有少少榴槤肉,好似食緊榴槤咁個雪榚真系好勁雲呢嗱味,雖然唔係好幼,但係算係食過之中最好食既

收工純粹想同同事或者朋友吹水唔食甘飽都會選擇近近地食個糖水小王子入面既佈置都有關於'小王子'既物品地方幾大 就算多人都唔會逼呢到除左食甜品飲糖水之餘 仲有薯條洋蔥圈既小食 所以如果唔想食甘飽但又怕糖水頂唔住都可以share食少少小食既呢到既甜品都係普普通通 唔係話特別好食反而小食方面較為討好小食既份量都較多 可能真係for share即叫即整 熱辣辣甘上檯 然後再點醬食 外脆內軟

自從搬左屋之後，好耐冇去過小王子食甜品。前幾日特登楂車去到大角咀食小王子。原來已經搬左去隔離。 鋪面係大左，但裝修完全唔同塞，一D都唔小王子。小王子係舊舖果時真係好好食⋯但宜家 味道麻麻又唔係話特別好食加價可以理解，但覺得唔值哩個價囉⋯新加嘅 是日推薦 都麻麻地，份量小又貴個樓面傳餸果時，一句聲都冇，直接懟個碟過黎，真係卑佢嚇親，服務真係差左。以前成日約埋班fd一起去食，宜家D質素差左甘多⋯以後都係轉另一間啦

因為我不嬲都好鐘意小王子 所以係小王子兩三年前岩岩開舖就已經去幫襯。初頭都覺得唔錯既，D野好食，價錢有少少貴，但係都可以接受。隔左大半年 早幾日再去，發現搬左去隔離，裝修係靚過以前。本身覺得已經搬去新舖會有多D野食，點知仲要少左！而且仲無以前咁好食，好似個Apple crumble，好多窿，底下好多油，個面又太過燶，食兩啖就唔想食啦！我老公叫左個炸香蕉 呢個味道就OK既 好大香蕉味 但係份量又唔係多 同個價錢好似唔成正比。其實之前都好鐘意呢間，有時會叫埋成班fd一齊來食，唔知點解依家質素差左咁多 而且價錢仲要貴左。真係好失望

成日都會去小王子hea要介紹返幾款我嘅大愛先um 排名不分先後次次一坐低 即刻要黎個朱古力窩夫 (左下)樣靚香噴噴不在話下 入面有半融朱古力再加埋d脆脆 認真係外超脆內超軟 本身有奶+醬 再提供埋蜂蜜就返唔同人口味坊間少見嘅誠意之作 (其實原味都唔錯 但係切開見到d朱古力漿係會更加吸引 胃口有限 我都唔想如果 人多就會嗌哂兩款share食 )至於夾咩雪糕 我又無乜所謂 唔搶味就ok綠茶心太軟(右下) 等耐dd都抵綠茶控寶寶實嗌 (雪糕都揀返綠茶)賣相一流 粒大星星好靚 相機食先！料又足喎 一劈開粒星 d綠茶漿會湧出黎有時會用黎點下窩夫 又係新食法仲有d十分"傑"紅豆 唔會好甜 又好咬口同埋 令我無阻力咁再嗌多個甜品 (好敗家...)香噴噴熱辣辣蘋果金寶+雲呢嗱雪糕 (左上)要讚下店員好細心 一定會提我地小心熱仲會擺好個陣 確保唔會有傻豬即刻辣親手(當然 心急食會辣親條豬脷……雪糕幫到你)好鍾意呢個配撘 酸甜度啱啱好 而且保溫犀利 冬夜必食秋冬要滋潤 桂花蘋果 (右上) 清甜帶微酸 仲好清香下 (食完覺得有仙氣)晚餐食過咩 頭先食左幾多甜品 都靠佢幫手好有解膩作用 咁一日就可以正式clo

今日放假，叫男朋友陪我去大角咀朝聖，上次食嗰個芝士窩夫勁回味....Oh！今日去到佢竟然話期間限定已經冇得賣😣當我心情跌到落谷底嘅時候，連杯玫瑰花茶都幫我唔到嘅時候， 有個哥哥仔介紹佢哋即將推出嘅紫薯窩夫，紫薯係我至愛，心情即時又失望變成興奮，嘩... 當我見到個窩夫咁鬼靚，我心情即刻好返曬，真係又靚好味呀， 星期五正式開始有得賣我要再嚟多次

甜窩夫食得多， 鹹味嘅窩夫第一次食😎呢個芝士窩夫真係有d驚喜，窩夫面上面個汁好似食緊芝士撈丁嗰個味道，正！諗唔出可以咁夾，雖然配香蕉麻麻地，不過仲有d雜果碎又幾好，下次一定要再encore

今日同朋友打邊爐打完之后差唔多8點見時間仲早我就話不如去食甜品（呢間我都差唔多3個月去1次）去到之后我朋友見到個侍應掛住睇電視唔係點理我地！我就話呢間野D服務係差D野食好食咪得囉！佢就問我有咩好食!我就推介佢食個oreo木糠我就食紅豆綠茶木糠!點知我食第一啖之後好似唔同咗冇之一D都唔滑同埋唔同咗味(唔知係咪抰咗綠茶粉）到我朋友個個都係唔同咗味同埋好鞋一D都唔滑！俾我朋友鬧死D野咁難食服務又差你推介俾我真係冇下次！!!

又是焗豬@小王子甜品店都有set lunch，上堂後放lunch,亂走見到門面很靚，一個人就自然入坐了。$ 46焗豬扒飯，香草芝士，我被少爺同化影響了，愈來愈愛茶餐廳食物，快捷又抵食。什麼拉絲紫薯tiffany blue，食物外貌呢種策略已吸引不到我。平實飽肚，汁就一般，不夠多同濃，有小小芝士，豬扒吃出是巴西豬，肉嫩無so味。包餐湯，是羅宋湯帶點辣，蕃茄味唔算太重，加有牛肉塊同煮。料有生菜紅蘿蔔洋蔥翠玉瓜等等。仲有熱菊花蜜，天氣冷又cough可滋補下，喝下也不會太死甜。

今晚同台灣的朋友食完晚餐，總覺得要食一食甜品先夠完滿，黎到大角咀就想起小王子，裝修舒服，主題當然是圍繞小王子啦！款款都好吸引，不過剛食完正餐，都係唔好食d太heavy嘅！揀左呢款Oreo朱古力脆脆木糠配朱古力雪糕，超有驚喜！好有水準，鍾意距唔太甜，只食一啖都覺得齒頰留香，留下清清的creamy同朱古力Oreo味！又唔會太膩，好正好好味！芒果流心奶凍配芒果蛋糕，奶凍好香滑👍🏻傳統糖水川貝桂花燉蘋果就完全失色了😢，真係超一般！只有「糖水」味😢

Oreo朱古力木槺$42呢個係同行幾位都一致覺得好食，造型固然可愛 冇木槺嗰種乾口。中間嘅cream好滑好好食，成舊野 唔會太甜！尤其我係oreo控！焦糖醬香蕉窩夫配雪糕$45原味窩夫口感鬆軟，唔會硬掘掘，就唔算話脆口 配焦糖醬好香，但又唔會過甜。佢地嘅仲有朱古力味嘅窩夫，見評語唔錯。第一次黎食，比想像中好。地方又夠大，不過咁少小王子裝飾，叫小王子甜品會唔會有少少隔硬？！