小王子甜品 (Closed)

因為我不嬲都好鐘意小王子 所以係小王子兩三年前岩岩開舖就已經去幫襯。初頭都覺得唔錯既，D野好食，價錢有少少貴，但係都可以接受。隔左大半年 早幾日再去，發現搬左去隔離，裝修係靚過以前。本身覺得已經搬去新舖會有多D野食，點知仲要少左！而且仲無以前咁好食，好似個Apple crumble，好多窿，底下好多油，個面又太過燶，食兩啖就唔想食啦！我老公叫左個炸香蕉 呢個味道就OK既 好大香蕉味 但係份量又唔係多 同個價錢好似唔成正比。其實之前都好鐘意呢間，有時會叫埋成班fd一齊來食，唔知點解依家質素差左咁多 而且價錢仲要貴左。真係好失望