小王子甜品 (Closed)

收左工係公司附近食飯, 食完飯要食個甜品先經過小王子, 見到幾多傓試下啦叫左個鮮果朱古力窩夫同埋香蕉船鮮果朱古力窩夫配左朱古力雪糕, 好好味,窩夫好脆, 加埋蜜糖出奇好味芒果船 - 2球雪糕再加芒果肉, 椰果等, 好豐富, 味道都好好下次可以試其他野 

6點幾舖頭裡面一個客人都冇...真係好, 平時宵夜時間勁多人等位...order左oreo木康布丁($38)同埋芒果桂花凍($32)oreo木康布丁d粉真係好幼細, 所以食落口唔會痴住係喉嚨度係咁咳...係有d甜, 但係oreo既味就係咁架啦...同埋口感好綿滑...好似mousse咁滑, 真係好好食, 份量岩岩好呀唔會食到太膩...芒果桂花凍係俾佢係menu既賣相吸引到, 當然真人同上鏡一樣咁吸引啦...桂花jelly包住大大條芒果, 真係好足料...桂花jelly好香, 唔會太甜...同埋口感好滑好Q, 包住大大條芒果肉, 真係好足料...芒果都算甜...同埋厚肉...所以呢兩款甜品我都大大推介...價錢又夠合理呀~~點算好...小王子幫襯左好多次, 次次都好好食, 差唔多款款都食過哂..希望小王子可以再研究新產品俾我呢個熟客多D驚喜啦...

屋企附近的小王子，最中意就係同朋友係附近打完邊爐再黎食甜品。店內的窩夫味，好香，雖然要等，我都忍唔住點左一份「雜果原味窩夫」，外層香脆厚實，可說是外脆內軟，配上蜜糖，小量水果及自選雪糕，正！而且份量都好夠！「 Bailey奶凍配紫米 」，香濃的bailey配上，香濃滑溜的奶凍及有咬口的紫米。其他甜品既賣相都好吸引，一定會再黎，試下其他野

因為係屋企附近 所以經常來食 但係今次第一次寫食評。來過咁多次每次都好想試下佢唔同既甜品，但係最後自己都會叫返waffle😓因為真係好好味!! 同出面唔同既係waffle比較扁身，同埋較脆，入面鬆軟。waffle加雪糕真係好好味! 雖然生果無咩特別，但係裝飾每次都好用心。我以前每次都食朱古力味waffle以為係最好味，點知有次叫左個原味先發覺仲好味過朱古力味！原來朱古力會有少少燒焦味，但原味完全無！搞到我以為燒焦係正常內部裝潢都好用心，每次食完都心情愉快☺️

在辛苦工作一輪下, 吃甜品絶對是減壓的方法 ; 在鬱悶時,又會自自然然又想吃甜品。我這個甜品控自然覺得「吃甜品」是正餐之後不可缺少的事。明明吃到很飽, 但朋友說去吃甜品, 甜品胃又可以即刻開動。特別愛甜品,因為吃甜品使人心情開朗, 提升快樂正能量, 雖然都怕肥, 減肥是長期的作戰, 就當是辛苦工作給自己的一種獎勵吧!甜品店的陳設, 彷如置身童話世界位於大角咀區杉樹街的『小王子甜品』, 以法國童話作品《小王子》作為主題, 甜品店內有很多與這主題相關的陳設, 如書籍﹑畫冊﹑杯碟等;牆上的鐘﹑桌椅﹑銀色星星吊燈等亦很有置身童話世界的感覺。《小王子》雖然是童話故事, 但其實是一個很有意思的故事, 領略作者所帶出的背後訊息,人最珍貴就是單純。以故事中的角色「驕傲的玫瑰花」作裝飾至於甜品方面亦很有特色和心思, 種類也不少, 提供奶凍﹑窩夫﹑心太軟等西式甜品。荔枝葡萄園 Prince garden (white wine jelly and fresh grapes with lychee smoothie) $42...... 這個甜品包括有白酒啫喱, 紅提子和綠提子, 再有一小杯荔枝味的沙冰,非

一走進小王子甜品屋，四周的設計實在太吸引了，小王子擺設盡入眼簾，看得出店主花了不少心思，就連餐牌都有小王子的足跡，設計十分美觀。朱古力心太軟配雲尼拿雪糕:味道不錯，是新鮮焗起的，流心程度也屬中上，朱古力略甜，而雲尼拿雪糕只屬一般味道，不算濃滑。

是夜走過大角咀橫街 想吃一點甜食 就到此店當時非常多人等候點了綠茶心太軟和焦糖布丁綠茶心太軟覺得綠茶漿偏多 但微甜朱古力雪糕 出奇地內裡有脆脆 十分好吃焦糖布丁 如果焦糖再多一點會更好 蛋也很滑兩款甜點的裝飾也很好

大角咀成為我最近嘅開飯熱點,食完飯要整返個甜品先夠滿足.search open rice見哩間係無喊嫁,當然要嚟試下啦! 大家都推薦窩夫,所以叫左個什果原味窩夫. 哩到嘅窩夫唔係台灣排隊店個隻咁厚實,佢係外層好脆,入面軟軟的.窩夫有三塊,配上甜甜地嘅蜜糖,生果,雪糕,好味道! 雪糕左cookies&cream,雪糕好大球.不過d什果少左d,而且切得太細粒.另外叫左綠茶心太軟配綠茶雪糕. 等左十分鐘終於有得食.佢個賣相已經贏哂,伴碟好靚,個心太軟係心型. 一切開,綠茶漿流出嚟,出煙添.我係鐘意好濃綠茶味,苦苦地嘅味道,雖然哩款唔係好濃綠茶味,但都不錯,甜度亦適中.熱辣辣嘅心太軟加上凍冰冰嘅雪糕,兩種温度係口入面,感覺好爽.可惜嘅係士多啤梨酸左d.個心太軟size比平時食開圓柱形嘅大,所以兩個人share食會好d.

朋友推介下，特登黎小王子試試龍與鳳，試左3個甜品，第一個係綠茶心太軟配綠茶雪糕，果然正皮薄多汁，好濃郁既搽茶醬，推介第二個甜品係花生醬朱古力窩夫，窩夫又係要推介既甜品，外"趣"內軟,—流第三個係Bailey奶凍配紫米，呢個就普普通通

當日晚飯後朋友專程接載我同男友去游車河，中途想食糖水誤打誤撞走左去大角咀既 小王子甜品。雙腳仍未踏入店裏，裝潢已經舒服得讓人想就這樣躺下睡一睡~ 驚喜的是這個比較舊區的小巷竟然有一間如斯精致的甜品店！餐牌上有許多特色甜品，我選了好久最後叫了一份 荔枝葡萄園。店員未曾介紹應該如何享用，起初一羹葡萄+jelly，一羹荔枝沙冰... 正確食用方法應該要把荔枝沙冰先混進葡萄白酒jelly的杯子裏。葡萄很新鮮，荔枝沙冰夠冰甜，可是原來這份甜品的jelly是以白酒一起做成的，白酒jelly越吃到底濃得令人有點難接受。也許白酒混入jelly的成份減輕一點會比較理想呢！男友不太愛甜點，所以叫了一個 花奶涼粉。份量不少，但相對地這個製作沒難度成本低的涼粉，價錢都頗貴。友人叫的甜品名字好長：新鮮士多啤梨醤原味奶凍配云呢拿雪糕，這個甜品名字長得要用電話記事簿記錄下來。聽友人描述，這個甜品好好味，奶凍跟士多啤梨配合得天衣無縫，醬料也包含了士多啤梨碎粒，最頂還有云呢拿雪糕令這客甜品更富牛奶味，下次一定要試試呢！

大角咀呢間甜品舖好多人都話個窩芙好好味，所以黎食下，我ge 係香蕉肉桂朱古力，朋友ge 係士多啤利，我覺得士多啤梨好食好多，因為個汁同雪糕好match，不過我呢個都不錯，窩芙外脆內軟，好好味，不過一個人食有d 飽

個窝夫無論係原味定朱古力味都好好食 切落去個下有清脆嘅聲音 終於都塭到我心目中想食嘅個種口感👍另外 杯桂花茶同玫瑰花茶都好清甜👍因為係落雨天加上晚飯時間 去到嘅時間店裡面無咩人 而且店裡面嘅主色係糖果色 加上坐沙發 所以整體嚟講都覺得好舒服 食物又正！不過可惜無食到心太軟 下次再去一定會試下

同朋友食完飯之後，食甜品……..係理所當然。每次到大角咀吃飯後，我地都會黎＂小王子＂食甜品。因為等候時間不算長，佢既裝修以小王子做主題，令人有一種舒服既感覺。首先握介呢個，其實咁既配搭唔會唔好食，最緊要係個窩夫會唔會太淋或者太脆。Order左無幾耐已經有得食啦!!!!一見到個waffle已經睇得出有heart….一d都唔求其!!!朱古力窩夫有朱古力味係好重要，呢個係有朱古力味架!!!!!!!!雖然外層唔係話好脆….但都好好味，因為我自己唔係太鐘意食太脆。另外我地都ORDER左一個什果原味WAFFLE。有新鮮什果碎粒，配有蛋味既WAFFLE，都係好好食！雖然我地好飽，不過都食得曬！

大角咀向來都是小食店密集的地區, 原來除了埃華街, 杉樹街也有很多特色小店, 因為自己本身是小王子的 "粉絲", 所以特意和朋友前來光顧。大約晚上八時半, 店內已經坐滿, 只剩下中央的一張小椅桌, 坐下不久靠牆的一台食客離開, 朋友建議轉換位置, 因為近這個月我丽腰背有部分骨裂, 適宜坐有舒服椅背的椅子。其中兩名店員聽到後, 一位女店員連忙替我們執拾椅桌, 另一位男店員還替我把我的背包以及小物搬去新桌, 甫坐下還說了一聲, "慢慢, 別急 ! " , 真的由衷的感謝你們誠懇而驚喜的服務態度甜點方面, 點了一客蜜糖朱古力窩夫伴肉桂香蕉片配曲奇味雪糕和一客綠茶心太軟配綠茶雪糕, 兩者都超乎水準, 是我吃過最棒的窩夫和心太軟呢!"What is essential is invisible to the eye" - Le Petite Prince這間鋪做到了, 不止食物賣相精緻, 食品水準也頗高, 兼且員工服務態度優秀, 值得推介!

Used to have dessert on ivy street but deduced to walk to the other side of TKT. Found this dessert shop with warm atmosphere and nice people. We first said at the sofa area but soon more customers are coming so we moved to the small tables. The staff was feeling bad for asking us to leave the sofa so given us an extra scoop of ice cream. We ordered a set of banana waffles, mango pomelo drink and a hot osmanthus tea. The waffle was nicely decorated, with dried grapes, nuts and Chico puffs. The w