小王子甜品 (Closed)

To be honest, I'm not a sweet tooth nor have a great appetite for Chinese desserts such as herbal grass jelly, durain with lychee jelly or black seseme mochi. La Petit Prince is different with it's Western Asian fusion creating the more decorative maccha souffle served or waffles served with green tea ice cream. Being a traditionalist, I always go with a rather simple waffles served with fresh banana slices and vanilla ice cream.La Petit Prince serves up one of the best waffles this side of Mong

自問本人真系一個甜品發燒友黎既但由於工作關系 好小時間可以坐底食下甜品今次寫食評 系因為尼間甜品店 真系好好食 所以我都忍吾住要寫食評黎讚下以同區尼講 小王子甜品真系數一數二架個日行完奧海城 心郁郁就黎左尼到食甜品一入到去 就見到好多小王子童話故事既擺設真系好有童話故事既感覺haha野食方面我本人就好中意食心太軟所以就叫佐尼到既心太軟佢地既心太軟系用法國牌子既朱古力吾會太甜 堅系好食既 心太軟愛好者必試之選個日重叫佐個炸雪糕炸雪糕上枱既時候 會淋少少酒 點火勁令 總結黎講 尼間甜品店 真系可以令人一試回味價錢公道  有機會 一定再黎

食過呢間糖水店幾次，都覺得keep 到水準之餘不時有驚喜環境同店名一樣小王子主題，會見到唔少小王子珍藏同星球玫瑰，甜品賣樣絕不馬虎，而且算有好多榴槤甜品選擇 推介榴槤奶凍，每次去到必叫，有榴槤肉係入面嫁 另一推介綠茶心太軟，唔太甜，綠茶fans 一定鍾意，但略嫌份量太大榴槤焦糖燉蛋，都好重榴槤味咖啡沙冰榴槤冰，好一般

係大角咀黎講、食過咁多間甜品店、呢間都係最好食。不過價錢俾其他貴少少、但真係好好食lo。裝修設計全部都係小王子、入到去你會覺得好舒服。今次已經係第二次食小王子，第一次食芒果流心奶凍* 奶凍夠滑、加埋流心既芒果醬正！第二次食抹茶心太軟* 獨特！出面多數都係朱古力、好少會有抹茶味、入面係抹茶朱古力醬、唔太甜、感覺特別。（睇耐左d醬覺得自己食緊異形血或者係d雜茶醬哈）

食完晚餐緊係去食甜品啦！旺角到到都係人！所以去左大角咀食小王子。店內裝修幾好、放左好多關於小王子的東西叫左個心太軟心太軟冷熱對比做得未夠好，我好鐘意入面d朱古力，我就係鐘意佢少少苦！唔會甜到死。佢仲有個雪糕跟，佢地的雪糕真係好用心、唔會係得個甜字的雪球、佢地的雪糕有咬口！比得上Haagen-Dazs我覺得價錢唔高品質又好、一定要去食下。

聖誕節又到，廿号已經放假，咁就周圍食吓嘢。搜尋到小王子甜品唔錯，於是特登行去試吓。地點有點難揾，唔係喺旺嗰邊，而係喺油站嗰邊。由於係下午茶時段，人唔多，我地一行二人，坐半圓sofa 位。甜品選擇多，要咗個心太軟配朱古力雪糕同紅豆綠茶waffle配綠茶雪糕。心太軟配朱古力雪糕，賣相可愛。心太軟不太甜，香濃朱古力味，配埋凍冰冰嘅雪糕真係好正！紅豆綠茶waffle配綠茶雪糕紅豆份量好多，又軟又甜，綠茶窩夫好香脆，但綠茶雪糕較失色，無綠茶味又多碎冰。環境舒適，佈置簡約。

店舖以小王子為主題，裝修充滿童話氣氛。蜂蜜玉桂香蕉窩夫 $36(好食指數:6.5/10)窩夫比較多人叫，食落不過不失，雖然未至於係厚粉嗰款，但唔夠鬆軟，表面亦唔夠脆。配搭香蕉及曲奇味雪糕，平衡一下膩既感覺。荔枝葡萄園 $42(好食指數:7/10)呢個甜品較為特別，側邊係荔枝冰，大杯既係帶少少酒味既啫哩，上面舖滿紅提子及青提子。可以先試試香檳味既啫喱，不會太苦澀。再倒荔枝冰將味道混和，啫喱與冰一齊食， 反有些少甜味。

今日下午係開飯啦排行榜見到呢間鋪覺得喜歡小王子的友人會喜歡所以就即刻約出黎試係門口見到兩個哥哥仔係門外食煙有啲壞風景(第二張凳上係煙灰盅)入到裡面右面係三張半圓形卡位左邊係單邊沙發中間係圓凳仔位餐牌六頁滿滿好多選擇問完侍應哥哥意見揀左兩個含酒精嘅甜品首先係葡萄荔枝園先上青紅葡萄下係白酒啫喱右邊係荔枝雪芭從來未食果有酒嘅啫喱呢個配搭真係好新鮮將雪芭倒入玻璃杯後開始試吃雪芭好有荔枝味但完全唔會過甜混入葡萄食令個酸味減半當然啲切半去核提子一啲都唔酸個白酒啫喱絕不欺場哥哥都話酒量唔好，食完會醉整杯甜品配搭得很好，值得食其實炸雪糕嘅酒只係來自倒燒著嘅酒上雪糕做效果果下如果俾小朋友食，可以唔加酒三個味：朱古力，云呢嗱，芒果朱古力甜，芒果果味濃，云呢嗱同個炸皮最襯當然三球都有啲酒香啦點行：我同友人今日係由太子站行太子道，塘尾道轉左松樹街轉右入埃華街杉樹街轉左行兩步就見到小王子全個腳程15分鐘左右

一本由貴族的作家、飛行員及詩人將他的遭遇寫成的＜La Petit Prince＞，在下沒有閱讀過，但從網上得悉這本書看似是童話書，內容充滿了哲學，並且是作者的遭遇而寫成。在大角咀裡，有間新開的小王子甜品，於是晚飯後便走進來吃一個甜品。走進店內，就覺得有點童話的氣息，而且顏色鮮艷奪目。再細閱餐牌內容，主打西式甜品。朱古力心太軟配朱古力雪糕是今晚的甜品，心太軟是在下一直都想試的甜品之一。當切開後，朱古力漿較濃稠，慢慢的流出，苦味中也有一點甜味，朱古力雪糕也是苦中帶絲絲的甜味。餐廳確實是很 Colourful 兼且是主題甜品店，服務也好好呢！

你喜歡《小王子》嗎？你看過《小王子》嗎？我就很喜歡他了 。這本由法國貴族作家、詩人及飛行員先驅聖埃克蘇佩里寫成的經典童話故事書，充滿哲理，是本既有趣又耐讀的非一般童話書。當中的主角小王子，更是造型突出，可愛得很 。最近在大角咀杉樹街這條食店林立，就連甜品店也有「甜嫂」和「豬仔糖水」這兩間實力不弱的店子的街道上，就進駐了一間以「小王子」為店名，店內帶有不少童話色彩，並且以與小王子有關的物品為裝飾的甜品店 。這天在附近晚飯過後，意猶未盡，正好漫步前來這間「小王子甜品」，一試這間新店子的甜品。店子主打是各款西式甜品，在眾多吸引的選擇中，兩夫妻各自叫來自己喜歡的甜品，我的心水是 「Oreo朱古力脆脆木糠」，老婆仔呢？則是「朱古力心太軟配雲尼拿雪糕」。兩款甜品的賣相都十分漂亮 。我的「Oreo朱古力脆脆木糠」出落得猶如一朵花一般，煞是美麗 。中間的木糠蛋糕，啡黃相間，上面淋上少許朱古力醬，還散佈著彷如黑珍珠般的多粒朱古力脆米。而在木糠蛋糕的周邊以朱古力醬畫成的朱古力花瓣，更使這蛋糕顯得更似一朵朱古力色的嬌花。至於味道方面，Oreo 加上朱古力製作的木糠蛋糕，又怎會不甜？怎會

basically I have tried most of the desert in tai kok tsui. This  little prince is  newly open I ordered two deserts. They are very delicious and price are reasonable. Elderflower jelly with Ice creamanother one is grape, champagne jelly (or white wine jelly I forgot) with lychee smoothiestaste super delicious!!!i like the texture of the elderflower jelly!! Very chewy and rich !!! I pour the lychee smoothies onto the champagne jelly. They just match perfectly well!!!worth to try this desert !!! 

同男朋友係附近食完油渣麵，仲未想返屋企，之後就搵下有咩地方可以hea，本來想去同一條街另一間甜品鋪，不過見到呢間小王小好似幾靚幾光猛，就試下你先一入到去，選擇有十分多，揀左成十分鐘都心大心細唔知食咩好，卒之就點左個有晒三樣野既拚盆啦，真係滿足晒三個願望。。。心太軟--失左手，朱古力醬已經係底到流晒出來，不過味道是可以的，都夠濃味又唔會太甜芒果流心布甸--一拮落去就有芒果汁必出來，有誠意之作。不過果醬應該似係現成買，而唔係自己打既朱古力木糠布甸--男朋友話最好食，因為佢唔食芒果，又唔鐘意食太“流“既野，呢個布甸就岩晒佢，朱古力味夠又唔會太creamy總括黎講，98有晒三樣野食，坐得又舒服，我覺得抵既！同埋選擇真係幾多同有d都幾特別，下次一定要再去試下窩夫，因為見到隔離檯個碟好似幾正咁

知道附近有一間新開的甜品店一向愛吃的我當然要嘗一下....一進店裏就有很香窩夫味撲鼻而來 這裡的環境優美 當中也有小王子的擺設 我們一行3人叫了水果雪糕窩夫, ,薑汁梳乎厘 ,兩個下午茶套餐:朱古力香蕉雪糕厚多士配熱朱古力和蜂蜜玉桂香蕉窩夫配熱朱古力 雪糕選擇不多 只有兩種味道:朱古力和雲呢拿 熱朱古力的味道很淡淡得好像將一杯既分量分成兩杯一樣..... 不說也不知道自己在喝朱古力 薑汁梳乎厘$38即叫即製的但其實沒甚麼特別就薑味很重 甚至有點薑的辣 蜂蜜玉桂香蕉窩夫配熱朱古力$25很香肉桂味但蜂蜜太少了窩夫外脆內軟而熱哄哄~配上雪糕 一口熱一口凍的 真的好爽~~~整個窩夫味道不錯 個人認為香蕉和朱古力是絕配(大笑) 下午茶餐的分量相對正常窩夫(下圖)的分量少但$25....值了至於朱古力香蕉雪糕厚多士...我嘗了一口多士 很脆但不得不說窩夫好吃很多

大約個零月前係FB見個fd share咗d相出嚟推介呢間甜品店，講到抵食又好食咁吸引，真係要會一會呢個大角咀小王子！當日OT到6點幾，時間唔湯唔水咁，醒起一直未試呢間嘢，於是叫埋幾個fd一齊去試兼吹吓水！我哋3人各自柯打咗雜果窩夫，榴槤奶凍同朱古力心太軟！食食吓，有個四眼仔埋嚟問我哋有無興趣試吓佢哋試業期間限售嘅抹茶心太軟（餐牌無呢款㗎！），由於我對綠茶係有特別偏好嘅，而且又唔係太貴（好似係$58），而且我未聽過其他甜品店有呢個口味，個fd又話想試，咪柯打埋一齊share囉！真係唔試由自何，一食就上癮，雖然味道略甜，但綠茶味濃，外層仲有少少脆，食完一啖之後，個陣綠茶味仲留係口度，勁回味！我堅like，不過可惜我哋心急掛住食而忘記影相，低能咗！其實第一round柯打嘅朱古力心太軟都好正，唔輸蝕得過我頭號至愛個間大埔墟廣福道「心泰遠」嘅招牌心太軟㗎！雜果窩夫都好正，個窩夫入口時雖然唔係熱辣辣，但仲係脆口個吓特別，我個fd仲食到清埋碟，有d誇！生平至憎榴槤味，所以我無試榴槤奶凍，雖然我聞唔到個陣至惡毒嘅煤氣味，但我fd話食落好有味兼有榴槤肉，唔知係咪真係咁正呢？最後係唯一食唔晒嘅雜果涼粉，我

琴日係我同老公嘅周年紀念 ，我地去左奧海城行街同食飯 ，係bene pizza+pasta食完晚餐之後覺得仲係爭左小小嘢，就上左openrice睇附近的餐廳 見杉樹街有幾間甜品店 於是決定過去睇下 眼見小王子甜品間野最企理同話試業中 所以就入左去試試 下次一定再去食仲有好多野好想試 😆